稜閣屋 (已結業)

長崎Champon 0係日本0甘出名, 當時要試下啦~首先來長崎雙倍野菜Champon, 被滿滿的野菜吸引著，店員還附上生薑味及柚子味2種醬汁加入長崎雙倍野菜Champon。試了原味, 不加任何醬汁, 湯淡淡的, 麵質是粗而腍的, 有點像茶餐廳的叉燒湯意的意粉, 有點失望。之後加了醬汁, 但感覺還是覺得有點味道不夠。跟著來的是長崎香脆麵, 是一包包預先製好,像童心點心麵的麵餅,然後再在麵餅上淋上野菜+蝦仁茨汁,這個有驚喜啊!麵餅是預製的所以非常脆口~但其實只是中式肉絲炒麵的簡單香脆版。總括來說，這只是一間日本的中華麵店~

日本之旅愛上吃拉麵，尤其是粗麵條，回到香港當然繼續吃拉麵。不過暫時未找到一間能和日本的媲美的日式炒拉麵味道不錯，但酸味欠奉，唯有自己加一點天婦羅汁。份量也很多，午餐有跟飲品，加了$3點了抹茶鮮奶。很一般的一杯飲料，不夠抹茶味，太甜，甜味主要來自糖水。如果多一點抹茶和奶會好很多。叉燒拉麵湯底很淡，嚐得出不是製作多時的濃湯，溏心蛋也很一般，蛋黃熟了點。唐揚炸雞挺好吃的，夠香脆，而且雞很嫩，有肉汁。配搭的蜜糖芥茉醬則不是很搭配，配沙律醬可能會更好。如果不是因為剛去完日本，應該會給更高的評分

今日要提早食晚餐所以又去搵D六點前有下午茶餐[]既店舖，Ringer Hut[]岩[]岩開時好多人等位，所以一路都冇去食過，新鮮感過左又變得靜局，望入去冇人就走入去試吓！睇吓餐牌下午茶餐由$28-40包飲品加一，我地叫左長崎Champon，麵[]既質感好似油麵，湯味都幾有肉味夠熱，有D芽菜，椰菜，日式魚片，幾隻蝦仁，唔大食[]既小朋友或者係要keep fit []既女士就[]岩[]岩好。日式炒飯，飯係珍珠米，有少少肉碎，少少菜，上面加左半茶匙蟹子，我見到佢地[]既製作過程，原來係將D預先炒好[]既飯用微波爐翻熱再加材料放入個自動炒鍋到炒，感覺上冇人情味所以食落去硬係覺得冇人手炒咁好味！

星期六又瞓到下午茶時間先醒… 同男友走咗去淘大揾食~ 見呢間餐廳開咗一排但未食過, 而且又有下午茶餐, 就決定試一試啦!餐廳嘅佈置簡潔舒適男友點咗個長崎香脆麵, 麵條真係好脆, 又有好多蔬菜, 但整體味道好淡, 要落好多調味料先夠味…而我就點咗個味噌 Champon, 味噌湯嘅味道又係偏淡, 雖然好多蔬菜, 但都會令人越食越覺得無味… 而且麵條好焾, 唔彈牙… 一啲都唔似拉麵…下午茶餐包飲品, 我哋點咗熱朱古力 & 凍豆漿~ 朱古力嘅味道又係好淡, 一啲都唔香濃; 豆漿嘅味道就好重奶味…另外, 我哋點咗炸魷魚鬚~ 炸得有點燶, 但味道不錯, 點埋伴碟嘅芥末沙律醬, 稱得上好味!我哋亦點咗明太子餃子, 皮薄餡靚夠多汁, 加上面頭加咗芝士醬, 口感幾特別, 好味!!最後出場嘅係半熟玉子 (一隻), 呢個都不錯, 蛋黃有流心 ^^總括嚟講, 呢度嘅麵食都好麻麻, 味道淡而且麵條太焾… 不過小食都唔錯, 係餐廳可取之處!!

又黎到呢啲節日街裡愛人一對對, 我係屋企話知佢想一個人既時間過得快啲, 食老麥呢啲一定無可能, 太快食完唔知做乜好甘凍既天氣當然係試下打一人邊爐，, 由滾水去到熄火都可以一個人全權控制牛肉要三成五成定七成都唔怕嗌錯由於今日諗住過左九龍灣淘大行下，由觀塘地鐵站走到淘大花園, 路上既人依然多，發現除左吉野家大家樂大快活既一人鍋之外, 仲有間叫ringer hut見佢60幾蚊又多料又有新鮮感, 一於入去滾一滾佢\店員都好年輕, 點餐速度很快相信都係同我一樣無論係聖誕定情人節都要自己搵節目既人未幾, 爐同鍋物都一一端上一個人既節人真係無陰公，唯有食碗冬陰功賣相不錯, 估唔到蝦都有番咁上下size冬蔭功湯都夠冬蔭功, 酸辣度適中呢一種徘徊係口腔既味道, 係呢啲凍冰冰既節日, 為我帶黎不少溫暖牛肉,係一人鍋既精粹 正如 每首情歌既副歌一樣 都係帶出每首歌既重點 以68蚊黎講， 雪花牛肉都叫ok,加埋佢地麵鋪主打嘅champon 麵,加落熱辣辣嘅冬蔭湯底度, oshi!!

雜誌寫Ringer Hut係淘大開了香港第一間分店, 即管去試試, 由於新開張不久, 所以都多人排隊, 我同朋友專登6:15PM去到, 等左一陣好快有位, 店內坐置也是迫迫的, 如果能坐到卡位係最好啦 !! 可惜要4人以上才可以, 桌面放置一個暖水壺放便自行飲用, 到看餐牌時間, 店內大部份售賣拉面，亦有小食及炒飯, 我地就點了 長崎champon 及 炒意粉 長崎CHAMPON 有分 $49 $53 $35 (大中細), 我地選了 $49, 等左一陣好快上枱, 只見滿滿的長崎CHAMPON有大量的菜, 感覺好健康, 雖然係中SIZE, 但份量都好足夠. 另一項炒意粉反而有驚喜, 雖然都幾多油但係好入味, 值得一試. 小有趣 : 係收銀處旁有埋廚房比你睇, 你會見到有個類似 “滾筒” 的機器有同事不斷放入菜去炒, 原理係好似一部炒菜機咁, 好有趣 !

天寒地凍同 gf 又唔想去咁遠, 唯有落樓下搵下野食啦竟然見到有間日本麵館有得打邊爐,好似幾有趣, 原來間鋪頭已經開左一排, 岩岩仲推出左Champon 盛鍋, 基於我同gf都好鍾意shabu shabu, 一於入去試下我地order左一個原味Champon, 一個味增,一於試下佢味道如何!打邊爐最緊要係乜, 緊係個爐啦, 第一次見到用明火打邊爐既餐廳, 因為一般都用火酒膏同好細既爐仔，呢個就好快就可以烚下烚下, 你一舊我一舊有牛有菇有菜有蟹柳, 仲有佢地個招牌長崎 champon麵跟埋, 份量好多lor!!主要食糧牛肉都唔錯, 起碼有雪花豬骨湯底夠濃味,愈打愈好味最正係個麵, 中段時擺入去, 可能個人鍾意林少少既麵, 等佢入晒味, 正!如果有隻生雞蛋打埋入去撈下真係不得了~~gf 個味增湯底鍋一 d都唔輸蝕, 雪花牛肉加入鮮美濃郁嘅味增湯底, 配上長崎特式麵,另有一番滋味!! 大家不妨去試吓!PS: 要補充一下, 一人鍋份量啱哂女仔胃口, 如果好似我呢 d 壯男, 可以加料牛肉,豚肉,蟹棒,獅子狗咁, 十零蚊碟, 2 個鍋加埋 2,3份加料餸, 都唔使兩舊, 抵食!! 值得再試!

見到新開未試過，入去食左兩個tea set, $35一個見到有罐裝可樂，同畺啤就入去hea下！叫左煎餃子，皮薄唔錯，大家可以一試！朋友話拉麵唔好食，佢店內介紹係長崎蔬菜，比較健康，我叫左個虾仁脆麵，有點像酒樓炒麵，不過佢的麵比較幼，所以好脆好香，我覺得幾好果，枱上有喼汁，醋，辣油可供使用，但配料比較失色，主力蔬菜，覺得普遍，得三隻虾，同一些粉粉地扮魚蛋……蟹柳化學加工品，只喜歡個麵底only最奇客人唔多，唔洗等位都不失係一個hea的好地方，喜歡清淡女仔都很適合，環境幾好坐得舒服！

我最鍾意試唔同嘅日本嘢,星期日專程去淘大日本面鋪潮下聖, 等我同大家分享吓啦!估唔到過左一排，門口重有咁多人等位，好彩我等左一陣就有位,主要係食長崎CHAMPON,但因為本人特別鍾意香口野,所以就試左佢個香脆面送到黎時一睇其實有啲似一個多菜版既肉絲炒面不過食到落口無肉絲炒面兩面黃甘油膩 食落口連埋佢個汁, 感覺較為舒服無左平時茶樓既油膩感覺清新得多, 最特別就係佢裡面有好多粟米同豆豆, 所以食得零舍爽神!!一個人去食嘅關係, 所以唔能夠試好多野, 但我都叫多左一個小食, 依個係芝士軟心煎餅, 送黎時我以為係生煎包XDDDD但裏面其實沒有肉,內裏是芝士,好香!!兩樣野價錢唔太貴加埋都係 ~$80, 難得的日式比較平食肆!!

在雜誌看到RingerHut的報導，覺得以菜作主打的拉麵店感覺幾新穎，而且還說在日本有500多間分店，所以有感好奇一直想來試試。以拉麵店來說，午餐的價格算是很實惠。$50-$60便有一個拉麵+小食+飲品，現在出外大約都要$80以上才能吃到一碗拉麵(而且沒有飲品)。這家店的味道也很不錯，，而且還份量足以讓大家吃個飽，只是整體食物稍為偏鹹。今天和朋友們點了各款的午餐，好讓大家可以試試不同口味。湯底頗濃，味道很香，但有點偏鹹。(但個人覺得一般拉麵店的湯底也很鹹的)菜及材料的種類多也是一賣點，而且很爽脆，蝦吃起來也很新鮮彈牙。由於朋友點了雙倍Champon，無論材料或是麵的份量也很大，相信適合胃口大的男生。另外雙倍Champon也可配柚子汁及薑汁吃。柚子汁味道很清新，以柚子汁配以菜一起吃感覺像沙律。有朋友點了辛辣Champon，愛吃辣的朋友可能要失望了，辛辣Champon並沒有想像中那麼辣，朋友說反而原味比較好味。總覺得日式炒麵因為用了炒麵醬汁，很難失手，所以沒太大驚喜，但味道不錯。感覺像肉絲炒麵，但麵條較肉絲炒麵的幼。因為新鮮煮好，所以熱哄哄好吃得很！麵條卜卜脆，配以其他材料及獻汁一起吃也很

是日午餐去左試淘大新開的拉麵店Ringer Hut. 主打野菜滿滿的長崎Champon 和香脆麵。 點左個細香脆麵、玉子、軟殻蟹沙律~ (之後係食唔曬要拎走。。haha!）香脆麵- 哈哈，根本就是肉絲炒麵或兩面黃的日本版，中國菜日本傳承又一力作！幼幼的脆麵讓人吃得回味！玉子- 橙黃色蛋黃的、是用上日本蛋準沒錯，$8 一只零售價來說算優惠了！軟殻蟹芝士凱撒沙律- 蟹ok,略嫌不夠酥脆。 沙律菜 普通。沒有麵包粒，但混合了芝士的sauce 好正！餐廳佈局充滿和風感覺，連員工出入口也裝上"返却口"，並採用開放式廚房。員工多是新移民，但ok有禮，餐廳好像是屬於大家樂集團的，比想像中營運得不錯！

觀乎近年本港的拉麵熱潮似乎開始有飽和的跡象, 自一蘭登陸本港後, 大夥兒一輪春風的個個排隊貪新鮮後, 雖然往後陸續都有新拉麵店開張, 但港人出名三分鐘熱度, 面對這些新血大家的興奮度明顯巳不及從前. 水準高的舊店, 仍是可以留住一班支持者; 但強差人意的, 不是冷清寥落就是關門大吉. 要在這個界別殺出一條血路, 新鮮感絕對是少不了. 所以稻香集團似乎也看準了這點, 最新引入了這家來自長崎的Ringerhut, 吃的不再是重口味豬骨或魚介拉麵, 而是從未在本港出現過的另一種麵名叫強棒麵.這家來自長崎的RINGERHUT, 在日本巳差不多有五十年的歷史, 屬連鎖集團式經營, 至今在日本全國巳有多達五百家分店, 而且海外分店亦遍佈台灣, 美國及泰國等地. 這次由稻香集團引入, 選址在近期不斷引入日式餐廳的淘大商場內, 對於九龍灣拉麵店不多的淘大,德寶及德福附近的居民來說的確是幾吸引的.不過既然不能說是拉麵, 何謂強捧麵呢? 到底跟拉麵有什麼不同呢? 其實強捧麵獨特之處, 就是以那個份量滿滿的蔬菜仍主打, 而且湯底雖然仍以豚骨作底, 不過標榜絕不油膩, 亦不會加入防腐劑或食用色素等等, 一切絕

已經一段時間沒有到淘大了, 前幾天去了一趟, 發現又開了新店.原本賣海南雞飯的栢檔, 已經被這間Ringerhut取代了.一如商場內的熱門食店, 門外都站了不少等位的人. 這裡等位就像某集團酒樓一樣, 要自己按電腦取票. 我們取了票後, 等了一會便可以入座. 餐廳的設計很現代化, 很清潔, 而且位子頗多, 有卡位也有吧台位, 當然以卡位較舒適, 因為夠闊嘛!!打開餐牌細閱, 原來Ringerhut是日本過江龍, 主打長崎Champon, 強調是"雙倍野菜";此外, 也有數款小食和甜品可供選擇.餐牌圖文並茂地介紹每種食物, 要讚的是大部份麵食都分大小, 按份量來收費. 普通人, 大胃王和鵪鶉胃的人都可按自己食量點食物, 不會浪費! 既然店子是以Champon馳名, 當然要點來一試! 同時也點來其他麵食和小食一試. 長崎Champon: 上枱時被堆積得像一座小山般的配料嚇一跳! 配料據說有七種, 但看得見吃得出的有日式魚旦, 椰菜, 蝦仁, 粟米, 炸魚餅絲, 洋蔥, 肉碎和毛豆. 配料的用料也算新鮮, 口感多樣化; 最難得的是蝦仁居然雪味少, 尚算大隻, 爽口, 而且是去了蝦腸的, 實在

係雜誌見到依個餐廳既介紹, 住係牛頭角, 無理由唔試下叫左個主打長崎champon湯底應該同樣係豬骨味, 無咩肥油係表面，我liked 麵係粗身麵係”煙un”, 有咬口!另外亦試食左個香脆麵依種麵就較為似幼麵同樣都係多菜, 個汁加埋d 麵唔錯，整得幾好，出奇地唔油，所以就算食炒麵都好似無咁內疚haha同場加映溫泉蛋我鍾意佢唔洗流晒啲黃出黎夾入口時仲可以完全食晒蛋汁最後係日式炒飯加角煮間野話d飯向日本運黎，口感較為同嚼頭有飯香，鐘意食日本米既要試角煮得兩舊，但算肥瘦比例適中, 入口無過份肥既感覺, 汁料就有啲似我地既扣肉味!總括今次日本麵食, 感覺唔錯, 偶爾幫襯不失為一個好選擇!~ 

為食老細今日帶大隊去食Champon! 原本見到好似好多菜咁，有點期待...可惜一食，發現中伏... 個湯係本人好唔鍾意既味精豬骨湯，鹼水味都好重...廣告上宣稱既「大量野菜」，味道都係普遍既炒雜菜...再加兩、三塊魚蛋片咁如果要形容佢既味道，好似阿媽既煮既魚片+芽菜+濃湯寶既味道...若好想食煮家味道，未試0下囉... lunch $53，1個麵+3隻餃子+1罐汽水，抵唔抵真係見仁見智另外仲有個煎Champon，有點似生炒排骨麵既風範...不過topping 同湯Champon一樣，即魚片+芽菜+濃湯寶口味似本地多過日菜、但價錢就是日菜價我好奇怪點解咁既水準係日本都開到600間