相撲手日式放題 (已結業)

相撲手放題的定價比旺角的放題店高原來因為佢哋質素都高所以價錢高D所以都合理嘅我今日選擇左食第二輪八點九入場八點半嘅時候已經喺門口排到人山人海坐到一位梗係瘋狂咁點嘢食啦可能好快入紙嘅關係刺身拼盤唔使十分鐘已經有了我點左全餐有三文魚 油金魚 吞拿魚 又有象拔蚌馬刀貝同北寄貝魚類的刺身樣樣十分鮮甜只需要點少少豉油已經引出其魚味貝類海產亦不遑多讓全部都好彈牙爽口而且大大隻虎蝦好似唔駛本咁之後話費咁encore成十隻有多串燒都十分之正食得出佢哋係即叫即燒一口牛柳粒完全十分多肉汁完全唔會係燒定再翻熱嗰啲串燒而且肉質亦十分上盛唔會有渣亦唔會有鬆肉粉的破壞一口牛舌都好好食用上厚切的方法彈牙而且沒有怪味最驚喜係柚子鹽雞肉串雞肉燒完亦十分嫩滑而且有雞汁而且個柚子鹽酸酸地再配合鹹味食落口十分之特別全晚最驚喜嘅緊係佢哋會無啦啦叫你upload上去佢哋Facebook跟住就每人可以限量有兩隻日本宮城生蠔日本生蠔大大隻而且好味十分濃烈在配合埋佢哋個特製蠔汁蠔味更加提升不過飲品佢哋就比較少選擇但係都唔會話佢搵唔到嘢飲嘅食完成晚好滿足相撲手的性價比非常高

為慶祝朋友生日, 佢又鍾意選擇多, 咁一於食放題啦. 旺角區放題我地食得多, 今次就試下食尖沙咀區啦.我地今次食放題有樣野係比較有特色, 就係日本生蠔啦, 呢種生蠔夠大隻, 有手掌心咁大, 肉質夠厚又夠滑, 放落喉嚨真係好容易滑入去, 肉身偏大, 蠔味夠重, 海水味淡. 食放題第一次食到有生蠔, 仲要係大大隻呀, 仲正過自助餐啦.仲有大大件清酒煮蜆, 睇到都流晒口水呀, 薄薄清酒味蒸發晒落隻蜆度, 食落質感有趙頭, 仲有青蔥係蜆湯度，真係連湯都可以飲埋，好甜呀。最後食埋我至愛甜品焦糖蛋，蛋係超滑，煮時間剛好，焦糖焗到少許燶但唔苦，就係呢種味道啦。

推介推介，呢間放題真係唔錯。首先環境清潔同舒服，職員態度又有禮貌雖然二百幾蚊，但其實食物幾有水準。我最想推介既係佢既生蠔，因為真係好新鮮，好好味而且係冇限拎幾多次。仲有個三文魚，都幾厚，食落有d入口即溶既感覺....仲有佢既燒茄子，我都覺得其實幾香，因為佢加左好多蔥蒜，正👍👍

與姐姐來到這間頗出名的放題餐廳，除了有生日驚喜外，我們點了很多食物，而且質素不錯，以下都是食過而值得推薦的:1 各款刺身三文魚厚切，食落去好滿足。而且名字嚇親人但味道吸引人的幅射生蝦都很正，大到成個臉那麼長，光賣想都吸引。而且各種刺身都挺新鮮，好食!2 各款壽司特別推薦有特色的泡菜肥牛壽司，原以為食下去會被泡菜濃烈香味掩過肥牛及飯粒的香味，但這這不會，反而肥牛香味特出，相得益彰。3 糖心燒菠蘿超級好食，咬下去多汁，而且充滿果香的味道，不會太甜而酸酸的，是我食過最好食的。

今日返工悶悶不樂, 未收工已經諗定係邊間食晚餐, 見成個人返工返到失去晒動力, 一於去食放題放肆一下, 減肥下餐先啦.先黎份蟹子沙律先，蟹子係超多份量呀，沙律同青瓜幾fresh, 係一份非常醒胃的煎菜。食放題本人一定食既係串燒同埋煎物, 串燒必食既係串燒蝦, 最正係燒到金黃色, 蝦肉夠彈牙, 仲有少許鹽水味蒸發左既鹽粒.至於煎物又點少得煎羊架呢,羊架最正係煎到少許蘇味, 但唔好咁強烈, 仲要係有陣香草味, 加上蒜鹽, 同埋肉身既7成熟令肉身唔鞋口之餘仲有肉汁流出黎, 啖啖肉真係正.

慶祝朋友生日來到相撲手日式放題食晚飯,因他至愛食日本菜,加上他食量都驚人,貪可以任飲任食.相撲手日式放題位於尖沙咀寶勒巷,十分之就腳. 店裝潢具日本風,環境舒適,坐位不會擠迫.* * *首先送來一盤刺生 有三文魚、吞拿魚、油甘魚、馬刀貝,色澤都不錯,味道鮮甜肥美.此外有鮑魚片、翡翠螺,有咬口鮮美. 有原隻大隻甜蝦,肉質晶瑩剔透,口感鮮甜. *清脆開胃蟹子沙律 及 滑溜溜溫泉蛋.*創作壽司顏色豐富,細細易入口,可以食多幾種不同款的食物.*這日式蟹肉蒸蛋,口感不夠滑,味道還可以.*食食下野中途,場內突然關燈, 職員恭賀朋友,同時送上店製作吞拿魚他他的生日蛋糕.朋友十分意外開心,全因我BOOK位時向店說到朋友生日, 才會有這優待呢!吞拿魚他他的生日蛋糕夾著餅乾來食,帶酸甜味道,口感十分不錯!* 菠蘿燒後更香甜多汁,是幫助消化好幫手.燒羊鞍冇乜羶味 ,燒得好香不乾身.燒安格斯一口牛粒略為乾身,咬不動.燒牛舌十分有咬感,味道OK.燒海蝦呈橙紅色,肉有彈性,蝦味重.*朝鮮魷魚炒年糕份量大多食不完,但味道頗開胃.鐵板黑椒一口和牛咬上去很腍,味道唔錯帶黑椒味.*飲品 飲品店內有提供各款飲品,有汽水、啤

今日朋友生日，而佢又鐘意食放題刺身，所以今次專登去相樸手放題，仲要早2日打去原來仲有個生日壽司蛋糕啦，好期待星期一過去食這頓生日放題飯，我地今次約左食2045，食左2小時超飽離場，而朋友收到這個生日壽司蛋糕都十分開心添！～最後每人差不多300蚊都選擇多同有驚喜！～一入到去見到一個盒內有已清楚由ABC。。。的食物紙！～當然一黎到就食左個刺身盤先啦….講真油甘魚十分好味，好多魚油又軟身，魚油香保持在味蕾！～正！當然佢其他都十分出色，象拔蚌好有口感又脆，相樸甜蝦超大隻又甜同新鮮，唯一帶子偏薄身，但整體刺身都十分新鮮和色澤漂亮。食到差不多完時，突然關了燈原來係出…生日壽司蛋糕，黎到朋友已經十分開心，漂亮而且仲會播生日歌，之後睇返原來中間果D係藍鯨吞拿加薯仔之類，食落好似牛肉他他的感覺，因為藍鯨吞拿原因所以魚油和香十足！～但原來問返待應每日限量所以早點打黎會好D。燒物..一口牛，牛舌和菠蘿，一口牛和牛舌好香牛肉味而仲保持到牛肉滲出的油，但唯一差少少係吾夠熱，如果熱呼呼應該會更好。…玉子蘆薈沙律，玉子好有蛋香而蘆薈份量都不少，但因為蘆薈水偏多所以比較甜身。…壽司海膽赤蝦..超大隻赤蝦，而海膽味都濃

有朋友生日，所以黎試下呢間朋友介紹係尖沙咀既放題係樓下等位既時侯已經見到門口呢間餐廳有得食宮城生蠔咁少有，一陣梗係要上去試下啦唔似一般放題咁地下又油又滑，台面立立亂上到去環境舒服乾淨，當然食都食多幾碟啦！呢輪天氣咁熱，一坐落即刻就去拎返罐Beer 飲下先啦呢隻MAX 啤酒，我好鍾意，飲落好似平時飲既生啤咁解決左口渴既問題，之後就梗係醫下個肚啦刺身種類都唔少，而且都幾新鮮三文魚好肥美完全唔會有漏單既情況出現壽司都有唔少款，我就試左佢呢幾隻卷物牛肉泡菜卷，仲有蝦卷等等味道都幾有層次，唔錯唔錯經理可能見我地有朋友生日特別拎左個炸三文魚鰭（水撥）同個老火湯我地試試個水撥好滑，炸得好透好香，送酒一流個老火湯都唔似一般既味精湯到七點鐘， 店長終於宣布有師父會幫大家開生蠔大家就緊係急不及待出去拎啦生蠔都幾新鮮，用左特製檸檬汁唔洗落汁都好夠味講到我最鍾意既就係佢地個燒羊鞍油香味十足，口感一流最正就係佢燒到脆邊真係衰，又要食幾舊增磅飲品同甜品都足夠，有朋友生日仲會關燈送上蛋糕同你慶祝，都幾有氣氛最後一定要大讚呢度個店長，服務態度非常好有咩要求都會即刻幫你跟，無得彈

好耐無食過放題，所以心思思喺OPENRICE揀左尖沙咀呢間相撲手食，一早就BOOK左6:15，去到首先喺樓下排隊等上去，等左大概5分鐘就開始上樓入座。一坐低，一定係例牌tick刺身食同壽司先，交左紙好快就一盤盤到左：賣相好靚，三文魚剌身都算厚切，生蝦好大隻！黑松露壽司、火焰蝦壽司同花之戀都好鮮味！值得讚係壽司嘅飯團SIZE都細舊，可以食多好多唔同種類都未飽！！！仲有特別製作壽司 - 牛肉泡菜卷，味道唔同一般日式壽司，有驚喜！！！吞拿魚海膽手卷，紫菜仲係脆，仲未"淋"，所以係即包，另外海膽唔腥都ok！飲品試左呢個石榴汁，個人都幾中意，大家可以試下：除左自己寫紙叫嘅食物外，佢仲有精選限量食品，店長會開咪同食客講有特別菜式，有興趣可以舉手要一份。呢一份係栗米蘿白雞腳湯，好足料，真心估唔到放題都可以有飲煮家湯嘅感覺，哈哈。。。三文魚水撥都係店長開咪嘅限量食品，呢個真係勁好食！d肉好滑好嫩！！！之後有兩位師傅推左兩大盤生蠔出黎，店長開咪話生蠔時間開始，原來只要upload相上相撲手FB PAGE就可以有兩隻生蠔，如果唔係，LIKE PAGE都有一隻的。排完一次可以再排，不過如果無人排就會直接推返

上網睇過食評見到都係多好評 所以就去試下喇 6:15pm-8:15pm $268/1個人 我覺得係貴的 但心諗啲野食都唔會好差卦？刺身方面 有三文魚 油甘魚 帶子 北寄貝 大小甜蝦等 基本上叫嘅野都係齊的 但有啲無嗌都上埋枱真係有啲O咀😦😦 三文魚非常厚切 幾新鮮肥美的 要讚👍🏽👍🏽大甜蝦方面 看起來都真係幾大隻好新鮮 但吃起來就真係無咩味道😶😑其他食物方面 我覺得係屬於少款的 燒物方面 有柚子燒雞肉 燒牛舌 一口牛肉粒 燒豚肉 頭三樣燒物都唔錯 柚子燒雞肉較為有驚喜 柚子的味道算係清 又可以減少油膩感 雞肉燒得剛剛好 很滑👍🏽👍🏽 一口牛肉粒都燒得幾好 咬起來唔會好韌又帶點juicy👍🏽👍🏽 但豚肉方面就真係差👎🏽👎🏽燒到超韌 咬唔開喎完全 其他都係普普通通啦 咁緊係有啲係有叫無上枱啦😠天婦羅方面 基本野係炸蝦 但都可以炸到不知所謂😫😩炸粉的比例仲多過炸蝦👎🏽🍤又細條 真係哂quota 相反細粒甜蕃薯就整得幾好 如果大家要食炸物 就試下食細粒甜蕃薯啦👍🏽🍠熟食方面係有的但唔多吸引 另外 甜品方面就真係離哂大譜 比$268仲要係得雀巢細杯裝雪糕揀！連甜品紙都無/得一款甜品 都真係幾差幾

又係大食嘅我去食放題啦，去左呢間價錢平平地又有我喜歡野食嘅放題。一到步，二話不說，即刻嗌左刺身先，有我喜歡嘅帶子丫，想講好鮮味，都好大粒，絕對吾係柱粒個d細細粒，三文魚都係推介嘅，因為切得夠厚，同都幾新鮮，其他刺身仲有蝦，望落都幾大條幾靚，但本人有少少敏感所以冇試了。手卷都要推介，因為我覺得吞拿魚海膽都幾正，首先手卷大家記住要一上碟就要食，咁塊紙菜先會仲脆嫁，海膽都算多，因為我試過有些放題店只有一點嘅海膽咋，整個味道都好好，配吞拿魚都好match。另外其他食物都不過不失，但想讚下個蕉糖x蛋，因為係店員主動問我地要吾要，可能新鮮出爐，好熱丫，而蕉糖又好脆，好正。冇留意係咪有得嗌嘅，定限定嘅，大家如果有店員問你食吾食記得話要食丫，哈哈！整體感覺都幾好，食物質素都吾錯，價錢算平。

今日係一個好朋友生日，我地去左尖沙咀行街，到就晚上就諗食咩好，之後就係寶勒行附近揾到一間相扑手放题，門囗裝修好有日本特色，服务員招待好好，入到去氣份好好一直播著快歌，同一般放題環境有點不同，最意想不到竟然場內重有mc，mc不斷介紹食物，重會同你玩D少遊戲，玩完就會有些厨師推介既食品送給你食，有得有玩，同客人有交流，這一點值得一讚，講返食物，刺身好新鲜，又其三文魚好厚脂肪比例合當，其他放題好少食到，而且那𥚃還有生蠔食，生蠔係日本師傅當埸開，十分之新鲜。而燒物都係吾錯，蝦好新鮮，好彈牙，雞腎就一般，雞翼都幾好，但可惜上碟已經涼左，茄子都幾好食，有少少真係感覺到街邊燒店嘅感覺。總括來說都很滿意，值得推介

今日想慶祝朋友面試成功，就係朋友嘅介紹底下去咗食放題，呢間放題嘅位置都幾方便，係尖沙咀寶勒巷，我哋食第二個時段8:45，好彩提早book左位先唔駛等位入去😁入到去個場都幾大，服務員帶我地坐低之後，都好清晰講解比我聽要寫清楚枱號，以免漏單嘅情況出現👏🏻👏🏻呢間放題用一個盒仔裝晒啲落單紙係裏面，因為今日午餐特登唔食，留肚食今餐，所以好肚餓😈呢間放題配色都算齊全，我叫左個牛油粟米、溫泉蛋同埋芝麻凍烏冬做頭盤，個粟米好香牛油味唔會好乾，食落去好juicy😛但烏冬就較為普通，味道唔係太突出，可以試其他😌我最期待嘅就係刺身拼盤，因為我同佢到好鍾意食魚生😍最值得推介嘅就係大隻嘅甜蝦同吞拿魚，本身我個人如題特別喜歡吞拿魚都覺得呢間嘅好新鮮，而且唔會有雪藏味，厚度足夠，好有口感👍🏻拼盤嘅擺設亦好適合鐘意影相既朋友仔🙈擺得幾精緻另外一個幾好嘅推介就係燒羊鞍，比起其他放題佢既羊鞍整得真係幾好，第一唔會有羊''so''味，第二啲肉唔會痴牙，師父又會唔會整到全熟，真係好好食，值得推介👅👅燒串燒我覺得牛舌同燒菠蘿都唔錯 牛舌係我叫咗2次既食物，燒得一啲都唔硬，好香亦好夠味既同時唔會覆蓋咗牛既鮮味👏🏻👏🏻✨✨今晚既

一大班朋友慶祝生日，去食放題就最好不過，任食包保每一個人都可以捧腹離開，自己鍾意食乜又可以點乜，皆大歡喜。點左以下幾道正菜:串燒牛柳粒牛肉味濃，燒到啱啱好，好香囗，牛肉唔會好靱，味道醃得不錯串燒波蘿近期波蘿當造，好新鮮好甜，燒左更加甜，而且好多汁，好juicy串燒大蝦每隻蝦都大大隻，唔單止睇落好鮮味，食落都好鮮味彈牙，燒到剛剛好，而且一d都唔痴殼，都好新鮮溫泉蛋牛肉窩牛肉好香好嫩，加上溫泉蛋既蛋汁，一流，蛋味好香好濃，加上醬油湯底，咸得黎帶少少甜，正白雲鳯爪好耐冇食無骨鳯爪，咸咸地酸酸地，好香好爽囗，而且涼浸浸，好適合夏天食既一個冷盤煙花呑拿魚蟹肉"蛋糕"嘩嘩嘩,surprise~~~~ 枝煙花好靚好有驚喜，啱哂呃like! 加埋餅乾食落好香，呑拿魚好鮮味，而且有少少蟹肉沙律醬，幾好味呢次放題好有驚喜，而且餐廳好有心思，like!

識食就緊係食放題，任食刺身、壽司、天婦羅、串燒、湯烏冬等等，種類多到數唔哂，仲可以任飮任食甜品，啱哂老少青，所以一大班人去食飯，通常都揀放題。雜錦刺身一大盆刺身，賣相精緻，刺身好有色澤，望落好新鮮，有三文魚、呑拿魚、北寄貝、甜蝦、帶子。。。多到不能盡錄，三文魚一入口，好鮮味，而且好滑身，肉質鮮嫩；呑拿魚口感豐富，一齊都係好新鮮；北寄貝鮮甜，煙煙靱靱，好有咬口；甜蝦好鮮甜，入口即溶，好新鮮;帶子彈牙有口感，味道亦都好鮮甜。章魚小丸子外脆內熱，外面燒得脆卜卜，入面好軟好熱，章魚粒彈牙煙靱，加上木魚絲，味道好夾軟殼蟹手卷軟殼蟹好脆，蟹味好香濃，少少腥味都冇，紫菜好脆，好香，而且舊飯唔會好大舊，比一般手卷細，唔會好濟，好食焦糖布丁甜品整返個焦糖布丁，最面有一層薄薄焦糖，焦糖味好香，蛋味濃，而且好香滑，熱辣辣，好正，值得一試放題食物新鮮，食物都夠熱，屬高質放題，可以一試