百樂門宴會廳 (已結業)

同姨媽姑姐飲茶都叫左幾多野小籠包, 薄撐, 蝦餃, 燒賣,狗不理, 魚翅餃, 潮州粉果, 椰汁奶王包, 燕窩蛋撻仔, 蘿蔔酥等.........都係一般點心比較特別係佢有一張menu上面係叫d平時少見d既例如狗不理, 同埋仲有幾樣包點(唔記得左, 不過見到個時都想叫, 又驚食唔哂) 我最鍾意食既小籠包都做得唔錯=)不過表弟話同上海個d比, 都有段距離wor!d點心賣相好!同埋有海景, 個feel唔錯可惜waiter 冇平時酒樓阿姐咁熱情價錢方面, 雖然已經星期六下午茶半價左但都唔係平7個人食左成600蚊

今日去男友親戚既喜宴..佈置得幾靚,天花既大水晶燈好靚..枱布都幾靚..食物方面都不錯..但侍應的服務態度就略有參次..我見有d侍應滿面笑容..但負責我地枱果位侍應就成場苦瓜乾咁..

千祈唔好去百樂門.. 我星期日飲茶..見到全場好似得10個員工.. 隔離檯要個匙都叫到發脾氣..我地問個部長野..佢都好悔氣咁答.. 嘩..乜佢地唔係集團黎架咩?! 點解d態度咁差架?! 本身我bf一見到個場都好鍾意..因為個場夠四正..但一見到d員工咁...就話"唔洗錢要我擺酒..我都唔擺呢度" 飲完呢餐茶真係飲到我一肚氣!!!!

今日去megabox 行，行行下好想食龍蝦，於是就想搵間有龍蝦食０既中菜食晚飯，後來行經百樂門見佢大大隻字寫住“生猛龍蝦$8.8一両", 當然相當吸引，我地亦已在門外問左有龍蝦供應先入去，點知入到去，坐低叫龍蝦時卻話冇貨，但如叫每份＄４２８既龍蝦套餐就有貨。有冇搞錯！真係火都泥埋，簡直係超無夸，人地一心諗住去食龍蝦家麻，但我地已叫左一枝啤酒，又開左茶，於是就叫個部長泥，話我地係問左有龍蝦先入泥，如冇龍蝦咁我地就唔食啦，咁個部長就話只叫啤酒錢，結果埋單３１蚊。唉，真係冇第次，話過唔會再入呢間野，今時今日仲用Ｄ咁０既方式作招來，當我地openrice D 會員係水魚咩？！！

2:00下午茶,全部點心半價.3個人食左6個點心,加茶,芥每人$43.食物算唔錯.如果原價我就唔食啦~太貴~唔知點解張地毯唔係one piece.好多位絆左我幾次,差d仆低......

今次再幫陳，只叫了一些小菜，上菜速度都好快，叫了半隻鵝，不過上枱時都唔熱，所以d肉較實．其它餸就幾好味，都唔會太油．果晚有歌手表演唱歌，唱得都幾好聽，不過如果想傾計就會覺得較嘈，要好大聲講先得．而家酒樓有八折優惠，如果食滿$500重有月餅送添，都幾抵食呀！

28日晚上同屋企人逛Mega Box, 亞爸亞媽唔鍾意食西餐於是只好找酒樓, 不知不覺就上到呢層, 雖然是星期六可能時間尚早, 所以都不用等位就可入內...在門口已聽到美妙歌聲, 有個女的在台上唱<月亮代表我的心> 溫婉歌聲, 動聽...我亞媽好喜歡, 還歡迎點唱真是好有當年餐廳酒廊的感覺, 不過後來的男歌手唱的全是英文歌, 可能爸媽都不懂佢講乜同唱乜, 令人沒共鳴, 之後便全情吃..吃..食物水準一般, 不過隻肥雞好好味好黃油, 地方環境裝潢高級, 服務幾好, 若再有多些懷舊歌就更Perfect 因老人家喜歡啊! 希望酒樓會有所改善la.....

又龍蝦又石班又燉湯....跟住6款小菜...都係2300.- 算低食.龍蝦成三斤半架, 芝士焗伊面底都幾好.不過, 有人唱life就麻麻地啦, 成餐飯嘈到傾唔到計.

今日星期五約左friend 飲茶,3:30飲到4:30....先講好既:-有維港景, 真係幾靚-叫左10碟野都只係$158, 好平!!!衰既:-點心選擇少-可能要交場做擺酒, 竟然一路食野, d清潔工一路係則邊吸塵!!!!-d 野食完非常非常頸渴!!!!!!!!

今晚同屋企人一齊食飯。好開心呀...因為未去過一間有live band唱歌的酒樓，好特別，可能我鐘意英文同國語歌，覺得好好呀(可能有人會覺得嘈左o的)。o個度環境好，服務好，食物都唔錯。其實價錢都唔貴，而且宜家有八折優惠，3個人都只係$400(飲左3枝青島)。未見過爸爸咁開心，下次一定再去。

由於新開張所以飲茶有8折直至6月底．琴日大約十一點九去到，都唔駛等位．四個人叫咗１１個點心，燒腩仔$38，鮑汁雞腳$38，鮑魚燒賣王，燕窩蛋撻仔，椰汁奶王包，雜茹卷，合桃餅，炸長，咸水角，咖哩由魚.....等．個鮑汁雞腳無嘜鮑魚汁味，個燕窩蛋撻仔d蛋汁比較甜，其它點心都唔差，種類選擇都多，個奶王包好好味，個心軟淋淋識流出來一樣．如果而家有８折就更加抵試．無咗個舞池，地方好似大咗好多．

用恒生信咭結賬食晚飯有五折優惠，餐牌內的所有食品都有半價，除了茶價、泡菜、餐飲、加一服務費、外賣、套餐、定價、特價菜式、私人派對、宴會酒席及客房餐膳。叫了半隻鹽酒雞$110，一個海參鴨腳$128，一個金湯蟹黃翅$138，一個白飯$8，兩個茶位$20．隻鹽酒雞係個待應推介，都幾滑幾有酒味，見到佢門口個Banner寫住要預定，都幾巴閉．個翅都算多翅，不過個汁煮得杰咗d，個海參鴨腳如果要正價食，就唔係太抵食，只得四隻鴨腳，二棵小棠菜開邊，幾舊海參，總括來講，味道都唔係太差，如果唔食飯只係空口食餸就會比較鹽咗少少．原來每晚七時就會有舞池供食客跳舞，最底消費$250，如果鍾意跳舞，個舞池環境真係好好．

看到MegeBox這樣大型的公司開幕，當然要走去看看啦；雖然已經想到會有好多人去，但真係比想象還要更多人；行了一段時間後，便想找一間食店坐坐，但真係人山人海，找了很久也沒有位，最後決定去樓上的酒家看看；去到時，本以為要等位，但原來還有很多位；心想是價錢比較貴、還是食物一般呢？我們叫了兩個點心、田園金瓜餃和千絲蘿蔔酥，另叫了一碟星州炒米。田園金瓜餃- 看外型都幾吸引，但食落才知外皮太厚，內餡的南瓜又唔夠香味，南瓜好像沒有什麼味道，食落變得好像九菜餃的感覺。千絲蘿蔔酥- 外面炸得好脆，金黃色很吸引；肉餡看到一條條蘿蔔絲，心想應該幾好食掛；但食落蘿蔔絲沒有好香的蘿蔔味，感覺還有點粉粉，又令我們失望多一次。星州炒米- 米粉食得出是靚米粉，咖喱粉也不會落得太過多，味道唔會太辣；蝦肉雖然是雪藏過，但還算新鮮，算係今餐比較好的了。環境幾好，但價錢都真係算幾貴，叫了這樣少東西，已經要$164，而且食物唔算出色；好在叫做有位，不用等位吧了。

雖然MegaBox還未正式開張，一些店舖和食店已經開始營業，六月五日十一時多到了九龍灣百樂門星級宴會廳，環境一流，裝修美輪美奐，氣勢高級，還有一個大舞池，從外觀上絶對稱得上「星級宴會廳」。價錢以中高級食市來說彼合理。吃過幾碟點心後．．．應該還有很大的進步空間，短期內我也不會來吃點心，還是到隣近的「鍾菜」飲茶較好吧。