秘 (享成街)

营业中

休息中

去過日本都應該有食過吉列牛，依家香港都有梗係要去試試，去到見到勁多人排隊，等左至少1個鐘先入得，即刻點左一份板燒吉列牛，一份板燒安格斯牛，吉列牛好好食，好腍好有滿足感食極唔厭，反而安格斯我就唔建議食，只可以形容為難食不叫也吧。

見雜誌介紹話呢間係長龍店，所以午市黎碰碰運氣好好彩唔駛等有得直入同男朋友分別要左一個吉烈牛同朴葉味噌店員都有介紹朴葉味噌係比較濃味嘅未試過就要考慮下因為去過九洲都知道係咩味嘅，所以就照叫左黎懷念下😆上左兩個小爐俾我地自己搞吉烈牛好簡單，俾我地自己控制幾成熟，唔錯朴葉味噌就要在爐上加熱嘅店員見我唔識搞，都有主動黎幫我手！朴葉味噌果然夠濃味，不過送飯一流！最主要係香港應該唔係好多地方會有所以都好滿意！整體黎講係好味嘅不過午餐同晚餐一樣menu就相對有少少貴喇

對住尼個蒲燒原條鰻魚飯，我同個朋友真係對住佢wow住幾聲。跟住就對住佢講:都真係 好！大！條！呀！加埋少少鰻魚汁係個飯到，都真係太好味太幸福啦！極度需要encore！

共食左兩次第一人因為友人話想食吉列牛柳，見荃灣有就滿心歡喜去試，點知堂食逼到死不特止，仲要逼人二人位點坐！搞到友人坐四人位最入面出入呀、進食都極不方便！借位都借唔到！唔係繁忙時間要搭台當然唔係問題，但係打橫打對面坐都要管，差！食物更加唔好講，成大本menu得個吉列牛最正常，其他野食麵豉、鰻魚都好難食！食完仲趕我走，我真係寧願食老麥！第二次隔左幾個月期望有啲改善，點知連服務員都差埋，擠都唔笑，唔講以為佢係老細：（呢間垃圾真係無下次

朋友說現時日本潮流興用石板燒熟以吉列皮的生牛肉，試試吧餐廳不近地鐵站，要行一陣，亦都偏靜收工八點來到，等了一張枱餐廳枱很少，小店，裝修很用心兩個人，叫了一份吉列牛，一份味噌牛，跟餐侍應下單時特別提醒味噌很重口味但沒有辦法，因為朋友就是很重口味的人吉列牛有些過度吉列..燶咗啲好多塊，但每一塊都好細片糖心蛋冇乜味道最欣賞係個飯，好多紫菜芝麻，好香燒牛肉味道麻麻，食不到牛肉香味，就是有得自己燒下而已朋友點的味噌放在葉子上燒一大堆牛肉及未溶的味噌燒一陣便把整堆肉反轉燒燒的時間好難控制，因為有些未熟但有些已老了雖然有侍應幫忙，但都不建議食有些失望，無需特別來吃

去日本食過真正嘅吉列牛，緊係要試下香港個款差幾遠啦😁1. 板燒吉列牛＋晚市加配金魚湯定食 ($98+$58=$156)吉列牛外形唔同日本嘅長方珍，而係正方形，雖然牛味冇日本咁重，但都唔錯，重點真係外脆內軟，而且入邊口感好似刺身咁，大約每邊煎10秒，好鮮味，唔點醬汁都好有味👍🏻👍🏻👍🏻加$58就多左秘之飯素、楓糖流心蛋、櫻花金魚湯，但素飯我就覺得冇咩特別，變甜飯咁，個人都係鍾意食鹹嘅流心蛋，加左楓糖就不了😅櫻花金魚湯就一般啦🙈彤樂評分：8/102. 板燒吉列牛 ($98)唔加錢，就只有白飯，不過其實都幾夠，我覺得可以唔洗加錢要套餐，就咁配白飯就可以😁👍🏻彤樂評分：9／103. 芝士吉列豚肉＋晚市加配定食 ($78+$38＝＄116)加左＄38多左秘之飯素、楓糖流心蛋、櫻花昆布湯，但其實個湯都係中規中距啦🙈豚肉就有D失望，肉質一半韌一半軟，本身冇咩味道，係靠個芝士去掩飾冇味嘅豬肉😟彤樂評分：6/104. 秘風塘軟殼蟹（＄58)雖然得兩隻，但真係好避風塘味道，唔只外面有避風塘用左嘅調味料，軟殼蟹入面都好入味，仲有少少蟹膏，好正呀！😍彤樂評分：9/10

好老實，我其實真係唔會黎食第二次。我地一行兩個人，點左兩樣野。呢個係味噌朴葉牛肉，將大量味噌加入牛肉、菇同埋洋蔥一齊放係朴葉上燒。我地係咁燒，燒完兩轉火都未燒熟，唔知係咪塊葉太厚定醬太多。到終於燒熟既時候，一入口，味噌就係多就係太鹹，得鹹味，牛肉味無，朴葉味無，有咩好食，而最後既洋蔥同菇都仲係生既。燒極都係紅色，令人好消極。另一個係黑松露吉列牛，都唔平，不過呢個就好少少，炸完既吉列牛都算有少少黑松露味，燒完之後牛油香出曬黎，入口好軟滑，亦無筋，不過牛味就無咩啦，整體都唔錯既。敗筆既就係你睇下個飯，太濕了，如果唔係個味噌牛咁鹹都唔會食得曬佢。點都好，行過食返餐都可以，再黎就不必了，謝謝。

兩個餐都好一般，唔值得排1.5個鐘。吉列牛太燶，勁細舊。朴葉牛好咸。Waiter態度一般，寫住只可食60分鐘，都唔緊要，一食完都40分鐘就想趕人走。總括來說，食物一般，但店家態度好差，整體感覺不太好。雖然不貴，但這價位在荃灣會有其他好多好過佢的選擇。不會再去

之前食完飯經過見到呢間店好似幾特別，門面感覺似係食拉麵的，但唔係，係食日本野既😂，所以今次就專程來試下佢。牛係我既至愛，而吉列牛就比較特別，因為吉列豬就食得多，吉列牛就未食過，所以就要試一試佢。加$20有糖心蛋同飯。牛本身係生既，要自己燒。咁都幾得意。自己燒可以控制生熟程度👍🏻，因為本人唔太愛食生牛。但燒完啲吉列皮唔係好脆，始終都係炸脆啲😂。點埋佢啲汁先好味。而蒲燒原條鰻魚賣相好靚，鰻魚好大條。幾好味。

還記得第一次食吉列牛係N年前响灣仔某茶餐廰，茶餐廳結業後一直對吉列牛念念不忘，直至半年前發現＂秘＂就好想去試，唯地點離公司太遠，來回起碼半小時，終於等到一個大好機會可以早食午飯😁，未夠一點嚟到已經有兩枱客，真係早到的鳥兒有飯開😂，因為晏咗要等位呀！板燒吉列牛 $98 (包一罐汽水)😋😋😋😋😋=====================其實唔係＂相＂像中大，牛大約有14塊，一睇就知係好嘢，每塊油脂分佈平均，建議每邊燒4-5秒5成熟最好味同最有牛味🤤(重點係唔好點個醬，搶晒牛味)，如果怕生就7-8秒啦，都唔會靭，呢個牛真心好味，份量其實係啱啱好，大家都激讚👍🏻👍🏻👍🏻加 $20 秘之飯素、楓糖流心蛋======================秘之飯素甜甜地又勁重味精，不過我鍾意食，送白飯絕對一流，再加上大量紫菜，越食越好味；流心蛋算creamy，但無想像中入味，加$20有飯素同蛋，價錢算合理一人共消費：$118 (無加一)

喺香港試過幾間吉列牛，食完都係失望同失望....朋友介紹呢間，就俾次機會試多間，今次係好驚喜！知道好多人排隊，專登揀下午茶時間先黎食，等5分鐘就入得！諗都唔諗，就點咗黑松露吉列牛Set，好肚餓呀！成間舖都充滿香味.....我揀咗加$20定食 (秘之飯素、楓糖流心蛋)牛嘅份量好夠，未燒已經好香黑松露味。先用一小塊牛脂肪起鑊，再放吉列牛上炭爐，每邊烤十秒，就得。入口有驚喜，牛質素唔錯，入口溶，黑松露味好香但又唔太搶牛味，唔錯！"秘之飯素"有鰻魚汁、紫菜，撈飯好正！糖心蛋有少少過甜，只食到半隻。如果菜嘅份量多啲就更好，可以清下油膩感。總結：如果下次掛住日本吉列牛，我會揀呢間。

三個店員服務態度超差，我們一行五人，只吃了一半，不過三十分鐘，已黑面吹我們還枱，小食芝心雞肉丸仲有兩粒未食，問我們係咪吾食，黑哂面發悔氣叫我們慢慢食，結果我們未食晒便埋單走人。全程用餐時候只有35分鐘

這夜我和朋友來秘吃晚飯, 實在很不愉快。 這家也是做吉列牛的, 當然也有其他食品, 價錢算是實惠, 套餐的話每人大概百多元就可以了。 食物味道方面是可以的, 只是餐湯比較一般, 坐位非常擠迫, 但最讓人不能接受的是店員的趕客態度。我們整頓晚飯由入座到離開不足一小時。 為甚麼? 就是店員不停以暗示方式表達:食完未, 走得未, 我地好多客等緊。 一頓不足一小時的晚飯, 被暗示超過3次, 真的有點過份, 我到快餐店吃飯也不會有如斯對待。如果店家是要限時, 麻煩貼於門外或入座前說明, 但一般限時也不會少於一小時, 所以真的沒法理解。 我叫的套餐是要自己在石板上燒熟後才吃的, 店員會主動加火, 起初也覺得服務不錯, 後來她們再說要我趕快燒完, 因為火很易滅。 我在想, 其實店家可以考慮使用比較耐燃的燃料, 問題就很易解決, 但她們卻把責任放到客人身上, 實在失望。 而且這個爐也有點安全問題, 就是火勢太猛, 火舌經常跑到爐外, 有時甚至會碰到爐面, 客人用筷子在上面燒其實很易被燒傷, 希望店家注意, 避免悲劇發生。 還有, 店家可考慮提供多雙筷子, 作為夾生肉及燒熟的肉, 這樣會比較衛生。 相比

好激氣，一早訂左位，早五分鐘少一個人都唔比入，点都要到齊先比入，下午店內兩位女員工態度勁惡劣，我地過半數人到齊話叫足咁訂位時咁多個餐都唔比入，係咁趕我地出去等，當時下午1点都係得兩枱，但好巴閉咁話佢地大把人食，你地少一個都唔比入，如果而家入，咁唔比再加人，串到吖……以為自己係米芝蓮呀……咁串，請都唔食呀……爭一個人都唔比人入去叫野食！你睇下幾時執吖，兩個員工打扮鬼五馬六，惡形惡相……以為自己有乜咁了不吃，book左咁多人已經話叫齊咁多個餐ga la，想点啫

[ CP值🔝| 平食燒吉列牛🔥]••早幾日男朋友話我失血過多先會頭暈暈😵要同我去食牛肉🐮呢間之前介紹過，覺得好抵食，比其他同類型餐廳算平🤑雖然都加左價，份量又縮左水🙊⋆ ⋆ ⋆ ⋆ ⋆🔹吉列牛($98)黑松露味($148)⭐️7.5/10我個人覺得唔使比貴啲試黑松露🙅🏻‍♀️因為黑松露味不算突出，亦都無好味左，只係感覺上特別啲🤭份量都唔少，有16/17塊(夾左走幾塊唔靚既先影相😂)，牛肉有雪花紋❄️吉列皮同牛肉痴得好好，燒完都唔會分散👍🏻肉味肉質都唔錯，個人認為最重要係燒得好🤨大約每邊燒5秒係最好👅-▫️+$36轉定食(飯素、溏心蛋、櫻花昆布湯🌸)飯粒個日太生，有啲硬，食得好唔舒服😖溏心蛋都OK，但湯味道怪怪地😖-🔺有啲牛脂比我地當油用💦🔺店員都好盡責，keep住留意啲火有無熄左，立刻就幫我地換🔥