福彩海鮮酒家

营业中

休息中

非常差的服務！好耐未嚟過，估唔到會係咁差！父親節，諗住近近地，又冇市中心咁多人，打電話訂位，仍然要分時段，有限時！响香港都係冇辦法，鬼叫啲租咁貴咩！都冇所謂，方便老人家！最令人唔開心嘅係服務！一個餸菜味道、質量都很差，芋頭南瓜質地差，炆煮時間不足，味道不好，向經理反映，最後肯俾我轉過另一個餸！但過咗10幾分鐘，佢就出嚟同我哋講，廚房同我都試過碟餸，冇問題，解釋可能係每個人口味唔同。我覺得如果客人比意見，就應該要接受，而唔係反駁。當時真係好嬲！諗住食埋改咗嗰碟餸就算，點知催咗三次都冇上到，又唔肯去電腦度查單，最後我哋食完晒，碟餸都未到！其實咁樣嘅服務又點會留到客呢！ 要吸引到客，食物質素，同服務都好重要！不過我唔會再去幫襯！

年初三諗住去午市飲茶，明明門口無乜客，但攞左飛，叫極都唔叫你，門口個數字牌亦唔會跳，由門口阿姐睇心情叫客入。係度等左半個鐘，等到門口都無乜客，入面職員兩次話有位叫我哋入去，門口阿姐就截住話未有枱，見到有其他客一嚟到比封利是即刻有位。原本都想比封利是佢快啲有枱，嬲嬲地唔食了🤬平日職員態度已經唔係好，新春期間更變本加厲，一有客派利是，成堆職員湧出來恭喜😂😂😂明白香港式新年飲茶係咁，但今時今日態度仲係咁，不敢恭維🤣

晚市好抵食，食物質素正正常常，幾大份，價錢吸引金牌脆皮燒雞半隻 $38燒雞算大份，雞皮燒得脆卜卜，肉質算嫩滑，味道正常好食，秘製豉油好好味！性價比👍🏻京式片皮鴨 1隻 $238味道正正常常，會係你隔離即片，刀工唔係特別專業，不過唔算太影響，有兩籠面皮送，面皮厚薄正常，數量足夠包片皮鴨，有青瓜同蒽絲送，性價比👍🏻黑椒茄子牛仔骨煲 $95牛仔骨較肥，味道正常，性價比不及上面兩道菜晚市客人很少，侍應態度幾好，有游水海鮮display，不過唔知好唔好食。

第一城住了差唔多十年。呢間態度好鬼差！咁多年都係差。早茶人手好少，要等很久。疫情後還加了價。晚市菜量好少海鮮沒有太新鮮。建議去新開的壹匯中菜館！（原來的盈暉那裏）

呢間福彩喺第一城起碼超過十幾年 之前就算獨市咗咁耐都可以 Keep 得幾好 但最近附近開咗另一間酒樓 而家好多時都唔使排隊 某日諗住支持吓 晚市去咗幫襯 睇餐牌燒味類海蜇$108 薰蹄$108 無兩樣拼埋嘅價錢就問一問幾錢 諗住都係加十零廿蚊 點知回覆係$168 即係要加$60 諗極都唔明點解要加$60咁多 每樣一半 唔要求加份量 同經理反映 回覆係餐牌有味燒味雙拼係$168 咁樣兩樣叫就係雙拼 咁梗係無叫啦 經理都自覺唔妥返去檢討 最後回覆都要$138 都係果句 做飲食真係要識轉彎 唔係就唯有撞板 諗住支持下點知 . . .  相信嚟緊諗起呢單野都好難叫我再嚟 請我都係咁話 . . .  完

今天去了沙田第一城探朋友，和他們一起到大廈下面的商場找東西吃，友人說想去茶樓慢慢喝茶聊天，第一城的商場沒有什麼選擇，於是去了福彩海鮮酒家。今天是星期五，有午市特價點心，我們吃得不多，於是就沒有特別去選特價的點心。點了一個點心拼盤、醬王蒸鳳爪、海蜇燻蹄、滷水鵝掌、煎薄撐。點心拼盤每樣點心有三件，剛好我們每人一件，蝦餃裏面的蝦算大隻，也算有口感，菜苗餃的水晶皮略嫌有一點厚，其他兩樣還好。滷水鵝掌味道不錯，每件的大小也很容易放進口裡，喝茶聊天吃吃鵝掌也不錯。海蜇燻蹄海蜇不算很爽口，但燻蹄有驚喜，他的皮很韌，好吃。煎薄撐這個薄撐看上去樣子還好，但是不夠香脆，如果再香脆一點會更好吃。每樣點心都不過不失，沒有特別很好吃，但是酒樓都還算寬敞，侍應也沒有催促你離開，我們都坐了差不多兩個小時，沒有被趕走的感覺。

叫咗隻粽食，佢畀砂糖我，我問佢另外畀豉油佢就畀咗腸粉嘅甜豉油，但係當我 將一嚿粽點甜豉油嚟食，佢嘅甜豉油可以係冇味道，完全唔係腸粉豉油嘅味道，問咗一個男員工攞豉油，佢話鹹味嘅豉油只有廚師先至有， 忍受唔住就問啲部長姐姐攞有鹹味嘅豉油，但係佢送出嚟嘅鹹味豉油都係大量溝水乜味都冇嘅。佢啲嘢已經係難食㗎啦，畀人撈豉油食咗佢都好呀！但係啲甜豉油都係難以想像咁難食，仲有叫咗個鯪魚球嗰個鯪魚球溝粉溝到實的的，掉落人個頭度肯定會穿。總之佢啲點心就係好難食啦！

夏天來臨，我們家樓下的酒樓再次推出消暑的冬瓜盅，於是我們又去那裡用晚餐。我們點了一個冬瓜盅、半隻片皮鴨，以及另外兩個小菜，一個是蠔油冬菇炆鴨掌，另一個是啫啫通菜煲。由於每日供應的冬瓜盅數量有限，因此一到就要立即下單，這道冬瓜盅的材料相當豐富，有瑤柱、瘦肉、蝦，蓮子，夜乾花等等。。。。入口清甜舒服，非常適合這個夏天。半隻片皮鴨的份量很足，皮脆而美味。蠔油冬菇炆鴨掌口感尚可。通菜煲煮得鮮美，帶有少許肉碎和辣味，再加上蝦乾的調味，整體味道很美味。若不想自己下廚煮飯，到樓下享用這樣的菜式也算物美價廉。

簡單的魚香茄子煲，賣相絕對比自己煮的差，很暗啞，上菜時賣相就像成煲在雪櫃剛雪完直上枱一樣!鮑魚雞煲。上桌時一些完全看不到一點煙，大家也摸一摸煲看看是不是熱的。那些雞，是炸過的又暗啞的那種。薑葱蠔，終於有一碟上枱時看到一些煙。可是果4隻蠔細得很，168一碟，太差了

叫左起壽包，先後同左3位樓面丫姐幫手睇吓有未，等左40分鐘都冇，再問既男部長，反話我哋冇叫起，仲話我哋唔啱，－句唔好意思都冇，態度極差，無下次再幫襯。依家酒樓打電話book枱嘅時候已經極度囂張。基本嘅禮貌態度都冇，大家去嘅時候真係要諗清楚。

本身同屋企人食團年飯成餐飯都好地地，食物質素都不過不失，但到埋單嘅時候張單竟然出現一項離奇嘅「花生項目」，但問題係成餐飯都冇出現過「花生」，同cashier講返，個cashier只係重複講呢個係佢哋嘅規定，冇提供前菜都要照收冇得delete咁都得，要個客為冇享用過嘅嘢比錢？？？係咩道理？咁樣嘅行為對任何一間餐廳都絕對唔合理，沒有提供相應的服務或商品，就唔應該為此收費，咁耐以嚟都未試過喺第二間餐廳遇過啲咁嘅事，令人詫異

睇到有人食雪山叉燒包, 我都想食, 但點心紙又沒有, 向職員查詢, 佢話會拎出嚟賣, 終於見到佢拎出嚟, 佢就直接派晒比熟客, 我見到d人更本並無舉手要求, 我隔離枱一開茶就已經自動放低一碟雪山叉燒包比佢, 感覺被不公平對待。

每次晚上致電第一城福彩酒樓book 枱，接聽電話的女士都一定會回應你：「你聽朝打嚟啦，我唔識得留枱㗎，我唔係負責留枱㗎！」於是我反問：「咁你喺度接電話做咩㗎？!」 她重複回應：「你聽朝打嚟啦，我幫你留咗枱，跟住到時冇位咪仲影響咗你！」我真係覺得好奇怪囉⋯⋯咁嘅服務！一年前，家族慶祝過節，晚上食物水準不俗，例湯超乎意料的好飲，似家庭老火湯！之後多次家族聚會都選擇第一城福彩。由於近日個平日晚上享用，服務態度OK，食物水準似乎有下降跡象！最慘就是book位，接電話的不為你留咗，聽電話做咩㗎呢？

2003年9月9日和家人到沙田第一城福彩海鮮酒家，飲茶大約13:00入座，入座後便開始點食物，當中點的（川芎白芷燉魚頭）發現有曱甴，即是找當值的，關經理溝通，但對方得知後不但沒有道歉，還反問我們想怎樣解決，我當時第一反應問她，你是否應該對客人作出道歉，但她聽到後亦不作出道歉，輕描淡寫講一句這一份不收你錢，說完便收走嗰份有問題嘅菜...，最後看看賬單酒樓還是把那碟有問題嘅菜都計算在內...服務態度奇差，把有曱甴的食物送到客人枱上，還不作任何道歉

老友記牛一，我邀請茶聚慶生在「福彩」，午市二人套餐有多款選擇：我楝非常多謝用人仔瓦煲的例湯、灼菜心、小炒的咕嚕肉、點心有蝦餃、叉燒酥、甜品的紅豆沙。例湯有瓜、豬脊骨，豬脊骨肉都好味道，但湯水面層很油膩。紅豆沙起沙很濃密，吃到有果皮添！三人茶聚，除了二人套餐，還多點選叉燒飯與燒鵝飯，燒味飯都唔貴，連加一都約$51。叉燒好靚腍腍滑滑，燒鵝都唔錯！老友記十分客氣，生日派是利給我們，又手快快收起帳單請我們午飯茶聚，非常多謝！