盛記粥麵

营业中

休息中

星期六下午去九龍公園游水前醫一醫肚, 佐敦成條街都是美食 今日想食撈麵於是就黎左盛記粥麵啦。呢度主打港式嘅粥、粉、麵、飯，估不到店內已差不多滿座, 好不容易才搵到一位置坐下呢。 天氣熱嘅時候食碗撈麵都不錯，柱侯牛筋麵是我的至愛，補充骨膠原之選; 是女仕們的恩物，牛筋色澤金黃口感軟滑，再嘗一口麵湯夠惹味！值得推介。去粥店朋友說一定要食生滾粥, 是招牌菜. 果然是材料足粥底綿, 雞肉嫩滑又入味炸兩腸粉~腸粉包著的油炸鬼，是硬硬淨淨的即炸的，自己加了一些豉油及大量麻醬甜醬，可惜的是沒有白芝麻! 熱腸粉和脆脆油條互相在口中交戰，感覺滿足了！套餐加$10有一碗桑寄生蛋茶超級低，桑寄生蛋茶清甜又補身，食埋隻蛋真係好飽，滿足耶~

佐敦真係好多食肆，行過盛記粉麵，好光淨乾淨，入去醫下肚優選套餐好抵食特級北菇滑雞粥大大碗，粥底好軟滑，好棉既粥又香又滑，配合雞肉及特大冬菇既鮮甜，好入味又好味。雞件大大件，肉又厚又滑，味道好鮮。义燒腸粉新鮮製造，腸粉又薄又滑，义燒又鮮嫩，熱辣辣，配粥一流豬軟骨撈粗麵，豬軟骨又滑又嫩，味道好入味，粗麵好爽口，撈好了豬軟骨肉既醬汁，非常惹味食完正餐，忍唔住要食埋糖水！桑寄生蛋茶好好味，桑寄生原來係清清甜甜既涼水，雞蛋配合好味雞蛋薏米糖水清新，少少薑味令薏米糖水好香，加雞蛋好好味

呢排太Chur，有時都想食得清淡啲！不過條街真係太多誘惑啦！諗住單叫個鮮鯇魚片粥同生菜，見到格離食炸兩，即刻嗌落單嘅叔叔幫手落多碟！鮮鯇魚片粥嘅粥底夠綿＋魚腩又夠滑，已經好高分，仲要非常大碗，絕對唔洗擔心食粥會餓呀！魚腩都仲有小量骨，記得要慢慢食呀！口痕加單嘅香脆炸兩腸粉，果然不出豬太郎所料，好脆口，仲可以自己mix返個混醬，腸粉皮夠薄夠滑，食落都唔會太濟，keep到香脆嘅口感！ 原來佢哋嘅招牌薏米水有落埋薑一齊煲，有好香嘅薑味！飲落清甜解渴，薏米份量十足（唔鍾意咁多薏米都可以要求少啲㗎！）

週末做過運動，想和太座簡單用膳。在佐敦內街見到此粥麵店，便進入品嚐不少港人的comfort food。先來蝦球艇仔粥，粥底軟綿，蝦球結實彈牙，且有不少雞絲，魷魚，鹹香剛好，充滿海灣風味。細蓉同樣對辦，蛋麵彈牙，無梘水味。雲吞以蝦肉加上少量豬肉，十分足料。叉燒腸粉皮薄透光，饀料滿滿，偏瘦肉味濃郁，加上醬油增添鹹香，水準勝過不少酒樓。還有中式甜品提供。桑奇生蛋茶十分滋潤，薏米水加入薑片，有益脾胃。這裏食物種類豐富，價錢合理，值得再訪。

南乳豬手好正話說昨日一起身就立即刷牙洗面，因為約了朋友出去行街。可能一邊傾偈，一邊玩手機，不知不覺在油麻地站下了車。一路行就一路傾偈，行到佐敦有點肚餓，於是隨即入了盛記粥麵食一點東西。環境都幾乾淨，而且覺得南乳豬手好好味。埋單兩個人大概$140，平均$70一個人。首先我們叫了鮮蝦腸，$42 。鮮蝦腸的腸粉好滑，入口即溶的感覺。蝦身好大隻，而且好爽口彈牙。豉油汁不會太鹹。南乳豬手就覺得最好味。$75一碟。份量都幾多。南乳豬手醬汁調校得剛剛好。豬手的豬皮沒有豬毛，而且沒有肥膩感，而且又有豬筋連着豬手食，彈牙有膠質又好味。我們食完一件又一件，爭住食。底部又有一些蘿蔔。蘿蔔吸收了南乳豬手汁 ，份外有味道。熱薏米水因為跟餐就$5一杯。裏面的薏米份量都幾多。而且不會太甜。聽說薏米水有消腫作用 ，女士們都應該幾喜愛，哈哈。另外有叫了桑寄生蛋茶，$18一碗。甜度適中，滋陰養顏。

今日喺尖沙咀staycation, package 今次唔包晚餐，所以要岀去搵食。係lounge 都食得飽飽地，所以就搵啲輕食。上網搵搵下見到呢間粥麵店，便決定去試下。正價粥粉麵可以優惠價加配小食，飲品，腸粉，糖水等。狀元及第粥$52好足料，粥又好綿滑，有豬粉腸，豬心，肉丸，豬肚，豬膶等，全都好軟腍，一啲都唔腥。最愛🐷豬膶，口感爽脆唔嚡口。雲呑麵 $36雲呑都有數粒，雖不算好大粒，但食得岀好新鮮又彈牙。炸鯪魚球 $30有四大粒，即叫即炸，熱辣辣，蘸上咸鮮嘅蜆芥醬，真心正。菜心$18 菜心都大碟，翠綠爽甜。桑寄生蛋茶 加$10其實都飽，但見加10蚊就有一碗咁抵，就決定試埋佢🤣，仲有原隻雞蛋，行氣活血，有益又養身😙

這間位於佐敦白加士街，位置不顯眼的「盛記粥麵」，外表很普通名字也不是很特別，但是食物質素和價錢卻令人留下深刻印象，用心認真製作的食物，絕對值得支持小店。香茜牛肉腸粉香茜牛肉腸粉，外表看來晶瑩剔透脹卜卜，入口腸粉皮煙煙韌韌，牛肉鮮嫩加上濃厚的芫荽味，跟調配好的甜豉油實在一絕。豬手撈麵豬手撈麵，豬手炆得非常入味而且是比較有咬口的入口膠啜，幼麵較為幼身入口爽彈，沒有太多的鹼水味，配上南乳汁的豬手和他們的辣椒油，好食到停唔到口。淨雲吞淨雲吞，材料豐富鮮蝦豬肉傳統做法，一口一粒大小適中，雖然雲吞是主角，但是湯底也是令到雲吞提鮮的靈魂所在，大地魚湯清甜鮮味，加上清新的韭黃味道，唔食真係會走寶。炸鯪魚球炸鯪魚球，真材實料即叫即炸，沒有加太多麵粉入內，粒粒乒乓波大小入口爽彈，時間放久了也沒有縮小，鯪魚味濃厚點少少鹹鮮味重的蜆蚧醬，立時把鯪魚味再度提升。凍薏米水凍薏米水，加入薑粒甜度適中不會太甜，絕對適合注重健康的人，大熱天時消暑良品。桑寄生蛋茶桑寄生蛋茶，少少藥材味道微甘帶甜，加上雞蛋絕對是完美的句號。

每次去開附近，未食嘢嘅話，都會幫襯盛記，因為佢哋嘅食物質素有返咁上下水準，冇失望過。尤其是喺疫情底下，都仍然做得住，睇嚟佢哋都深受街坊愛戴👍🏼👍🏼👍🏼簡簡單單，今次叫咗碗雲吞麵，仲加咗$10，要咗個養顏桑寄生蛋茶。雲吞麵，啲面好彈牙，直頭係爽彈👍🏼同埋我真係好鍾意佢哋啲湯😁😁雲吞大大粒，而且冇乜肥肉，唔錯唔錯，成碗面都唔會太過咸，調味得宜👍🏼其實佢哋套餐配搭都算幾多，叫咗碗麵之後，可以加腸粉，或者油菜，小食。今次飲咗碗桑寄生蛋茶，清甜，食埋隻蛋真係好飽飽，好滿足☺️☺️

今日來到佐敦，下午茶來到白加士街的盛記粥麵。餐廳呈長方形，裝修雅緻舒適。要了兩個優選套餐。在門口已見到這個套餐比較抵食，所以要了兩個套餐。飄香南乳豬手撈麵 $46 加$26 配豬潤腸粉 不得不讚一下這個飄香南乳豬手撈麵，豬手的腍度及味道都是非常好，腍度剛好有口感，不會太腍，南乳味很香很入味，值得一讚。撈麵是幼麵，麵質爽口彈牙，加上豬手濃汁，令撈麵更香濃，跟配的還有一碗清湯，可以將麵放到湯裡食，令麵又是另一番味道！平時比較少食豬潤，所以今日揀了個豬潤腸，腸粉透明透明的，隱約見到裏面的豬潤，腸粉食落口感帶點煙韌，豬潤爽口，整個腸粉食落軟滑煙韌、帶豬潤的香，豉油鹹中帶甜，好好味！招牌狀元及第粥 $52 加 $26配牛腸。及第粥裡面有豬潤、粉腸 豬心豬肚及肉丸等。及第粥粥底綿密清甜，各款肉類醃得入味，豬潤帶爽又香，現在都比較少餐廳食及第粥有肉丸，這裡居然還有2粒呢。其實牛肉配腸粉真的很般配，牛肉腸粉也是很腍滑煙韌，食得很滿足。

佐敦有好多街坊食肆，有唔少更加係臥虎藏龍添！今日就嚟到盛記粥麵，呢度主打港式嘅粥、粉、麵、飯。一碗睇落簡簡單單卻又用心嘅雲呑麵，已經充滿住幸福嘅感覺。盛記招牌雲吞麵湯底用咗大地魚、蝦殼、豬骨、金華火腿等食材餚製，湯底鮮甜香濃，湯色透徹。至於鮮蝦雲吞大大粒，皮夠晒薄，鮮蝦夠大隻又彈牙，加上餡料內嘅豬肉，令雲吞食落更有口感。京都炸醬麵天氣熱嘅時候，食碗撈麵都唔錯。炸醬汁少少辣，夠惹味！食之前就梗係要將炸醬撈勻麵底，肉絲份量唔少，值得推介。蜜味叉燒腸粉腸粉好滑溜呀！！而更驚喜係叉燒係厚切，唔似平時食嘅又薄又細粒，所以食嘅時候，充滿口感！海南雞黃薑飯海南雞並無預先起骨，加上今次係俾雞翼位，所以有唔少碎骨。好彩雞肉嫩滑，又唔算太肥，都算合格啦！

午飯時間搵食艱難。竟然讓我搵到間粥麵店食物種類多，有套餐有散叫。粥粉麵飯腸粉都有👍。而且價錢合理，食物質素不錯。招牌狀元及第粥，$52。熱辣辣大大碗很足料。材料新鮮多樣又大件。粥低吸收了精華幾入味，但不是很綿和很傑。頭抽蝦籽蝦球撈麵，$62。味道不錯，蝦球不是死死實實，份量剛好。跟餐配炸雞翼拼炸鯪魚球，$33。熱騰騰好香口滋味。炸雞翼蒜香南乳味都好出，炸鯪魚球配醬吃更好味。跟餐加薏米水，$5。勁多薏米，吃完飽上飽。座位也算舒服乾淨，所以值得再幫襯。

乘港鐵屯馬線免轉車到達柯士甸之便利，我與家人在柯士甸站下車，走在佐敦購物消費，滿載之後覓食，路過「盛記粥麵」，我們决定吃粥麵。先嘗兩款小食： 炸兩腸粉~端上枱面的炸兩，我立刻窺看被腸粉包裹的油炸鬼，發覺是硬硬淨淨的，蘸點兒豉油與麻醬立刻往嘴裏送，嘗到了熱腸粉、脆油條，這是我心儀的炸兩，感覺滿足了！蒜香南乳炸雞翼拼鯪魚球，家人享用蒜香南乳炸雞翼，我則喜歡鯪魚球，香酥有魚味，配蜆介汁食，味道層次更豐富！ 黃沙豬膶粥~大熱天時在冷氣充裕的小店吃生滾粥，沒有大汗淋漓，而且還很享受爽脆粉嫩的黃沙豬膶，粥底綿密且與豬膶的鮮甜味道混和，不愧是廣東第一粥品！柱侯牛筋腩麵~先嘗一口麵湯，味道香濃純厚，掛麵吃，麵爽湯鮮，再嘗牛腩，肉味鮮、肉質鬆化。牛筋色澤金黃，口感軟滑。 餐飲是凍豆漿與桑寄生蛋茶，都頗好。

前幾日去開佐敦果頭做野 做完野餓餓地見到盛記個優選套餐幾吸引就入左去醫肚仔喇！個優選套餐真係幾抵食 而且選擇仲好多添呀！ 主食可以揀任何一款正價既粥、麵、飯或者腸粉不得不讚佢既環境真係好乾淨企理 食得好安心《招牌薏米水》佢地既薏米水飲落好清甜 裡面有一粒粒薏米好足料 薏米好彈牙 必飲！《鮮蝦水餃》佢地既鮮蝦水餃好飽滿 皮薄餡靚 裡面既蝦好新鮮 食落好彈牙好有咬口！另外個湯頭亦唔錯 濃淡得宜 同埋食唔到有落到味精 《腩汁蘿蔔》佢地既白蘿蔔真係好鮮甜多汁 食落仲要冇渣 超級好食 食到見到碟底！簡單而又美味既一餐 埋單都只係$66 真係抵到爛！ 下次黎開呢頭做野要再食食！

今日在尖沙咀放工和老婆行啊行， 不經不覺行到接近佐敦， 因為和老婆近排都吃得heavy， 心想和老婆吃比較清淡的粥麵， 就見到這間盛記粥麵。這裏小店的裝修格局， 但竟然隱藏著非常多元化的食物種類選擇， 老婆依然保留初心吃得清淡， 但我卻被這多元化的食物選擇沖昏了頭腦（ 哈哈）。 老婆選了艇仔粥加小吃腩汁蘿蔔， 而我就選了豬軟骨麵加上炸兩， 最後加配桑寄生蛋茶作為餐後甜品。艇仔粥 及 腩汁蘿蔔艇仔粥不算很大碗， 但用料就非常充足。 粥底非常綿滑， 食材新鮮， 尤其是鮮魷 ， 非常爽口彈牙 。海鮮及肉類各自將香味和味道滲入粥底， 所以零舍甘甜好味。本身怕蘿蔔不當造會多渣， 但吃落完全沒有問題， 基本上一咬即溶， 味道亦都非常清甜， 而且因為盡吸收了牛腩汁， 特別的香濃。豬軟骨麵 及 炸兩解釋一下為何我的選擇比較邪惡， 就是因為這裏的粉麵可以選酸辣湯底。 今次我選了中辣， 味道比起出面不少標榜專做酸辣湯麵的更得我歡心， 酸辣的味道非常適中， 酸得來不會搶走麻辣的香味， 辣得來亦不會奪去豬軟骨的美味。 亦都不得不讚這裏出色的秘製豬軟骨， 不止肉質軟腍入味， 連軟骨的部份基本亦炆得入口即化， 啖

附近產檢完搵間餐廳食下途中見到呢間 五點幾但都坐左八成滿附近幾間都比較靜雖然冇華麗既裝修 但我估應該係街坊一致好評 所以特別多人招牌雲吞紅薯粉($36+3)有四粒雲呑 蝦肉非常大粒彈牙加左腩汁 非常濃郁入味食過好多鋪頭加完都非常淡 京都炸醬撈面 ($46)肉絲非常多 味道偏甜非常開胃 麵質非常彈牙易入口有啲鋪頭既麵質有時會又乾又硬 食一啖京要飲一啖 最怕係咁但呢間絕對唔會加$30點左個小食炸南乳雞翼真係即炸 熱辣辣 淡淡南乳香 非常惹味！唔會太咸太重口味最緊要唔會好重油味呢個正！食粥粉面一定要有番杯豆漿唔會太甜 幾香滑唔好睇少呢啲小店侍應都非常有禮接待真係要讚下🤣