秋香 (康景花園)

营业中

休息中

由九龍專登搭車黎屯門試試新口味「秋香」fusion 菜，疫市中無得出外食晚餐，所以係下午時間去到，叫左all-day set既F.串燒盛&和風炸雞🍗，估唔到咁大驚喜💕依到既炸雞唔簡單，雞件內加左番薯，唔知係咪因爲番薯既關係食落唔會覺得油膩，仲炸到好脆口😻👍🏻串燒部分我主要食左大啡菇雞翼，真心覺得唔錯，而肉類男友評價都覺好味😋配埋飯份量十分足夠😋，整體係大大驚喜😍👍🏻菊花茶味道加上柚子既甜度，剛剛好不會太甜或淡，而茶壺加細細酒杯，一中一西好特別，打卡一流😂👍🏻十分推薦比女仔們😉

在屯門一條遠離熱鬧的一條巷子中，秋香餐廳裝潢別樹一格。一走入餐廳，抬頭就望見顯眼的牌匾，上面寫了唐伯虎的名句「別人笑我太瘋癲 我笑他人看不穿」，玩味十足。不難發現，餐廳食物多以佐酒為主，有人人都愛的串燒、海鮮，還有自家fusion煲仔飯，配一杯葡萄美酒，讓人賞心樂事。白鱔外層燒得帶點酥脆，內層鱔肉很嫩，而且濕潤，不會overcooked，必食！秘製牛肋條煲仔飯煲仔飯加入微甜的秘製醫汁，配以炆得香腍的牛肋骨，味道一流，當然唔少得脆卜卜的飯焦。串燒食串燒嘅時候最怕燒到乾柴，今次試雞肝、雞腎、牛舌芯、大啡菇以及波板糖五花腩都無事，燒完仲好juicy，無得輸！澳洲茄子，嚐點小清新！

Fusion居酒屋，店名取材自電影《唐伯虎點秋香》💕我地揀左白鱔煲仔飯，牛肋條煲仔飯，豬腩肉煲仔飯，燒茄子，明太子炸燒賣，免治雞肉棒，黑糖枝豆。總結黎講我覺得樣樣都好食冇中伏，裝修又靚，不得不提既係白鱔煲仔飯真係無得頂，白鱔夠大肉又肥美，用珍珠米做煲仔飯，飯焦唔多但夠入味💛牛肋條嫩口同牛扒一樣，一咬落去牛汁爆開 少見燒茄子唔係大陸嗰種燒法，茄子係彈口又保留鮮味，口感似燒菇明太子炸燒賣有驚喜，口感好似芝心丸。不過真係要記得book左位先好嚟 walk-in餓死都未等到P.S.地點較為偏僻，要係西鐵站行20分鐘先到😂但食完當散步都可以既，就係未食野前行20分鐘有d餓又累

好久沒來了，別來無恙丫嘛?!哈哈，好像老朋友般問好似的，秋香，你好，好久不見!!我來探你了哈哈。 真的好耐冇來了，今次係6点左右時間來，諗住時間尚早,唔使book位，好彩真的是早來，仲撞正星期五，遲一個鐘都full了慶幸,慶幸!! 今次第一次喺夏天既時候黎，以往都係秋天涼凉地來，所以今次坐窗邊有點兒哂🌞正是列日當空🌞 好喇，入番正題，坐低點左個必食煲仔飯，必飲梅酒同必食串燒 2個人食差不多，不會太滯 燒得好肥美，唔怕肥，可以試 牛肉，好味，剛剛好 點了兩份，正必飲梅酒，飲梅酒都有學問，原來要等d冰溶哂先冇咁甜先好飲㗎*用餐時間一個鐘內，食完開始多人即走了整體來說，這算是屯門位置較有特色小店居酒店之一，味道ok.食物即叫即整，價錢中等，適合一家人，朋友聚餐，本人因為怕太逼太嘈吵多人，所以會選擇較早時間冇咁多人先去

Booking: 打電話book，walkin多數都無位Location 係少少難搵Drinks: 佢哋都有好多手工啤酒同唔同嘅嘢飲揀我自己唔飲酒，所以揀咗一個碟豆花野梅梳打，正常黑糖支豆不過有次試過佢個黑糖炒燶咗所以唔好食今次個味ok，個甜味同支豆幾夾，熱辣辣柚子帶子帶子刺身然後加少少柚子皮碎，我覺得淡左啲一般般，但新鮮喺下面再加啲蕎頭，酸酸地Whiskey 蠔呢個真心好食，大概手掌唔計手指咁大。但佢每晚份量應該唔多，因為我哋嗌完之後下一台上嗌冇佢上枱嘅時候會係你面前噴一噴whiskey，同提你要趁熱食佢應該只係輕輕燒暖左，所以隻蠔無縮水，入口好滿足，個海水味同個whiskey 味好夾，creamy同海水味好平衡。大蜆好似係清酒燒，入口個汁係香，但個肉太細貴左啲魷魚一夜干好厚肉，唔會燒到太乾，入口好香魷魚味，因為夠厚所以咬落好軟熟免治雞肉棒免治雞肉同埋啲雞軟骨一齊打碎再燒，個雞軟骨加咗脆口嘅口感，再點蛋汁醬油，真係好正！必試！燒白鱔，正常，細件但厚身(左至右)燒雞肝入口偏乾，但咬多幾啖個肝味就會開始出嚟燒蒜頭我以為佢係燒原個蒜頭所以有啲失望燒牛舌都幾厚身，攞嘅位都算係牛舌心嘅位，所以

雖然吃了晚飯但覺得不夠喉，於是來到這裡邊飲邊吃小食。來到這裡才發現老闆是九州人，卻說得一口流利廣東話和英語，真係估佢唔到還打趣的說我不是日本人啊。但由於吃了晚餐的關係，於是叫了兩個佐酒小吃黑糖枝豆和燒白膳。這裡主打威士忌，燒烤及煲仔飯。當然不能不叫上一杯highball，內人則叫了gin tonic。但這裡的highball超級大杯，比日本更大。不得不說，店家每天很早就去搜羅新鮮肥美白膳，難怪白膳非常新鮮亦超級肥美，外皮也燒到卜卜脆，一點小骨都沒有。不好意思，不習慣相機先吃，白膳被我吃了一口。枝豆加入了黑糖醬，送酒一流。

住大西北既朋友話呢間隱世居酒屋係屯門必試 長期高朋滿座 好彩朋友一早訂左位, walkin真係有d難度位置對於區外人黎講都真係幾偏僻 好彩朋友帶路先搵到 門口十分易認 大大隻字 裝修都好特別 由於天氣太熱 未叫野食要先叫酒水下下火 呢到提供各種各類香港製啤酒同日本酒  一行4人叫左極大量野食 (有d食完先記得影haha) 好有趣既粟米沙律 一條條咁食魷魚一夜干 超超超超超好食 肉質極嫩 味道極鮮白鱔煲仔飯 豬腩肉煲仔飯 兩個煲仔飯各有千秋 但我地4個都鍾意肥豬肉煲仔飯多d另外重有一堆串燒，小食 但唔太記得d名haha 牛舌極推薦 但黑糖枝豆就甜得濟了整體黎講成間舖氣氛好好 店員都幾nice又會同我地吹下水人均$350左右 (食到極極極飽) 質素同價錢成正比但開係呢個街坊位就有小小偏高消費

之前一直都想嚟試，但每次WALK IN條人龍都唔係人咁品。今晚終於有機會帶埋唔係住本區嘅朋友一齊試食。因為室內滿坐，被安排喺外面坐; 無緣感受室內嘅裝修同氣氛。下次吧…呢度好多人推介居酒屋必點嘅串燒之外，另一推介竟然係煲仔飯。所以我都點咗2款嚟試試秘製牛肋條煲仔飯: 燒過嘅牛肋條面有DD韌，好香口而且肉味濃。豬腩肉煲仔飯: 個樣好似好肥，但食落完全唔覺肥膩，入口好甘香。+撈埋生雞蛋、櫻花蝦同蔥花，口感好豐富。煲仔飯係用銅煲一齊上檯，個煲底仲有我最愛嘅飯焦呀。串燒不能不點啦，點咗不同種類嘅肉類同大啡菇。燒得好好唔會乾柴，而且搽上嘅醬汁唔會清一色一樣，好夾。魷魚一夜干: 肉質好嫩，一D都唔韌。我都係第一次食用魷魚做嘅一夜干!餐牌上面甜品有一款，叫做’今日的甜品(想知係咩?問我地啦!)’ 。店員話今日係芝士年糕，點咗一客。唔知下次嚟會唔會試到另一款甜品呢…呢度好適合朋友傾計聚聚，因為好嘅食物需要耐心等待...

如果唔係有朋友係屯門地頭蟲 我都無機會食到呢間屯門隱世居酒屋💛 一入到去就俾佢嘅裝修吸引住 特別佢個banner「別人笑我太瘋癲 我笑他人看不穿」講番正題 必試呢個白鱔煲仔飯 有四大舊好肥美嘅鱔 加埋隻蛋同啲葱 遠處已經聞到好香 加上個飯焦唔痴底 夠哂脆 唔小心成個飯食哂😌✌🏻

今日同朋友揀咗呢度食飯，因為朋友住附近，大家想食啲特別嘅嘢，就揀咗呢一間外表同埋裏便都幾有特色嘅餐廳。餐廳係類似日式居酒屋但有夾雜啲香港嘢食，選擇其實都幾少，想食嘅螺同蜆都冇晒😭所以就叫咗鮑魚。估唔到係咁好食！個賣相都唔錯！嘢食係逐碟逐碟咁上嘅，上得好慢😐不過聽聞係得一個人煮嘢食..仲叫咗燒黃花魚豬腩肉煲仔飯同埋白鱔煲仔飯個魚燒得非常好食！推介！豬腩肉煲仔飯就唔推介啦，因為個肉好硬咬唔開咁濟，白鱔煲仔飯都OK嘅。讚嘅係內部裝修擺設好有心思，都可以一試嘅🙂

依度餐廳似啲日式居酒屋，比啲人放左工或者放假可以同班朋友黎吹水chill下🥳但係佢mix左啲港式風味，大玩fusion菜式👀但係餐廳位置真係比較穩世，本身係屯門區已經係大西北嘅角落，仲要唔係市區位置，如果係搭西鐵係屯市站落嘅話要步行廿五分鐘左右嫁，想食都要比啲誠意😂**********<粟米沙律> $68依個粟米沙律係成條連芯切到一舊舊咁舖係底，上面就放左大量嘅芝士，仲有美乃滋同沙律醬，第一次食咁樣嘅粟米沙律，出奇地有驚喜，好好食！🤤**********<免治雞肉棒> $42<牛舌> $34串燒黎講就唔算特別出色，個牛舌就中等水平啦，而個免治雞肉棒似係自家製嘅，配左個月見醬油汁，食落都ok嫁！**********<白鱔煲仔飯> $178白鱔煲仔飯係重點啊，個味道唔似傳統港式煲仔飯咁樣，帶啲日式風味，個煲仔飯有四大舊白鱔，係厚切嫁，大舊過平時啲串燒好多，不過都有少少骨要小心啲😍同埋依個煲仔飯個底係有飯焦嫁，正！

雖然位置有少少僻，不過去到覺得環境好好，而且服務態度超級好。食物質素都好好，值得推介呀！同朋友2個人食，叫左幾款食物，泡菜豬肉煲仔飯，墨魚咀同炸雞，同一杯飲品。墨魚咀真係好好食，又大粒。第一次食煲仔飯係泡菜豬肉，好似食韓國菜甘，而且佢份量都好足，加埋只蛋，變得好滑，好香。炸雞方面，入面好多汁，好滑，不過我嫌佢嘅調味料重左少少，但整體都唔錯。飲品方面，係蝶豆花梳打，唔算太甜，比起其他款，呢款都值得推介。

行行下回家，途經發現了一間裝飾特別的餐廳，次次晚上經過都會話搵晚去試下，終於今日都試到喇，店內裝修也十分特別，有著故事的裝修店面寫上了 出名是 煲仔飯，當然要試試啦，他們煲仔飯有別於其他，沒有傳統的飯蕉效果的🤨不過味道好野味，我們揀了..「牛聊條煲仔飯」「薯條」🍟 正呀 粗薯條「雞翼 」麻麻地，仍有雪味「黑糖枝豆」第一次食這款味道枝豆，出奇地 仲食唔停口，相信襯埋啤酒 一流呀備註：有本地出品啤酒，相當吸引，不過今次無試原來有生蠔，下次要試試先得

突登搵間店同朋友gathering 一下見到呢間環境唔錯就book 左枱試下啲野食黎到好有驚喜 個賣相好有誠意 味道都十分唔錯飲品方面 好多酒類選擇 本地製作啤酒 whisky 都有甜品都好好食下次會再試

約了好耐冇見嘅朋友食飯，大家都鐘意飲酒，係和你eat見到呢間好吸引咁就book左。去到俾左吧枱位，好靚好有feel，老闆娘好nice咁同我哋介紹邊款嘢食一定要試，嘢食質素好高，叫左枝豆、薯條、燒日本小番薯、燒雞腎、芝士年糕，坐部都係即叫即整熱辣辣，最鐘意係芝士年糕，外脆內煙韌加埋煉奶好食到暈我同朋友重叫左兩支手工啤，一支熱情果一支茉莉花，熱情果好開胃配埋薯條勁正👍🏼👍🏼已經同朋友約定下次去試埋其他味嘅