福彩海鮮酒家

营业中

休息中

雖然知道中秋節酒樓好忙，但係都唔係咁離譜！今日無訂枱，去食福彩食飯。係門口都等咗十幾分鐘，但係三個知客都係處理緊一個訂枱客，駛唔駛呀？工作效率實在其低！經我多番叫喚之後，終於有人應我喇！坐低諗住睇menu……竟然……無！咪叫侍應囉嚟，點知攞個menu都擺咗廿幾分鐘……都係無！！竟直係唔係做我哋d細客仔生意！！終於，我就話仲無menu就走，終於……有menu喇！諗到食乜諗住叫……點知叫極都無人應！成班侍應去咗櫃枱都唔知做乜，好似訓話咁！有腦嘅都知訓話你d嘢緊係係開巿前做嘅啦！！真係……乜嘢人事管理呀！真係忍無可無……由坐低到叫菜前後加埋用咗成45分鐘，真係把幾火！雖然我哋開咗茶，都唔理……即刻起身走人……發誓……以後都唔會去……唔好以為做節大晒……服務態度欠佳同節日係無關架！

因為方便今晚的家庭聚會，我們選擇了這家金玉其外的酒家。各項菜式其實味道不差，亦價錢相宜的，但服務態度及生意手法確實極差！我們一行16人，當中有三老三少，但侍應卻極力遊說我們要叫兩個冬瓜盅，說一個一定不夠分，但事實係一個冬瓜盅分到每人有一碗滿之餘仲有得添食囉~我們跟那個侍應講“其實一個都夠分有餘啦！”點知佢跟住話“咁每人可以食兩碗嘛~”(但咁都叫一個唔夠分！！？？)第一個因為仲有剩，放咗喺枱面，而第二個呢？就放咗喺路口茶几等......(蓋都冇個)餸菜追極唔齊，仲想老屈，我們叫了一揸酸梅湯、一揸竹蔗水、兩杯菠蘿冰，得揸酸梅湯到咗，其餘的催了兩次後，侍應夠膽拎住我們已經喝掉一半的酸梅湯話“咪到咗囉！(到咗？邊度？)喱揸咪係竹蔗水囉~(喱揸係酸梅湯嚟噃....)唔係~喱揸係竹蔗水嚟嘎...(姐姐呀~我俾喱半揸你即場試下味睇下係咪竹蔗水！)哈哈~揸竹蔗水仲未嚟咩？(仲有兩杯菠蘿冰呀.........=.=)隔咗一排.....我們又再催...=.=“未到咩？都冇落單！宜家落番啦~”(畫咗單嘎喇喎~)“係咩？呀！係喎~...但竹蔗水冇過畫喎~”(唔係嘛......=.=)最終食晒飽晒之後都仲係有一

收銀肥嬸嬸服務態度真係好差，依家邊個係客先？我走上黎埋單，又無催你，你洗唔洗咁惡鬧人呀？你就口口聲聲叫人地番埋位等埋單，等得黎都蚊訓啦！依家又無催你，又唔該晒你，你仲想點呀？比著我係巴士亞叔，我一定會搵你個經理出黎同你嘈到底！本身都唔想上黎鬧咖喇，點知佢找錢個時將Ｄ散紙掉上黎！ Not PUT on the table!!!嘩～真係把鬼火！有咩事得罪左你呀？依家發生咩事先？我真係唔想再受你氣囉，我決定以後，無錯，係以後都唔會再黎食野！而且，我會寫信去福彩個集團投訴你！

提起係沙田間福彩飲茶就嬲埋嘽時差點俾個收銀肥婆呃囉不過好彩我早計定52蚊點知個肥婆細細聲講58蚊我一聽叫佢拎張嘽過黎睇佢又拿拿林改口話52蚊我一早聽聞個肥婆呃人茶錢估吾到今次就發生係我身上好心佢拉哼真係豈有些理都吾知點樣管理咖

公眾假期飲茶,落單後等25分鐘才出現第一個點心,之後要再等10分鐘才出現其他點心.搵侍應問一問,他的答案是:由於公眾假期,太多客,廚房應應付唔到.又唔係突然or第一次遇到公眾假期，點解噤大間酒樓都唔管理好安排好人手去應付公眾假芋角:　凍的，似隔夜其他７個點心都ＯＫ，不過服務真係差

寫這篇食評之前，例牌去看看其他食客對它的評價，噢．．．毀多於譽！或許是批評太多，對我這個新丁來說居然有些驚喜！舊同學飯聚，想了很多方案，選一個大家都走差不多路程的食肆，由於同學們遍佈九龍新界，最後選了第一城的福彩！第一次來到，感到場面相當大，像廣告術語，可以筵開百席哩！當晚聽說還有內廳多間貴賓房還未開放，可想而知它真的面積不小！說回食評吧，第一個要讚的便是它在周末日的黃金檔期，都沒刻意抽起一些特價菜或將小菜價錢抬高，我知道好些酒樓食肆會在假日時間抬高價錢，甚或剔去特價菜式，這裡仍然維持平日的價錢，一讚！原價八百八十元的東星斑，只要夠八人或以上，只需一百六十八元，超值喇，再讚！小菜的份量亦不小，夠吃；蜜桃芝麻骨是以蜜桃伴碟，再加上炸排骨，廚師再花心思，把芝麻加上炸排骨，增加了香口程度；脆皮燒雞真的脆得很，本來雞皮不宜多吃，也忍不住吃了兩口；另外，該清淡的清淡，如西芹腰果花枝片蝦仁，涼瓜煎蛋角；該濃味的濃味，如糖醋鎮江骨，炸蝦餅等；整體而言，給予很好的感覺，下次必定專程再來吃晚飯的啊！

老一輩個個都中意飲茶今日陪爺爺麻麻黎飲下午茶淨腸粉ok,呢個正常蛋球$8.8 3舊 個樣已經唔得煎堆$7.8 3舊 油到呀媽都唔信雞粥粥ok,但好少雞叉鵝瀨$15.8 3,4舊叉3,4舊鵝 瀨有4碗(酒樓細碗) 一般蝦餃冇食 但見到個皮好厚-_-蓮蓉包冇食 呀媽話d包超"un"環境超嘈 侍應叫極唔睬你 冇個有笑容加水彈親你sorry都冇聲送左點心黎叫我拎飛{喂!拎出飛比我!} 咩態度?6個人埋單大約$170每人$28廿八蚊得到如此對待...點解咁多老人家都中意飲茶/_\我自己就超憎-.-

今朝去飲早茶 7個人 叫左:鳳爪排骨煲仔飯叉瀨淨腸粉蝦腸雞粥生菜馬拉糕雞絲粉卷叫完等左ok耐個煲仔飯先黎不過算啦 優惠7.8 多人叫遲d黎都算但係當我地食完既碟野既時候其他野都仲未到呢個時候第二煲煲仔飯竟然黎左!!!天呀!!而家$7.8仲有買一送一優惠嗎其他既去晒邊??一碟淨腸粉都要等咁耐??等左陣好多野都黎左不過叉瀨同雞絲粉卷都仍然唔見影...因為我唔好中菜 所以只係食左菜-3-...但係淨係呢一碟菜我都有不滿點解佢可以咁多油?!?!我食左一條就滿咀油光 好似搽左唇彩咁{立立令}跟住頂唔住,要幫d菜過冷河過左幾條之後果碗水面好明顯有一層油囉!!!佢過唔過分左d 係咪錯手倒晒成支落去?到所有到左既食物都食晒之後就去吹果d"西裝友"(高級果d)佢超冇禮貌咁話雞絲粉卷賣晒大佬呀 你賣晒都講聲呀 最少都開咪講啦大佬你唔黎又唔交代我點知你係漏單定點佢話就話即刻幫我追個叉瀨返黎之後我坐多十五分鐘就落左去行果時碗野都仲未到佢咩服務態度?之前黎都仲好d,起碼佢聽到你漏單會即刻入廚房睇下咩事而家?幫隔黎台舖台布.唔係d長輩中意飲茶我真係一定唔會黎呢間度囉

先講service:十分同意前面d人所講,豪無服務可言!!特別係d知客同收銀!! 成日掛住吹水做錯晒d野!!最離譜係鬧客!!部長都好賤!!唔願做野!!侍應都係一dd好人咋!!有d都扮睇唔到你叫佢乘機唔做野!!再講食物:簡直垃圾!!一d都唔新鮮!! 仲覺得佢好dirty tim呀!!都唔似即叫即蒸!!下午茶時段仲難食!!師奶都煮得好過佢呀!!又唔係整得好食都唔跳點解會整咁耐!!我試過閒日去飲等左成40mins先有野食到呀!!餓都每死!!飲茶最緊要係壺茶ma!!佢d茶一d都唔熱!!茶几上面個壺都唔保暖ge!!侍應斟d茶都唔熱!!叫人點飲呀!!再加上勁大冷氣!!吹到d食物同tea凍晒!!仲吹病人tim呀!!大家唔好去呢間酒樓飲茶呀!!實激死你!!

12:30去到，門口的知客給了張寫了檯號的飛仔我們，說「直行」兩個字便算。諗住會有另一位知客帶檯，誰不知沒有。我們要問非常忙碌的待應才知道檯在那兒。待應只是指了方向給我們，檯也是幾經尋覓才找到的。去到張檯，發覺上位茶客用過的檯布依然存在，是否要我們親自出手？諗住找個待應來幫我地執檯，誰知等了3分鐘也沒有待應。幾經辛苦才有個女經理見到我們，我們還未開聲，她說：「等等」便走了入廚房了。之後她出來，我們又再叫她，今次又說：「等一等」又去了另一邊。聽到這樣的回覆，我們決定離坐，去第一棧飲茶好過。

地方算係好大，長期都有人在輪籌等位。經過正門以為好嘈吵? 重未算…唔係大廳，亦唔係靠住走廊啲細枱，而係那些廂房。咪以為經過九曲十三彎咁隱閉就會靜啲，實則重惨 ! 一間密封房兩三張大枱，如果配以人聲，碗碟敲擊聲、電視聲浪等等，高分貝噪音會令你難以忍受，想即刻走唔駛再「受苦」!唔係誇張，你在房內通常係叫天不應，舉手係冇用，冇人會睇到，一定要行出去等人，無論你係落單、加單、加水以至埋單。真係唔明咁多年來服務都未見改善，點心次次一定要追( 咁好冇意思，若果你剔了十多款之後再加，點去記還有那些未到) 。咁唔代表佢哋會跟進，通常係等到你忟，唯有埋單時要求取消。經典代表係那些特飲和刨冰，每次落單快者廾分鐘，慢者點追都唔出現。攪笑的一次: 找個高級經理投訴三杯仍未到，幾分鐘後他親自拿著兩杯冰回來，話係他自己整的，叫大家飲住先然後行咗去，至於第三杯，最後當然--- 取消囉。點心款式好多，泰式、日式、潮式、以至奶茶凍啡都有。食物水平如一般港式洒樓般，不過不失，但就唔會有任何驚喜。包類、馬拉糕、牛肉球、陳村粉、豆苗餃、芒果布甸、泰式豬頸肉湯河都可以接受，唔及格的包括各種粥品( 極多味精、豬潤死實)、牛柏葉(

長輩住一城,又中意飲茶一城既choice唔多都幾多食呢間不過都唔明有d咩咁好食佢又唔係平d野食完全唔值個價之前叫果d特飲因為平同埋大杯(我諗佢驚我地飲完好飽唔再食野)所以催極都唔黎每次都要叫成半個鐘杯野先到都冇mood飲啦大佬大大間野,嘈都算不過每次12點幾d煲仔飯就sold out大佬你明知好賣就整多d啦我黎左好多年,次次12點幾就大聲廣播話sold out

今日成班同學飲午茶.我地坐左2張大檯.. d野食黎得都ok快. 在1片吵鬧聲中去吃點心X) 蒜蓉蒸魷魚好入味! 重有我最愛吃的蝦角<333 其他就不過不失咁樣11個人食左大概$470. 都算係咁啦!

兩星期前到福彩吃火鍋, 九時點了菜, 因為是火鍋, 點的都是不用煮的未熟食物, 等了15分鐘, 食物未到, 請待應追進, 他說"會跟跟!" 等到30分鐘, 食物未到, 請待應追進, 他說"會跟跟!" 等45分鐘, 食物未到, 我們很不滿的大聲問那些未熟的火鍋食物要準備如此長?! 他們才說漏了單, 不到3分鐘, 便拿出了所有我們叫了的食物! 服務態度有待改善!今天致電福彩, 想了解一下下午茶的資料, 無耐接線女士態度敷衍散慢, 請她提供姓氏時, 她說"你問黎做咩?!" 本人回答, "想向貴公司反映意見." 她說, "你咪再打黎投訴羅!!!" 然後沖沖掛上電話. 服務態度很有問題!

工作實在太忙，放假都想靜下，但耐何阿媽唔知做咩好鍾意去飲茶，不過我真係唔係太鍾意飲茶，怕嘈怕等怕排隊，去親飲茶間唔中都搞到唔happy。論食物，福彩只算一般，普通港式飲茶格局，蝦餃燒賣牛肉腸粉之類，食品冇咩驚喜可言。你諗下，每到星期日爆到九彩好似唔憂做咁，老闆仲有咩意欲去提高食物質素？尤其是近年經濟好，服務更係差左好多，成間野鬼咁大，做死o的侍應阿哥阿姐，佢地仲邊有心情好好招呼o的客？呢排仲多左一宗罪，廚房出野愈來愈慢，甩單甩得到嚴重，叫六籠點心夠膽冇左三籠，等到冇心機再等敗興而歸。晚市亦唔見得好，客唔係真係好爆，但侍應都係打衝鋒咁，擺位果陣飛杯飛碟，有次同外地來既親戚食飯，嚇到佢地滴晒汗咁滯。其實中式酒樓係唔係一定要勁等位、勁嘈、一張檯搭三檯客、甩單漏野、飛杯飛碟咁？真係要去五星級酒店中菜部，先可以搵返o的「service」返黎？如果有飲食集團搞到o的價錢大眾化又有服務既酒樓，我覺得真係要比個諾貝爾獎佢。