盈記四季養生麵館

营业中

休息中

不錯的餐廳，外賣接單超快，店員有禮貌，而且pack 外賣pack 得不錯多數食午餐米線，後來發現米粉也不錯花菇係厚加大的，雞就要睇嗰日嫩唔嫩，墨魚丸還好，個湯啲油可以少啲就好了

今日收工同友人係灣仔地鐵站附近覓食雖然好鍾意食酸辣米線，但成日食對個胃都唔太好於是睇下有冇啲健康路線既米線，點知真係有價錢仲要好平民，可以一試喎！夜晚六點幾七點，可能太早，冇乜人入嚟既食客都係外賣多，好似包場咁可以靜靜地咁嘆米線二人套餐 $138係A或B任揀兩款湯 唔一定A一款B一款，A揀兩款都可以架！仲可以揀多個指定小食，又幾抵喎藥膳農場雞蟲草花養生湯雞湯個味道清得嚟好香，一啲都唔油膩超多紅棗，棗味好濃，又有圓肉同杞子蟲草花營養價值都好高，一碗湯都好多舊雞，充料！藥膳農場雞黑蒜養生湯作為黑蒜既鐵粉，當然要試下黑蒜湯個湯既BASIC係一樣，只係多咗黑蒜油但香氣就昇華咗好多，黑蒜味超。級。香藥膳雞腳冇諗過跟餐既小食都咁大份，都有六至七隻雞腳雖然係藥膳雞腳，但唔會有好濃既藥膳味反而酒香味都幾突出醬香牛肋條 $45食個醬汁同牛肋條入味恰到好處牛肋條炆到好軟，筋部分食落幾有嚼勁呢個醬香牛肋條配飯食會更加惹味

呢排想食得健康啲，朋友話可以食碗藥膳養生麵，仲介紹灣仔附近有間盈記四季養生麵館唔錯。餐廳位於灣仔地鐵站附近。有多款養生麵選擇，除咗養生麵仲有蕃茄湯底。藥膳農場雞＋山藥養生湯湯底濃郁，材料十足，有紅棗、圓肉，味道甘甜，山藥有口感，雞肉嫩滑。藥膳農場雞＋桃膠養生湯米粉加上養顏桃膠，養生之餘仲可以美顏。　藥膳浸雞腳雞腳十分入味，美味滋潤。紅油抄手餛飩大大粒，肉嫩鮮美，加上香辣濃香醬汁，味道合麻辣酸甜鹹香，非常野味。檸茶、柚子蜜套餐包熱飲。

今日同朋友喺灣仔食飯，朋友一向都係灣仔返工！所以佢特登揀咗一間好好食嘅車仔麵同我一齊食。朋友非常推介呢度嘅鮮茄湯因為係冇味精人手熬製嘅食米線嘅時候可以連湯都飲埋！我就叫咗鮮茄日本花菇蘿蔔湯米線，首先呢個日本花菇非常大隻好厚肉，咬落去有好重嘅花菇味，而蘿蔔味道亦非常清甜！飲咗一啖番茄湯之後終於明白啲交朋友一定要叫我試！蕃茄湯味道唔會太酸，非常清甜而且唔會越飲越口渴係真係冇味精得！！仲可以見到蕃茄湯裏面仲有紅蘿蔔做配料，果然係用心熬製。藥膳上湯自家製水餃：藥膳上湯都係餐廳自己熬製嘅裏面有杞子紅棗等等嘅材料，都係非常適合女孩子嘅！價錢唔貴只係$36而且又非常健康！秘製汁木耳：木耳酸爽帶少少辣！非常開胃，加上秘製醬汁味道比得上譚仔嗰啲！

自從上次飲過足料雞湯後, 對好飲的湯水有了追求. 因為工作來到灣仔, 見到有養生為主的餐廳, 當然立馬試試餐廳都乾淨企理, 餐牌上更有不同湯底的簡介, 幾細心藥膳上湯+西生菜藥膳湯底相當足料, 一入口已經充滿各種杞子, 圓肉, 紅棗的清甜, 不會有過重的藥材味, 就算平時少飲藥膳的友人都容易接受藥膳上湯+自家製水餃自家製水餃是比較接近北方水餃, 大小適中, 皮比較厚身, 但正正皮厚吸收了藥膳湯底後, 令餃子更有特色.配水餃的湯底比浸菜的更濃味, 更甜, 令人入口難忘, 味道久久不散. 完全不吝惜用料刺身帶子叻沙湯米線雖然叻沙湯底未及藥膳湯般具特色, 但都飲得出不少時間熬煮, 味道不錯, 比傳統的略淡. 用上刺身級帶子, 入口嫩滑, 同時令食客更放心整體餐點都唔錯, 日後有機會再試試更多不同的藥膳湯底

去完書展順便在灣仔吃個Late Lunch，行下行下發現這家盈記四季養生麵館好像不錯，就試試水準。餐廳主打養生藥膳湯麵，亦有蕃茄湯及叻沙湯，也有多款小食可供選擇。藥膳農場雞蟲草花養生湯先點一碗招牌的藥膳雞湯，以豐厚的雞湯作底蘊，一呷鮮香十足，回味悠長，喝一口馬上感到潤燥滋補，富有啖啖藥膳清香，更有蟲草花，味道濃郁回甘，雞肉鮮嫩。蝦叻沙湯一看湯底就知道味道一定有保證，湯底顏色深濃赤紅，鮮蝦精華味道突出，而湯底鮮味與辛香辣味互相陪襯，鹹鮮香辣俱全，而蝦的份量亦十分慷慨，但肉質略遜一籌。鮑魚汁炆花菇小食點了一客炆花菇，花菇炆煮入味，口感軟滑柔美，醬汁特別醇厚和味，吃起來有齒頰留香之妙。點麵奉送飲品，性價比高。

今日有d唔舒服，所以嚟灣仔睇中醫！順便快食午餐！朋友介紹，有一間養生藥膳湯底，叫我補補身🤣🤣🤣一於去試吓😋😋舖頭入面乾淨企理，燈光光猛！⭐️藥膳農場雞蟲草花養生湯⭐️$65加米線首先，個湯底好濃郁，勁重藥材味，似老火湯❤️❤️飲左幾啖湯，已經感覺好補🤣🤣平時湊小朋友勞氣，補一補返身體🤣岩哂媽媽👩雞好滑，無肥膏，勁有雞味，雞肉超嫩滑😋😋蟲草花既份量都唔少，半大碗，真材實料👍🏻👍🏻⭐️藥膳農場雞醉雞養生湯⭐️$64加米線醉雞既酒味唔會蓋哂雞味，調教得剛剛好，雞都係超有水準😋心思思又叫左個小食，⭐️涼拌手撕雞⭐️$68夏日炎炎，食涼拌就最好不過👍🏻👍🏻個米線食哂，湯都飲埋，成肚水🤣🤣🤣

呢間餐廳好似係今年年頭到先開，但係午市時間入座率都百分之一百架，亦有唔少人選擇外賣自取🤨▪️ 藥膳農場雞蟲草花養生湯 💲65食過一次就上癮會不斷回頭，每隔一兩個禮拜就再食🤣幾乎次次都係點呢個，雞件無論皮定肉位都尚算嫩滑，好彩既話會有雞髀位🍗養生配料有蟲草花、杞子、紅棗、木耳，雞湯底香濃入口偏向清甜，唔會話太多油，飲左又唔會口渴😍米線亦保持到爽彈有咬口，午餐會包野飲，仲要有九折🤭🔎 整體評分（7.5/10）

亂入又比我食到好野😛喺灣仔經過呢間小店 吸引我嘅係"養生麵"呢幾個字 近年的確比較注重健康 見到呢啲term就即管入去試下啦❣️望下menu見到有各種唔同嘅湯底同配料 我哋就叫咗一人一碗麵同一個小食share🥢◾藥膳農場雞日本花菇養生湯米線◽藥膳墨魚春卷養生湯米粉◾醬香牛肋條一開頭見到有"藥膳"兩個字 都有啲驚會唔會有濃烈藥材味 好彩無🤣入面有枸杞/紅棗/黑木耳等等 香味濃郁 飲落比較清甜🍜有米粉/米線可以選擇 另外食材都唔馬虎 雞肉好滑 幸運地我哋嗰碗仲咁啱係脾位😋日本花菇大粒厚身 煮到好入味💕而墨魚春卷都係必食推介 份量多之餘 超級彈牙😍最後小食醬香牛筋條 同樣煮到入咗味 仲勁稔tim🐂整體嚟講都好唔錯 而且呢種藥膳養生湯比較少有 好有新鮮感 仲有要提一提 米線都真係幾大碗 女仔未必食得晒 男仔食完都會好飽😂

晚飯時間看到這間盈記四季養生麵館有好多款米線，又有藥膳湯底選擇，馬上吸引到我進去一試😋進去以後環境挺舒適整潔，侍應很快便帶我們上座，遞上餐牌。我和朋友叫了兩款米線和一款小吃，一碗是藥膳農場雞蟲草花養生湯米線，一碗是自家製水餃叻沙沙米線，還有一碟醬香牛肋條，再加配兩支豆漿😁牛肋條首先登場，色香味俱全，入口輕嚼幾下即化入口，牛肉味與醬汁配合得十分好，我與朋友一會兒便消滅了它😆兩碗米線亦隨後送上來，我的是藥膳農場雞蟲草花湯米線，配料極多，有龍眼肉、紅棗、杞子、木耳和蟲草花，全部都很健康亦很美味，配料的甜味加上農場雞肉的鮮甜，使湯底十分濃厚又易入口，一邊喝湯一邊吃米線，真不愧是藥膳湯底呢！雞件大塊新鮮無雪味，當中還有一隻雞腿😍朋友選擇的則是自家製水餃叻沙沙湯米線，我也淺嚐了幾口，湯底比較濃郁，小許辣，十分開胃，配料如豆卜等都很入味🤤水餃也很新鮮足料，比湯匙還要大😋此次晚餐十分滿足，皆因很少吃到這麼多配料而又美味的藥膳米線，而且堂食還有全單九折，外賣自取則有八折，下次經過會外賣一碗回家吃😌

位於灣仔軒尼詩道的盈記四季養生麵館交通方便開始係俾佢嘅藥膳湯底吸引估唔到menu上的蕃茄湯底都唔錯·7點半晚市人流唔算多午市或者再晏少少應該旺場好多·我哋點了1️⃣藥膳自家製水餃湯米粉配樽裝豆漿Um…廚房送錯咗米線俾我哋不過冇所謂啦只有一種藥膳湯底，好味但比較單一，多幾款選擇會更貼切店名自家製水餃🥟包得實的的👍🏻餡料味道鮮味👏🏻樽裝豆漿做緊半價，而且樽上感覺更衛生·2️⃣鮮茄自家製水餃湯米線配熱檸蜜呢碗鮮茄湯底ok樓下追加嗰碗就太油。。。自家製水餃評價同上👍🏻可惜米線太碎及分量太少我哋二人點三碗才叫啱啱夠飽🥱·3️⃣藥膳湯底花枝丸花枝丸味道👌🏻喜歡藥膳湯底的朋友就啱清甜過湯米湯底4️⃣鮮茄日本花菇蘿蔔湯米粉係追加食品因為唔太夠飽😂不過呢碗同樣鮮茄湯底就油咗啲兩大粒日本花菇👍🏻三件大蘿蔔，大蘿蔔夠甜可惜有根🧐·店舖衛生環境佳，枱櫈地都乾淨企理舖頭內有單格廁所🚽男女共用內裡衛生環境👌🏻地下冇水漬廁所都冇乜污漬以快餐食肆來講衛生算唔錯·二人盛惠243晚市嚟講算係抵食

今日去咗灣仔同朋友好想食碗米線，見到呢度有藥膳湯米線，好養生咁。平時食米線通常都係味精湯，今次個米線湯底真係好飲得過。我哋叫咗個藥膳農場雞養生湯米線，湯底有好濃郁嘅紅棗味，味道清甜，農場雞件大件又多肉，就連雞皮都唔會好肥有好多脂肪，肉質好嫩滑。另外朋友叫咗個鮮茄自家製水餃湯米線，蕃茄湯底非常滋味，加上紅蘿蔔、薯仔一齊煲嘅湯底份外清甜，飲落唔係好傑身嘅嗰種蕃茄湯，但係蕃茄味就好濃郁，米線軟硬度適中，水餃好足料。仲有一個小食藥膳湯墨魚春卷，都幾彈牙入味，一份有6隻。叫嘢飲仲有半價，同埋全單有九折都幾抵食。

地點非常方便，不論坐地鐵定係坐巴士都好易到，今日熱辣辣咁，就算喺地鐵行過嚟都好快就到，冷氣好在夠勁！藥膳農場雞+蟲草花養生湯米線 ($65)加咗大量蟲草花、紅棗、木耳、芫荽等配料，雞件都有好多，感覺非常豐富。呢個湯底有濃郁雞味，飲落真係同另一碗唔同味㗎藥膳自家製水餃養生湯米線 ($64)藥膳湯底真係冇得頂，一啲都唔油膩，味道非常清甜，我差唔多飲晒！水餃好飽滿，餡料非常充足，食完好飽醬香牛肋條 ($45)每件都好大條，而且醃得好入味，唔韌！

一向注重健康嘅我，前排約咗朋友去灣仔食<盈記四季養生麵館>。這家麵館今年1月才開張，地方很新淨寬敞，亦有很多座位。🍜藥膳農場雞日本花菇養生湯米線$68話明養生麵，當然要試吓佢嘅藥膳湯系列。湯底有紅棗、杞子、雲耳感覺好養生，有少許藥材味好正，飲落去好鮮甜☺️，好大件日本花菇同雞件，吸收晒湯底嘅精華，好入味👍🏻。🍲藥膳湯墨魚春卷六隻$32墨魚春卷爽口彈牙，配上藥膳湯底有另一番風味。🍜自家製水餃叻沙湯米線$78呢個叻沙有驚喜！賣相已經好吸引，食落去湯底很濃厚，除了水餃，配菜還有豆卜、烚蛋、芽菜，全部都有滿滿椰漿香味，非常好味呀！🥛原味豆漿$7.5原來惠顧湯麵，單項飲品有半價，都抵飲。埋單仲有全單九折，好抵食✌🏻！

今日同朋友行街行到攰，就咁啱見到呢間盈記四季養生麵館🤤Menu有我最鍾意食嘅藥膳湯麵，價錢又幾抵幾吸引就行咗入去食～我同朋友各自叫左碗麵加share碗小食我叫咗個藥膳農場雞日本花菇養生湯米線🐥個藥膳湯底好夠味，證明用真材實料👍🏻👍🏻湯底熬咗好耐，雞肉夠嫩滑，煲得啱啱好😋最要讚既就係個日本花菇，好有菇味又大嚿加夠Juicy💦差唔多成碗食晒連湯都飲埋🤪🤪朋友嗰碗藥膳農場雞蟲草花養生湯米粉😆個湯底同雞就唔使再講啦👍🏻依家再配埋蟲草花，個配搭簡直係絕配💯更加帶出藥材同埋雞嘅味唯一美中不足嘅係個湯多左少少油🥲咁都難怪嘅 用雞煲出嚟嘅養生湯一定會有啲雞油 介意嘅話可以撇一撇走啲油先😗小食我哋就share咗個墨魚春卷🦑正正常常 應該係用墨魚肉打出嚟嘅肉卷 不過不失啦 因為始終主角都唔係個春卷最後埋單九折咗係$157 兩個人喺灣仔食個晚飯來講算係性價比非常高👍🏻👍🏻建議大家可以嚟呢度試下養生湯～