福源川香閣

营业中

休息中

我是辣妹子, 很鐘情食川菜, 川菜是中國菜的四大菜系之一, 以麻、辣、鮮、香為特色, 餐廳川菜很地道, 師傅有接近二十多年川菜經驗, 堅持選取直送川菜調料, 使用秘製醬料及十多種香料製作, 食物款式選擇多, 有廚師推薦、招牌自選香鍋、重慶萬州烤魚、麻辣雞煲、特式火鍋、經典熱菜、涼菜系列, 第一眼很吸引的是餐廳的中國宮廷風餐具我們點了歌樂山辣子雞（大辣）辣子雞非常香脆, 炸得很香口, 連腰果都很入味, 刺激著味蕾, 吃完之後讓你回味無窮, 絕對是送酒菜, 必食推介👍🏻香辣極品肥牛粒（大辣）牛味濃肥瘦適中有咬口, 花椒味香氣四溢但並不油膩, 香辣度十足, 鮮！辣！爽！ 辣味慢慢滲出, 辣椒仔與香料絕不吝薔, 整碟都是滿滿的, 用心製作招牌經典香辣鍋（大辣）鍋底可選擇經典香辣鍋、秘制醬香鍋辣度由小辣至大辣香鍋配菜大約有三十幾款可以選擇, 每個香鍋需要選擇五款配菜或以上, 每款配菜價錢不一樣配菜選了田雞鹵金錢肚鹵水肥腸鮮腐竹蓮藕片炒乾鍋川式料理必有的燈籠辣椒, 香氣十足, 配料非常入味及足料, 很細心地將田雞切成小件方便食, 肥腸炸得脆卜卜、金錢肚切成薄片有咬口, 蓮藕片清甜爽脆, 鮮腐竹新鮮

川香閣 @ 灣仔推介⭐️⭐️⭐️⭐️/5星滿分唔知以為自己去左四川😂環境員工 都好似番左內地所以佢食物味道好正宗 好好味✔️酸菜魚+寬粉($218小份)估吾到小份都咁大碟CP值好高佢有幾款魚選擇我地就揀左鱸魚 都好滑好味✔️✔️孜然羊肉$128呢個非常非常好味 必食之選仲要有好多塊 食到好滋味✔️手撕生菜 $58呢個少少辣 都OK 整體食物質素一流👍🏻👍🏻👍🏻

👍🏻 麻辣香鍋（魷魚絲、鮮蝦、豆皮、蓮藕片、台灣魚腐）（少辣）只係叫左5款材料 就巳經形成左個小山丘🏔開邊鮮蝦球非常有驚喜 不但份量多、新鮮 香鍋味道更滲左入爽口既蝦肉內🦐炸過既蓮藕片亦能輕易掛到香鍋味道 所謂魷魚絲即係大大條嘅魷魚鬚🦑好抵食 值得一試👍🏻 香辣極品肥牛粒🐮（少辣）好大碟呀 唔好以為得啲乾辣椒充撐場面🌶️肥牛粒好多 夠3-4人食🙌🏻肥牛粒脂肪同牛肉比例均衡 牛肉味濃😋搭配芝麻香氣 好惹味 送飯一流👍🏻 豬油渣辣炒椰菜用豬油炒菜簡直無得輸🐽清甜椰菜配上豬油嘅香味 仲有啲豬油渣粒粒 再加上師傅炒菜火候掌握得很好 從來無咁想食菜過😹😹👍🏻紅糖糍粑外皮炸得金黃鬆脆 內裏有煙煙韌韌嘅糯米糍 表面再配上輕量嘅黃糖 加埋黑糖醬 雖然都係甜味為主 卻用不同口感、味道去呈現 食埋甜品完美ending🎉注意事項⚠️- 師傅有近20年川菜經驗 堅持使用直送川菜調味料 喺呢度搵到正宗嘅四川口味❤️- 最鍾意川菜既豪邁感 碟碟菜式都係大份量、大大碟 最適合叫埋一班朋友一齊去👯‍♂️- 大部份菜式都可向店員要求選擇辣度- 餐廳提供野生菊花茶🌻清熱下火 食濃味食物除左配啤酒外 呢樣都好推薦！

呢間餐廳係老公介紹黎食的 因為佢係附近番工記得當日係睇完展覽~ 由會展行過黎食, 當時時間都唔早了所以上到樓唔洗等位~ 但依然都坐滿9成, 亦都不乏內地人, 證明都係幾正宗的!今次叫左招牌酸菜魚$198 另外加左牛餐肉寬粉 @$28份量超級大, 湯頭好正 每次食酸菜魚都會飲好多湯魚都好多 而且好滑~另外仲叫左個川香回鍋肉$88個人覺得唔係好夠辣肉較小!每次食川菜都必定會叫既冰粉$28味道係無咩特別 但就每次都想食最後好驚喜~ 老板送左份紅糖糍粑比我地真係好滿足! 亦都好有誠意 份量好多!但食唔曬呀得2個人, 真係多謝曬啦!

平時都唔寫食評，但呢間態度真係差到爆，客人人數唔多，上菜又慢，又漏單，特別經理態度超差，呢間舖唔忙係有原因，我係黎食飯，唔係黎受氣絕對無下次差 差 差 差 差 差 差 差 超差

好耐冇食過酸菜魚，因為喺香港好難搵到啱口味嘅酸菜魚，今日偶然喺到川香閣，聽個名都知夠風味晚上7點幾去到，得幾枱客，我地兩個人都可以入座卡位，夠寬敞舒適。枱面已經有一壺茶同熱水，之後當然立即叫嘢食啦酸菜鱸魚小份 $246魚有幾款揀，我揀鱸魚貪冇骨又嫩滑，仲加咗金針對菇，小辣相當可以接受，下次可叫中辣，魚湯鮮甜，魚肉份量多秘製醬香鍋 $211香鍋有辣有唔辣，見酸菜魚已經辣，所以呢個就唔要辣。餸係自由配搭，加了肥牛，肥腸，寬粉，土豆片，萵荀，肥腸係炸過再煮，好入味，寬粉彈牙，土豆片夠粉好食兩個人食兩樣嘢非常飽，味道夠風味，坐得舒適，侍應姐姐都係有譚仔遮遮口音，在場食客談天帶有卷舌音，有一刻以為香港已通關返咗大陸

1:00左右一開始遞壺茶過嚟 - 凍嘅跟住遞個例湯過嚟 - 凍嘅心諗今次瀬嘢了!!!幸好叫了午餐 $68 干窩麻辣田雞，好好食，尤其配菜真係好好味，才改觀無後悔。見咁好味就加個酒醸丸子，之不過 ……係唔得嘅！！！

次次同朋友來都會有擔心，因為我本身唔食辣，又唔食啲咩酸菜魚，成日覺得無乜好食！😅😅😅之前朋友話過來揾我食飯，想食呢間，我盤住冒死嘅心態過來🤣🤣🤣來到門口睇睇，好在都有唔辣嘅選擇🤣🤣🤣好多本身係辣嘅小菜，都有得揀唔辣🤣🤣🤣最後我揀左個麻辣香鍋走辣要雞扒🤣🤣🤣。真係好好奇麻辣點樣可以走辣，得麻？🤣🤣一上菜，香鍋係無鍋嘅用碟上，不過都香嘅，而走辣的的確確係走辣又走麻🤣🤣 香鍋入面有蓮藕，有雲耳，都炒得幾爽口，仲有啲麵根同雞扒，麵根份量比較多，但因為碟香鍋都油油地，所以都吸哂啲油，其實味道不錯嘅，係油左啲，但送飯係一流嘅。🤣🤣 呢度仲有湯送嘅，不過算把啦，淡到暈，溝水嘅🤣🤣🤣

差評沒有之一…今日大約7點到灣仔這間川香閣食晚飯,點了一份酸菜魚,落單時間為7點17分本身小弟算是有耐性的人,直至一直等了超過半小時,我開始找待應問,懷疑他們漏了單前後問了三個待應,都是回答’在跟進 在跟進’ 和 ‘在煮 在煮’之類, 最後一個更回答我’在出來了 再等5分鐘一定有了’結果等了快50分鐘, 我忍不住問他們到底是有還是沒有,我等待的時間足夠我到深圳食酸菜魚了🙄🙄🙄 精彩的是他們的解決辦法, 待應解釋這是因為酸菜魚需要專門的師傅去做(我不知道真假),但這理由已經很荒唐,再者如果那名’酸菜魚專門師傅’ 不在的話,我下單的時候為什麼不告訴我?!讓客人白等一小時再怎樣也說不過去後來我直接和那經理理論,如果從來沒有開始煮的,我想直接取消和離開,可笑的是她居然邀請我到廚房觀看,說真的快煮好了最後我說不用了 我想取消 她欣然接受 說明了根本沒有快完成/從頭開始就漏了單 在此我奉上最差評價並發了這短評讓大家知道漏單本身已經是大問題 加上店員的做法實在令人不齒 漏了告訴我沒有就好 並不是這樣欺騙和敷衍顧客一直等下去 我沒有取消的話難道我要繼續再等二小時三小時？🙄

同事介紹食呢間福源川香閣，因為佢好鐘意呢間既酸菜魚🐟😂。不過我唔食酸菜魚，所以就試下佢個川香閣銷魂炒飯🍚。舖頭唔算大，坐位就麻麻，少少逼，同埋比較嘈雜，環境一般。啲staff有啲似譚仔遮遮feel😂。炒飯叫左小辣🌶，炒得好香好野味，有菜心，蘿蔔粒，蛋，蔥等等。炒得幾乾身、粒粒分明，好耐無食咁好食既炒飯🤤不過略嫌少貴，因為都無乜肉…佢其他菜就好似麻麻，係炒飯值滿分。同埋staff態度都一般，加上有一半野食都等左20-30分鐘⏱催左幾次先黎到，有啲耐…

今日lunch一行三人去食酸菜魚，我地分別叫左中辣、小辣同bb辣🤣🤣三碗一樣係辣椒數量唔同🤣以間既酸菜終於唔會太酸，係食得入口啦，好感動😝魚都算多，仲有寬條粉，好正我地lunch set食$68，配碗飯同湯，冇加一，好抵呀我自己另加$8 要青檸梳打，可以唔洗叫😂

呢度lunch食過不下10次口水雞食過幾次成碟口水雞個碟好大 但得好幾件雞胸無味跟住夠膽死比成隻瘦雞翼 佢都完全唔想睇你係點同左兩個呀姐講 態度非常差 係咁解釋 總之唔肯換比你 叫你下次唔好叫我唔係第一次食 上次係半碟係雞胸 有幾件脾 多到食唔哂 咁樣嘅食物質素控制 我不敢恭維 都知留返比大家自己了解下

⚠️⚠️平時都無寫開食評，但今次真係唔可以唔寫，劣評😡😡劣評😡😡服務態度差到不能接受，堅決唔會再幫襯❗️❗️漏單、漏食物，淨係識講無辦法，推黎推去，冇2,3個鐘嘅人都唔好去食。💢💢飯食唔成，反而激到成肚氣。😤😤😤😤😤😤😤😤😤😤😤😤😤😤👎👎👎👎👎👎👎👎👎👎👎👎👎👎差......差......差......差......差......

中午提早打電話叫外賣，約十五分鐘就拎得，由公司行過嚟即係有得攞，對於得一個鐘食飯時間嘅打工仔嚟講，準時係好緊要嘅！！！食物方面，其實已經食過好多次，今次味道都唔錯，我食唔辣嘅味道唔錯，魚片無骨，有齊菇片、寬粉同萵筍，同事食小辣就話比平時辣左啲，但係灣仔區嚟講，唔使$70食到一份酸菜魚，算物有所值了。只可惜，呢間舖嘅水準有時突然會下降：辣度可以錯哂，魚又可以唔新鮮，不過，總括嚟講，呢間舖都可以一試！

同男朋友黎食酸菜魚同口水雞lunch set 酸菜魚味道不錯 唔會太油 辣度適中 魚都夠多 依個價錢黎講好抵食 口水雞份量略嫌少左啲 同埋偏咸🥲 但食完之後我同男朋友都肚柯左幾次 喊岀黎