祥仔 (永康街) (已結業)

之前祥仔初開，每日都勁長龍。今日剛好同事生日，想食好啲，就試試呢間在貴版茶餐廳。12:15pm到達，不用排隊直入，坐在一旁四人位。其實內裡地方不大，座位唔算多。入門口見到人地食的炸豬扒好似好好食甘，我就叫了炸豬扒蕃茄飯，再加一個沙律。其實之前聽說呢到個兩日兩夜羅宋湯好似好有誠意甘，都想試，但見其他同事選湯，甘我就試沙律吧！試飲了一啖羅宋湯，覺得不外如是，其他店的更美味。沙律既賣相就好精緻的，睇落靚，食落都Ok，淋上（定浸過）酸酸地既汁，啲菜好濕，我覺得似浸過汁，當中紅椒已經無咗層衣，呢個細心位👍主菜炸豬扒飯，炸豬扒一切就已經切開，而且好趣，但味道不足，齊食淡口，要配蕃茄飯食。個飯就好普通，係有好多洋蔥，未似多洋蔥版的大家樂甘。另外同事食：咖哩雞：雞仲有雪味牛脷：好淋👌粟米真斑腩飯：個汁好Creamy整體來說，呢個價錢可以係荔枝角食其他更好食的，難怪少咗好多人排隊，正價食就唔抵，但剛好見到枱面寫住即做會員可以四人免一人錢，當然唔好蝕底即做會員，折咗$3XX四個人，甘當食名氣，但應該無下一次了

今日有事要過黎荔枝角攪，搵埋老婆食晏先番公司 🤣佢帶左我去食祥仔，睇開有線既都識佢地老闆，都開心一試 😋佢叫左個芝士煙肉長通粉伴溫泉蛋，佢俾我試左啖，真係唔錯！個醬汁岩岩好，唔會過多，芝士味濃！長通粉熟度岩岩好，煙肉同菇既份量都唔少，最正係芝士脆片 👍🏻 溫泉蛋蛋味勁濃！用黎撈通粉 👍🏻我地叫左兩杯凍檸蜜，個蜜糖好正，不過攪左好耐都唔溶 🤣 但飲落去個味好熟，應該係 manuka，正呀！我叫左新菜單，呢個係慢煮牛脷蕃茄意粉，個茄汁係真蕃茄煮成，唔會用茄膏 👍🏻 牛脷好淋，味道岩岩好！意粉既軟硬度係我鍾意既，正！入面仲有洋蔥、甜椒、蕃茄同菇！都好平衡下！唔錯👍🏻 唔怪得我老婆成日去 🤣

終於出中環on field，去荔枝角，諗住會係平平地。lunch時落樓下近近地食，就係呢間，先發現原來呢度都會百幾蚊一個lunch。But (呢個but好重要！），質素係高嘅，量少但足料。我點的番茄牛脷意粉，牛脷又大又腍。同事的蝦仁滑蛋飯嘅蝦都好大件，而粟米班塊飯貌似值得推介（雖然其實menu 上選擇不多）。另外跟餐嘅羅宋湯都好好飲，冬天飲暖笠笠。

今日同埋同事到長沙灣祥仔食午餐，好彩時間早仲有位。叫左本週推介咖哩美國牛肋肉伴黃薑飯+兩日兩夜羅宋湯+凍奶茶。祥仔經典咖哩雞飯+意式素菜沙律。羅宋湯好香蔬菜味道，清清地加蔬菜新鮮味道更加正。黃薑飯都幾好食。咖哩美國伴牛肋肉/祥仔經典咖哩雞飯：咖哩味辣辣地夠香口，仲有菠蘿等生果，脆餅配咖哩非常正。牛肋肉同雞既肉質都好好，同時夠入晒咖哩味道。意式素菜沙律:有埋羽衣甘藍等新鮮菜好味道。凍奶茶:都夠茶味香口，冰唔會過多令到奶茶味被蓋過，所以都算好飲。

自從好耐之前喺電視睇過Ricky大廚嘅真粟米星斑飯之後，一直都好想試吓，今日終於有機會啦！祥仔的裝修都有品味，坐得舒服，中午時段都幾多OL來幫襯。我和朋友叫了兩個lunch set, 份量好足，食得飽。第一個點嘅當然係真粟米星斑飯啦，我哋揀咗煲了兩日兩夜嘅羅宋湯，味道果然唔錯，好鮮甜，配料亦都豐富。真粟米星斑飯賣相一流，粟米汁勁多，送飯食絕對夠。而且仲要有一片片大大塊的星斑，真材實料，一睇就知。星斑食落口啖啖新鮮魚肉，好滑，好正。呢啲就叫做一分錢一分貨。另外點左個脆脆豬扒飯，再加茶走。脆脆豬真係勁香脆，我估計佢係用咗麵包糠來炸，同出面嘅炸豬扒食落口真係好唔同，佢嘅炸粉很薄，豬扒超大塊。我最欣賞係佢嘅豬扒炸得時間剛剛好，唔會太熟，你睇我張相，切開嘅豬扒嘅肉質係好靚，顏色仲有少少粉紅，所以食落口係好林好嫩滑。另外都有大大碟飯，上面佈滿蕃茄汁、新鮮蕃茄、蘑菇、洋蔥等材料，蕃茄汁味道很濃郁，送飯一流。茶走嘅味道亦都好正，絕對係港式茶餐廳嘅風味。

今日去左荔枝角果邊食晏，喺永康街俾我見到間(The food story)😝😝一問之下原來就係祥仔餐廳🥳🥳因爲之前都聽朋友講過，原來咁近架乍🤩🤩今日終於試到啦😋，餐廳好大間，座位好多，而且入到去好光猛，都幾舒服💖💖成個設計都好簡約，令人幾放鬆吓🤪🤪食物以西式食品為主，有唔同既set lunch可以選擇都唔錯既😘😘自己一個黎食完全唔會覺得唔自在呀😍好好享受屬於自己既時光💗💗嗌左一個勁正既lunch💖首先意式素菜沙律用料勁新鮮喎🤩亦都有幾多唔同種類既菜，最出色係蕃薯，佢唔會太過甜，但係食左部分鮮菜之後有啲甜味點綴下，即刻生色左不少啵😊❤️慢煮快烤美國豬鞍唔單止賣相吸引😘而且佢超大嚿，食入口好有驚喜🥳因為我估唔到佢係咁淋😜😜肉質好鬆軟，而且豬肉味道好香，骨位好少，肥瘦適中，加埋佢個好香嘅蘑菇汁真係好正呀😚佢既薯角整得好脆同勁香口，份量好多呀😚食完真係大滿足喔😊❤️鮮奶咖啡好香滑，拉花都唔錯，我覺得佢既比例做得幾好😋😋奶味唔會太濃，啡味都幾出既，好出色呀☕️☕️☕️

早兩日黎左食午餐，叫左香辣手撕雞炒飯。比我想像中好食好多，個辣度係我鍾意個種，好香口，好味！.長沙灣其實冇咩好食，呢間算係好唔錯。不過價錢唔係話好平，但物有所值，值得去試下😌😄👏🏻

今日去荔枝角上堂，順便同附近嘅朋友食晏，約咗响永康街嘅祥仔，去到唔見呢間餐廳嘅?原來門面係寫 THE FOOD Story雖然餐廳位於工廠區，差不多2點都仲要等位，睇嚟真係幾受歡迎哦。餐廳內裝潢都幾特別，有啲方方框框坐位，又有啲獨立4人卡位、單邊2人卡位......每人揀咗一個餐，祥仔脆脆豬扒飯 $108經典芝士煙肉長通粉伴溫泉蛋$128套餐包(三揀一)：羅宋湯 或 意式素菜沙律 或啡/茶 。芝士煙肉長通粉伴溫泉蛋送嚟時香氣飄逸，擺盤精緻，大大塊嘅係芝士片，微鹹香脆，好味！溫泉蛋俾我一啖食咗，唔 ~ 生熟度剛好，好好味啊！長通粉囗感更加抵讚，軟韌有致，好鍾意，煙肉唔係一般貨色，係手切大大粒粒嘅，充滿咸香，加埋滿有芝味嘅醬汁，味道一流，忍唔住食曬。豬扒同飯係分開上，豬扒可以保持脆脆口感。個飯係蛋炒飯底，好香，飯面嘅醬汁材料豐富，有蕃茄、磨菇、洋葱、紅椒、黃椒。味道鮮香開胃，不是一般茄醬汁可比。脆脆豬扒又厚又大件，新鮮熱辣，外脆內軟，肉質鬆化，肉味香濃，好食到停唔到口呀！餐茶叫咗檸茶同檸水，唔記得影相添。估唔到工廠區都有咁高質嘅餐廳！下次上堂又多個食飯選擇嚕。

下午茶時間走到長沙灣， 估唔到向工業大廈區都畀我搵到一間高質的西餐廳～祥仔。 餐廳環境寬敞舒適， 帶有點時尚裝修風格。 我點了一個午餐和下午茶餐試下，南美香辣燒春雞$148， 兩日兩夜羅宋湯 （ 跟餐送）， 紐西蘭牛肉炒蛋福袋三文治＋田園素菜沙律$52， 祥仔茶走（ 跟餐送）。南美香辣燒春雞～ 燒春雞半隻帶有點微辣， 燒得剛剛好， 肉質嫩口完全唔會感覺好乾， 非常惹味， 配菜有秋葵，薯角和椰菜花，很豐富。兩日兩夜羅宋湯 ～ 煮足兩日兩夜非常濃味， 又足料。紐西蘭牛肉炒蛋福袋三文治＋田園素菜沙律～ 三文治烘得特別香又脆， 牛肉炒蛋又滑又嫩口， 田園素菜沙律有雨衣金蘭， 非常健康。祥仔茶走～ 我很喜歡飲茶走， 祥仔茶走味道剛剛好，茶香奶滑，推介。估唔到向長沙灣工業區都有一間咁高質嘅西餐廳， 食材新鮮做法用心， 下次再經過長沙灣， 一定會再來啊！

今日去咗食這間男朋友的老細介紹的長沙灣西式下午茶，我們就黎試一試！好彩剛剛好趕到！因為5點關門，4點last order這間有點秘密的西餐，門口寫著food story, 左右有2扇門、中間有一個玻璃窗！開門了是另一個感覺，好別緻好明亮的環境，乾淨又整齊，服務態度非常好，友善有禮又親切又有效率；座位設計有方形枱及一格格的梳化位置，整體感覺好開陽又舒適！食物方面，主要是做早、午、下午茶餐，西式為主！ 我們就品嚐了下午茶餐。雖然不是好多選擇（三文治及甜品），但感覺好特別！1. 經典咖哩雞配多士好香噴噴熱辣辣的咖哩，咖哩微微香辣好惹味好開胃，雞肉好軟滑又大大件雞件又入味，配料有洋蔥、紅椒、菠蘿條、大塊軟腍薯仔；多士四邊烤得金黃色、好脆口、配點咖喱好夾！2. 紐西蘭牛肉炒蛋福袋三文治配田園素菜沙律這個好推薦！2片烤得好香脆的麵包包著紐西蘭牛肉份量多又軟又易咬，炒蛋咸咸香蛋味配香蔥又好滑滑的口感，真的一流！配上不同款式又新鮮生果（紅色甜美火龍果、酸甜多汁菠蘿片、橙色車厘茄仔及清甜青提子、高纖藜麥），更有健康翠綠沙律菜（雨衣金蘭、火箭菜等，好多纖維！3. 飲品點了熱奶茶及凍檸檬茶走冰！

今朝過嚟茘枝角呢邊修理旅行唊，佢話要等一個鐘左右，於是係附近揾嘢食，竟然發現咗呢間餐廳，好值得推薦👍🏻門面好歐陸feel，有一個圓形玻璃窗上面寫住「The food Story」，裏面有一排好型嘅卡座，可惜已經無位😅店員招呼我哋随便坐，估唔到工廠區都有咁舒服嘅地方👍🏻早餐時段至到11:00，價錢大概四、五十元，呢個環境價位好OK喎，揀下食乜先🤗健康啲，先叫左個鮮果藜麥沙律$58，藜麥健康又含豐富纖維，水果夠新鮮冰凍，仲有幾款沙律菜😍另外試左魚柳、豬扒$48、$52，已經有埋炒蛋、全麥多士，炒蛋非常嫰滑有蛋香超好味，多士亦夠鬆軟，而且豬扒好香好有肉味，正👍🏻魚柳雖然Over左少少，但都好嫰滑，唔錯🤗特別要讚呢個黑毛豬骨濃湯通粉，好濃好入味，通粉軟硬適中，每一啖湯都係精華👍🏻連埋咖啡飮品都係收五十元左右，好有質素😍登記左做會員仲有唔少優惠，我又點會錯過吖😂

剛剛喺附近見客，同客一齊食飯，問佢附近有乜嘢好介紹，佢話呢間餐廳由名廚主理可以試吓。餐廳係工廠區新式寫字樓地下，門面設計似Cafe，座位有啲似茶餐廳同快餐店嘅混合，但每個座位之間都好闊落。普通餐牌的主菜只有一個配菜或湯或飲品，反而午市特別套餐相對優惠，會跟一個配菜或湯另加一杯飲品，平大約$15-20元。所以都試咗個特別嘅兩日兩夜羅宋湯。叫咗個廚師推介 ’祥仔經典咖喱雞飯‘，烹調方法及咖哩味道近似印度方式，加上印度式脆餅，但是少了一種印度香料獨有嘅味道，辣度同餐牌顯示差不多（2隻辣椒），中辣水平，雞肉應該係全隻雞髀分兩份上，雞肉好滑嫩而肉質結實，加上油飯一齊食，最好配搭。俄國牛肉飯用牛扒配搭而不是牛肉粒，感覺比較抵食，牛扒煎煮嘅火候及時間控制得10分好，大約七成熟，切開後中間仍然見到少少粉紅色，牛肉味好濃，類似羅宋湯底做汁，更能帶出牛肉嘅香味。

今日去開荔枝角見客 揀咗一間當區有名的「茶餐廳」食中午飯。雖然話係茶餐廳，但係價錢拍得住中環尖沙咀，擺碟都幾靚。 頭盤有意式沙律及「兩日兩夜羅宋湯」，我幾鍾意個沙律，賣相靚、橄欖油好滑但唔肥膩，最鍾意係個甜蕃薯，薄薄的、又淋又甜。「 俄國牛肉飯」的牛肉， 切得薄薄的，生熟度剛剛好，有牛肉香味又夠淋。「 咖哩雞飯」 的雞件好大塊，啖啖肉， 薯仔質素唔錯有三大塊，幾入味，我鍾意佢落咗啲菠蘿，可以平衡列的辣味， 講真都幾辣。這間餐廳位於內街，幾合適OL因為坐得比較企理， 乾淨衛生。

今日lunch time係荔枝角穩好野食，黎到工廈附近見到呢一間隱世西餐廳cafe，雖然係一間西餐廳，但餐廳名字叫祥仔，頗有親切感。而且見到門口的lunch menu都有好多選擇所以就入左去啦。餐廳環境好有格調，座位十分寬敞，一邊設有卡座，另一邊設有吧檯。兩日兩夜羅宋湯 （隨餐附送）午餐會隨餐附送湯或者沙律，今次我挑選了羅宋湯，呢個羅宋湯唔知係咪湯如其名煮足兩日兩夜啦，但見到個名都覺得有誠意啦。羅宋湯味道唔會過辣，而且入面加入好多雜菜，面層加上黑椒粒調味。慢煮牛脷鮮茄意粉主菜選擇了新推的新品-慢煮牛脷鮮茄意粉，個人覺得份量好多，男生也絕對夠飽。講返正題啦，面層已經放滿三大塊慢煮牛脷，好重牛味，而且煮得好^唸^身。此外，還加入大量火箭沙律菜，配合埋番茄醬意粉，味道好夾，喜歡意粉麵條偏硬身，整體味道都高質。祥仔茶走 （隨餐附送）隨午餐更附送一杯飲品，我就點了招牌祥仔茶走，呢杯以煉奶沖成的茶走，香滑鮮甜，與茶的比例匹配，喜歡茶走的朋友也可以嘗試一下喔！

荔枝角是工商業區，每個打工仔最享受的時間就在午餐時段，而這個時間都是人頭湧湧，想吃好東西又坐得舒舒服服，好餐廳十分難搵，這次給我發現了一間優質餐廳，在永康街9號地下名為「祥仔」，餐廳門口註有「the food story」的燈箱，裝修很有時代感， 有些園藝擺設， 座位以卡位及長枱為主，很有空間感，環境算不錯。食物方面有今日食好D，Ricky Special 隨餐附送兩日兩夜羅宋湯或意式素菜沙律，主菜有4款，包茶或咖啡，另外還有10款午餐選擇，亦都包湯或飲品。「祥仔脆脆豬扒飯」 脆脆豬扒相當厚身， 果然是外脆內軟，豬扒肉質鬆化，配上鮮番茄汁的炒蛋飯，味道更添滋味。「鮮果藜麥沙律」是選用了新鮮水果有菠蘿片，青提子及蓮霧，十分清新，加上羽衣甘藍及火箭菜，So fresh !「兩日兩夜羅宋湯」足足用了48小時煮成的羅宋湯，火喉十足，湯味濃郁，番茄味微微帶酸，還有很濃烈的黑椒香，惹味無比。「即磨咖啡」總算不過不失，咖啡算是合格的。