福源川香閣

营业中

休息中

媽咪話好耐都冇返四川食辣嘢！孝順女嘅我收到之後，梗係帶佢嚟呢間都幾多好評嘅餐廳食川菜，滿足下佢個胃😍媽咪就想叫啲小菜配飯食飽肚啲！佢話夜晚一定要食飯先夠飽😂所以我地就揀左農耕尖椒小炒肉，泡椒牛肉同四季豆炒茄子🍆尖椒小炒肉辣辣地好過癮😋炒得好香 味道濃郁 令人胃口大開想食多幾碗飯😚四季豆炒茄子就清清地，但味道都唔錯，平時食開啲炒茄子會好油，但呢款就唔會👍🏻爸爸見到個個都食緊一碗紅噹噹嘅嘢，原來就係都幾熱門多人叫嘅江湖毛血旺，三個人食兩個小菜又好似唔夠，就決定叫埋呢個毛血旺😌原來入面都幾多唔同配料😋重點係個鴨血真係好香好有麻辣香濃嘅味道😍而且仲要唔會一夾就散，全部都係原片大大嚿👍🏻👍🏻

超抵食川菜好介紹🌶️一定唔少得呢間福源川香閣～餐廳裝修乾淨企理，位置闊落，無論坐元枱定卡位都一樣咁舒服。當然唔可以唔叫川香閣嘅招牌老團酸菜魚🐟食完之後就知道點解佢可以成為招牌🤤食得出餐廳好用心選擇最好嘅食材🤩因為佢哋嘅魚肉真係好滑！佢哋用咗新鮮嘅鱸魚，一啲都唔腥！湯底亦唔會太油，仲有得自己揀辣度👍🏻配合到唔同食辣嘅人嘅口味😆而江湖毛血旺同哥樂山辣子雞都係愛辣之人必叫🌶️！聽個名已經覺得好有霸氣！佢哋嘅辣味都名副其實唔可以睇小😆佢哋嘅麻辣味係會慢慢湧出嚟🫣好可以吊住你嘅胃口🥹毛血旺份量好多，成碗都係滿滿嘅辣椒🌶️但嗰種辣唔會令到你拿到好難受😆而係有一種個嘴麻麻哋但又好爽嘅感覺！鴨血都好大舊👍🏻炸子雞都炒到好脆好香 想食下香口野就啱晒。

呢間位於灣仔嘅餐廳主打四川菜，無論係水煮定係小炒都有提供😍之前已經試過佢哋嘅酸菜魚味道好好👍🏻 CP值高！今次真係好想食下佢哋啲麻辣嘅小菜🌶️菜單嘅選擇真係好多，心大心細嘅我都揀左好耐先決定到叫哥樂山辣子雞同尖椒炒肉！其實仲有其他款都好想試，但係兩個人實在食唔晒🥹呢個辣子雞真係正！炸到脆卜卜🤤但食到入面又有雞肉嘅嫩😍配合左指天椒🌶️的確係香、辣、麻都結合埋一齊嘅出色小炒🥳另一款，尖椒炒肉相對比較普通嘅菜式，味道都保持度高質素嘅水準👍🏻尖椒夠辣，而炒肉嘅時間掌握得啱啱好，辣味出之餘，肉質仍然保持嫩滑，一啲都唔會太老！調味啱啱好，唔會太鹹蓋過辣味。

身為食辣嘅愛好者我發覺左呢間CP值好高嘅川菜餐廳！環境舒適，有卡位又有圓枱，最緊要係坐嘅空位都好闊落，食到熱辣辣真係唔可以逼埋一齊啦😂今次就分別叫咗三款菜式🤩今日唔想食酸菜魚但又想叫條魚食下，所以就叫咗佢哋嘅乾燒鱸魚🐟，估唔到又幾好味喎！魚肉一啲都唔腥，仲要無論食邊一個部份條魚都好滑，而且調味都啱啱好，食落好香好辣🥰跟住仲叫咗一個尖椒小炒肉🤪呢個小丑炒真係冇得輸！味道好濃郁微辣，牛肉嫩滑😚好易入口！最後，打大佬就係江湖毛血旺😂如果唔食辣嘅人就咁望到真係會俾佢嚇親！但其實佢嘅辣又冇大家想像中咁可怕！因為佢唔係話死辣，真係會慢慢Feel到佢嘅辣湧出嚟😋嗰種香辣味係徘徊喺口入面，再加埋其他香料嘅味道，令整體呢個菜式更加再惹味啲🥳

💎總評分：6.5/10-舊公司係灣仔，之前成日嚟食lunch，今日約舊同事食飯就反嚟老地方食dinner🍽️。碗碟依然都係好有中國風，未至於超級精緻奢華，但都幾有特色🐉，設有大枱同卡位，樓上鋪環境尚算闊落。大廚有20年以上川菜經驗，主打傳統正宗地道川菜🌶️，好多菜式喺新派川菜館未必見到。1️⃣ 晾衣蒜泥白肉 $78純遂為打卡而叫嘅冷盤，白肉片同青瓜片🥒一層層疊喺「晾衣架」上面，賣相特別，但係白肉無預先調味，同醬汁分開上，單靠食前點下醬汁，略為缺少蒜泥白肉應有的香濃蒜味🧄。2️⃣ 農家酥肉湯 $68酥肉其實係炸過嘅豬肉🐷，但浸喺湯入面所以唔會脆口，但食落會更惹味。湯夠清淡，時菜每日不同🥬，清清地正好balance反主菜嘅川辣同油膩👍🏻。3️⃣ 酸辣金菇肥牛 $128水煮牛同酸菜魚就食得多，酸辣金菇肥牛聽落幾特別喎😆～ 除左金菇仲有萵苣，牛肉份量都唔少🐂，同水煮異曲同風，但係多左陣酸味，唔見酸菜但係落左泡椒調味，若然加少少寬粉做底就更完美😉。4️⃣ 招牌自選香鍋 35種自選配料任君選擇✏️，鍋底由$38起，「經典香辣鍋」同「秘製醬香鍋」兩款🌶️，小編揀咗前者，最少揀5款配菜，由$22至$58不等，蓮藕片$24、滷

呢排天氣勁熱，聽講夏天食辣嘢可以去濕同散熱，於是黎咗呢間川香閣食川菜。涼拌雞髀菇 $38先叫咗個涼菜開吓胃，用雞脾菇切絲做涼拌都係第一次食，雞脾菇口感爽脆，撈埋個香辣汁，夠哂醒胃。川香閣招牌老圍酸菜魚(鱸魚/小) $218呢到招牌菜之一嘅酸菜魚，我哋叫咗小辣，辣得黎唔會蓋過咗酸菜嘅味道。湯頭金黃色，賣相吸引，魚肉我哋揀咗鱸魚，雖然有少少碎骨，但非常鮮甜肉嫩。酥炸樟茶鴨(半隻) $128樟茶鴨帶微微煙燻嘅香氣，鴨肉入口鹹香，外皮輕輕炸過有少少酥脆，加埋鴨脂嘅油香，送飯就岩哂。秘製香辣酥皮牛肉 $98呢道酥皮牛肉口感非常特別，牛肉面頭有一層酥脆外層，食落反而係甜甜哋，味道有d似蜜味牛肉乾。家鄉紅糖糍粑$38糍粑外脆內軟，煙韌有咬口，面頭撒咗d紅糖粉，再點埋紅糖漿食，仲可以解辣添。。。福源川香閣 (灣仔)灣仔軒尼詩道99號彰顯大廈2樓。。

今次要同大家推介呢間好出色嘅福源川香閣！係我食過數一數二正宗好味嘅川菜🤭估唔到灣仔都有咁出色嘅餐廳😍以下呢幾款我都覺得幾值得推介俾大家試吓！首先係江湖毛血旺，望到佢上枱大家已經會覺得好震撼！因為望到已經感受到佢嘅辣😋好欣賞佢哋嘅辣係秘製調製嘅，因為真係有一種喺其他地方食唔到嘅感覺！而且係會越食越上癮😍嗰種辣係唔會令到你難受到食唔到落去！而係會令到你越食越爽😚跟住就係招牌老團酸菜魚，食唔到咁辣嘅朋友都可以揀食酸菜魚！就算食唔到好辣都會比較容易入口，佢仲有得自選辣度，唔怕食唔到！呢款嘅味道係會鹹鹹地又帶點酸辣😆好開胃～而且魚肉都大大塊又滑👍🏻仲有青椒皮蛋，晶凝通透，而且青椒味道好香辣！最後，農耕尖椒小炒肉香濃好味配白飯一流👍🏻食小炒一定要叫佢！

喺灣仔行行吓街突然之間好想食辣嘢，見到OpenRice有呢間都幾高評價嘅川菜，就帶埋朋友嚟試吓！一心想嚟食辣梗係要叫返個江湖毛血旺 😈之前有一輪嘅鴨血熱潮令我愛上咗呢個食物🥹不過出面食嗰啲味道都係唔夠呢到食嘅咁正宗！鴨血份量有好多 仲有佢哋秘製嘅辣 完全係攻陷我嘅味雷❤️‍🔥另外，我地再叫多一個黯然銷魂炒飯！果然對得住個名🤩炒飯好香好惹味！雖然肉唔多，不過勝在有好多配料，有蛋又有菜又有蔥等等。炒飯粒粒分明，吵得乾身又唔油🥳餐餐都食菜嘅健康主義嘅朋友一定要叫埋金蒜粉絲蒸娃娃菜😂 蒜味好香，娃娃菜都炒得啱啱好，唔會過時黃哂🤩連啲粉絲都有蒜味，又幾正😋

我同男朋友都好鍾意食辣🥰星期日就嚟咗呢間好出名嘅福源川香閣試吓佢哋嘅川菜夠唔夠正宗😍見到meau 上面都好多選擇 全部都好吸引😍我哋兩個嘈左勁耐都唔知揀食咩好 見到佢哋有一個叫做自選香鍋 可以自己揀最少五樣嘅配料 所以我哋就決定咗一齊叫呢個自選香鍋配多一個小菜！就唔洗嘈咁耐都決定唔到😒自選香鍋我哋揀咗牛肉又揀咗啲素菜🥰牛肉好香辣味又唔會韌🤪 豆皮木耳嗰啲素菜好索辣味 好正😍重點係啲辣椒🌶️又香又麻又辣🤭兩個人唔夠後再叫埋哥樂山辣子雞🤩呢個菜式真係好出色！表皮好鬆脆 雞肉又嫩😋仲有個香噴噴嘅香辣味 多重口感真係令我食過返尋味😍

真係估唔到灣仔原來有間咁正宗嘅樓上鋪川菜，好彩🤰🏻今次識人帶路，先可以試到呢間性價比高又正宗嘅川菜👍🏻🌖歌樂山辣子雞 $118份量十足，辣子雞細細粒，炸得好脆卜卜同好香，辣度適中，🤰🏻都食到🌝酸菜鱸魚（小） $218上枱比佢個size嚇親，以為自己叫咗大份，即刻睇返張單確認，原來真係小份黎，份量足夠3-4人share,鱸魚同酸菜份量都好多，🤰🏻點咗小辣，唔會太刺激，食落岩岩好，夠酸又夠麻，鱸魚大塊肉質嫩滑又冇骨👍🏻另外仲包3款配料，🤰🏻揀咗寬粉、萵筍、金菇，寬粉Q彈索晒酸辣湯好正🌝秘製香辣酥皮牛肉 $148呢盤同辣子雞一樣大盤，但佢比辣子雞辣得多，牛肉索晒辣汁好惹味好過癮，雖然好大舊肉，但唔會韌亦唔會得啲肥膏👍🏻

我同朋友都係選擇困難症，諗咗好耐決定唔到食咩好，咁啱見到隔籬枱有人叫咗自選香鍋，望一望個Menu有幾多選擇，就叫嚟試吓，咩都有啲咁😆又有肉有菜 仲有得特別order要唔要加麻！食辣食到上癮人嘅我梗係要馬上加辣啦🤪好似去咗四川咁🥹好正宗！叫完個自選香鍋都未滿足到我食辣嘅慾望，真係要叫埋個紅噹噹嘅江湖毛血旺😍omg 未食望到聞到已經感覺到佢火辣辣嘅味道😋鴨血仲大大嚿又滑好好味添😚食咗咁多辣嘢梗係叫返個清清地嘅金蒜粉絲蒸娃娃菜😍娃娃菜好清甜酸味都好香再加埋粉絲食可以中和下啱啱嘅辣味🤩

未食之前我哋好貪心咁樣叫咗好多餸，點知上晒黎之後先發覺食唔晒🤣，啲份量真係好鬼多，最後要打包走。食之前啲姨姨問我哋食唔食得辣，好貼心咁樣幫我哋轉晒小辣，辣度對我嚟講啱啱好🥹，點酸菜魚嗰陣時個姨姨又話送多份午餐配料俾我哋，最後又送咗兩碗冰粉俾我哋食，完全感受到姨姨們的❤️愛！涼拌雞髀菇（$3️⃣8️⃣）真係冇諗到一個涼拌菜份量都可以咁多😆，第一次喺出面食涼拌雞髀菇，好有驚喜，雞髀菇夠凍夠彈牙，仲好入味，強烈推薦呢個！口水雞（$8️⃣8️⃣）唔好懷疑，佢係真係一大盤🤣，我哋兩個都呆咗，因為真係食唔晒。雞唔會好肥，索晒醬汁食好正。黯然銷魂炒飯（$6️⃣8️⃣）呢個得到KK同YY嘅寵愛，食咗一啖之後就忍唔住瘋狂掃晒成碟😆。炒得好香好夠鑊氣，粒粒分別夠乾爽，夠晒銷魂～酸菜鱸魚小份（$2️⃣1️⃣8️⃣）其實呢我覺得四個人嘅小份都夠食🤭，一啲都唔小！我哋另外加錢加咗配料，有腐竹、午餐肉（送）同埋金針菇！我覺得鱸魚已經好好食🥺，魚肉有一定厚度，而且份量好多，鍾意食酸菜魚嘅朋友唔可以錯過。最後我哋做得到兩碗冰粉食🤗，冰冰凍凍嘅黑糖冰粉，作為飯後甜品真係好正。真係好耐冇食過咁正嘅川菜😌。

我係一個好鍾意食辣嘅人😆以前最鍾意食麻辣，但年紀大咗而家已經唔敢食太辣嘅嘢，口味開始唔同咗，而家發現酸辣仲正😍今次就一於嚟呢間川香閣試吓佢哋嘅川菜👍🏻我叫左一個佢哋嘅招牌老團酸菜魚🐟酸菜魚嘅份量好多😆而且啲魚肉全部大大嚿，魚肉嫩滑冇腥味☺️酸菜再提升埋魚肉嘅鮮味，好好食😋另外仲叫咗兩個小炒，青椒皮蛋同農耕尖椒小炒肉！青椒皮蛋顏色精盈透亮😍好吸引！而且好開胃添😆而尖椒小炒肉都好惹味 配埋白飯食一流呀👍🏻

好耐冇食辣野！今次就同朋友一齊約埋去食川菜❤️‍🔥本身都唔知揀邊間好 但見呢間嘅評價都幾好所以就決定一試😆佢地有個自選香鍋😆勁多款揀🥰最少要揀五款 兩個人都可以試哂自己想食嘅🤪重點真係好正宗❤️‍🔥味道好香好辣而且麻麻地 好爽😄我哋仲叫咗個泡椒牛肉🐮呢個就冇咁辣！應該算中辣左右嘅辣度😆不過勝在牛肉好滑🤪啖啖肉咁❤️‍🔥連埋香鍋一齊食😎好快就食晒成碗飯而且環境坐得舒適 食嘢又好味 價錢合理 員工態度都好好👍🏻整體嚟講呢間川菜嘅質素都唔錯 之後想食辣嘢一定會再返嚟🤪

好友之前講左句「食辣野做咩吾預佢」，我即刻就book咗呢間餐廳同佢撐枱腳😝一齊辣足一晚今次我哋冇食酸菜魚水煮魚，叫咗個經典香辣鍋，我第一次食，將自己鍾意既餸肉類或蔬菜都可以加入。叫左寬粉，四川臘肉，午餐肉，椰菜花，萵筍。上菜時🥰聞到超級香，寬粉好QQ，四川臘肉係呢成個菜嘅靈魂，煙燻既香美味道好難吾記得，成鍋味道夠重、辣得過癮香辣酥皮牛肉～表面酥，味道入口甜，最緊要係有灑上芝麻粒，芝麻香同肉味好夾酸辣土豆絲，每次食川菜時都會叫，一道好簡單好平凡嘅餸，酸辣口味口感清爽惹味會令你越食越多蓉城蒜香骨～呢個爭少少香脆感最後甜品唔少得糍粑同冰粉啦🤩食冰粉時有桂花味，我仲好搞笑將食糍粑嘅紅糖倒入冰粉食