秋香 (康景花園)

营业中

休息中

平時經過都唔太覺眼嘅小店，但有好多推介都推介呢間，所以晏就同同事黎呢間小店食lunch(>^ω^<)佢嘅串燒就中規中矩，如果有返少少汁會好啲冇咁干。不過個飯好食，有用高湯煮。呢個煲仔飯有好多肉係面,材料落得好足唔會hea!不過就偏油，食到尾會有少少漏。而個烤雞扒就好juicy，雞扒外皮脆，加埋沙律醬用黎送飯就好夾。飲品方品係幾特別嘅( ´▽` )ﾉ，而整體黎講食物方面係好食嘅，不過價錢就偏貴。環境係坐得舒服，可以忘記現實，好似係日本咁！

好耐之前食過一次晚市，覺得食物質素都幾好，今次就係星期日嘅午餐時間去，成個晏晝都係得幾枱客唔太多人，可能係因為位置唔太顯眼🤔不過午市淨係得一人前昼食menu，無得叫單點menu嘅粟米沙律，上次食過好好味嫁😢**********<秋香鹽燒白鱔煲仔飯> $208黎到必點嘅秋香鹽燒白鱔煲仔飯，白鱔足足有四大舊，而且每一舊都好厚身，口質彈牙亦都無乜細骨！平時去食串燒一串燒白鱔都五六十蚊，所以計返又唔算好貴，真心推薦啊🤤**********<一人前串燒盛> $138叫左雞牛各一set嘅串燒盛，雞set有雞肉、雞翼、雞腎、雞肝及冬菇，牛set有牛舌、牛柳粒、豆卜、秋葵及雞髀菇，串燒味道整體都唔錯，另外仲跟飯同麵豉湯，碗飯有輕微調味望落無白飯咁dry😂

忙碌咗一個星期，終於到週末。同朋友去到置樂嘅轉角，見到間懷舊風特色居酒屋，秋香。牆上掛上「別人笑我太瘋癲，我笑他人看不穿。」。不在意別人嘅看法，只係自己，呢個理念體驗係都餐廳上，唔係一般嘅日式居酒屋，而係fusion多國菜。係疫情下，新推出全日menu，選擇點左四個主菜share，一於食曬多國菜。朋友C之前食過晚市，都推介煲仔飯。招牌白鱔滑蛋豆腐煲仔飯，暖笠笠，最適合呢個得10度，風雨交加嘅下午。白鱔大大舊，魚肉肉質仲好滑，有鮮味。滑蛋鋪滿晒飯面，仲有啲雜菇，有啲似日式嘅滑蛋飯，不過係有香口嘅飯焦。泡菜豚肉炒韓式年糕，一聽就知道係韓式嘅代表。豚肉片肥瘦適中，預先煎過，所以好香口。簡直係啖啖肉，豚肉片仲多過年糕。辣得來帶少少甜，醬料調製得唔錯，當然對本身愛泡菜嘅我唔會好辣。日式嘅代表點咗手工漢堡飯配牛肝菌汁日式弁當。手工漢堡好厚身，咬落有好濃嘅牛味，唔會比牛肝菌汁蓋過。西式有紅酒燴牛舌飯。與其話牛舌，不如話有好多牛腩，煮得夠淋，夠入味。總括而言，最欣賞都係煲仔飯。希望開返晚市嘅時候，再嚟秋香食唔同口味嘅煲仔飯，同埋朋友C所推介嘅粟米沙律。

第一次黎到嘅時候，就比吧檯嘅酒吸引住，放滿唔同種類嘅酒，仲有唔少支酒係被吊住放。上等豚肉煲仔飯 / $138專登因為個煲仔飯再嚟食🤤🤤呢度唔似出面用瓦煲，有4大舊豬腩肉，外皮脆卜卜，脂肪比例好，唔會太肥，肉好似仲多過飯，撈埋雞蛋同蔥花，好味！！仲有飯焦都係我食煲仔飯嘅誘因🍚🍚🍚唐揚墨魚咀 / $68炸得香脆唔油膩，而且大大粒，好有口感，呢個推薦✅黑糖枝豆 / $30朋友推介，估唔到咁夾，因為枝豆剩係食入面粒豆，食嘅時候就可以啜晒表面嘅黑糖漿。串燒串燒之前食過正正常常，但係，今次嘅串燒好難食（sorry, 真係用難食形容）因為佢預期都係即叫即燒，但上碟時唔夠熱，肉質不好，雞皮不脆。唔建議大家叫串燒🙅🏻‍♀️不過，裝修佈置幾有特色的，黎飲2杯傾計放鬆都係唔錯嘅選擇。而且店員服務態度友善。

28.01.2022之前在黃金海岸「秋香」堂食，煲仔飯好好味，常常心掛掛，想著何時再去食；家人生日，可惜停了晚市，所以考慮去置樂買外賣回家享用。網上跟餐廳職員聯絡，很有耐性解答，送上各款餐單，除了套餐，還有串燒、燒物、主食、煲仔飯、甜品及飲品；還加了外買便當。最近煲仔飯轉了用瓦煲原煲上，所以訂了鹽燒白膳煲仔飯，溫馨提示，煲仔飯限量供應，無論堂食或外賣都要預早訂定。串燒：牛舌芯 串燒：迷你雞脾菇串燒：菠蘿 幾款串燒都不錯，雞脾菇有點難咬，菠蘿好香好甜特式炒雜菜 份量很多，真的想不到，各款雜菜，味道好，不會太鹹或太油鹽燒白鱔煲仔飯除了用瓦煲原煲上，還用錫紙盡量保持溫度，加上我帶了保溫環保袋去盛載，所以回到家打開，仍然是暖的。白鱔依然香甜，煲底有少少飯焦。「外賣我地希望能盡力保持質量. 始終都唔能夠跟堂食即享用咁美味呀」正如餐廳說，當然無可能苛求跟堂食比較，所以找天再去食。

💛黃店📜”秋香 (康景花園) (屯門)📍地址:屯門青善街38號康景花園地下26-27號舖🤍 分店地址: 屯門📝評價💬📢 白鱔煲仔飯 $208最多人推介嘅煲仔飯每日都有限定嘅數量😍本身出街好唔鍾意食魚😳佢完全係令我破戒👀煲仔飯加埋佢嘅飯焦真係好出色😏夜晚唔想食澱粉質嘅我都俾佢吸引住😋😋好香好入味😋😋上面仲有隻蛋黃💛💛完全做到色香味俱全😆另外仲叫咗兩款小食😍串燒的確係好出名又抵讚 大推👍🏻👍🏻牛舌$38唐揚墨魚咀$66🏵環境指數:⭐️⭐️⭐️⭐️⭐️🏵味道指數:👅👅👅👅🏵抵食指數：💰💰💰🏵回購指數:❤️❤️❤️歡迎餐廳合作/試食🥰 可DM聯絡📩#美食推介 #屯門美食 #屯門黃店 #黃色經濟圈 #黃店推介 #黃店 #黃店系列#instafood #美食分享 #hkfood #食好西 #吃貨 #hkfoodig #懲罰黃店 #foodiehk #良心小店 #foodieshk #hkfoodies #Yellowfood #852food #相機食先 #香港美食指南 #hkfoodblog #一路食一路post #美食地圖 #foodieksk黃店 #yellow屯門#foodieksk屯門

Happy lunch- Covid 時期，香港人只剩午餐時間食好西！ 已經唔係第一次幫襯秋香， lunch set 出咗 牛串燒 set 又有雞 串燒 set, lunch 可以食到熱辣辣嘅串燒真係啱晒我 😍尤其是牛舌係我最愛 🥰🥰🥰🥰 仲有軟林林冇根好鬼正！極力推介 ♥️雖然我食嗰個係雞串燒 set , 咁係偷咗個男朋友我份牛舌食😍 仲有佢嘅炸物， 炸芝士波 炸雞都係係我極力推介，本身我就唔食芝士波，但係佢炸得好乾身仲要好脆！ 出邊好難食到！ 芝士波外面個皮好似係米做😍😍😍😍 大家可以試吓

正岩今日是生日，第一次嚟這間試吓，一打開餐牌，嘩，價格很貴，食物選擇少，一個細細煲仔飯百多至二百幾蚊，一串只有三小舊鰻魚串燒7x元，兩人只係食了兩個炸物、三串串燒、一個煲仔飯、兩杯飲品，已$6xx蚊，問女職員，正因本人今天生日，可有小食或甜品送或優惠？女職員回覆，可加$20加紙入單食今日甜品：黑糖番薯。最後埋單，單上顯示黑糖番薯$68，另加字服務$20，頂，不是加$20優惠價甜品，原來另加$20寫得極樣衰字Happy Birthday 加一支蠟燭，講清楚吖，$88仲加一，食一個甜品😡，立即向埋單男職員理論，這樣女職員出現誤導，男職員竟然回答說他們自己會內部檢討，錢照收，埋單七百幾蚊......環境、食物相比價格極不值、很貴，食物選擇又少，職員溝通不良引致誤導，草草了事沒為客人分解，服務差劣，何值加一服務費呢?原本食品單價已很貴，寫兩個樣衰字加支蠟燭給客人生日也另收費，只懂加費、收錢，冷理客戶感受，絕對絕對不推介....不會再嚟

之前往往係食飽至醒起秋香，一定要搵次同佢相遇一吓。店內環境有點Chill跟懷舊嘅混合體，一大排嘅窗感覺Chill一大塊橫扁感覺懷舊，加上酒吧位置有亮銅色嘅裝飾，猶如置身一家老店。四人分別點咗吉列池魚定食、花魚一夜干定食、牛大大串燒盛定食、韓國年糕配炸雞。各款定食賣相好吸引池魚好酥脆，配他他醬更為美味。辣炒年糕配炸雞，夠哂火辣，辣得嚟係不斷一口接一口，炸雞被辣醬包圍，外面香辣、內裡嫩滑肉汁豐富，嗜辣嘅朋友不妨試試。牛大大串燒定食，各種串燒燒嘅時間跟味道恰好，牛舌同牛粒嫩而有汁，秋葵跟雞髀菇燒好後淋上醬汁調味，但無食材跟味道分離嘅感覺。花魚一夜干定食，魚重味咗少少，有點鹹，不過烤得好香，魚肉唔會柴口，有肉汁流出，近乎完美嘅一餐，真心推介。

今日係openrice見到呢間嘢好評都唔少就黎試下入到門口 見裝修都幾靚 都有少期待點知啲嘢食少到過分 味道又一般 真係冇期望就冇失望三個人食左740 仲要額外買嘢返去食 個茄子真係伏到唔知講咩 完全冇味 燒到啲水分都冇曬 雞腎燒到黑曬又硬 雞皮一啲味都冇 最緊要係啲串燒三十幾蚊仲差過十幾蚊嗰啲 真係替你地擔心煲仔飯個份量等於屋企個碗一半份量 蟹肉煲仔飯係唔錯 但係麻辣雞煲仔飯就唔知想點 通雞煲撈飯冇分別 份量仲要咁少 唔知講乜冇下次 唔明點解會咁多好評 伏到冇得再伏

一嚟到就比佢既裝修吸引到😍好適合同朋友嚟chill下傾下計🤪叫左串燒雞肉、雞肝、雞腎、牛舍芯、原條茄子、免治雞肉棒、吉列炸蠔、章魚燒、粟米沙律、明太子芝士竹輸（每件$28-$90）串燒好食😋火喉掌握得幾好，皮脆肉嫩👅淹日本豚肉煲仔飯($148) 煲仔飯普通💗不過有飯焦😍😍整體食物質素唔錯，但偏貴少少，環境舒服😚整體美味程度：👅👅👅/5CP值：⭐️⭐️/5📍秋香屯門青善街 38號康景花園 26-27號

住左屯門3年，係就黎搬屋之前同老婆幫襯一直想幫襯既「秋香」。 可能期望太大，落差都比較大，今次係幾失望既。內部裝修幾靚，好多星爺套「唐伯虎點秋香」既經典對白，個人幾鐘意佢個環境，香港黎講幾好feel👍🏻👍🏻吉列生蠔 8/10即叫即整，生蠔size都幾大隻，一咬開熱辣辣，好多汁，食果時要小心，呢個好好味👍🏻👍🏻👍🏻威士忌燒生蠔（6/10）職員話係半熟生蠔，但我就覺似只係加熱個殼🤣🤣 上面加上蔥花同偽魚子既野。上檯後，職員拎左支噴噴，向生蠔噴上幾下威士忌，但可能我落得多咗少少檸檬汁，完全食唔到威士忌嘅香味。 但好彩本身蠔嘅質素尚算唔錯，大隻厚身，有蠔味。 但我寧願直接係上生蠔，加熱個蠔殼有少少無謂😅串燒（菠蘿、雞肉、七里香、牛舌心、厚燒豚肉） （4/10）全晚最期待，同時最失望😞-菠蘿：我無食，老婆話唔錯，幾甜同好汁雞肉：比較乾，雞肉粒比較細，所以都無咩口感-七里香：乾，無味😅-牛舌心：我本人好鐘意食牛舌心，但可惜今次燒得比較乾，牛味淡，偏韌但未到咬唔到既。調味都較淡-厚燒豚肉：係真係好厚身，因為有肥膏所以相比下叫做無咁乾，但調味都係偏淡，食材本身既味道都偏淡。燒茄子（6/10）正常水平

屯門秋香一直想食好耐，每次訂位都要排幾日，今日終於打算去walk in 碰一碰運氣，竟然可以比我walk in成功。餐廳幾有氣氛，幾有特色，尤其係飲品既名。花多眼亂之下，我就叫左啤酒同燒雞肉串、原條茄子、蟹肉蟹膏煲仔飯同特式炒雜菜。無幾耐就先嚟一個前菜，係類似鮑魚群邊嘅前菜，幾好食。雞肉串都好味，燒得入味同幾腍。原條茄子幾抵食，大份。蟹肉蟹膏煲仔飯係間店最出名嘅，所以有定叫一定要叫，同埋真係好食，多蟹膏仲同有蟹肉。炒雜菜都係大份，主要都係似日式炒菜，味道唔錯。餐廳整體都幾有氣氛，仲可以叫其他酒類飲品，但位就難訂啲，通常都要早幾日先訂到。不過嘢食真係幾吸引，有機會都想再嚟。

去完置樂買野，就係附近搵下有無d特色野食，老公就帶我呢左呢間【秋香】食，諗住居酒屋+串燒形式，都唔會太飽太多份量，點知食物一黎，wow,😱比我預期大份同埋係十分足料！而且全部都係即叫即整，店員好好，唔會一下子就堆哂d野食係我地枱，會因應我地食野進度上菜，保持到樣樣野都熱辣辣咁上枱，特別推薦白鱔煲仔飯+墨魚咀+燒原條茄子，超超超好食！而且全部即叫即整，最後食到好飽飽，最緊要食物對得住價錢，絕對會有下次😃

聽日要推介嘅係置樂一小角既福聚樓，麻雀雖小，五臟俱全，好特別嘅風格，感覺非常舒適。先要講嘅係呢杯牛油果smoothies，完全冇特別添加嘅甜味，只有牛油果嘅香味，非常健康。仲有要比credit呢隻咁有風味嘅水杯，超級靚。然後到咗沙律時間，八爪魚中東沙律🥗 呢碟沙律大碟到嚇親人，超多！原本係帶辣，staff非常好，幫我地轉普通沙律醋，非常considering。main course係魚，魚肉質感非常嫩滑，同時亦都好配合醬汁。最估唔到，雪花式既芝士咩叫錦上添花，加埋配菜真係一流。最後係南瓜意大利飯，南瓜味道清香，食到最後開始已經有啲飽意，味道好唔錯，但就唔係好食得晒。