係樓下等位既時侯已經見到門口呢間餐廳有得食宮城生蠔
咁少有，一陣梗係要上去試下啦
唔似一般放題咁地下又油又滑，台面立立亂
上到去環境舒服乾淨，當然食都食多幾碟啦！
呢輪天氣咁熱，一坐落即刻就去拎返罐Beer 飲下先啦
呢隻MAX 啤酒，我好鍾意，飲落好似平時飲既生啤咁
解決左口渴既問題，之後就梗係醫下個肚啦
刺身種類都唔少，而且都幾新鮮三文魚好肥美
完全唔會有漏單既情況出現
壽司都有唔少款，我就試左佢呢幾隻卷物
牛肉泡菜卷，仲有蝦卷等等
味道都幾有層次，唔錯唔錯
經理可能見我地有朋友生日
特別拎左個炸三文魚鰭（水撥）同個老火湯我地試試
個水撥好滑，炸得好透好香，送酒一流
個老火湯都唔似一般既味精湯
到七點鐘， 店長終於宣布有師父會幫大家開生蠔
大家就緊係急不及待出去拎啦
生蠔都幾新鮮，用左特製檸檬汁
唔洗落汁都好夠味
講到我最鍾意既就係佢地個燒羊鞍
油香味十足，口感一流
最正就係佢燒到脆邊
真係衰，又要食幾舊增磅
飲品同甜品都足夠，有朋友生日仲會關燈送上蛋糕同你慶祝，都幾有氣氛
1
最後一定要大讚呢度個店長，服務態度非常好
有咩要求都會即刻幫你跟，無得彈
