盈記四季養生麵館

营业中

休息中

聽喺灣仔附近返工嘅人講，呢間藥膳養生麵館晏晝通常都大排長龍，有晚經開見到唔洗等位就入咗去。叫咗個二人餐，包兩個麵兩杯野飲同一個小食。我地叫咗藥膳農場雞蟲草花養生米線同藥膳農場雞花菇養生米粉加咗麻辣。首先啲雞好嫩滑，無雪藏味，烹調方法處理得好好。花菇醃得好入味，又唔會太重口味，又厚又大塊。個湯底好清甜藥材味又唔會太濃，食完成晚都無太口乾既感覺。可以有多個選擇轉米粉，個人米線同米粉都試咗覺得米粉較為出色。認為麻辣不太值得一試，可加可不加。藥膳浸雞腳比較失色，但總括而言都值得一試佢啲雞同個湯底

今次黎左灣仔食養生米線，店舖近灣仔站B1出口，行大約10分鐘便可到達。今次試了❤️藥膳湯花膠雞養生麵 $88湯底每天煲4小時，用左有红棗、元肉、杞子、當歸、木耳、淮山等食材，未飲已經嗅到红棗香味，飲落清甜，不油膩。花膠用到鳕魚膠，來自冰島，零污染環境，有半隻手掌咁大塊，充份吸收湯汁，食落爽身。雞是三黄雞，屬於內地冰鲜雞，一碗有2件雞件，今次食到的是雞髀肉，食落滑得黎又肥美。💜涼拌手撕雞 $68份量十足，舖滿雞肉絲，有花生粒做topping，另外配有青瓜、木耳，醬汁帶咸及有輕微酸味，幾開胃。🧡紅油抄手 $36餃子是店家自製，一碟有5隻餃子，餡料用到豬用、京蔥，味道較濃郁，而且餡料切到好幼細，基本上不用咬已經化開了。💛醬香牛肋條 $45一碟有3件牛肋條，而且偏粗身，感覺滷了好久，已經好入味，醬汁味濃郁，有少少豆豉鯪魚的味道，肉質厚實，屬於飽肚之選。💙奶茶紅豆冰奶茶的奶味較濃，比較甜，岩我口味，紅豆整得恰到好處，質感綿，不會太硬、也不會太淋失去口感，紅豆佔了接近半杯，十分足料，而且糖水味出，整體好味，仲好大杯，抵飲。

頭一次嚟呢間盈記四季養生麵館，外表睇落完全唔似係一間米線鋪，因為佢個裝修色調以灰白色為主，感覺上更加似係一間文青打卡熱點嘅coffee shop。門口排滿外賣自取嘅客人，細看之下先發現原來外賣自取有八折，圍返真係抵食好多！不過筆者就鍾情於堂食多啲，一嚟可以同同事放下break吹下水，二嚟又可以活動下筋骨，唔使成日坐喺office( 坐到肥哂 )~一入去，侍應生非常貼心地為我地擺好兩份餐牌，講解亦都好清晰，態度十分良好。我望住餐牌上圖文並茂嘅養生湯麵，選擇困難症頓時又冒出嚟，最後終於揀左藥饍農場雞桃膠養生湯米線($64)，仲送杯熱飲添！(凍飲加$3)米線湯底充滿濃濃嘅藥饍味，其中桃膠甜味特別明顯，係比較少見嘅湯底味道，所以我都忍唔住飲左好多啖湯~份量適中，較為細食嘅人士會覺得啱啱好，大食嘅朋友就可能未必夠食了，可以再加添一啲小食~最後不得不提佢嘅店內環境，入面樓底極高，筆者認為就算上面間多一層閣樓都不為過，一定可以為鋪頭增添唔少生意！p.s. 埋單嘅時候先知原來堂食都有九折優惠，不過呢個優惠或者有限時，想食嘅朋友就要趁早啦！

眨吓眼就嚟到九月中，又係時候要開始清假😏 就襯呢個星期五冇咁忙，攞咗半日假去剪頭髮、順便搭多兩個站去 #灣仔 搵個朋友食lunch。因為匆匆只有一粒鐘，朋友仔建議食得簡單啲。話哂佢先至係地膽，我梗係跟住行… 原來佢想同我補一補🤩由地鐵站行過嚟餐廳 #盈記四季養生麵館，大概3分鐘嘅路程，不過我呢個路痴居然花咗十分鐘時間搵路，先知道單數街號嘅地舖原來喺對面街😅 好彩朋友仔一早搵定位等我😜 佢推介我一定要試吓 #盈記 嘅 #藥膳農場雞養生湯，補吓氣血之餘、聽聞仲可以提升免疫系統… 講到咁好，就一於跟佢啦😜 除咗主要嘅湯底，仲可以另加其他嘅配料，我就揀咗 #桃膠 同 #紅棗 就配角，#鮑汁炆花菇 做 #小食。#炆花菇 一份有4大隻，菇身好厚，咬落去充滿鮮味🤩 至於主角 #藥膳農場雞養生湯 我就加咗啲 #米線。啖湯飲落一啲都唔油膩，配上新鮮嘅雞件🐣，肉質果然係同平時食開嘅 #冰鮮雞 有好大嘅分別，肉質有彈性之餘、亦保持到雞嘅鮮味🤩 最後將啲桃膠跟 #米線 同埋 #雞湯 一齊入口，確實有另一番風味🤩 最後要讚下 #店員 #親切嘅笑容，雖然明知佢哋好忙，佢哋都好樂意為我哋一一解釋 #配料 上嘅不同功

成日都係食辣嘅米線，但最近想試下少啲食辣，健康啲，又想食米線，就去食藥膳湯米線啦！二人套餐 $138叫二人套餐都幾抵食，呢度每碗米線大約60幾蚊一碗，二人套餐就有兩碗米線、兩杯飲品同埋一個小菜，抵過散叫好多。藥膳農場雞桃膠養生湯米線桃膠有好多，雞肉好嫩滑，仲有好香嘅雞味。藥膳湯底嘅藥材味幾重，仲有啲杞子、桂圓同紅棗喺入面，感覺好補身。米線嘅麵質口感幾好，唔係一夾就斷嗰種。藥膳農場雞麻油養生湯米線朋友就叫咗呢碗，麻油味好香，令到我聞到都食指大動。你碗米線同我嗰碗都差唔多，主要係冇咗桃膠同埋除咗藥膳味之餘仲有麻油香。藥膳上湯浸時令菜同樣都係用咗藥膳湯底，生菜幾新鮮爽脆。藥膳上湯自家製水餃 $36為食嘅我哋額外加咗份水餃，一份有五隻，係菜肉餃，食落都幾香。

今日跟同事出灣仔做野，搞到成三點先可以食飯行去大街軒尼詩道，見到呢間「盈記四季養生麵館」，比佢門口餐牌既藥膳湯底吸引左入去平時米線舖好晏先開，呢間好勤力連早市都做埋，7點有早餐時段米線主打三款湯底：藥膳、蕃茄、叻沙環境光猛，地方好新、好乾淨A04:藥膳農場雞麻油養生湯米線好香，上枱已經聞到好香麻油藥膳味真係唔可以同平時食開果d濃味味精湯底米線比！！！個湯底好鮮甜，好有麻油香、飲得出當歸、杞子等既藥膳味及紅棗既清甜味米線口感爽滑，整體成碗米線超正三黃雞，肥美肉厚，肉質嫩滑C08:雜丸叻沙湯米線湯底好濃郁，味道香濃，椰香味適中幾多料，豆卜有四件，蛋一隻，貢丸三粒，花枝丸三粒小食點左個蘿蔔蘿蔔睇相都知超入味，夠淋又無渣

姐有多愛養生身邊的朋友都知道，今日朋友話帶我去灣仔食個好養生的lunch, 養生同好味道係冇trade-off 的，我成個湯飲哂！藥膳農場雞+日本花菇養生湯-雞好滑好嫩，肥瘦適中。雞味好濃，完全冇冰鮮雞的雪藏味。-日本花菇厚到一個點！好似食緊菇”扒”咁，除左日本菇本身的菇香，仲有吸哂藥膳湯的紅棗清甜。-重點來了，係個藥膳湯。好有驚喜！飲哂成碗後完全唔口渴，飲到有紅棗杞子圓肉的甘甜。藥膳農場雞+桃膠養生湯-唔係講笑，桃膠份量好慷慨。仲要唔係劣質桃膠，粒粒分明。趁埋個養生湯一齊食好夾好似食緊補品咁！手撕雞（唔辣）-見到啲雞咁有雞味咁嫩滑即刻叫多碟手撕雞，係預期中的好食。-拌住唔辣的秘製汁，鹹鹹香香咁，好惹味。

今日去左灣仔食飯，經過見到有間麵食館，主打養生湯底香港地打工咁辛苦，壓力又大，都要識得養生、養心，都喺健康啲好餐廳環境乾淨整潔，幾舒服，晚市岩岩開始，人客唔多唔會好逼！我叫左一個養生藥膳湯底，叫左農場麻油雞！估唔到味道超驚喜藥膳湯底非常濃厚，唔會好重藥材味唔會好膩，味道香濃帶有清甜味道，改變左我對藥膳湯底既諗法農場雞份量都唔算少，入口極是香嫩，雞肉肉質好滑溜，甜甜地雞肉，雞皮完全唔會油膩！我叫左豆漿，又一個健康晚餐

位於灣仔的盈記之前食過， 今次帶一向注重健康的朋友來試試， 看看這裏能否通過這位養生食家的考核(哈哈)!見到二人晚餐已經可以嘗試到這裏多款的招牌養生麵食, 我和朋友分別點了藥膳自家製水餃養生湯米線, 藥膳農場醉雞養生湯米線, 古法炆蘿蔔和藥膳湯雙拼丸。藥膳自家製水餃養生湯米線之前已經試過這裏的養生湯， 先是湯頭非常清甜， 之後會慢慢滲出滋補養生的清淡藥材香， 容易入口。特別是這次試試加了麻辣口味， 冇違和感之餘， 麻辣令湯底帶出另一款甘甜香味， 令人更加上癮的想渴盡湯底。 自家製水餃皮薄， 餡料的豬肉偏瘦但帶肉香配上小小香菜， 健康又美味。藥膳農場醉雞養生湯米線經常覺得醉雞的烹調方法可以加倍吊起新鮮肉類的鮮美， 相反如果質素不好的就顯露缺點。 這裏的醉雞絕對屬於前者， 肉質新鮮嫩滑， 雞皮都非常薄身， 就算連皮吃也絕對不油膩， 反而更凸顯雞香。 湯底再滲入了醉雞的精華， 注重健康的朋友也忍不住差不多將整碗湯喝盡， 事後也讚嘆完全不覺口乾。 過關。古法炆蘿蔔只要蘿蔔夠新鮮入味， 配合這裏香濃的湯底， 沒有不試的理由。藥膳湯雙拼丸再試試將這藥膳湯配上這裏懷疑新鮮自家製的貢丸 和墨魚丸， 貢

難得去灣仔，梗係搵埋朋友一齊食埋晚飯先。朋友喺附近番工，成日幫襯哩間都係主打藥膳雞湯米線有二人餐，經濟又實惠麻辣藥膳蟲草花雞米線藥膳湯有紅棗，龍眼肉。除咗滋陰養生，更清甜可口。 雞滑溜，啖啖肉。蟲草花夠曬多。 麻辣夠麻夠辣，好醒神。藥膳醉雞養生湯米線傳統養生湯，更清香又天然甜。不知不覺差不多飲完所有湯。望就知道醉雞滑溜， 食落唔嚡口，有淡淡酒味秘製汁木耳辣辣地木耳，夠爽口，又開胃紅油抄手有5粒， 夠大隻，多肉飽滿。成枱都食物，好好味，好滿足

*盈記四季養生麵館 - 灣仔#呢間養生館,座位寬闊,光線充足,踏進店舖一陣香噴噴的藥材味撲鼻而來,所以今次我們一定要是試試養生的藥膳菜式：1）藥膳農場雞冬菇養生湯米線2）藥膳農場雞竹笙銀耳養生湯飯*藥膳農場雞湯大大碗,而且真材實料,除了農場雞外,還有木耳、紅棗、當歸等藥膳。#雞湯一上枱,已經散發著陣陣的藥材香味,試一啖味道清甜👍👍湯底有杞子、紅棗、圓肉和當歸等,配料非常豐富,湯底的味道清甜可口,有種炖湯的味道,我們忍不住把藥膳雞湯也喝光。#無從雞的味道不錯,很有雞味,雞肉嫩滑,口感實淨,肉質彈牙,比一般的冰鮮雞更美味。#飯和米線的份量很多,飯粒粒分明,米線非常爽口!#冬菇非常厚肉,大大隻,而且炆得很入味,非常彈牙。3）炆牛肋條：有濃郁的牛肉味,很入味,煙韌有口感。#提提大家呢間食店不收加一,堂食還有九折優惠下次一定要再去飲養生湯。

n年唔出一次港島的九龍人去灣仔上堂，放lunch時間就求其搵一間嘢食下，就揀咗呢間淮山藥膳米線由於撞正放lunch時間，搭枱就一定要㗎啦，最後點左一碗淮山藥膳米線。呢碗米線上到嚟個賣相係差，一睇就睇到啲米線碎晒，再飲第一啖湯，佢個湯底係有紅棗同龍眼肉煲嘅，但係我食唔出個雞湯有雞味，再嚟食一舊淮山，係酸嘅，叫個侍應過嚟，佢竟然答我：下我唔知喎你問嗰個阿姐啦！竟然令我O晒嘴，另外一個阿姐幫我換咗第二碗米線，第二碗米線個淮山唔酸，但係個淮山係凍！咁你究竟即係有煮定係冇煮過淮山？我真係好亂！再叫第三碗米線先正常返！食呢碗米線嘅過程中，聽到個阿姐接咗幾個電話都係講投訴，一係就漏湯一係就漏第二樣，咁嘅食客體驗真係唔會再有第二次！

養生麵在灣仔很少，自從發現了盈記都常常來吃。難得麵店不時加入新煮意，由養生發展到有營蕃茄湯，和喇沙系列。現在繁忙時間很多人要等位，可能多左款式，男仕都多了我仍然選擇，我最喜歡蟲草花農場肥雞！這個米線滋補養生，湯頭超級甜！雖然藥膳湯底，但不會有難嗅的中藥味，像韓國人蔘雞，淡淡香氣……不喜歡藥膳都會接受香味選蟲草花有增加免疫力，蟲草花有點爽口，其實很好吃！雞件非常爽嫩，不會煮到老店家細心放一個小碗，裝雞骨一直覺得藥膳湯底，像燉湯很清而味濃，紅棗甜味道！農場雞應該像醉雞處理所以才可以保持嫩滑每次都飲清所有湯！

除左瞓個好覺，食個養生湯麵都係我養生之道。朋友介紹灣仔有間養生湯麵做得好出色，跪求下佢終於今日帶左我黎食。位置不錯，近地鐵站。店子不大，但座得舒服，沒有壓迫感。位與位之間有隔板分隔開，感覺安全。花多眼亂，最終我地叫左個二人餐，都係$138，包兩碗麵，一個小食和兩杯熱飲。藥膳農場雞＋竹笙銀耳養生湯，主食可揀米線，米粉或通粉。湯底極重藥材味，有紅棗，紀子，龍眼，銀耳煲三黃雞，足足熬製四個鐘，所以藥材味勁重得黎又帶有雞既甜味。不喝湯就笨了。三黃雞，近乎零脂肪，肉嫩有雞味銀耳都大件，吸滿晒啲精華，超好食👍👍鮑魚汁紋花菇有四件，勁厚勁大隻，很腍很入味，好抵食😋😋鮮茄墨魚春卷湯粉鮮茄湯底都好正，有粒粒茄蓉，唔會太酸，吃得出是用新鮮蕃茄熬製而成。真的放心把湯喝下去。墨魚春卷結實得黎又彈牙，細嚼下會感覺到粒粒墨魚粒。秘製汁木耳額外再叫多個小食。原來係我很愛吃的麻辣味道。不會太辣，但重麻辣味。木耳爽口，一口一件，食唔停口。餐飲包兩杯熱飲，烏龍茶就要半價。食咁多野，當然飲杯茶消下脂啦😂😂冇諗過，細細間店可以品嚐到如此高質既味道💛仲要又經濟又好食😋😋😋

今天來到灣仔工作，午飯時間去完銀行，見附近有一間養生麵店，便和同事順道吃個午餐，原來這裡的麵食湯底非常滋補。我們叫了藥膳農場雞加日本花菇養生湯麵線、鮮茄日本花菇蘿白湯米粉，小食叫了藥膳浸雞腳，而每個粉麵都免費跟一杯熱飲。食物非常有驚喜，藥膳湯名付其實，濃味十足，日本花菇亦大隻兼厚肉，農場雞肉嫩細滑。鮮茄湯底用料足，蘿蔔入口即溶化，日本花菇令人讚不絕口！小食亦很不錯，雞腳浸在藥膳湯上，入味非常，令人有補而不臊的感覺。而且價錢不高，食材優質，招呼亦好，下次會再來試試其他款式。