祥囍煲仔小廚

营业中

休息中

行完龍脊後，特意過黎一試呢到嘅煲仔飯。搵呢間鋪都要用少少時間搵，係要落一落去斜路再轉入面。煲仔飯即叫即整，要等30分鐘左右，我地叫左蝦乾臘味煲仔飯，落左鼓油焗佢10分鐘，再打開，好香呀～ 煲仔飯足料，啖啖飯都唔怕無餸，仲有飯焦👍🏻煲仔飯加左蝦乾，好惹味😋仲叫左椒鹽九肚魚，炸粉唔厚，魚肉夠多🤤好食！叫左個菜食下，蒜炒豆苗要+$20，都ok好食欣賞呢到餸菜份量夠，2人食，食3樣嘢，都食到好飽總結：真係值得黎一試👍🏻😋

第一次黎渣車過黎，係條巷仔裡面差d睇唔到。今次嗌咗白鱔煲仔飯密椒薯仔牛柳粒，蒜香蝦膏油麥菜上菜時間都算快但煲仔飯豉油唔夠咸牛柳粒薯仔細粒，蜜糖夠入味油麥菜味道足夠會再有下一次👍🏻

餐廳地點雖然有少少遠，但這種食物質素十分好，小菜亦有水準尤其推薦這裏的煲仔飯真的一流！我這次叫的是雙腸飯，醬油滲入在飯中，形成飯焦，實在太好味了，大家不能錯過平時等煲仔飯起碼要等半個鐘或以上，這裏坐一陣間就有得食㗎啦。另外我叫咗蒜蓉炒豆苗，份量超大好抵食！大家不要錯過哦。還有點了豉椒鵝腸，這個鵝腸非常爽滑彈牙，可惜的是少了味菜，如果可以加上味菜會更加惹味！建議餐館可以下次變成市招味菜這樣就會更好！

好多人, 全場爆滿.職員效率高, 好快安排到枱.地方雖少, 但環景衛生.叫咗三個餸, 分別係...鴛鴦膳煲仔飯, 排骨滑雞煲仔飯同埋涼瓜抆倉魚.煲仔飯夠熱, 味道好, 多飯焦!倉魚夠新先.值得推介!

入冬天氣開始清涼了 又是食煲仔飯的好時候 在網上看了香港出名的煲仔飯餐廳後 被這間煲仔飯的食評吸引 最後決定選這間試試 來到等候了一會 餐廳外也有擺放食桌 不過天氣開始凍 坐入面舒服些 較温暖 早已準備要等候 因為知道很多人來排隊等位食 等了不一會入座 餐廳滿滿的食客 幾乎每枱都會叫煲仔飯 看了餐牌後決定點臘味蝦乾飯 即時製作 需要等半小時 新鮮即煲值得等候 等了約半小時上桌了 熱辣辣！！又有不少飯焦！！！料又多！！好吃 侍應態度也有笑容 親切 非常滿足的一個煲仔飯！！

Between the cool weather in autumn, it’s time to have a great n warmth clay pot rice in hk😍first time to try this clay pot rice, wow it served with a real pot and the rice at the bottom are crispy!! Must come againit’s officially the greatest clay pot rice rather than others

上次見到人好多已經好想食。今次5:45就入內，員工仲食緊飯但招呼非常有禮貌叫我地慢慢坐低。我哋叫咗椒鹽鮮魷及龍蝦伊面非常美味，用料新鮮非常實惠抵食。煲仔飯同魚翅都非常吸引好味。最值得一讚是員工非常盡責！下次一定會再來幫襯！

同男朋友去完赤柱拍拖仔，見天氣凍凍地諗緊不如食煲仔飯！難得過海食不過又吾熟路，上網一查見到呢間評為top 1即刻楂車過黎吾洗半個中就到，係條巷仔入面真係吾顯眼如果吾係啲人排到出黎都睇佢吾到以為去錯地方！叫左兩個飯，一個白磰煲仔同一個虾乾立味，第一次食個煲仔飯啲飯蕉吾會全黑，仲要每粒米都有啲餸既味道勁好食，而且啲餸又吾少，簡直抵食必定會再黎幫襯

<冬天不能沒有你😍～最愛煲仔飯😙> __祥囍煲仔小廚 ：臘味蝦乾煲仔飯$80/one _行完鶴咀⛰較岩時間，可以成功朝聖筲箕灣祥囍嘅煲仔飯😭，巧感動呀🙈。今次六點開舖準時排隊，唔駛等直接可以入到依間街坊晚飯食堂👏🏻，叫咗招牌臘味蝦乾飯，由於炭火逐個煮嘅關係，所以等左大約45mins 左右，一上枱先淋左甜底嘅煲仔飯豉油先，再焗2mins ，一打開D臘味香到😱，一食臘味出色，冇油益味，而且已經切到一粒粒，臘腸夠甘香，臘肉夠肥，蝦乾亦夠香，仲份量十足每一啖飯都可以做到一啖飯連臘味，重點係米有米香，可以做到粒粒分明，夠哂乾身，完全吸收哂蝦乾嘅鮮味同臘味嘅油香，最尾食埋個脆脆嘅飯焦🤭，完全係Good Ending 🙈_🎈Rating:9/10

2-3年沒黎 返黎主打煲仔飯都有係度 聽聞上年拎左獎 香港頭3名 多左好多小菜選擇 沒以前咁少野食 試左臘味蝦乾飯。招牌菜式 保持水準油浸筍殻魚 香口惹味 必食菜式試左d新菜 紅燒乳鴿 不過不失 仲有叫左例牌炒野 炒蜆 炒蟹 黎到最緊要試個老火湯。因為炒野熱氣 配返個菜乾豬肺湯 4個人都夠飲 菜式都好惹味 但唔飲湯食多就會覺得有小小咸 因為好耐沒去 好多試野食都試唔到 下次試埋其他新野食 筲箕灣區難得價錢低又好食 但切記要訂位 依邊行訂位優先 唔訂可能排成個幾鐘先有位

以前一個禮拜總有一次去幫襯煲仔飯，對上一次見唔到平常的收銀妹妹、侍應，已經覺得事有蹊蹺，心想如果味道保持便可，怎知今天光顧，叫了蟶子，灰灰白白，一口吃下滿口砂，告知老女人侍應，她望我一下，毫無表示置之不理，再吃其他菜，還是砂砂聲在口腔響起，算！如果煲仔飯水準保持的話，耐何，完全不是平常的味道，沒有飯香，排骨肉咬不斷，雞胸肉無味嚡，往日滑嫰雞肉那裏去了，看見老闆滿面愁容，年青侍應店外打機，哀哉！我的飯堂又少一間！

When we stepped into this shop, we were greeted with warm friendly smiles. We took a long time to decide what to order because they offered a great variety of classic favorites. We took our cues from surrounding tables. We went for the waxed goodies claypot rice, cooked to perfection. The best bits are always the crispy "burnt rice" at the bottom of the pot.We got the sweet and sour pork, obviously very popular among diners. And stirfried chive flower buds was also well received. At the end of t

喺度食過一兩次，水準保持一貫咁好！適逢母親節周圍都多人，大集團又可能有指定菜牌。祥囍不但冇額外收費，一心只想透過openrice 方便book 枱，街坊生意已經唔收加一仲優惠時段有九折，好食之餘仲咁抵食門外有幾張枱，可能天氣熱而我地又等左陣，老闆娘覺得很不好意思仲話飲咩佢請，母親節見到黎食飯嘅媽媽都送花，媽媽接到好開心食物好食唔在講，煲仔飯真係必點，當日點左雙鱔飯，一流！次次都會點仲要服務一流，街坊小店一定支持

祥囍煲仔飯超正，尤其係個臘味煲仔飯，個臘腸叫好食，煲仔飯最重要係d飯焦，飯身乾爽不濕稔，用匙羹一刮成塊金黃香脆既飯焦就出左黎，個飯焦有濃濃既米香，食落口索索食，感覺超治癒。仲有d小菜都係好正，必食包括鼓椒炒蜆，碟野勁多豆豉，如果鍾意重口味嘅人一定要叫，最重要都有好多蜆肉唔係得個殻，呢個係必叫之選。仲有個椒鹽鮮魷，超酥脆，感覺唔油膩，食完一口接一口呀，超正。個粉絲蒸娃娃菜都一絕，超甜超多汁，d粉絲索哂d蒜味正，值得一去。

今晚路經筲箕灣~講真呢個地方真係好少會黎到，所以就試搵吓呢區美食行行吓~見有咁多人行後巷我又試吓跟埋去睇睇~係後巷入面~竟然有幾間食店係度~原來呢度有個“后巷美食街”！！！見到呢間祥囍咁多人，就即管等一陣位~可能過了晚飯時段，大約10分鐘就有位了，呢度有最出名嘅蝦乾臘味煲仔飯~咁就嗌黎試吓，仲嗌咗個懷舊炸大腸補吓自己個大腸~食野都消化好D，除非唔係😁哈哈<懷舊炸大腸> $88炸大腸外脆內鬆軟，配上甜酸汁非常開胃店主都幾細心，仲伴上菠蘿，食返幾舊菠蘿即刻消除熱氣嘅感覺，真係無試錯<蝦乾臘味煲仔飯> $88好野黎嘞~煲仔一上台，打開個蓋（小心燙手）香氣撲鼻~而且內裏非常足料，無揸流攤有~臘腸，潤腸，蝦乾，臘肉，冬菇，蔥加埋豉油撈埋佢食~臘肉食落唔肥膩，孖腸味香，蝦乾大隻得黎又有鹹香~最正係仲有飯焦食~見店員同D食客都好老友~相信有不少附近嘅街坊撐場祥囍仲有其他小炒，有機會會試埋。*呢間openrice訂座有9折