盈記四季養生麵館

营业中

休息中

養生好簡單，食碗藥膳養生麵，都係養生之道，而且可以不分季節，四季都可以吃得到，灣仔盈記四季養生麵館就係唔錯既選擇。盈記四季養生麵館主打多款藥膳農場雞湯，特色蕃茄系列湯通粉和叻沙湯，全部都可以自由選擇米線或米粉。另外還有多款小食如古法炆蘿蔔、鮑魚汁炆花菇、紅油抄手、藥膳浸雞腳和涼伴手撕雞等。盈記佈置簡潔，環境舒適，於是坐下食碗養生麵，享受一下養生之道。首選來個藥膳農場雞日本花菇養生湯米線，藥膳湯湯底清甜，藥材出味，農場雞嫩滑，日本花菇夠厚身，米線滑溜溜。鮮茄牛肉湯通粉一樣可以轉米線，番茄湯底色澤鮮艷，濃稠得宜，滿滿天然蕃茄味道，幼滑米線亦滲透番茄鮮味。配上肉質嫩滑鮮牛肉，味道很夾。紅油炒手，餃皮做得厚薄適中，餡料充足，配上特製酸辣醬油，很惹味。古法炆蘿蔔有水準，蘿蔔炆得又腍又入味。追加凍奶茶和凍檸檬茶，冰凍可口。

一年四季都要養生，今日就到灣仔嘅盈記食碗養生米線🍜🎈盈記藥膳農場雞桃膠養生湯 $64藥膳湯不算非常濃，但都有陣陣的藥材味，清徹且唔油膩，好清甜，配料足，有杞子，雲耳，芫荽，仲要毫不吝嗇咁比海量紅棗😍😍，唔怪得個湯咁甜，桃膠都有唔少，植物界嘅燕窩呀，滋潤又養顏。有雞脾和雞胸肉，雞肉嫩滑，就算雞胸亦不嚡口，很不錯。米線軟滑可口，飲埋個藥膳湯，好飽呀。🎈藥膳墨魚春卷養生湯 $62有六條墨魚春卷，質感不是爽彈的個種，而是煙韌帶嚼勁，可以見到墨魚粒。🎈藥膳自家製水餃五隻 $36最愛湯餃，餃子仲要索哂藥膳湯，size 較細，一口一餃，肉汁加藥膳湯，感覺更鮮甜。加$7有熱飲，堂食仲有九折添😄

放工搵個地方食個快飯全日係咁落雨，食碗麵暖下身都好😁😁養生麵館，主打藥膳湯面餐廳裝修環境舒適整潔，都幾好坐餐牌亦非常簡單，有一頁係湯麵，另一頁係小食同飲品。我叫咗碗藥膳自家製水餃米線湯麵可以揀米線或者米粉米線都幾唔錯，夠滑☺️☺️個湯非常甜！都幾好飲，清甜有好多紅棗，已經去咗核，可以就咁食。仲有幾粒杞子同埋木耳，令到個湯冇咁單調。自家製餃子，好似有四粒，份量都OK但同事叫嗰個牛肋條好食好多！推薦大家必點牛肋條👍🏼👍🏼👍🏼我只係食咗一舊仔，回味無窮，牛味超香濃，好入味🔥🔥🔥👍🏼👍🏼👍🏼

呢間餐廳開業左一段時間，主打養生湯米線，早期開業時被同事發掘、推介，就一齊去試下新野，試完之後一試難忘，間唔中都會光顧下ヽ(✿ﾟ▽ﾟ)ノ除左養生湯米線之外，不能補身既人士可以選擇叻沙湯和蕃茄湯，聽聞都唔錯ε٩(๑> ₃ <)۶з現階段堂食重有9折優惠、外賣自取8折，套餐重包一杯飲品，性價比非常高👍🏻藥膳農場雞桃膠湯米線 HKD$64（未計折扣） 💛💛💛💛藥膳湯非常濃郁但算清徹，忍唔住都飲左幾口湯水，溫度經常偏低既小女子飲完成個人都暖洋洋，非常補身σ ﾟ∀ ﾟ) ﾟ∀ﾟ)σ 養生食品種類和份量都豐富，例如補血既紅棗、枸杞、桃膠等等。本身上次第一次食有黑木耳，但可能材料售罄既關係，今次轉了龍眼肉去代替(శωశ)另外，餐廳都貼心落左少少芫荽，補身既同時都可以去少少火(≧∀≦)ゞ農場雞非常清嫩，不過只有兩三件，如果份量更多會更開心、滿足(๑´ㅁ`)

今日和同事食完午餐，行經軒尼詩道，見到一間新開的米線店，主打養生藥膳米線。反正放工仲落緊雨，自己都沒有心情去街市買餸煮飯😂於是叫老公過來一齊在灣仔食完晚飯再搭車回家😎平時和同事在灣仔食米線，不外乎食南x 同x 仔，成日唔係食酸辣米線就係麻辣米線，難得有一啲另類米線嘅出現，聽個名又好似好健康，於是帶老公去嘗試一下。米線主要有三個湯底，分別係藥膳養生湯，蕃茄湯同喇沙湯底。老公選擇了藥膳農場醉雞米線而我選擇了惹味的水餃喇沙和浸雞腳。藥膳湯本身很香濃亦帶紅棗的甜味，因為叫了醉雞，個湯加了少許酒味，湯底更加清香。農場雞份量不少，雞肉軟滑😍藥膳農場醉雞米線 $64我就試自家製水餃喇沙米粉，喇沙湯非常惹味，雖然店舖主打是藥膳湯，想不到喇沙也蠻不錯。餐廳的湯底，迎合不同人士，想食清淡養生可以選藥膳，想食惹味可以選喇沙。一班人食飯，也可以滿足不同需求😎自家製水餃喇沙米粉 $78我們還叫了浸雞腳，藥膳味浸晒入雞腳，好淋，大大隻，好飽滿😂藥膳浸雞腳 $38唔使$90一位，食到飽飽，非常滿足。下星期同同事們再來!!

盈記四季養生麵館🥢 - 灣仔📌藥膳農場雞養生湯米線🍜 ⭐️⭐️⭐️⭐️超級推薦大家試呢個藥膳養生湯底😍 味道非常非常清甜, 有紅棗, 杞子, 木耳等等💛 一D都唔油膩👍🏻 原本以為係比較重藥材味, 不過原來係非常清甜滋潤🥰 如果鍾意飲湯嘅一定會忍唔住整碗飲曬🤣 最鍾意係飲完唔會口渴 證明真材實料無味精🤩 米線方面不會太淋 爽滑有咬口👍🏻 不過美中不足係農場雞不太嫩滑, 比較乾🙈 啱啱好有舊雞肉所以先食到好好食🤣 如果舊舊都係就好啦🤣📎 如果食得太油膩 不妨去試下呢個養生之選🥢😙食完有飽肚又健康👍🏻

這間餐廳設計簡約，環境寬敞，座位亦坐得舒適。我們點了藥膳自家製水餃養生湯配米粉和藥膳墨魚春卷養生湯配米線。藥膳湯底清澈而不油膩，由紅棗、桂圓、杞子、木耳等材料熬製。入口有陣藥材味，但又恰到好處，不會太濃，之後嚐到清甜。我之前都沒有在其他店舖食過這款湯底，感覺令人驚喜的。墨魚春卷有6條，外面金黃，就像是魚片，但質感較為紮實，內有彈牙的墨魚粒。餃子則有5隻，皮滑，內里是豬肉餡 ，有香草味，感覺特別。之後我們再點了一份藥膳上湯浸時令菜。今天是唐生菜，份量很多，足夠二人分享。唐生菜吸收了湯底精華，入味又飽肚。點餐時，店員還細心提醒我們6時前下單，會有優惠：送熱飲，+$3轉凍飲或者豆漿半價。於是我們分別點了凍朱古力和凍豆漿。

#fafafoodblog灣仔 #fafafoodblog粉麵🍴鮑魚汁炆花菇4 隻38 蚊🍄鮑魚汁幾香鮑魚味 , 花菇夠大隻 好入味爽口 配麵同飯都好正🍴鮮茄牛肋條米線 78 蚊🍅🐂個湯底好香 除左茄膏 仲落左好多新鮮蕃茄 米線 比較爽口 好入味 牛肋骨 幾濃牛味 煙韌有口感帶 d肥膏 🐮好食🍴藥膳農場雞桃膠生湯 64 蚊🐥🍜桃膠同雞都足料 桃膠好林同潤 湯底藥膳味清甜 有好多蓮子 雞肉都幾嫩滑 米線好爽口 同雞湯味都好 match#雞湯 #藥膳 #桃膠 #雞肉 #米線 #米粉 #蕃茄 #鮑汁 #花菇 Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#盈記四季養生麵館灣仔軒尼詩道69 號華美樓地鋪~~~~~~~~~~~~#fafafoodblog #為食花太郎 #fafafoodblog灣仔=====================🙂温馨提示🙂Fb

平日中午呢間餐廳大排長龍！ 估唔到夏天都咁多人食湯米線，一睇之下，原來係主打養生湯，唔怪之得咁受歡迎，我都想試吓！餐廳只有三款湯底，藥膳養生湯、蕃茄湯及叻沙湯。 藥膳養生農場雞+蟲草花養生湯配米線（$65）話晒要健康，當然要試吓藥膳養生湯。湯底果然有滿滿嘅材料，紅棗、草蟲花等，藥膳味香濃帶微甜。 農場雞肉脂均勻，肉質好嫩滑。 藥膳墨魚春卷養生湯米粉（$62）藥膳湯底同樣香濃，墨魚春卷夠彈牙爽口，完全無油膩感。 坐得冷氣地方多，飲啖藥膳湯都幾滋潤。鮑魚汁炆花菇4隻（$38）招牌推介嘅菜式，花菇夠厚身又爽口，而且炆得好入味！

今晚跟朋友到灣仔上堂，在附近隨意找間餐廳用餐，在OpenRice發現這間餐廳有頗多好評，而且主要是麵食，又有養生湯底作為主打，感覺不錯，就決定一試。我跟朋友各點了一碗麵食以及小食，分別有藥膳農場雞麻油養生湯，以及蟲草花養生湯；小食則選了自家製水餃以及墨魚春卷。麻油養生湯一上枱就已經散發着濃濃的麻油香味，湯底有陣陣藥材味，初初都有擔心味道會否奇怪，但試一啖感覺不錯，味道清甜、舒服，湯底有杞子、紅棗、雲耳、龍眼肉等配料，材料豐富，難怪湯底味道清甜而香濃。至於農場雞味道不錯，雞肉雖然未至於十分嫩滑，但有雞味，而且口感實淨，肉質彈牙。至於另一碗配上蟲草花的麵雖然沒有麻油湯底的香，但蟲草花爽口，分量亦多，性價比幾高的一碗麵！至於自家製水餃大小適中，水餃皮有淡淡的養生湯湯底味，而水餃餡則是菜肉雲吞，餡料幾多，而且有肉汁，不錯！而最有驚喜的反而是墨魚春卷。一來份量幾多，而且味道有點似台灣的甜不辣！墨魚春卷彈牙，裏邊有一粒粒的墨魚粒，香味十足，比起港式魚蛋更好吃！另外餐廳環境乾淨，店員服務亦不錯，會主動收拾吃完的碗筷。而我點了一樽豆漿，因為打不開瓶蓋，店員見狀亦有主動幫忙，值得一讚！另外晚上用餐還有九

‼️今日去灣仔行街，經過呢一間盈記四季養生麵館，見到佢哋個餐牌寫住主打藥膳湯底嘅米線，就同朋友入咗嚟試吓😍估唔到誤打誤撞入嚟，竟然有驚喜😋本身自己都好鍾意藥膳湯底嘅米線，可惜香港並唔係好多，今次發現咗呢一間小店，相信日後都會再嚟食🤭而且晚市堂食仲有九折‼️‼️..▫️ 【 藥膳農場醉雞養生湯米線】$64😍強烈推介😍呢一款藥先農場醉雞養生湯米線，顧名思義「醉雞」即係有酒味既～湯底好好飲，藥膳同酒調配既味道適中，酒味亦都唔會過濃，太濃嘅話就會變咗有苦澀嘅味道😎呢個湯底做得非常之好，味道調配搭得宜，而且有豐富嘅配料，包括有杞子、桂圓、芫荽、云耳、紅棗，成個湯底好清甜好養生，而且大酒香，米線亦都非常之爽口，而且雞件都唔會過鞋，非常之推介！..▫️ 【 藥膳農場雞+蟲草花養生湯米線】$65呢一款湯底比起前者少咗酒味，反而多咗清甜嘅紅棗味，咁落好舒服，而且仲有大量嘅蟲草花，絕不吝嗇😍同樣配料都好豐富!..▫️ 【 鮑魚汁炆花菇】$38$38有四隻花菇，花菇炆得非常之入味，比較甜口，花菇都算重菇味，而且偏厚身😍唔錯唔錯

灣仔又開了一間吃雞湯米的餐廳。他們的湯底味道非常濃郁，有紅棗的甜味和雞的精華，非常好喝，感覺真的很養生。環境來說，乾淨整潔，簡約設計，有消毒酒精放在門口位置，藥膳農場醉雞養生湯米線 $64湯底充滿紹興酒香味，4件雞件分別不同部位，肉質嫩而入味。配料有紅棗和木耳，很足料，米線質感偏硬，個人覺得如果腍身些少會較好吃。藥膳農場雞蟲草花養生湯米粉 $65蟲草花份量好多，佈滿整個米線碗上。湯底好夠味，米粉吸湯食落更加好味😋紅油炒手 $36$36 5隻好抵啊😃 食落似係豬肉水餃，餡料好大，上面嘅辣椒油令到水餃更加惹味。泌製汁木耳 $28木耳份量都好多，泌製汁香辣惹味，做前菜小食好開胃。

食米線真係會食上癮㗎！講真米線之所以咁吸引，好大原因係嚟自個湯底！除咗一般嘅酸辣同麻辣，仲有相對養生嘅藥膳湯底分庭抗禮，各有所好。我哋今日就嚟到位於灣仔嘅盈記四季養生麵館，呢度除咗主打嘅藥膳雞湯，仲有蕃茄湯底同叻沙湯底。藥膳上湯自家製水餃水餃嘅湯底同樣嚟自鎮店嘅藥膳上湯，湯底充滿濃香嘅藥材味，而水餃係自家製，餡料豐富，充滿口感。藥膳農場雞麻油養生湯米線湯底濃郁又夠足料，眼見有紅棗、圓肉、木耳等，味道甘甜。由於我哋加埋麻油，令湯底更帶有麻油香味，味道非常有層次。雞有4件，其中2件雞髀、1件雞胸同1件雞背脊，雖然唔太明點解每個部位一件，但雞髀確實嫩滑。鮮茄牛肋條湯通粉除咗藥膳湯底，店員亦推介鮮茄湯底，酸酸甜甜特別適合無乜胃口嘅夏天。蕃茄味濃郁，我哋特別選擇咗通粉，因為通心嘅部份會索晒啲蕃茄湯，好惹味。至於牛肋條份量超多，仲帶點牛筋，好有口感。

於灣仔區工作，一個月前約了SA放工後過去找他為我較早前預留的羊絨外套結帳。購物前當然先要填飽肚子。近年飲食熱話離不開養生食療，今晚一於可讓我見識下原來養生麵食原來是如此美味的店員親切有禮的示意座位，店內更設有獨立洗手間，乾淨衞生，單憑這一點絕對值得一讚了點了藥膳農場雞+桃膠養生湯米線($64)湯底的味道真是驚為天人, 清湯居然能造出這麼濃郁的味道，一口湯配上一口米線, 絕了，所有藥膳湯底的必須要點, 強烈推介!配了一客小食藥膳湯墨魚春卷($32)同樣是用了藥膳湯底，一客共有六件春卷，用上新鮮墨魚打成的，十分有咬口。鮮茄牛肉湯通粉($58)大大碗通粉配上濃郁蕃茄湯底，用上了新鮮手切牛肉，很有牛味的，一吃便知道，而且牛肉分量超足料，這樣的店家真的是良心店了!總結點了兩客主食，一客小食及2杯飲品才一百多元，還有九折優惠，這樣高質的食材實在是太值了

放假去了灣仔staycation 😍 在附近找晚餐的地方，連續兩晚都路過這家水餃店，作為一位水餃迷又豈能輕易錯過？一入店已聞到陣陣藥材香，是我們超愛的味道。環境簡單，座位舒服不壓迫，而且食物的選擇比較廣，粉面小食茶餐廳飲品也齊，而最想吃的，一定是最有名的藥膳菜式啦😋藥膳上湯自家製水餃連湯可喝的藥膳湯頭，味道濃香，藥材味滿滿，加了杞子紅棗，相當清甜，吾是全部喝得一滴不剩。再說水餃🥟涵實在，雖然件頭不大，但口感鮮味又沒豬肉羶，口感清新。紅油抄手辣雲吞質地扎實，紅油香多辣少，完全不用被嚇怕，不得不提餃皮入口特別幼滑。香酸醬汁是甜甜的味道，亦帶丁一點香辣，在炎夏中寧舒開胃醒神。大小適中，一口一個，不費吹灰之力已把一碟掃清光，菜肉比例佳，也不會油膩。藥膳湯墨魚春卷湯底同樣有徐徐藥材味，面層用軟糯腐皮包著，入面墨魚很爽口，質感一脆一軟，加了芫茜的湯頭更加清新，不會濃得掩過春卷味呢！自家製水餃叻沙湯米粉本身是個水餃控，看到餐牌上有大姆指推介而點的。水餃和叻沙湯同食十分滋味，辣味更突出，而所點的米粉吸收了湯底的精華，令整個粉也充滿著那刺激辣香。配料有肉碎雞蛋豆卜和芽菜，大大一碗，吃完亦不會很濟，剛剛好