百樂門宴會廳 (已結業)

是日放假,諗住去睇戲,順便去左呢度開餐雖然地方都比較偏遠,但勝在有接駁免費巴士.第一次去呢度飲茶,但都有好多人呀!而且仲有折添!!白玉千絲酥:賣相幾吸引,但我無試食,因為係用榴槤做呀煎羅白糕:唔得,一挾就散,但...味道真係幾好.鮑汁鳳爪:個汁係幾好味,但D鳳爪炆得唔夠淋.蝦餃:塊皮比較厚,味道一般,小籠飽:皮都係比較厚,但夠多湯,味道都唔錯.叉燒腸:新鮮熱辣,塊皮又薄又滑~good.灌湯餃:比較重味精,但多料,唔差.

好朋友結婚,擺酒地方選擇了Mega Box的百樂門. 今晚,兩位新人把整間百樂門包了場,總共宴開了28席.記得之前新郎哥向我說,結婚就像把金錢倒水一樣,單單百樂門的酒席,一圍需要8000多. 下......8000多,咁貴.講真,我食前四碟,只是覺得不過不失,和普通酒樓的婚宴差不多,所以當時的我還未feel到8000元一圍的價值何在. 但當第五碟-"紅燒菜膽大鮑翅"上場,真的另我大開眼界了. 立即拿相機出來拍下,我咁大個女,第一次見到,這煲"紅燒菜膽大鮑翅"真的充滿了翅,是很實在的,我每一匙都能食到大量的翅,而且味道也很適中.好好味.還有第六碟"原隻鮑魚扣玉掌". 是原隻上的. 咁大個女,真係第一次在婚宴上用刀叉食飽魚.今晚在這婚宴,真的另我大開眼界. 可以吃到啖啖翅,也可以試到用刀叉吃飽魚的感覺.多謝我的好友-軍佬新郎哥.

昨晚出席朋友的婚宴，選址MegaBox百樂門酒家。MegaBox位置略為「繞脚」，需在德福廣場乘坐shuttle bus前往。場地本身不錯，遠眺維港境，間格四正無柱位，配合各款水晶燈及燈光效果，都是適合舉行婚宴的地方。紅袍乳豬全體：唔夠熱；皮脆；肉質略肥。金銀鴛鴦龍蝦球：蝦球/炸龍蝦球鮮味唔算濃，普通。如意百合玉帶：「玉帶」(帶子)幾鮮甜，唔錯。發財瑤柱脯：瑤柱脯煮得夠腍，味道OK。紅燒菜膽大鮑翅：鮑翅份量很多，需用筷子夾起來吃，吃完一碗很像吃了一碗「米粉」！翅湯味道質地都恰到好處，唔會太杰。整體令人滿意！！鮑汁玉掌菲鮑片：普通。青蒸大東星斑：單看魚身及以肉質來說，應是養斑。肉質末算很有彈性及幼滑，魚味差一點點。不過其實已很不錯。百樂門炸子雞：皮脆有雞味，肉質算滑。富豪海皇炒飯：炒飯夠乾身，OK。高湯鮮蝦煎粉果：普通。百年好合：紅豆沙都有少少起沙，唔太甜，OK。永結同心：中式酥餅雖鬆脆，但略為甜了少許。錦繡鮮果拼盆：OK。總括來說，整晚的場地食物都令人滿意；各賓客及主人家亦玩得盡慶。最後亦借此機會祝一對新人百年好合永結同心！

今日同BF 放一日假本來想relax下，平時飲開佢地樓下御苑，貪得意試下百樂門，簡直一肚氣！！下午茶成3點幾我地先去到，門口問佢個接待仲有無得飲茶，佢話有…指我地入去…都無咩人招呼咁坐低左…d碗又污嘈…叫完點心就等啦…第一碟，xx炸蝦角，黎到成條春卷咁，唔係人地點沙律"將"個d咁，我都奇怪，之後第一條好熱，應該剛翻炸完…不過我唔中意咁多莞茜，比左bf食…我夾第2條…一試…係凍冰冰的…我覺得好怪…一碟野可以有唔同冷熱程度，好似係唔同食淨既碟執埋一碟比我地咁…(可能我想得太多=.=) 我bf即刻叫個女侍應…佢竟然話…我攞入去丁番熱全部比你地啦…我呆左…依家7仔咩…丁番熱…最後叫佢取消左碟野…之後珍珠雞無雞…仲要硬硬的…流沙包味道ok…但不足以回味…跟住…主角出場…一個類似經理既女人…係我地仲有2碟點心仲未黎之下…問我地d點心黎齊未…幫我地埋單…我bf 話d野都未黎齊…個女人面黑黑就行開左…無幾耐…佢拎住d單企係我旁邊，好似想攞比我地咁…我就話: {唔係埋單麻？我都話d野食未黎齊…} 佢好不忿氣, 大大聲、態度惡劣話:{我無埋你地單呀！" }注意係好寸

因為係街坊, 又貪mega box唔駛點等位, 間中都會去下呢度飲茶. 點心都OK既.今日係母親節前夕, 11點將黎到都預左無特價, 點知入去果時聽到reception同人講今日同平時星期六一樣係全日5折. kiki, 正我地2個人食左4碟大點, 加埋茶錢同埋次次都幾難食既前菜(今次係泡菜青瓜, 都成10蚊碟架.. 仲係唔要唔得架 ) 攞定張100蚊諗住實夠啦 (因為試過一次, 又係我地2個人, 佢地打錯單, 加左支汽水落黎, 因為又係食幾碟點心, 所以好覺眼, mama就 次次黎都提醒我計左大概個數先 ) 竟然黎到埋單HKD11X, 原來張單計左8折, 全日茶市都係5折, 照計張張單都係set左5折架啦. 點會無那那又打8折架? 個waitress解釋收銀可能記錯左, 我希望呢個收銀係O岩O岩返工,我地係佢第一張收既單, 唔係早過我地埋單果D人就無程程俾多左錢啦. 我地差D都收貴左成30蚊呀.. 無既... 佢地話搞錯左. 唔好意思.. 咁大間酒樓咁多人埋單人有錯手都唔出奇.. 不過, 都係果句, 記住check單囉.

星期二去o左一個fan o既婚宴,老實講,地方唔太大,但勝在冇柱左住睇野,環境唔錯,最得意係門口有架車比對新人坐入會埸,幾過癮.d野食分量唔多,而且上菜速度好慢.味道麻麻,d小二經常黑面,真係離譜,人地開心緊,見到佢地即刻火都來埋,可必呢.!

早上和太后出巡看電影(竟然係去睇占基利!驚未？)一點半看完後,想起舊年來過這裡飲宴印象中好似OK......去到門口唔駛等位,直入!環境真係好迫,背貼背果隻!尤幸服務尚算不俗.五人點了很多點心,因為無食早餐而家當食中式Brunch!蝦餃、燒賣、山竹牛肉、鳳爪、义燒包、义燒腸、煎蘿蔔糕、咸水角、雜菌春卷、煎糯米雞、煎薄餅、豉油王炒麵加一隻芝麻雞.點心味道真係無一樣特出!特別差的是:豉油王炒麵----零鑊氣!用的是蛋麵而不是炒麵餅,吃起來感覺似撈麵多Ｄ!煎糯米雞----煎一面唔煎一面!一面金黄一面索晒油!較為好的是芝麻雞----皮脆肉滑!雞肉生熟程度處理得很好,見得吓人！現在是下午五時剛寫完這篇食評,之前已飲了三支冰凍烏龍茶而家仲好口乾！我都算對味精不抗拒,估唔到呢次...........

有網友介紹在百樂門飲茶很抵,所以襯著昨日周末不用上班, 來了這裡飲茶. 早上十時多, 客人比想像中少, 一入去已經有空枱, 不用等位!我們挑了這些點心:蝦餃皇: 很大隻, 皮夠薄, ok!鮑汁义燒飽: 吃不出鮑汁味, 义燒也很肥, 不少肥肉粒, 不太喜歡.招牌流沙飽: 很"流沙", 但奶黃味一般.瑤柱菜苗餃: 也吃不出瑤柱, 菜苗好像是莧菜, ok.陳皮牛肉球: 牛肉混雜了馬蹄粒, 不是肥肉粒, 感覺冇咁肥, ok.金蒜蒸鮮魷: 怕膽固醇高沒有吃!金菇滑牛腸: 腸粉不算滑, 一般.瑤柱蒸蘿蔔糕: 蘿蔔切得太幼, 沒甚麼腊味, 只是一團粉, 不合格!四寶滑雞扎: 沒有魚肚的雞扎.食物水準只是一般, 但只是半價埋單, 也不能說不抵吃.

這篇是補回上周末的食評。花上整個上午與家人掃墓，午飯時段前來Mega Box內的百樂門，內裡人山人海得很，儘管股市下跌也不影響食客的胃口。家人喜歡到這裡飲茶我也只有跟隨。很快便有檯子給我們，但還是欠了兩張椅子，等了約五分鐘，侍應才拉來兩張椅子給我們坐。可想而之是何等的多人啊！坐下便立即填選食物，以下是我們所點的點心:酥皮鮮奶撻：酥皮脆口，鮮奶味淡潮式粉果：油膩的外層，裡面包著香菜、花生碎、馬蹄、 香菇、豬肉,內餡豐富實在。安蝦咸水角：外層皮脆，蝦亦爽口但略欠鮮味紅豆椰汁糕：甜度適中，椰汁配紅豆一向味道都很夾沙律海鮮卷：內裡的沙律醬頗多，夾著海鮮食材，但食材略欠鮮味鮮奶燉椰皇：最愛吃這個，椰皇味濃，與鮮奶燉出來的效果很滑溜豉蒜蒸排骨：豉蒜味香，排骨肉滑鳳凰千層糕：千層糕軟熟，甜度亦適中百樂蝦餃皇：外層晶瑩惕透，一口下去就直接咬到大蝦仁 ,一點豬肉也沒有的鹵豬手：鹵得入味爽口，可借骨多肉少，豬手本來就是這樣嘛素麵：炸過的素麵是硬身的，內裡有些素菜常見的茹類及雲耳。一向不愛吃素，因此不願評論好吃與否吃得飽飽也只不過平均每人五十塊錢

聽人說Megabox的百樂門星期六日早上半價,於是走去看個究竟...紅柚抄手 - 點心紙上的"十大名點"之一; 一碟四粒,醬汁太少了,只屬一般.釀茄子 - 不錯,新鮮製造熱辣辣,那舊魚膠幾厚.酥皮鮮奶撻 - "十大名點"之一; 重奶味,個酥皮都OK;不過酥皮太薄,如果做大隻點會更好.蝦餃 - 幾好,皮都夠薄,蝦大大隻.叉燒腸 - 一般,太多油了...鹹水角 - 上檯時以為這碟鹹水角已經擺了一段時間,但放進嘴裡才發覺是熱辣辣的,不錯.甜品蛋散 - 又脆又鬆化,好!粒粒黃金糕 - 又是"十大名點"之一. 上檯時從側邊看一絲絲的,以為是白糖糕的東西,但咬落卻比白糖糕煙韌; 而糕本身並沒有味,甜味主要是來自中間的蜜糖,上層則是花生粒. 這個黃金糕又的確幾特別.以飲茶來說這一餐都不錯,加上有半價十分抵. 很想試試百樂門的晚飯,不過看到門口的日曆,星期六日晚上大多被人包場,有機會平日再去吧.

星期六全日點心半價,好抵食! (平日就2pm後先半價)1點半到達,等左20分鐘就有位.環境都叫ok啦!叫左:蛋白蛋撻:好得流沙包:好得叉腸雞球大包:好難得有此懷舊食物,幾好味亦唔貴珍珠雞蒸蘿白糕菜苗餃生滾海皇粥:非常足料,有蝦,有帶子,仲有鮑魚!!!賣單$150 (三人)

周日下午一時多才到MEGABOX,搵個位食飯都唔係咁易估唔到係百樂門一拎飛就有位,入面本身其實係爆晒棚既員工都好忙咁去上點心,執檯收點心籠,忙到唔停手拎起點心紙畫兩畫就交比侍應,之後開始等野食唔駛好耐就黎左蛋撻仔同埋咸肉粽,前者幾暖質素不錯,後者只屬一般不過當老婆發現內裡無咸蛋時,就一野推過黎叫我攪掂佢,都係唯有食埋佢,味道又唔係咁差者叉燒腸粉,蝦餃,叉燒飽同棉花雞,水準OK,唔太突出蝦肉燒賣好足料,內裡有蝦,燒賣上高亦有蝦,不錯不錯兩個人埋單接近二百,算OK喇

又到禮拜三既day off...當然又係去搵野食九龍灣既茶樓試左好多間, 百樂門未試過, 又有半價, 所以就決定去呢度一到十四樓就見到佢0個架用paramount 做車牌既車...好靚啊! 入到去個場好大, 又無柱, 媽媽佢地就不停研究呢個場擺酒有几好?!下午茶只有點心先係半價, 其他就算0係點心紙上, 但係側邊係寫價錢(如: $38, $48) 0個d 就無折點心選擇唔多, 四個人都係叫左八碟野only...鵝肝卷唔錯, 雙菇蒸腐皮值得推薦但係其他野都好一般, 賣相&味道都唔係特別好食左八碟野(全部都係半價點心)都要$170...唔算貴, 不過九龍灣工業區下午茶有其他更好選擇齊頭$170, 仲要特登找散子比你, 等你比tips...btw...人地酒樓一般係送花生, 佢呢度係拍青瓜+海蜇...不過我估d 海蜇係唔覺意痴到既, 因為得好少...哈哈但係都夠surprise, 味道亦好好...

早茶, 下午茶都半價, 本著可以一試的心態, 不過2點入座, 1.45派籌, 以為很多人啦! 點知, 其實不是那麼多人的! 等到2點, 已經肚子很餓喇, 所以叫了很多點心, 怎知他很快的上菜, 不錯!- 餃子拼盤, 很素, 不太愛肉的一定會喜歡! - 小籠包, 略嫌皮厚了一點- 鮮奶撻, 一碟4個, 很"的色"- 鵝肝卷, 很香口!- 皮蛋瘦肉粥, 很滑, 很綿! 我喜歡!- 魚雲, 湯很好喝!- 壽包, 很圓潤的壽包, 很得意!下面的朋友都說那裡的服務很差, 其實我覺得他們都挺好, 服務周到! 女士應把我們要帶走的東西跌在地上, 很不好意思的跟我們提議再蒸一個給我, 我們免得要等, 她就提議送我們一個果盤, ok la!唯一碗碟清潔方面有問題, 那麼裝修華麗的茶樓, 不應該這樣的!

星期一約左阿爸阿媽去飲茶, 12:00去到, 冇咩人,所以落單後,D野好快到. 差不多1點就多番D附近寫字樓的人來食lunch.3個人食左以下既野,好味好飽鳳爪, 流沙包, 花枝餅, 咸水角, 燒腩仔, 潮式炒河埋單170幾蚊~