祥囍煲仔小廚

营业中

休息中

服務周到態度好，食物有質素，又多選擇，街坊價錢，最nike佢既煲仔飯，天氣凍凍地同三五知己一齊食野吹水就最歡喜，坐位數量都算OK，不過都係經常爆滿，最好打電話定位先。

天氣寒冷，經過祥喜，保持水準，尤其最愛白繕飯，食材新鮮，小炒也不錯，不要錯過牛仔粒，十分好味！😜雞煲也不錯，而且是平民化價錢，如果星期六日假期來，便要在外面等位

夥計幾好態度，原本我地想坐出面，但係因為唔想聞到煙味，所以轉坐入面。夥計都好好，肯幫我地換位：D環境幾好，唔會污糟。食物賣相幾吸引，價錢都唔算貴，夠平民。下次會再來。

今日凍冰冰想去食羊腩煲, 膽粗粗去左試新野一去到勁多人排隊, 好彩唔駛等好耐入到去個個都食緊煲仔飯羊腩煲, 睇黎黎岩地方羊腩煲(中）岩哂兩個人食, 勁多枝竹份量岩岩好臘味蝦乾煲仔飯勁足料！難怪咁多人訂定位

一直聽到人地話呢道d煲仔飯好出名，咁q今日天氣咁凍，食煲仔飯就最岩喇。6點鐘未到，已經坐滿人，唯有坐出面喇。叫左排骨滑雞煲仔飯加潤腸。（最緊要加腸）正宗煲仔飯，好味，畢生難忘既味道，讚。

好有feel等左兩個禮拜終於就到時間過嚟食好彩一早定位8:30仲有九折當然六點都有好多人好正好有feel張枱係出面感覺特別好已經排晒長龍煲仔飯同羊腩煲好正可能係香港第一不過下次過嚟記得一定要同我一樣定位唔係我見到大排長龍我住好遠特登過嚟應該係值回票價

凍冰冰梗係要食煲仔飯，啱啱有朋友試過後推介， 梗要黎試下啦。因為唔熟路嘅關係， 係筲箕灣附近兜左個圈先搵到， 如果係路口有指示的話就會方便我地呢d 路痴😂😂因為星期五晚上的關係， 黎到店門外已經人生人海， 睇到利呢種情況立即安心晒， 通常咁多人應該唔會伏。叫咗糖醋生炒骨，味道幾好，夠乾身，唔錯！菜乾豬肺湯，好飲，冇味精！蒜蓉炒豆苗，清清地，唔係好夠咸！最緊要就係滑雞排骨加雙腸煲仔飯，！飯好食，雞好滑！會再黎食👍👍

天氣轉寒,不自覺想吃些熱辣辣的美食.朋友介紹這店,推介超美味的煲仔飯,還有啫啫生菜煲,油浸筍殻魚等等,質素起出望外,簡直超晒班.服務員態度親切,令人有賓至如歸的感覺,一定再來

專登係九龍坐左一個鐘車過黎筲箕灣試 上次假日黎到排大隊無食到今次終於試到飯焦易起 叫椒鹽九肚魚黎左椒鹽鮮魷等左陣但都好好味食落應該真係如店舖門口招牌咁寫 無味精推薦👍🏻👍🏻👍🏻

煲仔飯非常足料，雞肉嫩滑，臘腸非常香，飯粒分明，如果配埋甜豉油會更好。上菜時間比其他煲仔飯店快 🥰服務態度良好人情味濃，值得推介😉另外蒜蓉豆苗同埋椒鹽白飯魚都好好食

禁凍既天氣唔係食蛇就食羊腩煲同煲仔飯啦。坐係出面反而冇舖頭禁焗，夠晒開揚。一坐低就叫左個羊腩煲先，再嗌左個臘味蝦乾煲仔飯，煲仔飯用炭爐整，再加支啤酒啤一啤真係爽呀。下次想試下馳名胡椒豬肚雞煲。

第一次幫襯，味道有驚喜，羊腩煲岀色，足料，海鮮也很新鮮，各種菜式都非常之岀色，服務也很好，我們一行五人，大家都非常滿意，由於人多，所以建議先訂好枱，免得等太久，會再來。

今日天氣好凍，所以就好想食啲暖粒粒。行過呢條小行，見到有咁多人喺度，發現左原來有條後行美食街，主打煲仔飯啊雞煲啊等等嘅食物，於是我哋又想食埋一份。黎到祥囍煲仔小廚，覺得menu 嘅價錢都非常合理!煲仔飯大概都係七八十蚊一個，而小菜都係八十蚊一個。至於雞煲就大概百五蚊。呢個價錢都值得一試呀！今次叫咗啫啫滑雞煲，白鱔煲仔飯和魚湯菜心。餸嘅份量都幾合理。啫啫滑雞煲💛💛💛💛個滑雞煲一黎至就聞到好香醬料味，啲雞好滑，仲好有味。真係色香味都有。而且有雞膶添，令人更興奮。白鱔煲仔飯💛💛💛💛💛白鱔煲仔飯雖然唔係非常特別，煲佢既價錢好親民。除咗白鱔仲有黃鱔同鴛鴦鱔煲仔飯。呢個煲仔飯聞落係好香既煲仔飯飯味，可能因為佢用炭爐燒。一打開個蓋就聞到好香既豆鼓味。食既時候就感受到白鱔既肥美，再配搭特別既鼓油，真是一絕。至魚湯菜心，就一般啦，好正常唔會驚為天人又唔會太差🤗

由於兩個人食，又唔介意搭臺，三分鐘就有臺了。 上菜後唔記得相機食先，因為太香太肚餓了！豉椒炒蜆 - 蜆無沙，大粒鮮甜，蜆肉唔會跌晒出嚟豆豉鯪魚炒油麥菜 - 夠火喉，又唔會太鹹双腸煲仔飯 - 我想大讚反焦，做得好好喔，豉油都調得好好味，唔係死鹹果種

行下行下搵到寶！今日凍凍地好想食羊腩煲，比我同寶貝搵到好野食！羊腩煲入味！打邊爐配料新鮮！我地叫左鵝腸，墨魚滑，超及大碟！汁送飯一流！下次要黎食煲仔飯！以後又多一個飯堂啦！