秋香 (康景花園)

营业中

休息中

@秋香屋企附近非常出名尤其佢嘅煲仔飯竟然係解除密切接觸者隔離令先去試裝修佈置好特別牆上面有句「別人笑我太瘋癲，我笑他人看不穿」即時想起唐伯虎 同周星馳果然係賞花賞月賞 「秋香」我點咗豚肉生薑燒蓋飯佢係滑旦炸豬扒蓋飯午市套餐都包括前菜 味噌湯首先材料新鮮份量充足蓋飯汁非常濃厚 令碗飯由開始到尾都充滿汁 一啲都唔乾加杯signature drink食飽後即時復工充滿力量 😋開心其實好簡單如果我冇記錯黃金海岸商場應該有另一間店下次一定要試佢嘅白鱔煲仔飯

秋香開業時已傳遍整個大西北，少有屯門開設打卡而創新的居酒屋，有幸那晚朋友選址訂坐此地，親身感受到老闆對周星馳的熱愛，與及地道中日居酒屋的氛圍。餐廳外貌非常有質感，紋路牆身、秀麗餐廳名字體、綠植物、黃燈與中式小木門的配搭，表達出現代設計而不失古舊感，有2秒以為要穿過小門內進原來正門在旁邊小巷，採用日式趟門帶出居酒屋風。那股懷舊風伸延至室內，更大膽地選用藍、淺木及灰色配搭，加上電視《唐伯虎點秋香》牌匾高高掛，帶出了周星馳的玩味感。餐牌簡單地有少量散叫、2人及4人套餐，套餐包含各類食物和特式煲仔飯，朋友與我毫不猶豫點選二人套餐試試。以為中式海蜇撈麻油，原來醬汁如螺肉前菜，酸酸甜甜也頗開胃。黎明來到：橙黃色的飲品完全將幻想中的橙黃日落景呈現，味道為橙汁底帶西柚酸味，容易入口又清爽。秋香特飲：由紫漸變到白的餐廳特飲原來是洛神花檸檬梳打，梳打凍檸水底帶淡然洛神花酸，清新又解渴。火炙之物拼盤甚為豐富，共有6款食物於當中：蟹肉— 蟹鮮味帶濃烈炙燒味.三文魚— 炙燒後稍有魚油溢出，若選用油脂較高三文魚效果更出色，沙律醬增添惹味度.鯛魚— 燒後顯得較乾身及無味.威士忌燒蠔：威士忌於上菜時淋出，令蠔帶有清甜

去屯門搵朋友唔知食咩好，一於去返呢間之前食過既高質隱世小店💛。上次黎食晚餐，今次試埋lunch set 😋。有幾張高枱坐窗邊，雖然出面無咩景，不過裝修都幾日系小店風，環境都唔錯😚。🔅薄燒日本豚肉煲仔飯 ($158)薄切豚肉燒得超香，一拎黎已經聞到陣陣香氣🤤。有勁多片肉，油脂勁香甜🥺，超邪惡！中間仲有好多菇同洋蔥，入晒味好正😍。煲仔飯最重要既飯焦都有，仲要飯多到食唔晒🙈。🔅雜錦火灸丼定食 ($138)帶子大大粒，好鮮甜。三文魚同鯛魚各有三片，都唔算薄，表面灸燒完好香，加埋玉子燒夠晒豐富。飯都好大碗，珍珠米有調味，同魚生好夾😋。🔅牛舌芯 ($58)厚切牛舌芯大大片，燒得嫩，夠爽口👍🏻。🔅牛粒 ($48)牛粒唔韌唔乾，燒到啱啱好😋。🔅檸檬梳打🔅橙汁💬雖然餐廳位於屯門較偏僻位置，但店家用料相當用心，門口見有用新潟米👍🏻。煲仔飯同火灸丼都相當用心，味噌湯都好足料，值回票價😌。

秋香單單係屯門已經有2間分店 💎💎佢地裝修充滿特色 係類似Fusion既居酒屋感覺 🍶🍵-💯招牌白鱔煲仔飯白鱔啖啖肉!非常肥美肉嫩😍D皮燒得夠香脆 👍🏻加上食鱔最怕既泥味係一D都無咖!🫶🏻除左白鱔 煲仔飯最正既飯焦都唔會少~佢用左珍珠米 所以飯焦口感都特別煙靭 成件事真係一種享受我必定會再返食😛😛🍢串燒盛套餐有牛柳粒,燒菇,燒雞翼,墨魚串同燒豆腐!最有驚喜係燒菇🍄燒完唔會乾仲哎落好多汁😛另外墨魚串都好有咬口睇番原來係店自己手打誠意十足😋套餐包埋飯係有調味唔係普通白飯咁寡值得一讚😋整體食物環境服務都唔錯唔怪得都多人推薦😋😋

復古風裝修，店內牆上掛有周星馳電影 {唐伯虎點秋香} 經典對白「別人笑我太瘋癲我笑他人看不穿」字句。主要供應串燒、丼飯、招牌黃銅鍋煲仔飯、各式酒類(cocktail/威士忌/手工啤/清酒/燒酒/果酒等等)。堂食套餐包括 ： 前菜、味噌湯、SOFT DRINKS (可樂 / 薑啤 / 檸檬梳打 / 炭酸水 / 橙汁)火炙帶子蟹肉丼定食套餐 $148丼飯調味會較煲仔飯淡，不會搶去刺身丼飯原鮮味。蟹肉、帶子、玉子經火灸後，微微焦香，拌上少量魚子醬，再自行加少許新鮮檸檬汁，丼飯味道清新又帶微微鮮味鹽燒白鱔煲仔飯套餐 $238上枱時，熱辣辣，聞落有淡淡白鱔香，一食更加不得了！白鱔，有4件，每件都大塊，肥美肉厚，啖啖肉，口感好豐富！ 白鱔肉質嫩滑彈牙，唔腥，每啖魚肉都令口腔佈滿魚油脂香！ 魚皮燒得好香脆，名副其實皮脆肉嫩，本身米飯已吸滿白鱔魚油香，拌勻蛋黃後，令每粒飯沾滿蛋汁，配合埋香蔥及少量櫻花蝦乾，香味撲鼻！ 煲仔飯會有輕量飯焦，焦脆度適中凍茉莉薄荷蘋果蜜 (凍) [+$15 由套餐飲品轉為特飲]原價 $58自家制蘋果蜜甜甜的又有茉莉花香氣，配埋薄荷葉，解膩濟感覺柚子青檸梳

秋香📍屯門青善街38號康景花園地下26-27號舖 💰$36手羽先 🍗「燒雞翼，我鍾意食〜！」可能因為餐廳叫秋香，所以同朋友食呢隻燒雞翼嘅時候，都唱咗兩句呢首歌！呢隻燒雞全翼都算大隻，不過肉質就比較硬，味道正正常常，冇咩特別。如果味再濃啲，皮再脆啲會更好食。 💰$38松露墨魚棒 🦑呢款松露黑魚棒就正好多啦！佢嘅松露醬夠晒香濃，配住本身偏淡味啲嘅墨魚棒一齊食，真係好夾呀！佢唔算太大串，可以過吓口癮，推介！ 💰$36雞皮 🐓去日本居酒屋當然要叫雞皮啦，不過最近幾次食日本菜叫嘅雞皮都唔算特別好食，我哋呢串雞皮烤得過咗龍，啲皮都黑晒，食落有啲苦苦嘅焦味。雞皮口感尚算OK，都係爽口彈牙嘅。 💰$18日式醬油飯 🍚睇餐牌時我哋驚唔夠食，特登叫咗碗飯嚟食，點知佢咁大碗，最後食到攬住個肚走！呢碗日式醬油飯睇落平平無奇，但其實都頗有驚喜，而且兩個人分食都唔會覺得少，如果怕煲仔飯太多食唔哂都可以試吓呢款，佢嘅珍珠米好有咬口，而且我哋最後都將呢碗食唔晒嘅飯撈咗落去煲仔飯度一齊食，味道大致一樣。 💰$48原條茄子 🍆茄子肉烤得夠淋，好味！但同雞皮一樣，都係烤到過咗火，所以近皮嘅位置都有啲苦，而且只喺食咗一半嘅時

上星期六放假專登黎試屯門牛人氣必食之一既「鹽燒白鱔煲仔飯」😍之前見到人地d相已經勁吸引超想食!! 終於嚟到啦😭呢間中日Fusion居酒屋名叫秋香🍁主打煲仔飯、名物料理、串燒、炸物等等～入到黎門店裝飾好精緻，睇得出老闆好用心設計🏮盞燈同bar枱靚得黎又有vintage feel，而且好有詩意🎐仲掛住「別人笑我太瘋癲我笑他人看不穿」即刻picture到星爺既唐伯虎點秋香😌 坐低之後一打開見到個lunch menu好驚喜，居然有成17款咁多👍🏻抵讚呀 (平時出面餐廳最多都係10款左右咋)#鹽燒白鱔煲仔飯🥘 $238真心，呢個白鱔煲仔飯實在係名不虛傳！絕對絕對係必點，唔食佢等於冇黎過咁制😆😆首先白鱔肉質係超級爽口彈牙，加上流心蛋黃+蔥香+豉油絕配，旁邊嘅飯粒又有少量飯焦👍🏻食完呢個之後可以話其他地方嘅白鱔煲仔飯真係冇得揮👋🏻所有野都係完美比例#秋香串燒盛🍢 $138另外一款就叫左串燒盛～令我最最最難忘嘅絕對係佢嘅世界級「燒雞翼我鍾意食❤️」啖啖焦香又多汁！焦得黎又無苦味，而佢嘅爆汁菇菇都一樣係超多汁勁飽滿💦當然佢既墨魚肉串都一樣彈牙有咬口！另外仲有特色豆腐串同牛肉串✨而個飯都好有heart地唔係

食咗不下十次嘅秋香 ，次次都食完又想再食，每次去食都好有驚喜記得訂枱 記得訂枱 記得訂枱(重要既事情要講三次🤭)，我哋早咗少少到，被安排咗坐靠窗既位置，飲住YEBISU生啤食個頭盤先頭盤: 威士忌燒蠔 + 黃金粟米沙律燒至半熟依然食得出好新鮮，有少少魚子醬喺面，食之前仲會噴啲威士忌上去增加儀式感，帶一點點酒香，$108有兩隻食得過嘅另外個粟米沙律好特別，第一次試呢個配搭，粟米加明太子醬加沙律醬加芝士碎，原本只係打算叫個沙律食下菜咁，但估唔到有驚喜呀主菜: 鹽燒白鱔煲仔飯 (招牌🤩) + 串燒sss呢個煲仔飯食咗好幾次，次次都keep到咁好食👍🏻，鱔最緊要夠肥夠厚切，脆皮又夠油香仲有彈牙口感，呢個飯亦係飽肚必備，食完肯定夠飽串燒嗌咗: 雞皮、牛粒、牛舌芯加松露墨魚棒，雞皮正送啤酒一流係唔錯，牛舌芯夠厚身又爽口，講驚喜都係牛粒，但估唔到今次散叫係好juicy 夠油香，係會想嗌多串嘅😋個墨魚棒正常都不錯甜品: cocktails + 秋香甜品 (今日係自家製cheesecake配紅豆雪糕)一杯啤酒邊度夠😂 於是嗌咗杯”真。mojito” (真露+mint+lime+cucumber) 朋友就

秋香🌾係屯門較入嘅地區，今日放假特登揸車入去行吓、食下日本野😋秋香餐廳環境裝修幾有格調，一入去見到人他笑我太瘋癲我笑他人看不穿 嘅書法好型啊🤣🤣😆午市有套餐，附送前菜同味噌湯味噌湯味道濃郁，有大量紫菜調味，鹹味適中我叫咗🍣火炙三文魚親子丼定食見到用火槍火燒三文魚，魚油迫晒出嚟，你上枱已經聞到好香😆配上三文魚子，口感豐富日本珍珠米飯先用日本醬油拌勻，味道唔算太鹹若果鍾意比較食濃味嘅朋友，可以自己再點Wasabi豉油男朋友叫咗🐷經典滑蛋炸豬扒飯豬扒飯分量十足，上面鋪滿炸豬扒同滑蛋配料有只洋蔥等等，口感十足炸豬扒嘅炸皮唔算太厚🤭食落好脆但肉質唔會好乾，keep到juicy 口感免冶雞肉棒 好大串雞肉棒！免治雞肉加入軟骨燒香最重要係個雞蛋豉油醬，除咗點串燒之外，撈飯一流🤣牛粒串牛肉粒口感軟唸，充滿油脂香，好好味啊凍茉莉薄荷蘋果蜜估唔到連杯飲品嘅賣相都咁靚底下係柚子蜜，好似鋪成泥沙一樣蘋果就好似種喺泥地一樣😬🍏秋香 屯門青善街38號康景花園地下26-27號舖

屯門中日fusion煲仔飯x居酒居💛粟米沙律 $68估唔到個粟米係整熟咗 上面再有啲千島醬同芝士粉蟹肉蟹膏煲仔飯 $198 即叫即整 入面有蟹柳蟹肉同埋蟹膏十分足料 撈埋一齊蟹膏令到成個煲仔飯甘香鮮甜 底部仲有啲飯焦勁脆口正串燒：雞腎 $36免治雞肉棒 $58牛舌芯 $58厚切日本黑豚 $48松露墨魚棒 $46日本炸豆腐串 $24串燒方面免治雞肉棒幾特別佢有個雞蛋豉油俾你點牛舌芯燒完都唔會過硬 黑豚肉超級Juicy 松露墨魚棒松露味極香濃 豆腐size就偏細章魚燒 $56細細粒就容易入口可以不停食 醬料都超級多 脆米芝士波 $68一咬落去就係啲流心芝士 外脆內軟 出面啲脆米同芝士溶都好夾吉列炸蠔 $68大大隻蠔炸得勁脆唔會太粉CRAFT BEER $68桃酒glass $65加一服務費平日夜晚去都好full 記得book定位啦～秋香 (康景花園) (屯門)屯門青善街38號康景花園地下26-27號舖

秋香絕對係我屯門最愛嘅居酒屋主打煲仔飯同串燒蟹肉蟹膏煲仔飯 $198 第一次食之前都係食白鱔煲仔飯蟹膏份量好多絕對夠撈晒每啖飯 仲有蟹肉同蝦乾仔 味道鮮得嚟又帶點甜原本個飯都有啲汁 再加飯焦 口感同味道都唔錯2個人嗌到成枱都係嘢食好開心串燒：-免治雞肉棒 $36係啖啖肉之間有啲脆骨 撈埋個生雞蛋同醬油 perfect池-厚切日本黑豚 $48Ho juicy 肉質好淋仲有少少油香 依串幾surprise-雞腎 $36燒汁好香好惹味-松露墨魚棒 $46松露味幾出 再加埋個醬汁 濃味加乘 好複雜嘅味道😂-牛舌芯 $58-日本炸豆腐串 $24對比其他濃味嘅串燒 依個就略顯清淡🤔但點吓雞肉棒嘅汁 好味晒小食：-黃金粟米沙律 $68 粟米 + 沙律醬 + 芝士 再燒一燒熱過 成個配搭都好好味🥹-脆米芝士波 $68每次嚟都一定嗌一啖咬落去 全部都係芝士 🧀香得嚟又唔漏脆脆 + 軟綿綿嘅芝士 口感一流用嚟配酒都好正🍻 -吉列炸蠔 $68-章魚燒 $56正常發揮啦 無其他咁驚艷手工啤 $68🍻 以前好似多好多選擇 嗰日去得返2款揀😢桃酒 $65 咁多年嚟 環境、氣氛、食物都keep到

✨ 呢日lunch嚟咗秋香試吓佢哋嘅Chill住食套餐 每個餐都會跟前菜同麵豉湯 鹽燒鯖魚調味好夠 愈食愈惹味😋配埋碗飯食一流～另外揀咗鰻魚炒飯 超級大兜🤣而且真係好足料 真係啖啖都食到鰻魚 絕對唔係hea你！另外仲有青瓜洋蔥蛋絲紫菜 等等嘅配料 加埋佢嘅秘製炒飯醬汁 夠晒滿足𝚈𝚞𝚖𝚢𝚞𝚖♡♡♡✨ 套餐仲可以加錢轉佢哋嘅秋香特飲 揀咗兩款梳打都好好飲 賣相仲好吸引😍✨ 呢間餐廳嘅環境舒適 入邊嘅裝修風格都好有特色 有少少日式居酒屋嘅感覺🤭整體食物質素都幾唔錯👍🏻仲好啱打卡添～🥳🍴鹽燒北海道鯖魚定食 $88🍴秘製鰻魚炒飯 $118🍴士多啤梨蝶豆花梳打 +$15🍴香橙乳酸青檸梳打 +$15📍 秋香🔍 屯門青善街38號康景花園地下26-27號舖

><以前開業冇耐嚟過幾次 之後多咗人識就難咗book位最近友人求推介好味煲仔飯 於是特登入屯門試試餐廳同記憶中嘅格局差唔多 一枝枝酒懸掛並勾喺水吧上面並有因周星馳所繹演唐伯虎 而廣為人知嘅詩句我哋嗌咗個二人套餐($698)有前菜 炙燒海鮮 炸物 串燒 煲仔飯 甜品可以半價加特飲首先有麻油海蜇 凍凍地又清爽麻油芝麻幾香 好啱做下酒菜雖然當晚冇飲酒 但都有嗌特飲佐餸 自家蜜餞檸檬西柚(+$29) 幾refreshing黎明到來(+$26) 打卡一流炙燒海鮮上完枱之後 店員會拎個裝有威士忌嘅樽隨即為生蠔噴上酒滴 口感滑溜瀰漫酒香Follow ig 仲會送磯煮鮑魚整得入味軟腍 份拼盤更豐盛鍾意鯛魚蘸上柚子醬配搭而半熟三文魚油脂豐腴鹹鮮蟹肉魚子醬同玉子燒香甜形成對比炸物龍田揚炸雞 相對於唐揚料理 龍田揚只有太白粉一種炸粉而且調味也偏和風 炸得乾身不油膩脆米芝士波 芝士冇想像中咁漏幾軟綿吉列炸蝦 鍾意食埋脆口蝦尾串燒盛烤完好香 鍾意食和牛粒 肉味頗濃唔膩而厚切日本黑豚 油花好香 瘦版五花腩般手羽先 裏裏外外都烤得平均雞脾菇 有掃醬料幾入味秋葵 外層收乾 入面多汁菠蘿 燒完甜度更高鹽

—喺小巷轉角嘅餐廳 內外都裝修得頗有質感燈光暖系柔和 好適合傾計飲嘢見座上客都係嗌套餐 比單點更划算極上二人前($698)先付前菜有涼伴海蜇爽脆彈牙 帶點麻油香氣火炙海鮮分別有蟹肉/三文魚/鯛魚/威士忌燒蠔店員會喺生蠔上噴上whiskey添上酒香之餘 可提升生蠔鮮甜亦減低雪藏腥味魚子醬隱藏於一瓣瓣蟹肉中 估唔到蟹肉都有輕輕燒過炙燒完嘅厚切三文魚份外豐腴鯛魚配上柚子醬一齊食仲有香甜玉子燒 而嗌秋香套餐同時like and share fb仲會送日式磯煮鮑魚😍雖然話就話係送 但都好高質 爽腍有嚼口炸物龍田揚炸雞 /脆米芝士波 /吉列炸蝦好似小食拼盤 每樣都有d 炸雞有用醬料醃漬過 juicy緊緻肉嫩芝士波外脆內綿密柔軟炸蝦大大隻 食到呢到已經好豐富串燒盛和牛粒 /手羽先/厚切日本黑豚/雞脾菇/秋葵/菠蘿和牛粒軟腍味香 好耐冇食雞全翼黑豚油脂滿溢 軟腍爽彈雞脾菇 秋葵唔會燒得過乾菠蘿燒完味更甜鹽燒白鱔煲仔飯(+$40)魚皮烤到脆卜卜 白鱔肉厚肥美 非常q彈豐腴魚油滲晒入飯 之後快速將蛋撈勻既有蛋香 亦有魚脂油香而飯焦係煲仔飯嘅靈魂 焦香而不燶甜品係輕芝士蛋糕配紅豆雪糕鬆軟輕盈 柔滑濕潤 熱