祥囍煲仔小廚

营业中

休息中

之前嚟食過祥囍嘅煲仔飯，一直令我念念不忘，今日就帶個同事再拜會一次。但今次見到祥囍轉咗餐牌，而且新推出咗我最鍾意嘅龍蝦芝士伊麵，就決定試一試新菜式啦。•椰汁$18清甜解渴，天氣咁熱正好消一消暑。•蒜蓉蒸元貝$90元貝又大隻又厚身，而且加咗勁多蒜蓉蒸，味道更加鮮甜惹味！粉絲將醬汁加元貝嘅鮮甜索晒，出色！•芝士伊麵焗波士頓龍蝦$198非常大碟，龍蝦切得方便易食，而且夠晒新鮮，龍蝦肉可以輕易離殻，肉質爽口彈牙。芝士醬亦煮得夠濃稠，伊麵好掛汁。除咗煲仔飯之外，其他主食都有質素喎！•椒鹽瀨尿蝦$228炸得好香脆，而且份量好多，大概有八隻左右，而且好多肉，鮮甜多汁。外殻沾滿椒鹽同炸蒜，好惹味。食完新菜式之後對祥囍又多一樣菜式可以牽掛，同事見到其他客人食嘅煲仔飯都好想食，可惜兩個人食到嘅份量有限，下次要再叫其他同事一齊嚟食煲仔飯同其他小菜

星期六家庭日，與家人出外覓食，但處處擠滿人，一枱難求最後，惟有在家附近搵食，見此店門外有一張吉枱，人客剛剛走，雖然，要坐在店外，而天氣頗炎熱，揮汗如雨，但都好過無喇臘味蝦乾煲仔飯，熱辣辣上枱，雖然，未打開煲蓋，已經香味撲鼻，急不及待開蓋，見到臘味蝦乾鋪滿飯上，惹人食慾，臘味夠味，蝦乾大隻，飯加上特制豉油，又香又軟，真要食幾碗至夠喉，還有小量飯焦在煲底，香脆可口....果然，色，香，味，俱全薑蔥蒜頭炒魚卜煲，豉椒炒蚬，蒜蓉粉絲娃娃菜，炸大腸，有鑊氣，味道不錯下次再試其他菜式

雖然慢慢步入炎夏，但我哋今個冬天竟然無食過煲仔飯！所以我哋捉住冬天嘅尾巴（其實已經5月仲點捉住？），去到呢間位於筲箕灣嘅祥囍煲仔小廚，祥囍煲仔小廚最出名就係煲仔飯，今日就同M佬一於夏日熱辣辣啦。椒鹽鮮魷鮮魷份量多，熱辣辣脆卜卜，蒜香同椒鹽味夠出，食落好有層次，夠晒開胃！魚香茄子煲一個靚仔吖，唔該！食魚香茄子煲又點可以無白飯呢！上枱時仲係好熱，滋滋聲好吸引！鹹魚味好香，肉碎粒好多，而茄子索晒味！鹹蛋蒸肉餅蒸肉餅同出面嘅唔一樣，肉餅較實，但其實咁先代表肥肉唔多，食得夠健康。臘腸排骨飯重點嘅煲仔飯嚟喇！最重要當然唔少得飯焦啦，飯焦充滿陣陣嘅焦香味，而臘腸同排骨份量唔少，好滿足。

睇完戲去咗附近食小炒，網上介紹必食煲仔飯，當然要試一試。由於煲仔飯要等半小時才能食，所以先點。我們點了雙鱔煲仔飯。上菜時，整個飯面都是鱔，很足料，而且下面的飯也非常香。我們還點了牛柳粒，牛柳粒很軟，很入味，而且薯仔的表面也有點脆脆的，很好食。竹笙豆腐，味道較清淡，但份量還滿多的。椒鹽九肚魚，外層脆脆的，椒鹽很香，不：會太辣，也不會太油膩，好食。和田雞煲仔飯，相較雙鱔煲仔飯較為遜色，香味不及雙鱔煲仔飯。每個餸都是熱熱的，剛弄好便上菜，很好食。看到別桌點的炒麵好像也很吸引，下次試。

黎到筲箕灣嘅一間小店，雖然唔算好開揚，但勝在味道一絕，樣樣都整得唔錯，好耐之前黎過食煲仔飯，今次黎試下啲小菜，今次食左芝士龍蝦伊麵同薑蔥焗生蠔，芝士龍蝦伊麵$198，佢地嘅芝士真係好香😍😍😍，比起出面嘅濃好多，而且個伊麵底有好多，龍蝦都有成隻，價錢唔貴又好味，值得一試！而另外一樣薑蔥焗生蠔都係$198，份量大約有一打十二隻左右，生蠔都幾大隻幾肥美😛😛，而且幾新鮮，係先炸左再落芡汁，非常夠味，送啤酒一流😏😏，如果黎開呢頭嘅話一定要試下呀！

已經食過多次，每次都仍保持上準，自上次冬至失準後，今次再度試試，果然超出我預期，超水準，份量十足有鍋氣小菜、聞到都口水流嘅煲仔飯，係我食過全港最好食的小菜、煲仔飯

通過open rice 訂左枱，入去先落左煲仔飯。之後再點椒鹽魷魚，好味，新鮮入味。蒜蓉炒芥蘭也不錯，螺肉茹湯一般，白鱔煲仔飯贊一個總結：食材新鮮好味，好好服務還可以坐位吃的有點趕時間，不是太舒服😅

好耐無食大排檔了，想食大排檔的鍋氣小炒，相約朋友來到祥囍。坐下來後朋友話喉嚨發炎，要食清淡嘅嘢。蒜茸粉絲蒸元貝$45x2元貝大隻夠新鮮，蒜茸粉絲份量好多！吸收左元貝既鮮味，朋友至愛！👍蒜茸粉絲蒸聖子$45x2聖子稍微有點小，但是以這個價錢都算唔錯，新鮮爽滑！好味！👍白灼魷魚$88魷魚新鮮，簡單的以芫茜同豉油調味，白灼更可以食到魷魚鮮味！👍😋窩蛋牛肉飯$78牛肉片鋪滿煲仔飯面，上枱後倒入適量秘製豉油，焗3分鐘剛好。牛肉無梳打粉的味道，新鮮嫩滑，但是味道有點淡。半熟雞蛋拌勻飯後，吸收左牛肉汁同蛋液後，飯粒保持干爽，好香啊！😍😋魚湯鮮菌白菜仔$65奶白香濃的魚湯鮮甜無腥味，白菜仔新鮮夠嫩、無沙！鍾意清淡值得推薦！👍

今天我和一個同學相約要去一個港式風味小店，位於筲箕灣的一個內街，如果不是別人介紹我也未去過這個地方。這裏都是一些吃雞煲或是羊腩煲的店子，而我選擇了這間吃煲仔飯和海鮮很出名的祥囍煲仔小廚。我們點了一份豉椒炒蜆，分量十足，非常大隻，醬汁也非常惹味，用來送啤酒真的一流。老闆介紹我們吃了一個蜜糖薯仔牛柳粒，黑椒牛柳粒配上蜜糖讓味道更加豐富濃郁，牛柳粒也非常柔嫩新鮮，份量也非常的多，兩個人吃真的有點太豐富了。最後點了一個臘味煲仔飯，跟平常吃到的煲仔飯不同，他的飯焦不黏鑊，特製的豉油鮮甜，加上滿滿的臘腸潤腸和臘肉。如果說這店的煲仔飯是招牌菜，真的實至名歸。如果有興趣去的朋友最好先訂枱，因為常常爆滿，那天我們也等了一會兒才有枱，我們離開的時候門外也非常多人在等后。要說東區吃煲仔飯小菜，我的首選是這裏。

祥囍是我最喜歡的煲仔飯，上次到訪看到餐牌上有很多不同款式的海鮮小菜！剛巧今天天氣升温，決定試試其他小菜！先來一個姬松茸螺頭燉雞湯，料頭十足，每一口都充滿姬松茸香味來到這類小菜館，很自然的想吃椒鹽瀨尿蝦！味道一流，而且啖啖肉現在上湯波士頓龍蝦伊麵做推廣，當然要一試！麵底盡吸龍蝦的精華最後叫了半隻炸子雞，外脆內嫩，幹香鮮鹹，配以淮鹽，惹味可口另外真的要一讚這𥚃的服務，侍應們細心有禮，不斷主動為我們換碟及洗手水，吃得十分開心

睇到食評，滿心期望可以食到好好味的煲仔飯，但可能期望過高，有點失望。 地點系一條行仔，有點難搵。六時半去到，七點半走，都唔系好多人食，可能系平日呱。叫左蒜蓉粉絲蒸聖子王、臘腸雞煲仔飯、椒鹽九肚魚同抄油麥菜。 聖子兩隻，有一隻系好細同埋蒸得熟左啲，煲仔飯啲雞系無味，啲豉油又唔系甜又唔系咸，唔知想點，淨系得啲飯同飯焦好食啲，總體系淡茂茂。椒鹽九肚魚炸得好脆，粉漿亦薄，幾好。油麥菜好老同咸。總括系出面有好多更好選擇。

要搵間餐廳食靚煲仔飯，睇佢客人流量是錯不了。呢間祥囍煲仔，位處於後巷，頗為隱密。但未到7點，餐廳內位置坐滿，餐廳外擠滿了人等候入內。侍應來來回回忙碌非常，趕緊招呼客人。因此，我6點到達，避開繁忙時間。菜乾豬肺湯可能係處理豬肺需花時間及功夫，豬肺湯坊間都少有供應。黎呢度一定要點。個湯好正。豬肺又乾淨又入味又稔，有十幾舊，過足口癮。白菜乾夠靚。湯煲都奶白色，鮮甜冇味精，淨係黎幫襯個湯都抵。蒜蓉粉絲帶子蒜蓉夠多，香味四溢。粉絲浸在滿滿的蒜蓉豉油汁裡，入味好吃。主角帶子嫩口又大隻，食落鮮甜彈牙，非常新鮮。難怪是招牌菜。蒜香蝦膏通菜通菜嫩口冇渣，炒得夠鑊氣，蒜香味十足，加埋蝦膏就惹味非常。份量亦多，抵食又美味。豉椒炒蜆呢個原本就冇點，但見到好似檯檯都整碟炒蜆，我又唔執輸。碟炒蜆大大碟，夠鑊氣夠惹味，蜆亦鮮甜肥美，成道菜有大排檔風味。正！臘味飯嚟呢度，一定要食佢嘅煲仔飯。呢度煲仔飯聽聞用炭爐煲，所以特別香。臘味飯d料好多，精華滲晒入飯。個飯煲得好靚，澆少少豉油已經好入味。期待再encore佢個豬肺湯。

第一次去沒有book枱，但侍應們都盡力安排了坐位，非常有効率又有禮貌！至於食物方面更抵讚，夠哂鑊氣，叫了椒鹽鱔片、响螺燉雞湯、蝦干韮菜小炒和蒜頭蒸綫貝，全部好新鮮好有水準，由於只得兩人，真係已經食唔落出名嘅煲仔飯，下次一定要試試！

今日同姪仔撐枱腳，但因為塞車，夜晚8點半才去到，以為大部分人都食完走曬，點知見到門口仲有幾枱客等緊，厲害啊！好在部分人都差不多食完，只是等了大概15分鐘就有位，但系要搭枱，OK啦。坐低第一時間叫左個煲仔飯，加一個豆苗，伙計雖然好忙，都會有禮貌咁介紹有什麼菜同用乜炒好，同時送上碗筷和洗野的碗。等了10分鐘先來菜，然後再10分鐘再來埋個飯。蒜蓉豆苗～ 幾大碟，豆苗幾嫩，蒜味有D吾夠，還有覺得好像水分多左D太濕。辣味白鱔煲仔飯～熱辣辣，好多料，有臘腸，潤腸，臘肉，白鱔，臘腸和臘肉好味，臘肉真系肥而不膩，潤腸就比較失色；可能價錢問題，白鱔系太薄同埋太少，同時不是彈口的種類，打開煲蓋吾算香，鼓油吾錯，比較帶得起煲飯味。等位時候在外面真系煙霧瀰漫，要走開兩三個鋪位才舒服少少，系店內食飯位置比較近廚房，比D煙搞到咳，老闆真系要搞搞佢啊。

🇭🇰#香港捐窿捐罅記 instagram: foodkiller_dk近排天氣凍左少少 當然要趁機食下煲仔飯 如果唔係春天都到😅 而香港用炭爐煲仔飯既地方少之有少🤷🏻‍♂️ 因為牌照要求高😂 今天食既筲箕灣食店 就係用炭燒 而且比人話係飯焦王 我地就睇下有冇炭香同飯焦啦🙂 順帶一提 收銀個姐姐把聲好甜 聽住食都幾開心😂😂-🍚臘味蝦乾飯🍚（$80）正統開蓋係要 開蓋後 將醬油沿邊落 之後再關返個蓋 等一陣 就可以有最多飯焦同最香🙂講返個飯🍚都有炭香味🙂 而且食落飯好乾身👍臘味既油同蝦乾都令佢更香🙂 但問題係 好少飯焦 可能要煮耐多少少🙃 🐡豉椒炒蜆🐡（$78）蜆冇沙 辣味夠 最重要係唔水汪汪 因為有時火候唔夠 就會好大堆汁 冇晒鑊氣😂 果日食果個 就冇果個問題 啤酒殺手菜😂🦑椒鹽鮮魷🦑（$82）鮮魷份量多 而且夠淋🙂 食落去唔會好似食香口膠咁☺️ 但係佢個炸醬太厚 雖然都脆 但口感就差左少少😅 如果更薄就好🙂總結來說 係一間街坊小店 份量大 價錢合理☺️但就有地方需要改進🙂 特別一提 由於佢地冇酒牌 所以酒精飲品 就自己拿過去啦🍺-🎈筲箕灣愛民街6-28號新利大廈地下4A-5A號舖-平均傷害：