秋田鐵板燒刺身專門店 (已結業)

上星期三晚上，多謝Carven一早就訂咗枱，等我工作忙完後去灣仔會合佢。這𥚃午餐的鐵板燒已經嘗試過數次，晚餐確是首次。🤔坐低後，當然一如以往等待師傅將食材逐樣逐樣烹調給我們享用👏🏻待應將上圖☝🏻六碟前菜先放下，然後我哋慢慢食，慢慢睇師傳表演。菜式我就不多介紹了，附上照片大家可以睇睇。不得不講師父烹煮此龍蝦時，將酒倒落去蝦頭和蝦身，好大🔥，精彩👏🏻最後值得一提嘅趣事😘師傅問我想整咩公仔，我話我都唔知呀🤔跟住我話不如你整隻蠍子啦，師傅望住我，個樣好無奈，我好似俾咗一個難題佢，我話唔緊要啦，你鍾意整咩就整咩啦，佢話好啦。結果隔咗一陣間，佢就入嚟攞住部電話俾我睇，佢話我就整呢隻蠍子俾你啦，我好開心咁話好呀😍結果師傅就好比心機咁整左隻蠍子俾我。最後師傅都忍唔住手要幫隻蠍子影張相，佢話從來都冇試過整過蠍子俾人囉🤣多謝師父咁有心機，好有heart, 好開心😊

當日冇咩人去食，我地冇叫套餐，叫左散食。真係好好味，炒野食個位姐姐仔..整得好好味!因為我大肚唔食得海鮮，但係D 和牛同粉飯真係好好食啊!食物質素真係OK !不過......D 職員態度就超級唔得, HOLIDAY MOOD 招呼我地個個係到搣手指....我說想轉個位，依依哦哦講唔得, 又講會有人BOOKING, 不過D 位多到呢 ....最後我都係問左另一位, 終於比我地轉位。D 職員冇咩笑容，掛住自己講野。|

已經係第二次來 好唔好食睇在師傅手勢一個餐有前菜 主食 另包炒菜炒飯味增湯 甜品可以揀雪糕或者咖啡用餐環境係成班客人圍住個師傅U型咁坐 睇師傳表演 正係正但變咗會同啲唔識嘅人坐係隔離同埋師傅一整好食物 就會放係你面前嘅枱度 食嘢嘅速度有少少快 覺得好似逼你食快啲 快啲食完快啲走咁 會覺得有壓力 會睇住附近嘅人食嘢速度 唔知係咪咁 定係同啲陌生人坐得太近 去過兩次成枱人都好少講嘢但一枱會有一個人serve 好主動換碟 叫人黎都好快 又唔會覺得逼你俾貼士 幾好前菜嘅沙律同蒸旦一如既往咁好味 我同男朋友揀咗蝦 鵝肝 牛小扒同埋薄牛燒 睇住佢煎牛好鬼正 鵝肝好香 下都保持到水準好友鮮味 今次個師傅冇問牛小排要幾成熟 求其煎到七成就算。。。薄牛燒唔建議點 因為佢包住蒜片同蔥同聰煎 極濃味 而且感覺唔夠牛小排咁抵秋田炒飯今次有少少痴 炒得唔夠乾爽 湯同炒菜就一般般啦 雪糕揀咗綠茶同埋荔枝味 感覺係一早已經整好一球球 上嘅時候已經溶溶地 上次食個雪糕入面仲有冰碎好凍好正架銀聯埋單有九折 慳返加一都好

之前同朋友係灣仔個邊搵野食佢就揀左呢間，唔算多人都唔使book就有位。見到佢都算幾多好評，就諗住試下點：）我好鐘意食帆立貝，一開波就叫左個刺身，都新鮮，一下就食哂個set好岩大食既朋友，個丼勁多海膽蟹肉蝦同三文魚籽，算係少有既良心餐廳有日式蒸蛋，味噌湯，沙律，豆腐 飯後仲有雪糕 我叫左綠茶同曲奇 都幾ok

最近約了在灣仔返工朋友出來飯局，朋友推介一間新開日式定食,呢間同TST秋田同一個集團，這間走日式定食路線。價錢平均160元,稍為貴咗些小，我就叫了三文魚魚子飯定食,原來把三文魚切粹，平時吃魚生飯是－片片,魚子味道十分濃郁。又不會有太腥感覺，三文魚以切粹放在白飯，味道稍為差Ｄ ，亦吃不出三文魚應有鮮味，我覺得味道尚可，味噌湯反而幾好飲，亦不會有太咸味道，雪糕又不錯!服務亦都好好 ，環境十分舒適！地點亦方便食品味道三文魚 ，自己較喜歡一片片咁吃 ，咁切粹味道爭些小，亦吃不出三文魚鮮味魚子,味道不太腥，幾好味味噌湯,平時飲味噌湯太咸 ，反而這間的味噌湯好好飲，亦不會有太咸感覺雪糕，冇特別！服務，我覺得好好環境，地方十分舒適價錢，平均160元,可以接受

4月4日清明節，沒有去登高掃墓，懷念故人。筆者選擇珍惜眼前人，跟活在的父母多吃幾頓好飯更加實在。鐵板燒給人一種貴氣的感覺，筆者揀選一家曾經光顧又性價比高的【秋田鐵板燒刺身專門店】【秋田】的裝潢氣氛充滿和式味道，分隔成幾間鐵板燒獨立房間，每位鐵板燒師傅可以同時服務十位客人。午市套餐有多款選擇，價錢只不過百多蚊但包含8個course ，在百物騰貴的香港地真係超級抵食！平價午市套餐的名字非常優雅，均是用上花作名字，有「樱」、「菊」、「梅」、「楓」、「桃」及「湖月」。看似有雲雲的選擇，其實只是主菜不同: 銀鱈魚、鵝肝、牛及大蝦的分別而已，其他的配菜（沙律、炒飯、蒸蛋、炒菜）都是一模一樣。 另有幾款包含高級食材如龍蝦及活鮑魚內套餐供客人選擇。二百蚊有找的鐵板燒，不是再廚房做好呈上的，竟然是坐在鐵板燒枱前，師傅在客人面前即席鐵板燒，就有種置身於種高級料理店用餐的氣氛，真係性價比高！不過有別於壽司料理店的師傅,  這裡的師傅鮮與客人交流, 唯一一句就是問我們牛肉粒要幾成熟。 下單後店員準備好食材，一份一份的放好再交由師傅，在客人面前即席烹調食物，客人在無阻隔的情況下欣賞師傅的手藝。在等候食物的期間，

平時Lunch都不會食得太貴，無論如何都在一百元內，今天心血來潮食貴d，享受下先！餐具已準備好，靜待師傅前來～今次食的set lunch名為"梅"UME ($158+10%)，由前菜到甜品/飲品包齊～我不客氣啦！-田園沙律大愛芝麻醬！作為前菜已經討得歡心，細細一碗，沙律材料都幾新鮮，吃落爽口，完全開了胃。鮮三文魚籽蒸原殼蛋賣相好吸引啊，師傅會將蛋放在器皿上，再放到鐵板上燒，並用蓋蓋上，不一會兒就熟了，再放上魚籽們便奉到面前。一入口同時感覺到卜卜脆跟滑溜溜的口感，好滋味。原隻大虎蝦未燒之前都幾大隻，大概有一般女生手掌大小，不過燒成後感覺縮水程度幾大XD!沒關係~好吃就好了~師傅會把蝦殼和蝦腸剔走，很細心，切成三粒再燒一燒即可。肉質都幾鮮嫩彈牙，帶有燒烤過的香口味，而蝦殼不是我所好，㗳幾下感受下就算。脆蒜片美國牛柳粒（五成熟）最期待的一道以前吃過某店的一口牛之後一試難忘(我忘記了在哪裡吃T_T)，每逢見到有粒狀的牛肉菜式都會忍不住叫，可惜未能尋回那種味道。至於這裡的牛柳粒，雖然都不及昔日那粒令人回味，但仍然很香口，咬落很軟嫩，因為燒烤過，肉汁不會太多，帶有香脆可口的蒜片調味，不用沾上醬汁已

之前一直都想和k先生去試因為見炒飯公仔圖好特別不過今日是約姐妹去食lunch但是我食完lunch後就決定了不去試晚餐了，因為無可能為了個炒飯再去首先我們點了一份最平既2人set lunch 價錢是$547.8平均每人是$273.9第一道每人一客沙律第二道魚籽蒸蛋這個超級推薦火喉由底層同頂層都剛剛好，保持入口即溶香滑，每口加上魚籽，絕對一流，如果可以食多幾粒就爽第三道銀雪魚柳其實m小姐真的很喜歡吃已經不顧儀態分一半塞入口，魚質鬆化，第4道活鮑魚都夠大隻，但對於潔癖既我不太接受可能完全沒有刷洗的鮮鮑魚，黑到好像在吃........可能刷洗後會影響鮮味吧？不過確實肉質唔會靭，不過我怕怕不過無可能不吃這麼浪費吧還有旁邊客人order（大蝦）餐雖然知好像香港無可能有新鮮（大蝦）但是全黑定唔黑既大蝦應該有分別吧利申我平時果d（大蝦）係無黑色既^.^總括來說其實姐係鐵板燒海鮮同牛肉如果海鮮新鮮自然好食，咁其實我屋企d le creuset可以做到，唯一做不到就是晚市的公仔炒飯，但為左炒飯又要研究一下值不值咁既價錢

這天和同事一起到這裡用膳，看一看餐牌，唯有一句：當奬勵慰勞一下自己。這裡似乎以日式蟹食作招徠，看完餐牌後，我決定玩大點，來一客高膽固醇的食法(脷伸)。所謂玩大點，就是選了這款「松葉蟹腳肉香蔥吞拿腩馬糞海膽丼」，名字超長~不過一上枱，絶對吸晴；還未入口，其豐富程度已經讓我有滿足感蟹腳肉夠鮮甜，吞拿魚腩攪成蓉再加上碎蟹肉口感不錯，日本飯非常稔口，亦非常飽肚。而所謂「高膽固醇」正是這個生鵪鶉蛋，攪混海膽一起吃夠香滑，不過吃海膽本人還是直接在日本吃比較好吃。聞說鵪鶉蛋膽固醇只是雞蛋的三分之一，不過以體積比較，比例上是很高的，再加上早餐已吃了一只雞蛋，中午再吃它就真的太多了其他配食還有海鮮蒸蛋，夠滑，不錯。(又係蛋)味噌湯：用上了蟹肉碎(不是蟹柳)，果然高級一點的日本餐廳用料不同(大鄉里的想法)沙律一般最後還有綠茶雪榚及咖啡。雪榚味道不錯，夠綠茶味，但咖啡就很一般，應該說沒有咖啡香。吃罷真的飽到不得了，雖然價錢略貴，但是頗令人滿意的一餐。

今日同朋友在灣仔秋田食鐵板餐，先上係三文魚籽蒸蛋，蒸蛋外形吸引而且好滑，配上三文魚籽食，既有扑扑脆口感，又有蛋的味道，幾好食。餐湯係大蜆麵豉湯，蜆肉無沙，幾鮮味，麵豉湯唔太咸，幾好飲。而田園沙律就一般味道。主菜是香煎法國鵝肝及美國牛柳粒，法國鵝肝我首先食，幾好食，鵝肝煎得幾香口，保留鵝肝本身味道。但美國牛柳粒就普普通通，煎得過熟，D肉唔淋，而且香蒜味過濃，蓋過牛柳味道。鐵板餐跟秋田炒飯及炒野菜，炒飯炒得粒粒分明，但偏咸，不過配上櫻花蝦，都有D口感。炒野菜就較普通，有椰菜味。最後叫了餐後甜品，紅豆雪糕，有香濃紅豆味，而且雪糕幾滑。整體味道都不過不失。

同朋友經過灣仔，撞啱食飯時間，去搵好嘢食 佢揀咗呢間鐵板燒，好彩因為係星期日嘅午餐，冇咩客人唔使排隊一出lift就見到呢件好靚好靚嘅和服？我都唔知係咩黎但個花式真係好靚呢度嘅特色係，你落左order之後師傅會係你面前即刻燒透明度好高我哋叫咗一個梅一個桃先來田園沙律，冇咩特別，因為我唔太鍾意食豆所以我畀晒朋友食🙈好快就上原隻大虎蝦，好鮮味好彈牙💕仲要已經剝好殻，超級適合懶人😸脆蒜片美國牛柳粒，冇我想像中咁有牛味和牛脆蒜片青蔥薄燒卷，入面太多脆蒜片對我來講，完全掩蓋左牛嘅味道😔 鮮三文魚籽蒸原殻蛋，佢個蛋蒸得啱啱好，好嫩好滑😽香煎法國鵝肝，呢個真係要讚平時我好怕食鵝肝，因為驚有羶味同埋太油膩，佢呢個下面塊包吸哂鵝肝嘅油，令口感唔會太肥。上面鵝肝入口即溶，而且小小羶味都冇😻😻 好值得讚秋田特色炒飯，粒粒分明，飯炒得好乾身最後一杯雪糕做完美嘅句號，芝麻味同蜜瓜味

每個月最少去一次的專門店🤗因為4⃣️個字已代表一切「價廉物美」一直都保持水準的👍裝修已有一段時間，但依然保持整潔👍👍這裡的 set lunch 非常抵食😊先有沙律、清新一下。繼而係魚生(鮮）講完。靚靚嘅蒸蛋放入蛋殼裡，精緻可愛🥚之後係龍蝦湯(內𥚃有龍蝦及蜆，美味）陸續有嚟嘅係燒龍蝦、薄燒牛肉（蔥多好味）蒜香牛柳粒等.....再加櫻花🦐炒飯（成碗飯都係料😝）炒野菜（爽）最後綠茶雪糕（完美）忘了一提，鐵板師傅時有互動👍👍整體服務非常滿意😘

朋友生日, 帶佢食鐵板燒慶生, 之前已經到過尖沙咀分店食過, 好味又有誠意,今次卻完全相反.到達前明明已經訂位, 更申請坐正面枱, 於電話確認話無問題, 但卻安排我們坐側枱, 當時現場係一個客人都沒有, 同返佢地講已經申請正枱, 佢仲要回覆我 (你有申請咩), 服務態度真令人討厭. 餐牌中刺身有四款, 全部用名字已改, 並沒有寫上食材及種類數量, 向店員查詢後, 答左好似無答, 第一款有三文魚加其他, 第二款有海膽,牡丹蝦及其他, 第三款有海膽...最後我地揀左第二款, 上菜後其實係無牡丹蝦, 好彩刺身全部好新鮮好鮮味.鐵板燒方面揀左(熊本)二人餐, 第一道食品, 鵝肝蒸蛋 (過左火喉, 蛋太熟唔夠滑), 有龍蝦 (好新鮮, 可惜廚師落左過多牛油, 完全遮掩左龍蝦的味道), 鮑魚 (好鮮味, 而且火喉剛剛好), 薄燒和牛 (和牛內會包住蔥及蒜片, 我朋友是唔食蔥既, 叫左廚師4,5次先應我地, 明明就坐正佢前面, 而佢就掛住傾計而忽略其他人), 到左最出名既用飯整公仔圖案, 竟然為左方便, 將2枱既客人一齊整同一塊鐵板上, 叫人地點樣影相呢......仲要一直掛住傾計, 我明白需要同客

I should have looked some of the comments from other reviewers before going.Lets begin with the service.The waitress was basically rude to all customers. She was somewhat impatient when taking order and basically was not attentive to any requests. However, what I witnessed at the restaurant startled me. Another customer sitting across the teppanyaki table requested his table to be cleaned and asked that a dish of raw food that was left behind on his table to be taken away. The waitress did not

第一次幫襯這間日式鐵板燒尊門店。食材非常新鮮，所有海鮮食材都是算用來自日本活海鮮在客人面前即煮即做（不過話雖如此，現場見到這些活海鮮活生生在鐵板上燒，本人感到有殘忍虐待感覺）這種如果在外國會俾是為虐待生物，是 違法的。 所以我建議食之前最好叫廚師在廚房先處理好再出來燒。 一樣都非常新鮮好味。 這間日式鐵板燒 除了食材非常新鮮價錢也很大眾化 服務和環境也非常好。 而且廚師煮法技巧也不錯， 住港島區的朋友值得推介。好食。