秘 (享成街)

营业中

休息中

吉列牛是日本的名物，本人曾經到過東京街頭一間有賣牛肉的店，但那間並不是當地人熱門之選，已經覺得味道不錯，但吉列牛本身就是日本菜，所以很像到那裡很多地方吃吉列牛都會覺得正宗吧。吉列牛在香港也慢慢變得流行，在旺角和太子各有一間很有名的吉列牛專門店，人氣當然就比這間高了，大概吉列牛的熱潮是從旺角很出名那間開始的。和友人大概8時正到達食店，已經有數十人在等位，我和友人原來已經算是比較遲到達的那批，有很多人進去了，我們也還未能進去。這間餐廳的點餐方式跟部份餐廳一樣，先下單後入座，通常是人流比較多的餐廳才會採用這種方式。餐廳主打的是吉列牛，分別有板燒吉列牛、板燒安格斯牛和黑松露吉列牛等等，晚市加$38可配成套餐可享用飯、溏心蛋和昆布湯，加$58就有飯、溏心蛋和金魚湯。等了整整一小時，終於可以入座了，店內環境並不算十分大，以2-4人的座位為主，寬敞度還可以吧。我和友人各點了一份板燒吉列牛，兩個人也是加$38轉套餐。首先說說吉列牛，吉列牛的數量十分多，平時吃炸物的外皮可能會感到油膩，但這裡外皮的炸粉則不會給人這樣的感覺。吉列牛的質素也很不錯，油脂分佈均勻，條紋整齊，吃的時候還會感受到牛的香溢。平時吃吉

八點鐘等位，等左約二十分鐘，因為等位時落埋單，所以入到去坐五分鐘倒已經有得食。不過連水都唔記得比，要自己行去拎😓吉列牛加晚市定食。本身都會跟白飯，但亦可以加38蚊轉飯素飯，同埋配多隻溏心蛋同湯。先講講吉列牛，表明係安格斯牛肉，需要加上鐵板燒約10-20秒，視乎個人口味而定。我覺得本身牛已經好淡味，吉列炸味蓋過牛味，但牛都嫩滑，燒耐左都唔會變靭。淨食牛好淡，最好點小小佢本身跟既醬汁會改善到。味噌牛定食。同吉列牛一樣，可自己選擇加唔加38蚊。如圖一樣，有勁大塊葉係到，店員提示要定時攪拌均勻，慢慢煮熟。但其實係好難控制位置，攪多兩下塊葉已經穿左，最後因為怕煩，索性將啲味噌牛肉放去吉列牛到燒算😪但好易令鐵板燒焦，所以先要用塊葉墊底。味道比吉列牛濃郁一點，味噌味都幾香，同牛肉係幾夾，牛肉亦相當嫩滑。而加38蚊係有咩特別左呢？第一係會有溏心蛋，冇乜驚喜，味道正常，係你會想像到既味；第二，飯素飯，好味，但醬汁有點過鹹，如果可以減走小小就會更好，第三，櫻花湯（？）難飲，好難飲，奇怪，好淡好淡既花香味配好淡既清湯，直情放係到就算。總括而言，如有下次唔會加38蚊，講真唔係平，但又唔係好味有驚喜，寧願配返本

今次同屋企人黎食，多d人就可以試曬Meun既唔同set😋黑松露吉列牛黑松露味唔太濃，但係都食得出黑松露味嘅 牛方面半肥瘦吾錯，配一個白飯 ，啲飯好有咬頭。，值得一試板燒吉列牛 原本以為佢普通d，無咩期望，雖然唔係好重，但出奇地有少許牛味，相對黑松露反而會覆蓋左牛味，如果唔係貪黑松露特別可以試下呢款。秘·朴葉味噌牛肉 呢款純粹係想試下唔同野而叫，order個時店員都會提你會好咸既，係真係好咸，但原來d味噌係經廚師秘密調較過，用黎送飯岩岩好，幾開胃。呢款都會俾你自己煮下，相對麻煩一d，要不停自己反，而家都煮幾耐下，煮到你想要既熟度就可以叫店員幫你上碟。如果唔貪新鮮，叫返吉列牛會好味d。蒲燒原條饅魚飯 應該無咩人係呢間店叫饅魚食，不過屋企人喜歡饅魚，所以都叫左個試下，不過不失，同其他店感覺差唔多。日式炸薯絲蝦 爽口鬆脆，味道good既，不過除非多人食，都係主打食吉列牛好d。

午餐見到冇乜人於是決定同朋友去試吓鋪頭入面唔大 我叫咗個吉列牛 加錢變定食午餐定食既話就會有飯 溫泉蛋 同埋汽水仲想叫埋個雜菜煲不過冇晒落咗order之後大概10分鐘後嘢食就黎到自己慢慢燒 火力集中個人認為 每邊大概30-40秒就ok 不過覺得有少少唔衛生因為生同熟都係用同一對筷子所以都係决定叫店員攞多對筷子俾自己第一次食吉列牛幾驚喜 可以自己就住個牛既生熟程度啲飯好好食 有啲粒粒去調味個飯好大碗 超級飽 如果冇人嘅話都會再去不過排隊嘅話就未必會考慮

近年開左好多吉列牛店，當中"秘" 都可以話最早一批~今日就專程入荃灣試試佢，夜晚佢開6點，我地6點幾到都唔洗點等位，店鋪好近荃灣廣場都算方便~🔹秘‧燒黑松露吉列牛 ($148 + 配定食$38)黎到梗係要試下佢招牌吉列牛啦，佢除左普通既吉列牛，仲有加上黑松露既口味，咁特別就揀左佢試試☺️加配定食會包括秘之飯素，楓糖流心蛋同櫻花昆布湯，份量都算唔錯😎黑松露吉列牛黎到都已經聞到好重黑松露味，每塊牛肉既表面都包左黑色既炸皮，賣相一流😍正啊😍👍🏻吉列牛可以自己係炭爐控制幾成熟，有得玩又有得食😎😎 爐上面會有一塊油脂，記得用黎搽一搽個爐面先燒唔係會比較易黐底😜牛肉油脂分布平均，加埋炸皮更加係外脆內遠，肉質鮮味，非常唔錯🤤🤤就算唔點醬料，就咁食都夠正🤩 🔸 浦燒原條鰻魚飯 ($78)本身諗住$78鰻魚飯唔會好多，點知黎到大大條鰻魚，仲好肥美，認真唔錯😌鰻魚汁都唔算太咸又帶出到鰻魚既鮮味，肉質仲好彈牙，抵食👍🏻👍🏻👍🏻❗️PS: 晚市無得BK位，不過近排好似係佐敦開左分店，有興趣都可以去試下架😀

尋日男朋友係搵食，見到呢間餐廳食物嘅相，好似好好食咁，就決定一試。去到已經見到有唔少人等緊位，我哋攞籌，要等六張枱，諗住都起碼要半個鐘，就去咗行街。行左15分鐘到，就翻轉頭睇吓仲有幾多張枱到我哋，點知返到去就啱啱好有枱俾我哋，都幾快。入到餐廳，鋪頭唔算大，但係坐得唔算迫夾，但係就要同人搭枱坐，同零一對情侶面對面坐，確實有少少尷尬。食物方面，我哋叫咗鋪燒完條鰻魚飯、秘燒黑松露吉列牛配定食、芥末八爪魚。先講鋪燒完條鰻魚飯：鰻魚非常大條，起碼有16至18 cm長，味道唔差。秘燒黑松露吉列牛配定食：黑松露非常香，吉列牛皮趣，但係食落又唔會覺得好熱氣，秘之飯素非常普通， 但係流心蛋就非常出色，個人來講個櫻花湯我就覺得不太適合自己。芥末八爪魚：份量唔細，略嫌唔夠芥末。侍應上菜非常快，而且你一食完佢就會收野，有少少感覺係趕你走。但尚算有禮貌。價錢一個人大概$150到，平時食飯如果想食好少少都係一個唔錯嘅選擇。

趁女兒放假 帶她出去輕鬆一下她就是喜歡蠻有創意的餐廳然後就神秘的帶她來了這家果然沒令她失望女兒點了一個 吉列牛$98吉列牛外脆內軟 然後還附上一個石頭燒先查上一層牛油在石頭上 再把牛肉放上去然後不久就吱吱聲發出來好有趣呀非常有牛味 而且女兒吃得挺用心的然而我我就點了一個蒲燒鰻魚飯$78長長的鰻魚攤在碟上厚厚的一層肉令人按耐不住配上軟軟的米飯簡直就是令人感動一餐非常日式的午餐 一家用心的餐廳確實引來不少客人的等待

為左帶媽媽食好野，離遠已經見到好多人係門口等緊，但都冇阻我地食好西既慾望。雖然見到很多人等位晚餐時段也不能預訂只能walk in, 但我們等了大概十分鐘左右已安排入座。入到去點完餐好快就送上食物，我地一行三人點左兩份黑松露吉烈牛同一份鰻魚飯，全部都好好食鰻魚飯條鰻魚好大條肥美$78都算扺食，另外黑松露吉烈牛自己燒要幾成熟自己話事但我地加左定食有多碗櫻花金魚湯，期望太高有少少失望。總括而言，今餐真的很滿足，食物同服務都很好，有機會必定試其他食物款式。

假日下午到荃灣午飯，想起了吃吉列牛的秘。進店時已是2:40，但仍有半滿，立刻點了兩份午餐。約五分鐘後，侍應便送上午餐，可能因為快要落場，所以十分有效率。板燒吉列牛燒過後依然肉汁豐富，外脆內軟，調味適中，不過牛味比較淡。黑松露吉列牛肉質與普通吉列牛分別不大，但多了香濃的黑松露的味道，相對稍微鹹一點，兩款牛不用加醬汁也夠味。至於飯素，個人覺得比較鹹，但是相公覺得味道剛剛好，而溏心蛋味道正常。由於店內坐位較為擠迫，所以我們都選在非繁忙時段才去，以省去排隊的時間。

地方唔太近地鐵同西鐵🚇為左食🤣唔緊要啦但要注意營業時間‼️比較短要留意呀‼️‼️‼️‼️-#原條鰻魚飯 $78性價比👍🏿 條鰻魚勁長細骨唔明顯，肉質有彈性好肥美😋😋😋😋-#吉列牛 $98🐮🐮加多$38有埋飯素、流心蛋😍同櫻花昆布湯附上油脂，燒到有油份出就可以開始燒啦🔥吉列牛外脆內軟🐮 牛味唔係太濃-流心蛋用楓糖整🤔 甜甜地好少女既櫻花昆布湯好清🌸 減低油膩感-通風唔係太好食完會有油煙味🙊

同晏左少少收工經過荃灣見到間舖九點門口仲好多人排隊🤔🤔令我都有想入去食既衝動等左二十分鐘度終於有位..我地三人行分別點左安格斯。黑松露同牛肉煲。定食一百蚊度已包白飯..相當抵食我地各加左飯素同金魚仔。每位加$48牛肉煲湯底非常入面。肉係類型牛腩質感，都好淋身同入味吉列牛大大碟。煎大約三四分鐘食得雖然$98但一食就知唔係cheap野。性價比極高金魚仔係蝦餃黎。大大粒蝦肉。不過可能怕條金魚煮到變型...皮整得太厚了..有d硬。呢個有d扣分...整體黎講係平。靚。正。有機會一定黎試埋其他

之前自己去日本旅行時吃過吉列牛，想到父母沒試過，就帶父母去試試。👎🏻 ：一，3杯水都有肥皂味，唔敢飲.......二，吉列牛 & 安格斯牛肉 都超細塊，而且沒有牛味。安格斯牛肉 薄得可憐。三，吉列牛 炸衣好咸，而且牛肉冇牛味，似食炸衣多過食牛。四，白米飯🍚似是日本米，但煮到很爛，就黎變煲粥米咁爛。👍🏻:一，曼魚飯 $78有全條好抵食，而且仲要係晚餐。超市買都要差不多價錢。只是略嫌唔夠曼魚汁，多返少少就好喇。二， 炸軟殼蟹 $58 入面有好多肉結語: 店舖名物— 吉列牛 和 安格斯牛 都很差，沒牛味，實在接受唔到牛冇牛味，唔知自己在吃什麼。唔明點解有咁多人排隊吃呢間嘅牛。小妹還是留錢去日本吃吧。只有曼魚飯和炸軟殼蟹是值得吃。

上年係東京食過出名嘅吉烈牛，個種好味一直都好難忘。然後知道荃灣開左間食吉烈牛，就一直好想去試。差唔多星期六夜6點幾去到門口，已經見排哂長龍，我地2個人等左差唔多半小時先入得。入到去當然要叫個板燒吉烈牛，但就出事啦！佢地方好迫好窄，所以燒牛嘅時候d油係甘彈到隻手，好恐怖然後個飯極級咁咸，我個fd都咁講，食完好口渴，然後到d牛，佢片牛好細塊，有d un，同埋d牛又係落左好多鹽，好似d鹽唔使錢咁？不過百幾蚊，唔可以預期佢好似日本個d咁好食。不過我見好多人話好好食，食完係有失望，食得多幾次d納含量應該會超標，為自己健康著想，唔會再去食！

一向留意左 荃灣呢間 “秘” 好耐 一直冇時間黎食 今日經開呢邊就同一班朋友過黎食😜我期待左好耐架啦 ！！ 估五到呢間真系好受歡迎 10:00收工9:20分過到去仲要排隊 😢 未入前先睇餐牌落單先 👇🏻板燒吉列牛 $98 /加配定食 $136 我地全部都叫左同一個餐-吉列牛 🙈🙈 主角-吉列牛 炸到外皮酥脆 入面3成熟左右 再放落隔離嘅熱石板上 自行燒到喜歡嘅熟度 雖然牛肉味五算太重 好在五會有筋 ！！跟餐定食就麻麻地啦 秘之飯素-加左紫菜同秘製醬油搞到成碗飯好鹹 👎🏻楓糖流心蛋-蛋系有流心 不過加左楓糖漿唔係好夾搞到整體勁甜😢櫻花昆布湯 - 淡淡昆布味 整體來講唔叫定食仲好食 🤣

秘燒黑松露吉列牛既賣相已經好吸引😍可清楚見到脂肪同肉比例好靚，外層沾滿黑松露醬，跟住就可以自己用燒爐整熟啦！頭一轉煎到八成熟就有少許chewy，之後嘗試五成熟就完美啦🤩肉質嫩滑，都有入口即溶既感覺！而且黑松露味超香，點綴左牛肉既鮮😋值得一讚係店員好留意到個火熄左會九秒九過黎點著返個火，超貼心的❤️.晚市可以加$38，就有齊楓糖流心蛋🥚、櫻花昆布湯同飯🍚個飯加入大量飯素，餸埋牛肉簡直係一流😭昆布湯清清地入面真係有粒櫻花🌸🙈.總括係十分推薦，因為去d稍為出名既食吉列牛都閒閒地$300，但係呢道價錢平一半有多，唔洗加一，但味道亦更勝一籌！☺️