秋香 (康景花園)

营业中

休息中

Happy lunch- Covid 時期，香港人只剩午餐時間食好西！ 已經唔係第一次幫襯秋香， lunch set 出咗 牛串燒 set 又有雞 串燒 set, lunch 可以食到熱辣辣嘅串燒真係啱晒我 😍尤其是牛舌係我最愛 🥰🥰🥰🥰 仲有軟林林冇根好鬼正！極力推介 ♥️雖然我食嗰個係雞串燒 set , 咁係偷咗個男朋友我份牛舌食😍 仲有佢嘅炸物， 炸芝士波 炸雞都係係我極力推介，本身我就唔食芝士波，但係佢炸得好乾身仲要好脆！ 出邊好難食到！ 芝士波外面個皮好似係米做😍😍😍😍 大家可以試吓

正岩今日是生日，第一次嚟這間試吓，一打開餐牌，嘩，價格很貴，食物選擇少，一個細細煲仔飯百多至二百幾蚊，一串只有三小舊鰻魚串燒7x元，兩人只係食了兩個炸物、三串串燒、一個煲仔飯、兩杯飲品，已$6xx蚊，問女職員，正因本人今天生日，可有小食或甜品送或優惠？女職員回覆，可加$20加紙入單食今日甜品：黑糖番薯。最後埋單，單上顯示黑糖番薯$68，另加字服務$20，頂，不是加$20優惠價甜品，原來另加$20寫得極樣衰字Happy Birthday 加一支蠟燭，講清楚吖，$88仲加一，食一個甜品😡，立即向埋單男職員理論，這樣女職員出現誤導，男職員竟然回答說他們自己會內部檢討，錢照收，埋單七百幾蚊......環境、食物相比價格極不值、很貴，食物選擇又少，職員溝通不良引致誤導，草草了事沒為客人分解，服務差劣，何值加一服務費呢?原本食品單價已很貴，寫兩個樣衰字加支蠟燭給客人生日也另收費，只懂加費、收錢，冷理客戶感受，絕對絕對不推介....不會再嚟

之前往往係食飽至醒起秋香，一定要搵次同佢相遇一吓。店內環境有點Chill跟懷舊嘅混合體，一大排嘅窗感覺Chill一大塊橫扁感覺懷舊，加上酒吧位置有亮銅色嘅裝飾，猶如置身一家老店。四人分別點咗吉列池魚定食、花魚一夜干定食、牛大大串燒盛定食、韓國年糕配炸雞。各款定食賣相好吸引池魚好酥脆，配他他醬更為美味。辣炒年糕配炸雞，夠哂火辣，辣得嚟係不斷一口接一口，炸雞被辣醬包圍，外面香辣、內裡嫩滑肉汁豐富，嗜辣嘅朋友不妨試試。牛大大串燒定食，各種串燒燒嘅時間跟味道恰好，牛舌同牛粒嫩而有汁，秋葵跟雞髀菇燒好後淋上醬汁調味，但無食材跟味道分離嘅感覺。花魚一夜干定食，魚重味咗少少，有點鹹，不過烤得好香，魚肉唔會柴口，有肉汁流出，近乎完美嘅一餐，真心推介。

今日係openrice見到呢間嘢好評都唔少就黎試下入到門口 見裝修都幾靚 都有少期待點知啲嘢食少到過分 味道又一般 真係冇期望就冇失望三個人食左740 仲要額外買嘢返去食 個茄子真係伏到唔知講咩 完全冇味 燒到啲水分都冇曬 雞腎燒到黑曬又硬 雞皮一啲味都冇 最緊要係啲串燒三十幾蚊仲差過十幾蚊嗰啲 真係替你地擔心煲仔飯個份量等於屋企個碗一半份量 蟹肉煲仔飯係唔錯 但係麻辣雞煲仔飯就唔知想點 通雞煲撈飯冇分別 份量仲要咁少 唔知講乜冇下次 唔明點解會咁多好評 伏到冇得再伏

一嚟到就比佢既裝修吸引到😍好適合同朋友嚟chill下傾下計🤪叫左串燒雞肉、雞肝、雞腎、牛舍芯、原條茄子、免治雞肉棒、吉列炸蠔、章魚燒、粟米沙律、明太子芝士竹輸（每件$28-$90）串燒好食😋火喉掌握得幾好，皮脆肉嫩👅淹日本豚肉煲仔飯($148) 煲仔飯普通💗不過有飯焦😍😍整體食物質素唔錯，但偏貴少少，環境舒服😚整體美味程度：👅👅👅/5CP值：⭐️⭐️/5📍秋香屯門青善街 38號康景花園 26-27號

住左屯門3年，係就黎搬屋之前同老婆幫襯一直想幫襯既「秋香」。 可能期望太大，落差都比較大，今次係幾失望既。內部裝修幾靚，好多星爺套「唐伯虎點秋香」既經典對白，個人幾鐘意佢個環境，香港黎講幾好feel👍🏻👍🏻吉列生蠔 8/10即叫即整，生蠔size都幾大隻，一咬開熱辣辣，好多汁，食果時要小心，呢個好好味👍🏻👍🏻👍🏻威士忌燒生蠔（6/10）職員話係半熟生蠔，但我就覺似只係加熱個殼🤣🤣 上面加上蔥花同偽魚子既野。上檯後，職員拎左支噴噴，向生蠔噴上幾下威士忌，但可能我落得多咗少少檸檬汁，完全食唔到威士忌嘅香味。 但好彩本身蠔嘅質素尚算唔錯，大隻厚身，有蠔味。 但我寧願直接係上生蠔，加熱個蠔殼有少少無謂😅串燒（菠蘿、雞肉、七里香、牛舌心、厚燒豚肉） （4/10）全晚最期待，同時最失望😞-菠蘿：我無食，老婆話唔錯，幾甜同好汁雞肉：比較乾，雞肉粒比較細，所以都無咩口感-七里香：乾，無味😅-牛舌心：我本人好鐘意食牛舌心，但可惜今次燒得比較乾，牛味淡，偏韌但未到咬唔到既。調味都較淡-厚燒豚肉：係真係好厚身，因為有肥膏所以相比下叫做無咁乾，但調味都係偏淡，食材本身既味道都偏淡。燒茄子（6/10）正常水平

屯門秋香一直想食好耐，每次訂位都要排幾日，今日終於打算去walk in 碰一碰運氣，竟然可以比我walk in成功。餐廳幾有氣氛，幾有特色，尤其係飲品既名。花多眼亂之下，我就叫左啤酒同燒雞肉串、原條茄子、蟹肉蟹膏煲仔飯同特式炒雜菜。無幾耐就先嚟一個前菜，係類似鮑魚群邊嘅前菜，幾好食。雞肉串都好味，燒得入味同幾腍。原條茄子幾抵食，大份。蟹肉蟹膏煲仔飯係間店最出名嘅，所以有定叫一定要叫，同埋真係好食，多蟹膏仲同有蟹肉。炒雜菜都係大份，主要都係似日式炒菜，味道唔錯。餐廳整體都幾有氣氛，仲可以叫其他酒類飲品，但位就難訂啲，通常都要早幾日先訂到。不過嘢食真係幾吸引，有機會都想再嚟。

去完置樂買野，就係附近搵下有無d特色野食，老公就帶我呢左呢間【秋香】食，諗住居酒屋+串燒形式，都唔會太飽太多份量，點知食物一黎，wow,😱比我預期大份同埋係十分足料！而且全部都係即叫即整，店員好好，唔會一下子就堆哂d野食係我地枱，會因應我地食野進度上菜，保持到樣樣野都熱辣辣咁上枱，特別推薦白鱔煲仔飯+墨魚咀+燒原條茄子，超超超好食！而且全部即叫即整，最後食到好飽飽，最緊要食物對得住價錢，絕對會有下次😃

聽日要推介嘅係置樂一小角既福聚樓，麻雀雖小，五臟俱全，好特別嘅風格，感覺非常舒適。先要講嘅係呢杯牛油果smoothies，完全冇特別添加嘅甜味，只有牛油果嘅香味，非常健康。仲有要比credit呢隻咁有風味嘅水杯，超級靚。然後到咗沙律時間，八爪魚中東沙律🥗 呢碟沙律大碟到嚇親人，超多！原本係帶辣，staff非常好，幫我地轉普通沙律醋，非常considering。main course係魚，魚肉質感非常嫩滑，同時亦都好配合醬汁。最估唔到，雪花式既芝士咩叫錦上添花，加埋配菜真係一流。最後係南瓜意大利飯，南瓜味道清香，食到最後開始已經有啲飽意，味道好唔錯，但就唔係好食得晒。

賞花賞月賞秋香，我與朋友來拜訪秋香，附庸風雅一番。環境優雅舒適，今日客人竟不多，讓我們享受寧靜的一頓午餐。這裡出名的是串燒，我們不約而同選了一人前串燒盛，加了一客粟米沙律，飲品是香橙肉桂薑伯爵茶、自家桂花雪梨蜜。飲品最先送上，用別緻的壺及小酒杯奉客。粟米沙律賣相特別，粟米切成數段，連芯放在粟米衣上，淋上沙律醬、芝士粉、紅椒絲。個人口味覺得沙律醬可減少，如果把粟米芯切掉，吃得會更痛快。吃了一件粟米，串燒盛就到了。湯、前菜 - 泡菜、醬油牛蒡、醬油飯、串燒 - 雞翼、和牛粒、牛舌、冬菇、蘆筍。 好豐富！蔬菜新鮮，可口。醬油飯用上日本米，醬油份量下得剛好，為米飯添上醬油味，又不會鹹。串燒果然出色，有肉有素。用VIP 卡結賬，有85折優惠，豐富又滿意，

今日搵秋香食飯~呢度係中日中日fusion菜式推介白鱔煲仔飯、日本生蠔及各式串燒先上燒汁鮑魚 燒好再幫客人分件,唔洗食得咁麻煩 味鮮肉爽甜 燒汁香甜惹味炸蟹肉球 拆絲蟹肉包成球形再炸至香脆 入口蟹鮮味濃白酒煮大蜆 無沙又大隻 鮮味肉質又爽甜 白酒味香濃滲透了蜆肉之中串燒雞皮 將肥嫩既雞皮洗乾淨去脂只剩一皮燒到脆如薯片 牛舌口感爽脆平均消費$300評分8/10屯門青善街38號康景花園地下26-27號舖

朋友住附近話想試左好耐，所以得閒就約埋另一個陪佢試呢間黃店😝。位置都幾隱蔽下，但意外地都幾多人，好彩book左位😎，朋友仲order定大蜆煲🤤。🔅螢光魷魚沖漬 ($48)幾特別，好爽口😋。🔅粟米沙律 ($68)見到隔離枱叫好似幾正所以跟機😝，又真係好好食。粟米本身都甜，但加左醬同芝士就香好多，不過價錢就有啲貴。🔅唐揚墨魚咀 ($68)最鐘意食呢個！墨魚咀勁大粒🤣，大過墨魚丸！炸得好香好脆但唔油膩，份量都唔算少。🔅辣酒煮大蜆 ($148)蜆都幾多，幾大隻，無乜沙唔錯。🔅上等豚肉煲仔飯 ($138)因為朋友唔食最出名既鱔，所以叫左呢個，黎到已經聞到好香飯焦味。雖然得四舊肉，仲偏肥，不過撈埋隻蛋同蔥無得彈。肥肉都煎到好香，爆quota都照食😋。💬有加一服務費，價錢比較貴；但fusion菜又幾特別，同埋附近無乜呢啲咁有feel既居酒屋，都唔錯，不過建議book位先👍🏻。

居酒屋🍶以鮮明復古🏮的色調裝飾🖼，配以得意搞鬼的星爺金句牌匾玩味十足，單以裝修及舒適的環境😌就值得同大家一齊來試下佢💁🏻‍♀️👉廚師👨🏻‍🍳一夜干定食($158)一夜干(いちやぼし)的名詞來自以前北海道🇯🇵地區以醃漬、風乾一晚的方式保存鮮魚🐟，食落去肉質會更加緊實而且非常鮮美😋，冇咩調味就已經好好吃架la😎配餐仲會送埋兩款前菜🥗、麵豉湯🥣、醬油飯🍘等，整體presentation好靚❤️之餘又大份，啱曬兩個女仔開心share🙆🏻‍♀️👉章魚燒🐙($45)我之前做好research聽講粟米沙律🌽前菜都唔錯🤤，可惜lunch menu冇所以就選左章魚燒🐙，味道中規中矩冇咩驚喜🤭，但睇見熱辣辣的木魚郁郁跳舞👯‍♀️已經夠曬治癒啦🤪👉香橙🍊肉桂薑伯爵茶🫖($56/跟餐$25)鐘意影相📸️打卡的您必叫😉味道似有少少🤏🏻薑味的檸茶☕️，肉桂同伯爵茶味唔算出，但甜甜地都幾易入口😍

今日搵食搵到屯門，呢間居酒屋裝修好特別，感覺好舒服，好適合同朋友傾計～泡菜豚肉煲仔飯煲仔飯上枱熱辣辣，聞到好香，食落都好香口，豚肉好有口感，配埋泡菜，酸酸辣辣咁好開胃白鱔煲仔飯白鱔切到好大件，食到焦香味好正！飯中間仲有蛋黃，撈飯食一流呀，但兩款煲仔飯都冇乜飯焦，有點可惜，飯焦係煲仔飯嘅精髓呀！但係味道的確唔錯！串燒雞翼燒全翼，大大隻，燒到好香，雞鎚好厚肉唐揚墨魚咀墨魚咀都幾大粒，好有咬口，都幾彈牙，點沙律醬勁好食牛蒡好多條，整到好入味，好好食梅酒食串燒好想飲梅酒，搵返去日本居酒屋嘅感覺，哈哈！呢度嘅梅酒都幾好飲黑啤有半價，好正，朋友話都唔錯

💫 「賞花賞月賞 秋香」店主係星爺影迷，所以呢間居酒屋命名為「秋香」，提供中日韓fusion菜、串燒、創意小食、煲仔飯及威士忌、手工啤等，裝潢走歐式Casual風格，藤椅櫈、復古吊燈，店內亦掛上電影中耳熟能詳金句，又好打卡又盞鬼👍🏻雖然「唐伯虎點秋香」已經係28年前既作品，不過呢套咁經典既喜劇，又點會有人唔曉！ 我認為只有星爺既戲無論睇幾多次幾無聊都會想笑都唔會厭，佢既「才華」真係有種莫名其妙既魔力🙌🏻💫🚩一人前串燒盛定食💫「燒雞翼～～我鍾意食～～但係你老母講你就快釘⋯⋯」串燒包括雞翼、和牛粒、牛舌、蘆筍、香菇，大大份幾豐富亦好夠餸飯👍🏻整體質素唔錯，但味道無驚喜，食得串燒預左油架啦，唔油都唔係串燒喇😌😌🚩秘製豚肉飯定食💫「朱茜 你究竟喺度搞乜嘢傢伙呀？」由於第一次個豚肉太多肥膏，職員主動話可以換，但第二次換到黎其實都係一樣😂呢隻肥豬肯定好食好住，一層層肥瘦分明，稔就一定稔，但真係太肥美，可以食得落肚既肉唔多🤧食完既記憶點只係好多肥膏，味道如何根本無咩印象。🚩粟米沙律💫「別人笑我太瘋癲～我笑他人看不穿～」事前我有先做功課，知道粟米沙律係大獲好評🤤果然最驚喜係呢個前菜！！粟米燒過份外香甜