福岡漢堡扒 (厚福街) (已結業)

呢間餐廳店員幾親切，態度友善。而店內環境則有啲狹窄，冇乜空間擺袋，店員拎餐入嚟都好辛苦，燒烤食物時甚至會彈到油落腳，所以最好準備定紙巾擺大髀。我地叫左個二人餐，包括兩個芝士蛋和牛漢堡扒、一個月見味噌牛丼飯、兩個罐裝飲品（啤酒同烏龍茶）、湯同沙律與泡菜。芝士蛋和牛漢堡扒係鐵板咁上，擺蛋同肉球嗰一邊嘅鐵板冇咁熱，但係另一邊圓形小石就非常熱（會主動幫你換石）。真係謹記啲肉一定要燒三秒就要反一反，否則非常易燶。漢堡扒真係特別好食，啲肉係好軟滑同有一種特別嘅香味，絕對唔係一般出面食嘅漢堡扒鞋嘅質感。 仲可以燒出好似鵝肝嘅感覺，外面微微焦香，內裏幼滑香口。再同牛丼飯一齊食，口感豐富。 不過輕踩一下，牛丼飯上面嗰粒蛋，喺參考圖片上面係一粒好圓滑嘅生蛋，但比我哋嗰碗可能咁啱溶咗落去，導致賣相爭少少。總結，兩個漢堡扒加一大碗靚飯，仲有兩罐嘢飲，非常抵食又好食！

相信有好多人都鍾意食韓國菜，但係你又知唔知原來韓國菜之中有一樣叫福岡漢堡扒？雖然我好鍾意食韓國菜，但係我都係上網先知有呢款菜式！呢間韓國開過來嘅店舖，用上澳洲和牛整成漢堡扒，仲有得自己燒。餐牌主打食和牛漢堡扒，有數款味道可選，仲有S, M, L 三個size選擇。環境好鍾意枱面嘅迷你吸煙喉！每人一個好特別，又可以令餐廳無咁大油煙。芝士蛋蒜和牛漢堡扒 $124(M) 由澳洲和牛漢堡扒、芝士、蒜組成，一上枱已經勁吸引，仲有蛋襯托住和牛漢堡扒，附上經高溫熱燒過嘅石頭，自己切份量上石頭上燒，記得要用鏟壓實同埋唔好切太好太多份量，否則入面好易唔熟但外面就燶哂！漢堡扒肉味濃郁，配埋芝士蛋一齊食嘅話味道層次更豐富，如果蒜頭再多啲就更香口！菠蘿煙肉和牛漢堡扒 $139(L) 呢款嘅分別在於有菠蘿同埋煙肉，少咗芝士，但係漢堡扒係一樣，我就鍾意芝士蛋蒜和牛漢堡扒多啲，但鹹香嘅煙肉及和牛漢堡扒配上甜酸菠蘿都幾Match。

又去咗厚福街到搵食，收工後就諗住去同事講嘅Diy 漢堡扒餐廳度食晚飯，除咗有DIY漢堡扒餐，仲有丼飯可揀，有得玩有得食仲有得打卡添 漢堡扒餐已經包了沙律、麵豉湯 、泡菜同白飯一碗，而漢堡扒仲可以揀S, M, L 實夠食 雞蛋和牛漢堡扒 $99用上100%澳洲和牛搓成球狀，想食幾多就切幾多出嚟放係⽯板上邊，其間要不斷反轉，烤到外脆內嫩，再點上少少鹽，其間店員主動幫忙換了1次石板 芝士蛋蒜和牛漢堡扒 $113當我食緊自己份餐嘅時候，見隔離枱叫咗加芝士，成碗芝士比佢自己落，勁吸引呀！真係隔離飯香，呢個同上面個餐差唔多，只係多咗好多芝士同埋蒜片，有拉絲嘅效果，咁一定係配菜豐富就惹味d 食漢堡扒點可以少咗罐汽水，緊係嗌返罐飲吓啦，汽水配漢堡扒夠曬邪惡

👨🏻‍🍳韓國過江龍主打石燒澳洲和牛漢堡扒，上菜後自己燒嚟玩燒嚟食，雙重享受🥰佢都有賣丼飯果類，但嚟到真係無理由唔食石燒漢堡扒嘅😗👨🏻‍🍳和牛就係果舊牛架啦，主要係揀大細同配料！今次揀咗一舊漢堡扒係加雞蛋（細，約130g），一舊係雞蛋再加埋芝士（大，約190g）😆上枱時和牛波波搓得好靚好圓😍用個鏟自己鏟一塊仔出嚟放上圓石板到自煮，如果舊石夠熱，其實每邊撳實佢3秒，總共6秒都食得🤤但煮煮下可能會唔夠熱，咁應該用視覺做標準，每邊小量微燶就係啱啱好！配埋麻油鹽、醬汁同泡菜食，質感係嫰滑，聞落好香，食落係夠多汁juicy，每一個範疇都係水準之上👍🏻👍🏻店員會主動提出幫你換圓石，服務好好，因為唔夠熱其實難煮好多🤓👨🏻‍🍳本身套餐包咗飯、麵豉湯同沙律，其實勁飽，我就食唔晒啲飯嘅！埋單加埋一都係2條友二百四十幾，性價比高😋

唔知點解人類總係有鋪癮就係就算出到街食飯都想自己有份製作先開心，👦🏻相信唔少朋友仔都有同感，所以衍生出唔同嘅自製食物嘅餐廳，um…呢樣野其實都係一個風險，因為整得唔好食嘅話就貴客自理🤪，而人類總係愛冒險嘅😎叫左「L」嘅芝士蛋和牛漢堡扒、東武里牛丼飯；芝士蛋和牛漢堡扒一上枱都幾澎湃，鐵板上面有一塊高溫石煮熟啲漢堡，唔夠熱可以叫店員換🤩，根據塊石頭嘅熱度，每邊煎3-5秒其實好夠，煎好嘅漢堡扒都香脆，調味亦都好適中，鐘意濃味嘅朋友仔可以沾番少量嘅鹽/醬汁🤤東武里牛丼飯好好食，賣相都好靚，一堆牛肉圍住一隻生蛋黃，食嘅時候撈埋一齊，蛋黃汁包裹住牛肉同飯粒，連埋蔥粒、紅洋蔥、醬汁一齊食，真係好好食，一啖接一啖食唔停😋評分：7.5 / 10

🍽芝士蛋和牛漢堡扒 (4.5/5) 💰117和牛漢堡扒簡咗中size，睇落好似唔算大但配埋飯真係會飽到上心口漢堡扒有大中少幾個size比客人選擇，口味配料都好多元化左邊有塊熱石，店員會教每人客人點燒都會好主動幫你換熱石整體都燒得幾快，所以要時時check住塊肉蛋漿係事前倒入鐡板，所以會隨住時間有唔同既口感芝士撒係漢堡扒上，燒出黎焦香感更重，絕對建議加埋！一份價錢除咗有漢堡扒，仲配埋味噌湯，沙律，泡菜，白飯同醬料絕對又玩得又食得！

🇭🇰福岡漢堡扒♨️石燒漢堡扒專今次已經係👩🏻第2次黎食今次晚市黎到都幾爆埸 要等一等漢堡扒有得揀S/M/L😚提提大家記得著深色衫先好黎食呀🤣扒係要自己煎 係會大油煙啲架♨️同埋注意返有60分鐘用餐時間♨️芝士蛋和牛漢堡扒(💰$117/M)配菜有泡菜 麵鼓湯 沙津🥗白飯🍚上菜速度好多快 始終唔洗幫你煮呀嘛🤣每張台上邊都有個小煙囪吸返啲油煙店員會幫你較好位置👍🏻漢堡扒係圓形 面頭有芝士 🧀底下就有蛋🍳不過份量唔算好多因為用左和牛既關係🐃🐃肉都幾juicy同高油分 食落完全唔乾柴 幾好味加上第2次黎食發現熱石溫度勁左好多♨️所以燒既時間彈油彈得好勁彈到仲有少少痛 啲油一路燒一路流出黎店員會主動幫你換熱石😚👍🏻👩🏻今次幾鐘意點佢地既甜醬油黎食用黎送白飯都不錯😌♨️芝士蛋蒜和牛漢堡扒(💰$132/L)分別就係多左蒜片 香氣再重一點L Size 份量應該會岩大胃王/ 👦🏻👩🏻就食左M 啦

之前經過見到一個個半圓筒好新奇，已經想去試，今次睇戲係附近可以順便食埋😄我地入既時候大約六點幾，唔算多人，同朋友order左個情侶二人餐🤣情侶套餐有菠蘿煙肉和牛漢堡扒、芝士蛋蒜和牛漢堡扒、芝士泡豚丼飯 + 兩杯野飲 （仲可以免費升級餐飲😆）一點完，侍應就好快放左d調味料同湯落黎，其餘既主菜亦都唔算要點等。漢堡一黎到，我地就開始玩啦😂當然都要食啦😛，d肉一放上塊石度就勁大煙，同埋好多油彈落件衫度😅所以如果要去食就唔好著d易見到污糟既衫去食😂不過記得煎牛時要適時拎起，如果唔係就會流失晒d肉汁唔好食架啦👆侍應都好勤問我地使唔使換石頭👍 （無知既我最初以為係防止太多炭屎留底，原來係因為塊石會隨著時間關係而變得冇咁熱，所以先要換新石塊🤣）而泡菜丼飯也算ok, 但也要盡快吃，因為飯面上既芝士凍了就唔好食😉整體黎講都ok既，但有一樣野就扣左分。臨尾差不多就食完時突然有個職員同我地講我地既用餐時間（佢話60分鐘）已經過左，要我地食快d交枱😳 咩事？！我地入黎既時候冇人同過我地講有限時喎！！好在我地都差不多食完同埋我地都要趕著睇戲所以都唔會耐唧～😠 仲有呢d要客人自己煎黎食既野，係咪應該要耐少少時間呢？

尋日趁住放假，約咗friend嚟到尖沙咀呢邊食個lunch，跟住去行街～朋友話佢之前嚟過呢間餐廳食，覺得幾好味😋今次就揀咗呢間餐廳食個lunch～芝士蛋和牛漢堡扒$96叫lunch set around $90至$100不等，包主食，飲品，一上枱就係大個鐵板，我地係鐵板上燒和牛，可以控制自己鍾意嘅生熟程度～牛肉醃得好香，有好多肉汁彈出嚟，食落覺得好juicy,仲有拉絲嘅芝士，幾好～菠蘿煙肉和牛漢堡扒$110有大大粒菠蘿🍍仲有好多片煙肉，半肥瘦嘅煙肉，同樣有咁多肉汁，和牛好香配，埋白飯，食得好滋味～沙律菜加$3每個人加$3就可以任添加沙律菜🥗配埋芝麻醬添

由細到大都對漢堡扒零抗拒嘅我，偶然發現厚福街有間漢堡扒店就衝咗入嚟試吓😆 上網search先發現呢間係韓國開過嚟嘅店！😮 餐牌除咗有漢堡扒外仲有丼飯沙律小食，選擇都唔少！❤️ 芝士蛋和牛漢堡扒 (M) $117漢堡扒外貌好吸睛，成粒波咁好新奇🤩 呢度嘅漢堡扒係用澳洲和牛打造，配料有幾款唔同嘅選擇💁🏻‍♀️ 我哋揀咗芝士同蛋，另外可以再加錢叫其他配料。而漢堡扒都有細、中、大size 選擇👀 呢度嘅漢堡扒係鐵板上，上枱時仲係生嘅，佢有個迷你熱石燒放啲漢堡扒上去燒，又好玩又新穎😂 呢個價錢仲包咗碗飯、麵豉湯同埋泡菜😏 佢嘅熱石都幾夠熱，每次將嚿肉兩面煎一煎好快就熟透😎 漢堡扒脂香四溢，如果嫌味道唔夠可以蘸醬汁或鹽🧂另外店員仲會主動幫你換熱石，好貼心呀💕❤️ 東武里牛丼飯 $98牛肉分量好多，鋪滿咗成個飯，牛肉味比起漢堡扒更濃郁🐂 牛肉切成粒狀食起嚟非常方便，啱晒啲懶人同趕時間嘅人食！😹餐廳推薦度：⭐️⭐️⭐️⭐️ (4/5)邊食邊玩幾過癮，特別適合帶初次約會或初次見面嘅人，有得煎吓漢堡扒就無咁尷尬，唔怕無嘢講呀嘛～係咪先🤣

聽朋友講佢係韓國🇰🇷食過唔錯嘅石燒漢堡扒疫情下冇得去韓國食😚但好彩係香港都食到😌今次去嘅呢間店係韓國🇰🇷過江龍嘅店🤩主打石燒和牛漢堡扒 自己燒 自己食😆想食幾熟 要有幾厚/薄嘅肉都可以自己控制🤓嫌麻煩而唔想自己燒嘅 仲有得揀要丼飯㗎😙✨芝士蛋和牛漢堡扒(💰$96)呢個午市套餐嘅漢堡扒份量係S size另外有2個size(M & L) 想食多啲嘅可以+$轉而每個套餐都包咗碗飯🍚 嘢飲🥤同泡菜上枱時 生嘅球狀🐮漢堡扒會放喺鐵板上食法好簡單 將一啲肉放係熱石上面🪨等幾秒就可以反轉 燒完兩面後就食得🥢中途店員會主動幫手換舊石 確保保持溫度👍🏼味道方面 漢堡扒食落牛肉味都幾香濃加埋芝士🧀同雞蛋🥚就更加香口😋如果嫌唔夠味嘅 可以再沾啲鹽/醬汁嚟食✨東武里牛丼飯(💰$88)面頭有唔少牛肉粒🐮中間放咗生雞蛋而旁邊就有啲洋蔥🧅蔥花同wasabi啲蛋汁🥚牛肉汁同wasabi用嚟撈飯一流😋而牛肉粒🐮食落大部分都係幾鬆軟入味嘅👍🏼有啲牛肉粒有筋而韌咗少少 但都可接受嘅😚✨韓式甜辣炸雞(💰+$38 追加小食價錢)一碟有5件嘅無骨韓式甜辣炸雞🍗炸雞外面幾脆 而入面就帶啲肉汁 微辣😆 每個午市套餐包嘢食 我哋就叫咗

二人套餐 version 4 包左兩份漢堡扒(M size)，估唔到份量超多！啱曬食肉獸❤️菠蘿煙肉和牛漢堡扒同芝士蛋蒜和牛漢堡扒嘅漢堡係一樣嘅，勁大球肉😝餐墊上有圖示教我地點煎，先用個細鏟切，我中意厚切，兩面都反覆煎一煎，期間聞到香噴噴，流曬口水。鮮嫩多汁，勁juicy，肉味濃郁味美。因為厚切，成個口都係肉，一啖一滿足。佢有提供鹽同醬油，唔落都勁夠味。菠蘿煙肉和牛漢堡扒同芝士蛋蒜和牛漢堡扒分別係一個係菠蘿豬肉蛋，我覺得菠蘿煙肉煎一煎都好好食，煙肉充滿油香，煎到脆邊，好可口。而芝士蛋蒜就好香蒜味，最正係啲芝士，煎牛扒時加芝士，超邪惡。佢用熱石煎肉，店員好貼心，適時幫我地換石。亦有安裝排氣口，唔會充滿油煙味。芝士泡菜豚肉丼就鋪滿左泡菜，芝士可以拉絲，而豚肉都腍嫩入味，good! 我地兩個都叫左可樂，爽！其實成個餐仲有湯、小食同埋沙律🥗食到勁飽。今餐真係好玩又好食😋

知道呢間餐廳開咗好耐，但係一直都未嚟試過，因為排晒長龍，係近排搬咗過嚟尖沙咀先至有機會食咗幾次。依個係辣嘅漢堡，個人唔推薦，我覺得個配搭有啲奇怪，唔係好襯漢堡，建議嗌返其他口味。呢個芝士和牛漢堡就好味好多，仲有啲乾蒜雞蛋，可以拎起一小部分牛肉壓扁去喺石頭嗰度燒，即刻變得脆口好味，個雞蛋撈飯都好味。呢個牛肉菇菌雞蛋飯又係好好味嘅，嗰啲菇好味好滑，配埋雞蛋好match到成件事。另外，平時都好鍾意嗌梳打飲，都好大杯嘅，飲汽水啱晒食漢堡。不過略嫌呢間餐廳價錢有啲貴，呢個套餐加埋兩杯嘢飲大概$400 ，有啲似食快餐嘅。另外，餐廳職員會主動幫你換石頭，怕你因為石頭唔夠熱，牛肉燒唔熟，依樣嘢都算係勤力嘅。我覺得間唔中過嚟玩吓都OK！

The dinning experience was quite ok and foods were good/what was to be expected. I ordered an Egg Hambageu.Staffs were unprofessional. I got splashed by hot oil twice; once from changing hot stones for a customer next to me and also when changing my dish's hot stone.  These two events are understandable and predictable.However what's disappointing, was the fact that waiters are rushing to clean your table when you didn't even finish eating. They didn't even ask if I finished. All the kimchi, sal

黎到厚福街搵食，周圍都排長龍，本身想食鐵火堂。。。但太餓排唔到隊就是但入左呢間福崗漢堡扒到食，真係錯誤既決定門面既menu寫有40~50蚊既牛肉飯，咖喱飯等等，入到黎發現價錢係貴好多，普通一個咖哩都要差唔多90蚊，而食煎漢堡扒就係99蚊，諗諗下覺得食漢堡扒抵d,但明明係比佢寫到40~50蚊平價吸引入座。。。 男朋友就照嗌左咖哩，佢話勁難食，好咸好咸，呢到係冇水提供，水要比錢買。 因為太咸又冇水，就嗌多左枝飲品 ..... 好啦講和牛漢堡扒，有d散同削 .. 侍應服務又好差，串串貢咁，成個體驗勁差 .. 和牛扒一般般，加埋服務態度同埋難食既咖哩，同埋連水都冇供應要人買，咁多樣野加埋今次食lunch既體驗激差，只想快快食完走人，當跌左200幾蚊仲要買難受！ 劣評到爆咁既服務態度仲要加一