盤子工房 (建生商場) (已搬遷) 新店位置

今日經過見到有間黑色的小店，而門口大玻璃窗好吸引，收銀位上有不同的食物相好吸引，就入去食個假日午餐，而且價錢都唔貴，我和朋友一人一餐坐在窗前，食了不用十分鐘就有得食，見到都十分吸引，我叫了全日早餐，入面有多士都幾脆配牛油好香口，薯角炸得不錯幾脆口，蛋可以選擇不同煮法，而我就要了太陽蛋，蛋汁配多士最夾，仲有熱狗腸和新鮮的雜果沙侓，都夠飽肚。朋友叫的是肉醬+腸熱狗，肉醬在上面勁多味道濃郁，配上熱狗和軟熟包味道幾好。我地仲可以配飲品，食完再慢慢飲野傾下計都幾舒服。