相撲手日式放題 (已結業)

之前朋友介紹話哩間放題有生蠔食，加埋一300蚊有找，所以去試，第一次去試，真係好正，生蠔都ok, 只係每次嗌有限隻數，其他食物都好好食，但係份量大左啲見上次咁正，梗係食過番尋味，點知第二次去就瀨野。坐低左，諗住叫生蠔，侍應先同我講無生蠔，但入坐時完全無提過，問佢點解入坐無講，佢話：我地係唔會主動講嫁，你可以睇番樓下有寫（之後番落樓下，淨係見到佢係樓梯口有張紙寫左無生蠔，但一般都係搭唔會行樓梯，根本唔會經過佢果張告示），當時已經想企番起身出去，但諗諗下佢啲野食都好正，就算啦。今次食物水準明顯比第一次差左，魚生細塊左，又唔肥美，翡翠螺成口殼碎。燉湯仲差過佢烏冬嘅湯底。但串燒嘅牛柳仍然好好食。到食完番落樓下，見到佢門口有塊黑皮寫住話顧客如果身份証上有3字就減50蚊，又係完全唔顯眼，咁咪番上去問佢點解又無講，佢又係果句：我地係唔會主動講嫁，下次再用囉，我地優惠去到月底（你啲優惠又咁鬼鼠，無生蠔又咁鬼鼠，只怪我on居咁樣都上去俾錢你賺，只能話無下次囉）

話說早十年前去過日本，還記得食肆喜歡用相撲手為名的原因: 由於日本的相撲手食量大，所以食客們來到必然大吃大喝一番。 既然名字如此特別，當然要一試，開開眼界。今天是星期五，為了避開繁忙時段，7點前來到。空間大，氣氛熱鬧。看見服務員工作得開心，感染客人之餘，工作亦有效率。餐廳選用又大又美的碗碟上刺身，即使點的份量多或少，都會花盡心思，務求食物上桌後能帶給食客們驚喜。另外，餐廳會為客人安排生日驚喜。餐廳突然把燈全關，把蛋糕搬上桌，點上煙花蠟燭，全場歡呼，齊唱生日歌，氣氛可想而知。食物種類多。刺身我點得不多，都是一般會吃的三文魚、吞拿魚、鮑片…… 但在壽司上，廚師別有用心，設計出多款鮮有的配搭。例如，把黑松露、蠔等食材配上飯團，使壽司味道多樣化。壽司飯少，餡量足，吃放題最緊要就是不要飽得太快嘛! 特點欣賞這裡的串燒，牛肉粒和牛舌吃過使人回味，牛肉又香又爽口。栗米、羊架等都很不錯呢。飲品方面，餐廳設有汽水櫃，供客人任取，很方便。雪糕櫃裡亦有雀巢朱古力雪糕，可是今晚吃太飽了，下次再戰。

朋友生日飯book左相撲手試下，未去之前上openrice睇人唔太中意 搞到自己都有啲卻步，不過朋友book左又約左就親身試下!我地約左845 閒日關係好少人，所以傳菜速度都算快～剌身都幾鮮，特別係三文魚同帶子。但款式唔算多，無我最愛既甜蝦！！但好彩其他食物都夠搭救！！壽司方面款式都好多～好多款仲有黑松露配搭，即刻高級左既一班啊！飲品都多款，比其他店特別係有尼隻汽水～不過驚滯可以飲烏龍茶～除左刺身，最深印象就係串燒！送上黎熱辣辣架！牛舌好爽牛柳好軟 真係好好食 係必食既！甜品就係限量既，每台都會有按份量而派既甜品，我就食左燉蛋 好甜好香蛋味，雖然無得refill 但一個其實都好夠～畢竟要試其他食物～熟食我就較少點，不過食左個烏冬好多料，好香羅白 一d都唔似味精湯 正！！

今日黎到尖沙咀寶勒巷呢間相撲手放題 感覺自己會變相撲手 一到樓下 已經有人介紹下入面有咩食 咁我地跟佢上去坐低 好有日式漁場既感覺坐低無耐 waiter就攞盅湯比我地 咁岩呢排天氣涼左少少 可以飲啖湯暖下胃食日式野 但飲中式湯真係一個好創新好特別既諗法 而湯水有陣椰子味 好足料飲完湯 咋咋臨叫刺身先 送上黎既時候竟然係架大帆船 我都嚇一嚇 估唔到除左質量之外 連賣相都考慮埋當然仲有d裝飾係側面 例如雕青瓜 味道都唔錯 一個字：好到壽司方面，淨係款式已經3張 我又貪心每樣都想試下 最正梗係有黑松露 鵝肝個d 佢有分卷物 創意壽司 同普通壽司 創意壽司好特別 有d芒果有d肉鬆咁到呢個炸天婦羅 本身我唔太食天婦羅 但呢個天婦羅係我呢餐最愛既 就係蛀牙餅同香蕉 香蕉甜得黎又有口感 而蛀牙餅其實係oreo 估佢唔到呢 味道仲要唔錯 d人食完之後排牙黑到好似蛀牙咁 所以叫蛀牙餅呢d係燒物黎 有日式小丸子 韓式炸雞 腐皮卷 芝士年糕 芝士蟹蓋 金絲𥵃 可以叫東南亞fusion菜呢個係另一個估你唔到既驚喜--串燒 不但係熱騰騰 仲要加左d秘製調味料 平時食個d都唔會咁多款式 呢個就係可取之處呢煲蟹粥唔

剛坐定，先來了一碗老黃瓜湯，說是廚師今晚特意為食客安排的。熱辣辣，能暖暖胃。這個湯真材實料，有栗米、瘦肉、多種豆類……味道清甜。餐廳坐滿客人，大家有說有笑，很熱鬧。餐廳更會派出一名師傅即場試範刀功，把大魚分成一小片刺身。一系列的活動為客人添上歡樂。論食物的種類，真的不少。說得出的都有，例如: 刺身、串燒、飯、麵、粥、燒物…… 吃放題一般都會多點幾樣，把份量倍大(因為師傅通常都把點單的份量倍小……哈哈。)但在這裡不會遇到這個問題，上桌速度快，份量足。其中，我個人比較喜歡吃饅魚壽司、花之戀、海膽元貝壽司、蛋花蟹粥、牛肉粒串燒、牛舌串燒。兩款串燒牛味濃郁，口感彈牙。吃到9成飽之濟，突然送來一杯燉蛋作甜品，好窩心呢。剛燉好的，好warm！餐廳服務員收碟速度快，只要客人一吃光碟上的食物，1分鐘內都會有人來收，這點我好值得讚賞。

服務態度一般，係我目前食過最難食既放題(扣除啲好平既好平既之外), 樣樣冇味道之餘，唔夠新鮮，應熱既唔夠熱，即使有生蠔同一啲特別既食物，不過都係唔好食重會令人有反胃既感覺，真係冇下次

朋友生日 6人去食放題就好似其他人咁 開頭當然叫刺身啦我地就點左三文魚，北寄貝，帶子，甜蝦結果黎左一大盤乜魚都有既刺身因為我地唔食其他魚，唯有叫佢拎走唔想浪費，同埋個到食唔晒係要罰錢，點知個waiter黑口黑面咁好似一定要我地食晒。但味道係掂架，甜蝦有甜味，唔會得個冰鮮味熟食叫左羊架，牛柳粒，串燒等必叫食物羊架真係要讚，又軟又香，我地全枱都鍾意羊so味，所以食唔出so唔so牛柳粒都唔錯，唔會太生太熟，但每次份量都好小，有時黎一碟每人一粒都唔夠串燒一定要叫，好香好好食，但牛串有時會熟過頭態度方面，除左有位開生蠔既師傅同拎走我地盤多魚刺身既侍應之外，其他都ok。

由於本來想食果間放題爆哂，咪搵下有咩其他放題好食囉!就係因為咁我就進入左相撲手的地獄之門，我和另外4位朋友約9:30入座，與普通放題一樣相撲手的裝潢也頗有土炮日式放題feel。一坐落未夠10分中已經有個哥仔拎住兩份類似前菜咁既貝殼類食品黎放係我地張檯，事實上我地又真係好肚餓，所以呢下我地係覺得幾貼心，而最重要係呢碟令我地慢慢地放下介心，開始拎起枝筆點野食。食物一碟一碟咁黎，味道方面我已經唔想再多提，除了壽司飯太爛、生蠔唔新鮮及羊架太油和蟹粥變菜粥外，其實都真係未去到肚柯既地步。然後食左半個中到，有條佬無啦啦話食甜品要like相撲手facebook仲要打埋卡先有得比我地，(下~我唔係食緊放題架咩?)，但純情的我們最後跟足指示做，不過我醒目我privacy左個fb post，至少可減少一群無辜的fb friend子再重蹈我既覆轍。又過多一陣無啦啦有人開咪叫我地出去排隊拎羊架，見網上有人話推介咪去拎黎食囉，點知拎到返黎油到呢~到第2次開咪既時候，聽到話可以出去睇師傅切魚，係呀無錯呀係睇架咋。但我又真係唔明wo，相撲手既管理層又憑咩覺得我會想睇師傅表演劏魚呢?其實我真係想安安樂樂食呢餐放題呀!

真系比食評fake左入泥 可能時代變遷 經過歲月洗禮 先變得甘差質素首先講佢賣點既蠔蠔殼好多 洗吾乾淨 吾鮮吾甜肉冇口感芝士焗蠔同我想像既吾同 上面放左一塊四份一大既芝士 其餘用沙律醬 冇錯！系熟既沙律醬！刺身方面只有三文魚系正常黑松露冇味廁所成地煙頭其實一句講哂 吾抵食

必食金菇肥牛卷 畢生難忘雖然望落係普通既肥牛卷 但咬落啖啖都係飯焦味 非常充料 齒頰留香 之後食既每一樣野都有大家最愛既飯焦味 yummy!叫左兩次都係一樣 可見食物質素非常穩定 抵讚!另外柚子芥末帆立貝壽司都非常值得推介 將壽司昇華到另一層次到咁上下時間就可以出去排生蠔 首先要係facebook like佢既page, 再like佢既post, 影一張生蠔相reply,再share去自己個wall,同埋比返放題價錢$298加一,咁就可以獲得生蠔兩隻了!當然貼心既相撲手係安排左兩位手機專員幫你手. 如果冇facebook既朋友唔建議黎呢邊食飯,冇得食生蠔好唔抵

本身係衝住有蠔既放題先黎幫襯，但蠔既品質參差不齊，前後叫左7隻有五隻都唔夠鮮甜爽脆，好鯹好難入口，亦見多枱客人叫左第一輪就止步，試埋焗蠔仲差，甜爺爺的。另外炸物就超厚粉，難食！刺身就一般，但可以讚既就係燒物同主食類都好食，最中意牛舌！至於服務方面，就谷x氣了。我地食第二場，未到8點半就到左，問店員可以入座未，佢話8:45先得。所以我地係二樓店門口企左15分鐘等，到時間之後，店員先講要落街排隊先可入席。我地落番去既時候，已經半條街既人龍⋯搞左好耐終於上到去，見到好多前面排隊既客人走左無入去食，原來無訂位既話排隊都無用，咁我就唔明白點解店員唔早d同街上排隊既客人先講明，或者舉個指示牌出黎都好，個個排左咁耐原來無得食。我地有訂到位所以先食到，但未食就已經條氣chok住。仲有環境，我坐既位係有冷氣機滴水！！

第一次來食，6:15pm晚餐放題，6點就來到，已經有book位。無念過要排隊先入得，條隊由食店2樓排到地下，係係後樓梯排隊，由於食前比錢有折，所以個個要安排入座比錢先入得去坐，最後要成6:30先坐到。講到坐，我地一行8人，但安排6人台，要求我地其中兩個人坐兩邊主席位，經我地極力掙取下，终於可以走廊位擺多張2人台。最後，第一碟食物要6:50pm先來，入坐左1小時15分先來左啲几碟蔬菜及1碟蝦，4份3既嘢食仲未來，份量方面，第一輪食物叫10件來5件。差不多8點，突然全店熄燈，伸手不見五指，以為停電，原來是有人生日“搞氣氛”，我真係有生以來第一次見有咁既安排，啲小朋友嚇到九彩，大喊媽媽，如果送湯送麵係走廊，或大肚婆老人家小朋友行緊，其實都几危險。食物質素一般，羊扒唔熟，粟米好油，魚生不新鮮。，但整個感覺好差，一定無下次，奉勸各位如有小朋友老人家大肚婆既，或有大件行李既，真係要念真啲先好來。

睇食評話d野食唔錯就唸住上黎試一試啦，點知中晒伏首先刺身無味，燒蝦隻蝦醒醒地，仲要燒得唔干身，裡面仲濕濕地....清酒煮蜆個汁好似清水加麻油...差到想扔筷子😡仲要$298一位，唔洗錢都唔會再黎！唯一好既係食物出得快同不停有侍應幫我地收野

大約兩年前同朋友去食,未入去時排晒隊,有個經理出嚟派汽水,諗住咁好服務,點知~伏!食物亂上枱,係要局人食,唔要就黑面,之後樣樣遲嚟。食物唔新鮮唔熟,又快last order。因為去時冇留意價錢,收費每位五佰幾,走咗之後上網check價先懷疑收埋隔離枱

已經唔係第一次來「相撲手」吃晚市放題，與好幾個朋友都分別來過好幾次這間在2015年入圍開飯的食店。與一般的放題有別的是餐廳會有個十分慷慨的MC，會經常「送禮」予「乖」的食客。只要按指示上載照片/打卡/讚好專頁都會有意想不到的美食...切勿錯過...雞腳薯仔蘿蔔老火湯火灸壽司選擇都幾豐富，其中最愛火灸芝士海鰻、黑松露蟹棒，而朋友覺得柚子芥末帆立貝和黑松露鵝肝味道最新奇，有驚喜！壽司仲有創作壽司，喜歡新嘗試的朋友一定不可錯過～還有海鹽左口魚邊和岩鹽燒三文魚，喜歡食魚的我都十分鐘意！炸物的排位和佈置十分美觀，一盤有齊大八爪燒、芝士年糕、脆脆棒餃子、有機野菜海蝦脆卷、蝦兵蟹蓋、吉列廣島蠔、芝士春卷...略微不夠輕盈；相反天婦羅炸得輕盈，可以一試！而料理方面，忌廉白菌海鮮湯和牛油栗米都可以試試，而鮮蟹粥則有點失望，因為好似成個窩都沒有米飯的踪影？一口氣點足數個前菜沙律！沙律超新鮮，撒上芝士碎粉和煙肉脆粒豐富了這個前菜。這客沙律是我最愛，因為麵包Crumbs混在脆口生菜堆中，會變得更爽脆，夾雜不少有營選擇，如清新小蕃茄、多汁栗米就更滋味，清腸胃一定要食！青瓜絲配魚子和蟹柳絲更是絕配，每一啖都食到爽