祥囍煲仔小廚

营业中

休息中

少有黎到港島東既地方閒逛，見天氣涼涼地想食個煲仔飯，就去左之前有人介紹既祥囍。祥囍係位於筲箕灣既窄巷之中，當晚去到已經坐到出門口，不過我地都好快入座。因為我地得兩個人所以只係叫左個排骨滑雞煲仔飯同椒鹽鮮魷。煲仔飯最重要既係飯焦，祥囍成功做到了，飯既份量足夠兩個人食，味道亦都非常好。另外我地叫左個小菜椒鹽鮮魷，佢地做到個炸皮唔會好厚，而入面D肉亦都好大舊，唔會好似其他餐廳得條魷魚鬚，而已佢配埋炸蒜，食落特別惹味。期待下次可以叫多D人黎試下佢其他小菜、炒蜆炒蟹同雞煲。

去完石澳行山 出返去已經係食晚飯時間 成日見好多人話筲箕灣有間煲仔飯好食㗎今日就試下佢啱唔啱口味啦🤪•我地得兩個人既關係 有好多野都想食不過只能叫2樣去食 唔想做大晒鬼•真係有好多唔同種類嘅嘢食有得食雞煲，打邊爐同埋小炒我好想飲個胡椒豬肚湯鍋 望一望隔離太大兜放棄左🤨•我地叫左個🥢排骨滑雞+臘腸煲仔飯睇落唔多特別咁 但佢個飯焦控制得好好一啲都冇燶度 出面有好多火候控制得唔好個底全部都係黑色食唔到 🥢椒鹽鮮魷呢度菜去到每一間小炒店都係必點嘅鮮魷好大嚿 咬落好爽 仲有大量我最鍾意食嘅炸蒜 撈埋同煲仔飯一齊食絕配呀

環境地方一般，坐位較窄枱之間距離唔大，服務員態度服務正常，等入坐時間大約15分鐘，繁忙時間最好預約嚟到呢度最出名嘅煲仔飯店，梗係唔少得要試吓煲仔飯啦！叫咗兩款煲仔飯，分別係白鱔同窩蛋牛肉，飯上枱夠熱，好香同埋真係有飯焦，對比廟街出名要排長龍個幾間好好多，窩蛋牛肉飯啲牛肉好嫩滑，唔會太老，不過隻窩蛋就熟多咗少少，配合埋煲仔飯豉油味道啱啱好，每一啖飯都有飯香，仲食到有好好味嘅飯焦，白鱔就正常，揀臘味應該更香。大家可以試下！😋豬肺湯清甜足料，燙料有好多，豬肺，菜乾，雞腳，瘦肉熱辣辣飲完好潤仲唔會口乾，證明冇落味精，豬肺洗得好乾淨。👍🏼豉椒炒蜆，味道濃烈，夠晒入味，蜆肉洗得幾乾淨冇沙，又有鮮味。冰鎮梅子骨有啲特別，佢哋個碗底加冰再加保鮮紙然後上面放梅子骨，味道酸酸甜甜，味道尚可不過佢哋個名叫冰鎮其實唔係好凍，純粹係個名特別花巧嘢為主仲叫左咗小炒必食系列，椒鹽鮮魷同白飯魚，加蒜粒埋一齊炒好香好香，白飯魚同魷魚又冇炒到好乾身，入口仲食到有少少嘅水份，外皮香脆，火候控制得幾好👍🏼豆苗雖然炒得好香之不過因為材料本身唔太靚所以有少少草青味，食落口口感比較老總括嚟講雖然有啲好有啲唔好，但係都值得一試，尤其

食左幾次，每次都覺得大滿足。好味推介有蒜蓉粉絲蒸娃娃菜，臘味蝦乾煲仔飯，啫啫生菜煲，啫啫雞煲，黃金鮮魷......最好訂左位先去，避免長時間等候~服務不過不失，有時要搭枱。不過整體而言，值得一去再去

吃完紹華的煲仔飯, 很自然要到祥譆吃她的的煲仔飯和煲仔菜吧! 七時多以是全滿的狀況, 果然深受一眾街坊的歡迎. 事實上他的份量相當多, 多得有點吃不消, 非常抵食. 你看那蒜子燒肉大鱔煲, 鱔比燒肉的份量還要多. 味道則有點失望, 鱔肉爽口彈牙而且沒有縮水, 但油份過多. 脆皮雞外皮依然爽脆, 但雞肉已經變涼. 窩蛋牛肉煲仔飯焦香味不夠, 牛肉也有一點實, 不過加上生蛋之後, 就可以冚過牛肉的問題. 和好朋友飲支大啤酒, 在露天地方吃這些”佬菜”, 有時就不能要求太多的質素吧.

見佢好多食評，一於要去試下，大約六點已開始滿，由於兩個人食，故小試牛刀叫兩樣野試下，叫左梅子骨同白鱔煲仔飯，梅子骨用料足，入口有很香的梅子味，排骨很林，份量足但兩個人食有啲膩，賣相亦十分不錯，如有三至四個人，應該會較為適合，另白鱔煲仔飯，呢個真係幾得，鱔很新鮮，鋪得滿滿的，飯粒分明，鼓油是杰的那種，飯焦呈金黃色，小小脆，沒有焦黑，鱔比較多骨，這間是我吃過最好味嘅煲仔飯，佢哋小菜都做得好好，大班人黎一定要預約，唔係有排等位，佢地好好生意，但都好注重顧客對食物滿意度，十分扺讚，佢地招呼不錯，不用加一，我一定會再黎食嘅👍🏻

It’s been 2 years not visit this restaurant. Remember the taste and the texture of 煲仔飯. I love it.

兩個人 除夕夜去邊好？梗係要來祥囍食煲仔飯啦！好在book左位咋，如果唔係要排長龍！排隊時可以叫定煲仔飯，要等25分鐘架！天氣凍凍地，熱辣辣嘅煲仔飯非常之吸引，打開煲蓋啲煙一湧而出、香味四溢！我地叫左滑雞排骨潤腸煲，雞好滑、豆豉好香、潤腸油而不膩，100分！仲有蒜蓉粉絲蟶子同鮮蝦腐皮卷，非常滿足！

見今日凍凍地就去食煲仔飯兩個人叫左一個排骨潤腸煲仔飯、炒蜆、炒豆苗份量多、足料，兩個人夠食煲仔飯有飯香有飯焦，潤腸夠油份，好食炒蜆大大碟，隻隻都有肉，唔係出面食啲成碟殼每樣野上枱都熱辣辣，唔係整定，讚

今晚想食煲仔飯，上網見好多人讚走來試吓，我地即興無book位，不過等咗唔係好耐就有位，叫咗椒鹽九肚魚，好香有魚味大條厚身好食，臘味蝦干煲仔飯，好香臘味蝦干好食特別👍。

特登黎食。7點半黎到。唔洗十分鐘就有位坐。叫左一份鴛鴦煲。叫左一份排骨滑雞加臘腸煲。呢度出名砂礓雞腳。都叫左一份。再叫避風塘炒茄子。個飯未開都已經香噴噴。超級好味

鮮魷，好夠味。三個人食左二個排骨滑雞加白鱔，滑牛煲保飯。藍妹。好多人。無位排隊，好奈。 好耐無食煲仔飯，家陣凍好適合食， 真是有啲豉油家落煲仔飯度， 又有飯焦， 起筷唔講咁多。

第一次黎呢間小店，叫左兩個煲仔飯同，椒鹽鮮魷，嘩！一嚟到嘅時候，啲鮮魷勁大條，炸到金黃色咁樣🤩，簡直一望到就覺得好興奮啦～然後，一食落口果然真係好好食，皮脆又薄，炸到好香口，魷魚亦都好嫩口！好快無飯都食晒成碟～然後個煲仔飯來到喇～都係好好味架，飯焦一流，唔會太硬或太Lon，好香口，雞亦夠滑同香口😍！大家一定要來試吓😍😍順帶一提，店內服務員態度和服務都非常好，有禮，亦會照顧你所需！～讚讚讚！

今晚的晚餐四個人六點就來點了如下五樣餸：1.四炸子鸡很好吃，又脆又滑。2.雞軟骨今天不夠火候，失準。3.蒜蓉炒豆苗還不錯，下次會再叫。4.椒鹽白飯魚也不太夠火候，上次吃九肚魚就很不錯。難道今天廚師換人了？上次食過煲仔這次沒有叫失算，下次一定要再叫。

今日12月28日，昨晚2330來電訂座，但沒人聽，心想已經關門，明天再訂位，怎知突然電話響，原來餐廳來電問是否打過來，服務態度真是一流，中午先前往赤柱遊一遊，睇下狗仔，再嚟筲箕灣區出名小菜煲仔飯小菜舖，冬季必食嘅煲仔飯，差不多枱枱必定柯打一煲，還有雙冬支竹羊腩煲，羊腩份量足，鼓油王鵝腸，九肚魚，魷魚，霸王雞，雞非常滑，蒸煮剛剛好，各小菜都非常出色，提議要先訂位，及有排隊等候的準備，舖位在後巷街道內，不是在愛民街。。