盛記粥麵

营业中

休息中

喺佐敦最近開咗一間新嘅粥麵店，有生滾粥、腸粉、雲吞粉麵......上次吃過炸醬麵同水餃，今次試完佢嘅生滾粥同炸兩，忍唔住要寫番篇食評，因為個生滾粥真係堅得。及第粥材料好新鮮，有爽滑嘅豬潤、好淋嘅粉腸、鮮味肉丸同彈牙豬腰，每樣各兩件，個粥底食到有元貝，熱辣辣新鮮滾出嚟，材料大大件，師傅絕對俾足料，給你一個讚。套餐加個炸両，大大件，腸粉即做，好滑，甜醬麻醬任落，食到最後油炸鬼依然脆。送咗杯薏米水，勁多料，好飲。食完成晚都冇口渴，證明冇落味精，會再嚟試其他美食。