福岡漢堡扒 (厚福街) (已結業)

食飯有人serve當然好啦，不過有時搞搞新意思，落手落腳自己煮下又真係幾好玩😆就算係地獄廚神都唔洗驚，反正牛肉唔係全熟都可以食😜😜🎈芝士蛋蒜和牛漢堡扒(細) $113🎈菠蘿煙肉和牛漢堡扒(中) $131✨而呢到既澳洲和牛漢堡扒有分大中細size，由130g到190g，大家可以按自己食量選擇，亦都有唔同配料可以加配成新組合😋而每一份漢堡扒都有跟飯、沙律、泡菜同埋麵豉湯，所以唔洗擔心食唔飽👍🏻👍🏻大家可以一邊食一邊燒漢堡扒，熱辣辣岩岩燒起特別正😋首先用個鏟仔鏟起適量嘅肉放上熱石到壓實，幾秒就可以反轉燒另一邊。一路燒一路聽到滋滋聲真係好鬼正，最大聲係職員每次岩岩換完石果下🤣🤣另外，餐廳每個位都有設置強力吸氣管，所以餐廳環境唔會污煙漳氣，亦唔會成身都係燒肉味👍🏻👍🏻

以前喺韓國食過呢間石燒漢堡扒專門店，佢係香港開店一段時間反而無食過，今次經過厚福街一於入去回味下！.🐮 芝士蛋和牛漢堡扒 $125(L)每份餐都跟白飯、沙律及麵豉湯，亦配上燒肉汁、海鹽和泡菜。漢堡扒選用100%澳洲和牛，上枱時搓成和牛波波，要用個小剷子逐少放到高溫熱石上面燒，自己控制生熟程度。漢堡扒燒嘅時候聞到陣陣肉香，表面燒到微微焦香，入面嘅肉質鮮嫩富牛香，肉汁豐富，配埋鐵板上嘅半溶芝士及半熟蛋，更滋味。.🐮 東武里牛丼飯 $98丼飯大大碗，牛肉粒份量都幾足，一樣有跟沙律、麵豉湯及泡菜。牛肉粒油脂適中，肉質結實有彈性，不過其中有幾塊帶筋，咬落就有啲韌。飯入面落咗特製醬汁，甜甜地開胃惹味，配埋溫泉蛋撈飯食一流！.總括而言：餐廳主打石燒漢堡扒，另外亦有供應多款丼飯，以食物質素而言，定價都算親民。漢堡扒有大中小size之分，可以揀啱自己嘅份量，夠晒彈性！自己DIY漢堡扒都幾有趣，值得一試！

跑完返屋企沖完個靚涼 🚿 🧼 又出街醫下肚仔同shopping 啦🛍今次黎到呢間厚福街既韓國🇰🇷人氣石燒和牛漢堡🍴餐廳係用QR CODE 自己電子落單今日同友人一人叫一個set -芝士蛋蒜和牛漢堡扒 （大）$132配麵豉湯同沙律🥗係無限添，加一碗白飯🍚湯同沙律都係作為前菜開胃而芝士蛋蒜和牛漢堡扒最初係一個肉球形之後要自己放落石頭上面燒，每煎3秒再反搵身，3幾下功夫就燒好了！之後可隨意沾上泡菜、海鹽、燒肉醬汁令味道更提升！芝士蛋蒜味濃，與白飯配吃非常好👍🏻- 墨西哥辣椒🌶️和牛漢堡扒 $109同樣都是由自己烹調，店員會定時主動埋位替換石塊！呢個相對會辣點！西柚特飲 $39大杯到兩個人都夠！西柚再配上檸檬🍋與梳打水！好降溫！

第一次食嘅時候係喺韓國旗艦店。鐵板既熱度非常夠，有幾次啲肉汁差啲彈到手🤣證明真係好夠熱。提子飲品都非常大杯，整體而言份量好夠亦都好好味😋店員都非常貼心會頻密咁幫手更換鐵板，感覺不錯。

📍福岡漢堡扒 (尖沙咀) 呢間福岡漢堡扒係位於尖沙咀厚福街既，佢主打DIY石燒韓國和牛漢堡扒，每個座位都會設有一個小煙囪，好特別🌟！呢到既店員都好細心好有禮貌，會教我地點樣燒漢堡扒先啱，另外又會keep住留意下我地塊燒石夠唔夠熱，🥰唔夠既話會好主動黎幫我地換，超貼心！𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:▪️芝士蛋和牛漢堡扒 ($96+$19轉大)和牛漢堡扒分左3個size，分別係S(130g)、M(160g)同L(190g)，大家可以按返自己食量去選擇~ 午餐如果加$3就可以無限添加沙律或麵豉湯，感覺超值呀！😍一上到黎既時候漢堡扒既賣相好吸睛好QQ，成粒波波咁，我地要首先用個小鐵鏟切好想要既肉份量，然後將漢堡扒平鋪喺熱石上面，每隔幾秒就要翻一翻，生熟程度完全由自己掌控，😆整既過程好新穎好得意！漢堡扒既油脂好豐富，放喺熱石燒完後超香！🤤佢既肉質好軟滑，食落牛味好香好濃郁，入口即溶，食落仲好juicy!! 配埋芝士同蛋好正，🧀加入左芝士之後漢堡扒會有少少拉絲既效果，好香好好味。而輕輕燒一燒蛋既話就會有啲脆脆地咁，好香口好正！👍小煙囪既抽風能力真係值得一讚，燒完之後個身都唔會有好大陣油煙味~▪️菠蘿煙肉

知道丫姨一向喜歡食和牛, 今晚特意帶佢去到尖沙咀一間日本過江龍兼很有特色嘅漢堡扒餐廳試試。餐廳設有四張長檯, 有膠隔板相間, 但如果人多坐位就唔算太鬆動。而每個位檯頭都有個小煙囪, 用以對準石燒位置, 即時吸取煎煮過程中嘅煙, 大大減低了整個環境嘅油煙感。我地每人各揀了一個SET,【芝士蛋和牛漢堡扒 (細) 】HK$106以蒜片煎蛋墊底, 上檯時煎蛋已經熟了一半, 雖然質地不是滑, 帶微脆香口, 很惹味。和牛碎肉搓成球狀, 再加上了芝士碎。有小穫剷剷小小份量放於石燒上, 輕微煎壓至喜歡嘅生熟度。外層煎至金黃微脆, 而和牛碎肉避免了鞋口口感, 和牛juicy, 有肉嘅甜味。 芝士碎慢慢溶附於和牛上, 份量唔多, 所以鹹香芝士味不太突出。另一款就order了 【雞蛋和牛漢堡扒 (中) 】HK$110中size跟細size 其實相別亦唔會相差太大。呢個set差別在於少咗芝士同埋蒜片, 食落少了蒜嘅香口, 但蛋味就出返少少。每個set都配有飯+麵豉湯+前菜+沙律飯同埋沙律, 有助邊食和牛, 平衡一下牛脂嘅油膩。當石板唔夠熱時, 可以向店員免費更換, 可以放心慢慢享受石燒牛。

有得玩又有得食🤩嘅韓國和牛漢堡排🥩可以自己燒控制生熟度🔥 地獄廚神嘅我都玩得唔錯㗎😆 而且唔洗怕燒到周身油煙味👍店家貼心地💕喺每個座位設有獨立抽氣煙抽走油煙💨·🔥芝士蛋和牛漢堡扒 HKD$106/S🔥墨西哥辣椒和牛漢堡扒 HKD$120/M·店家採用澳洲和牛漢堡扒🐂 成粒波咁嘅和牛漢堡扒可愛又吸引😻和牛漢堡扒🥚以蛋醬墊底，自己切出適量漢堡扒，放喺附上嘅迷你石頭上煎熟，熱石好夠熱🔥所以記得要用鏟壓實同埋隔幾秒就要反一反，唔係就好易燶㗎啦！漢堡扒煎熟後脂香濃厚😋 芝士碎🧀仲有拉絲效果添😍而另一款則加入辣味醬汁及墨西哥辣椒🌶辣中帶酸，食落更加開胃，仲中和咗漢堡扒嘅油膩感呢~·漢堡扒分別有S、M、L size 選擇✅而每份漢堡扒仲包埋飯、沙律、麵豉湯及泡菜小碟，女士們叫S size都好足夠呢😋·📍福岡漢堡扒尖沙咀厚福街11號地下A號舖

大人問食咗乜做乜唔po 。因為🚁🚁🚁🚁🚁🚁🚁🚁🚁🚁🚁🚁🚁過鬼。倆個牛精路過事旦入去。頂! 送餐差d成塊鐵版漏晒d汁去我個 friend 個身到一句sorry 也沒有。個所為漢堡就自己煎，但生上，同d 熟蛋一齊上，想我肚痛呀？重成身煙味。炸雞咸過鬼。少有每一樣嘢都食剩。永不回頭。食評不能盡信。咁食咗300幾蚊。貴到離地，無 cp 可言。Very bad experience in my life....

星期日嘅中午嚟到 人流大約有七成滿🙊餐廳採用QR code落單 十分方便🤣 每個位都有個小煙囪吸返啲油煙 所以食完個身都唔會有陣味😆▫️芝士蛋和牛漢堡扒漢堡扒餐配白飯🍚+麵豉湯+配菜+沙律🥗 漢堡扒嘅重量有130g 160g 190g可以選擇🐮 夠石燒到唔夠熱可以叫職員幫你換呀🤓漢堡扒每邊煎三至5秒已經好足夠 漢堡扒牛味濃郁 入口即溶 十分Juicy🥩 如果覺得唔夠味可以點返啲醬油同鹽🧂 加埋半溶芝士🧀同蛋一齊食 味道亦十分夾😍

餐廳大推手打漢堡，食客自己燒，每枱設有小型抽風系統，而且店內冷氣大，令空氣流通減少油煙。除左有漢堡set，亦有其他主食，以及套餐。 假日午市到，開門不久已有幾枱客人，愈坐愈多人入座。叫左芝士蛋和牛漢堡扒(中$117)，雞蛋和牛漢堡扒($小$99)。用手機掃qr code落單，之後侍應就送上set附送既湯、沙律、飯，及調味料。食物送到後，如果第一次食，侍應仲會細心教客人點燒。漢堡分大中小size，每個都圓碌碌。旁邊有塊熱石，用作燒肉。蛋邊焦脆，加左芝士就更香口。每人都有個小鐵鏟切肉，每邊燒大約3秒，d肉已經熟。d肉超級超級軟綿綿，超香肉味，d油膩逼哂出黎。第一次食尼種口感既肉，好好味。整體，侍應好有禮貌，服務好。見到石塊唔熱，就會主動換新一塊。手打牛肉真係超綿超好食，仲可以見到師傅係廚房手打搓圓漢堡添。

今日約咗由細玩到大嘅朋友去街，係去飲杯嘢之前食過晚餐先。揀咗呢間自製漢堡扒，好似幾得意咁，所以試吓。入到黎就比枱面呢啲鐵管所吸引，完全唔知咩嚟。睇餐牌發現原來呢一間係專食牛，但係最近戒緊牛嘅我，好彩佢仲有其他飯類。朋友佢就揀咗個細嘅芝士蛋蒜和牛漢堡餐，睇落好似好得意。因為要自己將啲牛肉擺去石板到燒，職員知我哋第一次食都好細心咁樣教我哋點樣整。而呢個時候枱上面嘅鐵管就大派用場，因為真係好有效率地吸走晒所有嘅煙，所以食完都唔會好大陣味。自己整嘅漢堡扒，想幾大啖就幾大啖。啲牛都幾Juicy，唔錯，而佢個調味啱啱好，唔會得個咸字，反而仲食到肉嘅甜味。而另外佢啲蛋都好好味，咁樣擺喺鐵板隔離都好滑。而我自己就叫咗個照燒雞飯，佢個飯都真係好大碗，一個人係食唔晒。而佢啲雞扒都算幾滑。兩個餐都會跟咗個麻醬椰菜沙律，當係開胃小食咁食。另外仲會有兜泡菜，同埋一碗麵豉湯，泡菜就幾好食，不過麵豉湯就太淡。另外我仲跟餐叫咗個原味炸雞做小食，佢個炸雞真係新鮮熱辣辣，都幾脆口。

又黎食福岡漢堡扒啦，起初第一次戳到呢間店名我以爲係來自日本福岡，但後來先見到店入面嘅係韓文字而唔係日文字，而且呢度嘅漢堡扒用嘅唔係日本和牛而係澳洲和牛，所以價錢唔會好貴之餘味道仲好好，而球形嘅漢堡扒仲可以搭配幾款唔同配料，例如芝士、菠蘿、蛋等等。💁🏻‍♀️ 而漢堡扒都可以根據唔同嘅食量選擇唔同嘅size。食嘅時候可以自行調節牛肉嘅生熟程度去煎， 不過火候比較難控制，試多幾次就會開始熟手，而如果鐵塊開始唔夠土戈火就可以叫店員幫你換過一塊，我自己就叫店員換過兩塊。我叫咗個大size，其實個波波肉球有成個拳頭咁大，食完都應該幾飽塊熱石其實都幾熱，如果一早落舊肉嘅話會好快燶哂，所以我等咗一陣，將一片肉喺個波波度切出嚟，輕輕將佢煎一煎，再反一反，咁就可以食得㗎啦東武里牛丼飯就已經整好晒嘅定食，岩晒D 想方便嘅人，牛肉味道同和牛漢堡扒相比，當然會遜色左少少，但其實質素依舊不錯

漢堡扒既味道有別於快餐館食到既，點解呢就係因為佢呢道既漢堡係新鮮既俾客人自己煮！點煮？就係靠一舊叫熱石既物體！唔好睇少呢舊熱石！ 佢既高溫可以持續成10分鐘！而當你用舊石去煮呢舊漢堡扒，d肉汁係即刻鎖死曬係d肉入面！所以舊肉唔會乾爭爭，而且幾多成熟完全可以自己決定！ 所以其實都幾好玩，一路煎一路食另外我叫呢個餐係跟飯同沙律，飯係珍珠飯！一d 都唔求其！ 沙律既忌念出奇地同d菜好match, 再加上舊肉，成個餐一D 都唔會太肥膩

呢間餐廳之前好紅，今次行過即刻去試吓！😍叫咗個「芝士蛋和牛漢堡扒」，套餐包埋個沙律同麵豉湯，一上台，漢堡扒呈生嘅狀態，要你自己慢慢一舊一舊咁燒，非常好玩，加上職員好細心，當你燒到一半，舊熱石開始起焦時，佢會主動埋嚟幫手換塊新，係加分位呀！ 芝士配上牛和漢堡扒，食落有拉絲感，但牛肉味唔太出😆，平平地試下玩下都開心，加上餐廳每台都有抽風系統，唔擔心食完會成陣油煙味，唔錯呀！🥰✨see more post @brandeneatdahouse

人氣韓國石燒和牛漢堡扒，見近排都多朋友去食， 趁Happy Friday,可以排隊等一下食都唔會太夜，都係等左10分鐘左右便有位，個個都係度燒漢堡，但抽風都可以，故唔會覺得焗。雞蛋和牛漢堡扒 (Size S), 跟餐湯、白飯、同沙律菜夠晒飽肚。餐廳買點係用100%嘅澳洲和牛打成肉球，再配合高溫熱石，想食幾多燒幾多，熟度自己烹調，好食之余又有得玩下😚。基本上放在石頭上，煎3秒再反身一陣便熟了，耐小小便會有點燒焦效果，再夾埋雞蛋🥚泡菜一齊食，口感豐富。會附上三泡菜、海鹽、燒肉醬汁，令味道升華。店員會主動幫手換上新熱石，咁就可以不停地熱辣辣咁燒住食啦！ 東武里牛丼飯，同樣跟餐有湯同沙律，夠晒健康。牛肉粒份量多鋪滿飯上，有牛味且肉質結實，咬落很juicy，將飯內的醬汁撈勻蔥花、洋蔥同蛋，非常惹味。飲品叫左汽水跟啤酒🍻。