稻八日式火鍋炸物放題 (已結業)

朋友們聚會我地最鐘意就係打邊爐，朋友介紹食呢間火鍋放題，作為新界人當然舉腳贊成，我地揀左$298既餐，兩小時任飲任食，一開始就有個澳洲M6和牛盛盒，盛盒入面包括牛舌、牛肩胛肉、和牛胸肉同埋和牛下腹腩。湯底我地揀左個好夠味既蕃茄濃湯，另外套餐仲包括和牛粒、金錢展、手切牛、豬肉片、羊肉片同埋雞肉，而海鮮盒亦都好豐富，有蠔、青口、墨魚仔、扇貝、蟹棒同象拔蚌。打邊爐之前當然要食刺身先啦，我地叫左大北寄貝、劍魚、象拔蚌、三文魚、油甘魚、甜蝦、櫻花魷魚同帶子。刺身好新鮮，我個人最鐘意係帶子同甜蝦，因為夠大隻同鮮甜，我地前後order左兩次。食完刺身就開始親手整天婦羅啦，本身已經一串串，只要跟住指示做就得，我整左蝦同秋葵，好好食又好得意，我都係第一次咁樣自己整黎食，我覺得呢個好有創意。食完一輪後就開始打邊爐啦，我個人最鐘意食牛肩胛，唔肥唔瘦，食落口感唔錯，好有牛味; 而個海鮮盒我就最鐘意食墨魚仔，因為好爽脆彈牙，好好食。食到咁上下，可以自己再出去拎其他配料同小食，講真，選擇都唔少，食唔晒咁多，已經食到好飽，當然要食埋甜品啦，有個雪櫃放左好多雪米糍同雪條係任食，而門口個雪櫃入面既Dreyers、Häa

阿女平時好唔鍾意食肉，唯獨食牛涮鍋就會狂食，今晚又去滿足下大小姐的胃口，當然老公一向都係任何放題的fans,而信信小鮮肉亦是開始有食力的新力軍！ 不枉我遠赴大埔食呢間稻八，好食又抵食！佢有$158-$368六個不同價錢的選擇，當然價錢越貴可選的食物越多！ 我們就揀左$298餐，有澳洲M6和牛、海鮮盛盒、刺身、美國安格斯牛小排、牛肉、羊肉、雞肉、炸物等，120分鐘任食仲包沙律吧、任飲和雪糕，所以絕對係挑戰眼闊肚窄的極限！！ 同埋，佢仲有一樣好抵既係，小童及長者只收半價！平時既放題都唔會平到半價咁平，所以對於帶小朋友既人黎講，又可以慳番一截啦！就算唔係半價，佢都有早食/夜食優惠，85折呀！時間啱的話都慳唔少架！ 揀左餐之後就是揀湯底，standard都有8款，但見另外個牌有兩款特別湯底：冬陰功毛蟹湯或芝士奶蓋！！真係未試過！其實都好想試冬陰功不過小朋友應該唔得，就揀芝士奶蓋！一鍋白白的湯底送上，起初還有些白色粉末，一端上已經聞到好香的牛奶芝士味！正！ 店員一開始亦自動會把M6和牛、金錢展、羊、豬、雞、牛粒等肉送上，等緊個鍋滾嘅同時，我哋就剔左一啲刺身，選擇都算多，大部

係大埔開工咁耐好少行去舊墟直街搵食。多數都係外圍搵食。今晚因爲週圍搵位泊車都找不到。誤打誤撞入了舊墟直街。見到我最愛的日式火鍋。自己二話不記衝入去打。入到餐廳裝修好別樹一格。日本式風格好出色！最特別係牆上個招牌好有風味。好特別。餐廳內的飲品種類繁多。配料醬汁都多不勝數。火鍋配料超過十幾款。仲要平時睇不到的日式配菜都有。另外日式菜前菜亦甚有質素。日本刺身極為新鮮。油甘魚/鮮蝦。。等等。入口鮮美。澳洲和牛牛舌&澳洲和牛下腹腩。我最愛不斷添加。牛舌入口牛味濃郁。牛下腹腩入口即溶。牛味在口腔持久。點了個「芝士奶蓋湯底」。未食先飲湯。入口味道豐富。奶味香濃。再配搭海鮮配料更顯豐沛味道。海鮮新鮮。餐廳既特式一定要提係有個區域空間係給客人自製「炸物」。可以帶給客人新玩意新驚喜。

姐妹們聚會，屬意日式邊爐，上星期先食過嘅稻八唔錯，就提意去試下大埔嘅稻八啦！去到門口原來年初同朋友已經食過喇！去到率先整幾支天婦羅先，同樣地蝦天婦羅最好食，隻隻都手指咁大隻，唔會將貨就價，跟足指示灑上粉漿同面包糠就可以放落油炸，根據唔同食材拎起時間都唔同，今次整左蝦，火腿同腸仔，脆脆的面包糠增加左食材口感，喜歡濃味嘅朋友可以灑上唔同調味料，我就鐘意原汁原味喇。今次叫了蕃茄濃湯底，陣陣蕃茄味，為一陣間全肉宴減低罪惡感！原來蕃茄湯底同肉味好夾架！同樣地揀左298個餐，嚴選澳洲M6和牛盛盒，盛盒包括牛肩胛肉，和牛胸肉，牛下腹腩同埋牛舌。喜歡吃瘦嘅可以選牛肩胛，肥嘅揀腩位，另外仲有和牛粒，食落口感當然又係唔一樣啦！同荃灣店唔同嘅係多左個牛𦟌，滾熟左之後微捲，較有咬口。套餐還包括豚肉片，羊肉片同埋雞肉， 海鮮盒亦都非常足料，青口，生蠔，鮮蝦，魷魚，蟹棒，扇貝，象拔蚌！另外同樣地刺身都係任食，記住食得晒先好嗌呀，份量要自己預，因為刺身都係新鮮切！唔夠飽嘅 仲有大量火鍋配料，我地都食左唔少蔬菜，樣樣都好新鮮！食埋個雪糕結尾，dreyers個d味道選擇唔多，最後揀左隻紫糯米雪條，勁好味。

高質，豐富，滿足。大埔出名食肆多 水準高，今日又入嚟搵朋友，吹吹水食好野，聽朋友講稻八好爆場。 難得今日放假，行一陣街就早d去食，我地揀左冬蔭功毛蟹湯同$298嚴選M6和牛盛合。湯底好濃好鮮甜，恰過既野食都唔洗再點調味料。和牛盛合，多款不同牛部位選擇， 牛肩肉、牛舌、下腹腩、牛腩胛肉，特別喜歡牛舌，肉味濃，牛柳粒亦不錯，有咬口。唔單止有牛食，仲有美國豚肉，雞件和羊肉片，真係適合唔同人口味。海鮮盛合有蝦、青口、蠔、扇貝等，豐富新鮮。刺身新鮮，三文魚，甜蝦，帶子，無限添加。呢度可以自制天婦羅，幾得意，首先係配料區揀食物，然後點上炸粉，再放入爐，咁就完成！好受小朋友鐘意！有得玩有得食。最後當然食埋甜品先滿足，泡芙，果凍，雪條，仲有 Haagen Dazs同Movenpick 添，但太飽食唔到啦。

朋友嚷着說要打邊爐，碰巧找到一間sabusabu，地方寬闊，樓底亦高，挺舒服。我們一同選擇了$298套餐，就是「嚴選澳洲M6和牛盛合」，套餐包括：海鮮盛合、澳洲M6和牛、刺身、炸物以及自助配料。 這個澳洲M6和牛盛合，種類豐富，包括：牛胛肉、牛舌、牛下腹腩肉、牛胸肉。牛胛肉與牛舌非常新鮮，下水燙一燙，口感爽口，牛肉味濃郁，整個盛合總共有兩份，可再要求加點。另外，海鮮盛合有：青口、元貝、海蝦、北寄貝、蟹腳、生蠔、象拔，青口、元貝及生蠔都很大，挺新鮮的。肉類還有極上安格斯牛小排、特級美國殼飼牛、美國進口牛肉、牛展、美國自然豚肉片、羊肉、日本北海道雞片，可說是肉類放題喔。這個套餐可以，隨便點所有的刺身，當中的貝類最好吃，特別是象拔蚌，爽口彈牙。 店裡還有自己做的炸物，有天婦羅自助區，自選材料後，再跟指示，沾上炸粉，放下油炸，製作自己的天婦羅，很有趣。 ******************************稻八日式火鍋炸物放題大埔舊墟直街4-20號美新大廈地下A2號舖

今日同表弟去左食放題，甘我們一黎到，入面環境唔錯，仕應招呼都十分周到，跟住我們就叫左個（嚴選澳洲M6和牛盛合），甘內面已經包括有4盆和牛片同牛小排，另外仲有雞同豬肉。 之後 我呢就點咗個芝士奶蓋湯底， 開頭見到個湯底呢就感覺好似麻麻地， 跟住呢就開始食啦首先呢將啲牛小排的放落個芝士奶蓋湯鍋裏面， 出奇地呢個效果呢非常之夾又好食， 另外呢我哋仲叫咗一啲刺身嘅食物， 咁裏面呢有三文魚啦油甘魚啦 北寄貝啦 希靈魚 八爪魚喇 仲有 榮螺啦， 咁啲刺身呢都相當啲新鮮嘅 好好味， 跟住呢我哋仲出咗去呢個自助吧嗰度， 攞咗少少蔬菜同埋腸仔 蘿蔔， 因為出面個自助 巴 嗰度呢有好多嘢可以隨便畀你去攞嘅， 最後呢我哋重點多份牛小排返嚟， 因為啲牛真係太好食啦， 咁另外呢出面嗰個飲品櫃呢就可以隨便畀你攞啲紙包飲品飲嘅， 總括而言呢一餐呢真係食到十分十分之飽， 最後呢仲加埋呢個hargandize雪糕嘅甜品， 呢一餐呢我覺得就值99分啦， 十分之滿意。

窩夫與蝦子餅日前又在大埔出沒，去了稻八吃火鍋。點了每位298元的放題。芝士奶蓋飲品見得多，稻八竟然推出了芝士奶蓋湯底($28)，點來試試看。在稻八吃火鍋還可以任食自己動手做的炸物。窩夫推介蝦和茄子。點餐後湯底很快便上桌，芝士奶蓋很幼滑，充滿奶香，跟澳洲和牛出奇地夾。嚴選澳洲M6和牛盛合有M6澳洲和牛牛肩胛肉、M6澳洲和牛牛舌、M6澳洲和牛下腹腩肉和M6澳洲和牛牛胸肉，全部都非常好吃！海鮮盛合集合了多款海鮮，窩夫特別喜歡蠔和青口。M6澳洲和牛以外的肉類也不少，不愛吃牛的朋友可吃日本北海道雞片、美國自然豚肉片和羊肉，蝦子餅大力推介雞味濃、脂肪少的雞片。雖然刺身並非稻八的主打，但絶不欺場，款式選擇有十三款之多，有馬刀貝、大北寄貝、劍魚、三文魚和帶子等，都很新鮮。菜和其他配料要到自助吧取。有菜也有瓜。丸類的種類也不少，不過窩夫與蝦子餅吃了太多肉，已經吃不下了。有窩夫喜歡的油揚，在日式火鍋才有機會吃到此款配料。花膠可以無限追加，不過口感偏硬。蝦滑的蝦味超濃。任飲的飲品大部分都是熟悉的品牌，如可口可樂、玉泉、維他和陽光等，無糖的選擇有碧螺春綠茶。第一次見這款來自馬來西亞的椰子芋頭雪條，椰子和芋頭的

今晚同朋友去了這裡，有質素而價錢又合理，先選湯底，見到另一張湯底推介，於是點了個冬陰功毛蟹湯底，本身喜歡飲冬陰功湯，加埋還隻毛蟹在湯底內，都係一個價錢當然要呢個啦！之後就選埋嚴選澳洲M6和牛，因有靚靚嘅M6和牛吃之餘，還有無限追加海鮮盛合同刺身，如果食得到真係食到回本，除此之外出面嘅火鍋配料吧真係大把食材選擇，還有自助嘅炸物吧，真係好忙，要不停咁食，落單後個冬陰功湯上枱，裡面就有一隻毛蟹，加埋個冬陰功湯底真係好夠味道，而跟住就係不同嘅肉，有M6和牛兩盤，其他嘅雞肉、豚肉、還有海鮮盛合，同埋自己動手點嘅刺身，真係一張枱都好難先放得晒！而飲品就係自己去雪櫃自取，亦有不同選擇！真係一座下立即入單就係最理想！M6和牛一落湯一拖就已經入得口，肉質嫩滑軟熟肥美！兩三下就可以KO 一盤，當然係無限追加，所以喜歡吃肉嘅朋友，這裡原全係食靚牛之地！而自助火鍋料亦十分多選擇，我當然會夾我嘅至愛丸丸同埋午餐肉，而啲疏菜有喜歡嘅生菜、甜栗米、爽口嘅蓮藕片！整餐都超忙，一滾就食，外面嘅炸物吧亦人來人往，各人都好喜歡自己製作嘅炸物！可以一尋自己隱藏嘅手勢！可能真係太多選擇真係只選了自己喜歡嘅食物，M6和牛絕對係一

早排收工同屋企人諗住去打邊爐， 記得同事講過區內有一間幾有名氣嘅放題火鍋店， 於是同屋企人去試下， 我哋揀到個298和牛套餐， 餐廳環境 企理， 座位都幾闊落， 一日餐廳嘅時候就發現有一個炸天婦羅區， 店員帶位坐低之後我就即刻走去玩下先， 我見除咗蝦之外都有好多選擇可以用嚟做天婦羅。個套有多款牛肉選擇，澳洲和牛舌，和牛下腹腩，和牛胸肉等，仲有海鮮拼盤，牛肉既脂肪分佈好平均，差不多入口即溶，每盆都叫多兩碟。海鮮拼盤有蝦，青口，蟹柳，墨魚等，海鮮類都夠新鮮。個套餐除咗海鮮拼盤，呢度仲有刺身任食，叫咗三文魚，油甘魚，帶子等，刺身温度都夠凍夠新鮮，我哋都叫咗兩次，好抵食，食到好飽。埋單時，有 haagen dazs 雪糕送，店内仲有其他雪糕選擇

今日老公無端端收早左，叫我出街食飯，搵到呢間稻八好似唔錯，所以就去試下。我地成8點先到，平日居然都幾爆場下，我地坐低埋之後黎果D要等位，真好彩！湯底揀左沙嗲湯底，一滾起勁香沙嗲味。我地揀左$298澳洲和牛，算係第二貴，但D牛已經好好食，入口即融，牛味香濃，而且份量好多。除左牛之外，雞片都好好味，睇返先知係北海道既，唔怪得知啦！海鮮盛盒入面雖然唔算好多款，但都好新鮮。另外有好野食可以自己攞，最鍾意係真係好乾淨同整齊，D蔬菜全部都勁新鮮。最過癮係有個位自己炸野食，我第一次玩，又容易又安全，好多小朋友大朋友都輪住玩，係一個特別既體驗，下次可以帶埋小朋友再黎過。飲品我揀左仙草爽同甘蔗汁，其他地方少D飲到既。雪條揀左榴槤雪條，好正！最後憑單仲換左杯Movenpick雪糕做今晚既結尾，真係完美句號。除食物質素外，我都好欣賞呢度員工好好禮貌，叫帶位、上菜、收碟、收銀，個個都好好禮貌。

去 “稻八”交通不是太方便，距離太和東鐵站尚有十分鐘的步程，但俗語講，搭的士來食都抵！餐廳面積不是太大，所以要預先訂枱，否則要等位了！ 服務員年青、殷勤、手快、水準高，抵贊！至於食物，可謂包羅萬有。 牛肉我們選了澳洲和牛，M6級別，包括牛舌、牛胸肉、下腹腩肉，件件鮮嫩！ 此外，還有無限添加的海鮮：墨魚、青口、蟹柳、蠔、象拔蚌仔等…… 有新湯出湯底，常然要一試。 冬蔭功毛蟹湯，嘩..... 是一隻毛蟹呢，很足料。 但我至愛是那“芝士奶蓋”，不單只吃出濃郁的芝士味，那幼滑的奶香和鮮甜味， 將和牛、豚肉、海鮮等食物鮮味推上高峯，既有層次、亦好味道！如喜歡吃天婦羅的話，“稻八”也提供各式各樣的天婦串串，按自己口味即時炮制，可以講話有得玩、有得食了。 其他火鍋配料還有幾拾種，絕對能滿足不同類型的食客要求，且汽水、飲料及茶無限量供應。 吃到肚都脹起來，只能吃吃停停，盡量嘗試！飯後還有甜品和雪糕，但我們都吃得太飽了，都差不多不能再食！無論和牛、各種海鮮、肉類、蔬菜等都在水準之上，加上美味的湯底, 絕對值得再次短期內回頭再吃！

新界人想食放題好多時都要出到旺角，但係大埔一樣可以食到高質日式火鍋放題。我地簡左個$298個SET，有嚴選澳洲IM6和牛盛合，聽個名都覺得好吸引。刺身都係任叫，不過只叫左少量，因為牛更加吸引我，哈哈。湯底選擇都幾多，最後加＄68簡左美人湯。個湯底真係十分足料，有半隻雞，同好多花膠。而我最期待就係食和牛盛合，有M6澳洲和牛舌、M6澳洲和牛下腹腩、M6澳洲和牛胸肉，3款都好有牛味而且新鮮，值回票價。除左牛肉外，其中食材都好豐富，有手切牛肉、豚肉、雞件、羊肉、等等.....行面仲有一串串既炸物材料，可以自己DIY天婦羅，想食乜就炸乜。炸物當中既芋頭蝦餅一定唔可以錯過，又香又好味。出面仲有其他配菜、蔬菜，同多款飲品，最後食埋雪糕就真係超級大滿足。

最近香港都比較多事，但講到尾都要出街食飯吧，今日黎呢間第二次食既稻八火鍋，第一次食已經覺得呢間平靚正，所以今次決定黎多次食第二款，睇下係咪真係咩都咁好食。全間餐廳一樣冇變，一樣咁多人，但經理及每個員工都非常盡力工作，明明睇到全埸爆滿，我地仲要俾起預約既時間早左成個鐘到，諗住都冇位啦，點知經理好努力，不停叫我地係出面等一陣，好快有位，大約十分鐘左右就安排左坐位俾我地，非常非常好既服務，裡面既位置大至上都冇變，一樣可以自己炸天婦羅，一樣咁多款食物同飲品。上次食既係個時期間限定既$3xx套餐，今次冇期間限定，所以食返正常既尾二價位，$298加一M6和牛套餐，因為價位都算高，所以有刺身任食，今次D刺身非常非常靚，三文魚是腩位，甜蝦既頭沒有黑色，好食到叫左幾次，湯底方面，4位可以叫兩款，我地叫左甜豉油跟牛乳，都係店員比較推介，呢個套餐有4個部位既牛，仲有其他唔係和牛既選擇，仲有雞肉，豬肉同海鮮，食左一個鐘左右已經可以好飽，因為真係好多好多款食物，仲要每一樣都超好味，有機會一定會在黎，要食下在平ｄ既價錢，睇下係咪都底得先。

成日食埋食埋咁多美食✨，今個weekend同寶寶去咗大埔體育館做gym 🏋🏻‍♀️🏋🏻‍♂️消耗下啲卡路里❣️做完兩個鐘gym 後，我哋為咗獎勵下自己🎖，竟然去咗打邊爐🤣 ❗️回想起來，入夏之後都好似冇打過邊爐了🤭 今次係我第一次 5:30 就打邊爐🍲🥢 原來7:30前走或9:30後入坐都有85折！門口睇唔係好覺，原來入面好大間好多位，仲有幅霸氣牆添🐲❗️我哋今日點左個$298和牛🐂套餐，揀咗我最愛嘅壽喜燒🍲湯底。而呢個$298套餐除咗有M6和牛提供之外，仲可以無限追加刺身+海鮮盛合，咁多選擇來講其實都幾抵食🥳❣️我哋呢個套餐有四個部位嘅和牛提供😍M6澳洲和牛牛胸肉、M6澳洲和牛下腹腩肉、M6澳洲和牛牛舌、M6澳洲和牛牛肩胛肉。另外仲有一般套餐都有嘅手切牛，雞肉，羊肉，豬肉。海鮮盛合有好多款海鮮～款款海鮮都好鮮甜，特別鍾意墨魚仔🐙，爽口彈牙，好似食緊零食咁😆刺身嘅種類都好多😯出面自助吧仲有好多嘢食：仲有甜品添😍不過我哋唔出去拎嘢食都已經成枱都係野食🙆🏻‍♀️。和牛牛舌爽脆彈牙，牛胸肉同埋牛腹腩肉汁鮮甜🤤，牛肉味鮮，而且有入口即溶嘅感覺☺️，無得輸❗️和牛果然係唔同啲💯試咗其他肉都冇雪藏味亦都冇結冰快塊，