百樂門宴會廳 (已結業)

又來分享我的小兒科食評了, 平日就算我不煮飯, 也只會跑到家樓下吃飯便算, 真的很少會跑到外面吃飯(要坐車出去那種), 平日外出吃飯其實都挺多優惠的, 會比假日價錢平之外, 可能會有小菜送贈, 而今天介紹的就是為於Mega Box ~ 百樂門宴會廳!平日很多食店人流會比假日少, 所以這天我們3個人坐得很鬆動, 人又少, 跟假日嘈吵的人聲, 寧靜多!不過這次我忘記了記下菜名呀, 因而只能看圖說給大家知這道菜的味道分享, 這道菜的名字我記挺特別的, 菜來後, 才發現樣子很精美, 味道也挺清新及不油膩的, 橙色的不要以為是蛋黃, 其實是紅蘿蔔及南瓜茸所煮的醬汁, 而下層是豆腐, 很滑的, 2種食物混合來吃真很好味!而下面我想看圖也會猜到菜名是什麼吧, 這道菜雖然普通, 但用來配飯實在一流, 因真的很入味, 而且很有鑊氣, 不過單獨吃, 可能會覺得帶點點鹹!而這道也是配飯的不二之選, 味道也屬濃郁, 味道也算ok 的, 不過就沒上面的好吃及這個會油一點!而下面這條多寶魚, 是平日吃晚飯酒樓多送的, 我還以為送的會很細條, 菜來到也挺大條的, 而且味道很好, 不會因為是送而不好吃!整體這頓晚餐所

知道今日係媽媽節, 一定好多人, 所以已經特登早d 黎嫁啦。點知十點幾已經好多人嚮到等位啦。><好彩等左十幾分鍾已經有位啦。今日媽媽節, 一坐低, 酒樓已經推介紅燒蟹肉翅+乳鴨套餐$118。見媽媽有興趣就叫左一份, 早餐食翅都係第1次。碗翅雖然細左d, 但幾好味哦, 好足料哦! 隻乳鴨就普通啦, 炸到好油呀!都係點心岩我食d 1) 雪山x燒包, 類似x燒餐包, 但面就係菠蘿包面, 我覺得都係傳統既x燒包最好食。2) 生煎包, 個樣睇落好好睇, 但食落又唔熱又硬, 差!3) 牛腸, ok, 滑既。4) 沙律明蝦角, 宜家唔係到到酒樓都有, gd!5) 蠔汁鮮竹卷, 好似咸左d。6) 鳳爪, 超油7) 上湯菜肉雲吞, $18有6粒, 唔貴, 但d 雲吞好厚皮。今日係媽媽節, 所以無特價, 最後5人食左$398, 比預期平。

諗住高高興興食個開年LUNCH,然後在吉時開工,。準時12點到酒樓拿位。過時過節,酒樓D侍應就實係踢哂腳,亦都預咗。但呢間百樂門,招呼我哋個女侍應就兇神惡殺,話點心做唔切,迫我哋食賀年套餐,仲只得四個選擇,$1,688,及$1,888都係8至10位,我問點解定枱時冇講,頭先拿位時又唔講,佢都係話做唔切,最多落咗套餐後比張點心紙我哋再慢慢揀。我哋7個人,就焗住選咗個五百幾銀嘅套餐,點知佢又話比錯咗昨晚張套餐單,然後在衫袋再拿另外一張紙出來,係點心套餐紙,佢又叫我哋食呢個點心套餐,四百幾蚊都話抵食。我哋覺得佢唔對路,揾第二個侍應問,第二個侍應就比晒D點心紙我哋揀。下次出外食反,都係揀咗間食肆先。

九月和十月，飲宴的機會特別多，這次是其中之一。婚宴菜色，都是大同少異，略略的說一下便算了。乳豬是皮脆，肉不韌，吃時仍是暖，我覺得近年去飲宴時吃的乳豬，是進步了的；雙蚌則尚算爽脆，亦不會有腥味，都可以；碧玉環瑤柱圃，稍嫌芡汁太厚；剛炸起的蟹拑，熱辣辣脆卜卜，點都唔會太難食。反吃魚翅之聲愈來愈烈，但在飲宴時有翅吃，也屬平常。人情沒有做七折，不過我就真的沒有喝這煲雞絲翅了。要擺酒的各位，不如試試轉個燉湯，相信賓客是不會介意的。到了鮑片，是完全沒有味道的，反而冬菇更為不錯；今次既青斑，兩斤重有多，魚肉尚不會太韌，始終要蒸咁大條魚，確有一定難度；脆皮雞，真的做到皮脆肉嫩，只可惜調味下得太兇，過咸。接近尾聲，瑤柱蛋白炒飯比麵條好，因為夠乾身，亦帶點薑味；那個美點雙輝，菠蘿酥夠甜亦鬆化，我吃了幾件。食物雖不算出色，婚宴安排卻十分不錯，可見一對新人以及其兄弟姊妹花了不少心思去籌備。很好！

星期日同3點幾同屋企人黎飲下午茶。真係一萬個多人! Counter果度堆滿哂人，佢又冇顯示屏/咪去call枱，唔打醒十二分精神都真係唔知嗌到你number 未。入到餐廳，個個職員都好忙碌。真係好旺埸，但我覺得如果旺到我地要企係到成十分鐘都冇人幫我地執一執張枱好似有點過份。嗌野食，好采啲野食好快到，如果唔係真係餓死小妹都似。啲野食味道好極端，一係超級好味，一係超級難食。最鍾意係個魚頭煲同埋蘿蔔糕。魚頭煲始終好似唔係好多地方有得食兼整得好整。呢度個湯底味好濃，好好飲。蘿蔔糕我鍾意佢真係有一條條蘿蔔絲係入面，又有啲蝦米，好香。今次對小籠包、腸粉等有「粉」嘅食物比較失望。我地已經係上菜後即刻開始食，但係都好乾爭爭，食落好似食緊一大啖粉，好唔鍾意。環境方面都算係幾乾淨，只係非常之嘈，同埋啲員工成日隔住幾張枱嗌黎嗌去吹水....同埋今日多人到連平時人地結婚用果啲舞台都開埋位.....我全餐飯都係度諗，如果真係坐係果d位都食應該都幾無奈=v=

下午同朋友們來醫肚 見這樣價錢都算平(在megabox)就一試下 而且這地方專門負責婚宴 用下午茶價錢可以嘆高級裝修 感覺可化算一點不過當日場面夠忙碌 很多食客 相當旺場好多客人同職員 部長 傳菜阿姐在我地眼前來走去 其實一點都不高雅我們要先坐著未執好的台 等一會才有人幫忙細心看看 這地方其實特別在樓底高 其餘白色裝地方實在沒特別 前菜有花生之類 少少搵笨.......看看餐牌 原來都有特價點心就點了這幾款心 加d大路點心味道都可以 起碼唔難食啦最特別 有位阿姐過來sell燒味骨仲話計平畀我地 咁我地都要左 不過凍凍地 其實不太好食.....下面所有文說 職員態度好差我當時還未遇到 在進食野時都無大問題但到我去洗手間 朋友原來出了去收銀台付錢更不知何故跟收銀的女經理/部長吵架起來 雖不知誰是誰非(我不偏幫朋友)但位經理/部長居然可以同客嘈 態度欠佳唔理後面的人排長隊 百樂門負責人都要檢討一下

上星期一家人去飲茶開茶開錯要菊普只係開左普莉同STAFF講少左個菊花佢同我講: 得啦過左好耐都冇....我D DIM SUM都已經來左仲有...係TICK 點心時冇筆佢叫我CHECK下個MENU有冇當時我已經打開了ＭＥＮＵ我再同佢講已經ＣＨＥＣＫ不過佢先死死氣去拿

今日係我嫲嫲生日，家姐佢地一早就BOOK咗呢間。首先，去到等咗一陣，就話有檯可以入去，點知入到去無人理我地，跟住我搵咗個侍應嚟問，佢完全唔知發生咩事，搞咗一大輪先知張大檯未有住，叫我地坐住張細檯先(因為我地有十九人，要一大一細檯)但係我又無吹佢要檯，佢咁心急叫我地入去做咩啫?唔可以有檯先叫人入去架咩?跟住終於張大檯有喇，但係見到家姐發哂火咁，一問原來佢地轉咗菜單都唔通知我地，問個D唔知經理定侍應嘅啊姐，佢地又好無禮貌，又話電話有講，但係BOOK檯時並無講。到到我地差唔多食完嘅時候(其實只係大慨十點)，有好多檯客已經走咗，淨低三四檯客，佢地已經不斷執定D野，D檯嘅板一層疊一層，STAND BY定聽日用，D碗碗碟碟搞到好吵耳，跟住仲要我嫲嫲坐過D，因為佢地要移番D板，間番D房，好似好趕住收工咁，但當時不過係十點咋喎!!!!推過時又唔出聲，同果D啊姐講，佢仲要話"乜有人咩?"我嫲嫲只係坐係D板隔離，我細佬都係喺隔離，一個係老人家，一個係小朋友，萬一整親佢地咁點算好呢?之後仲要熄埋燈，好似想趕我地走咁，仲有喺客人面前係咪應該做呢D咁嘅野呢?可能有D人得，但係我真係接受唔到囉!!我喺嚟消費，唔係

六月十九日父親節前夕，原來當天御苑皇宴已靜悄悄加價，由原來的五折改為七五折，百樂門還是五折，便再上一層樓，到Megabox 十四樓的百樂門宴會廳試試。 檯與檯的距離狹窄得很，一結賬便讓新客進場，造成“舊客走得不舒服，新客在旁邊等得不自在”的埸面，失敗！且看這裡的食物如何：蝦餃皇（$28.8÷2）：皮煙靭，每粒蝦餃有兩尾蝦，蝦肉又爽，不錯！鮮蝦燒賣皇（$28.8÷2）：賣相好但味道一般京滬小籠包（$23.8÷2）：皮薄卻能鎖死肉汁，不錯！鮮奶燉椰皇（$28.8÷2）：有椰青香味又滑得很蒜茸蝦長春卷（$23.8÷2）：也算不錯，但無驚喜貴妃浸魚雲（$28.8÷2）：用川芎、白芷、杞子和雞腳浸魚雲，藥材味很香，雞腳很“淋”，還有夠水準的魚雲，超值！花枝脆油條（$23.8÷2）：好油膩，千萬不要嘗試！雪山叉燒飽（$28.8÷2）：很不錯，叉燒餡濕潤得好像流沙包，Shirley認為比添好運的還好呢！百樂門的食物質素確也不錯，可惜管理方面卻追不上現今的需求，隨座位安排外，未滿二百元不可用信用咭付款，索取賬單又要自己到收銀處拿…白白浪費了原來由食物賺回來的分數

The megabox has become so popular now. It has been difficult to get a lunch table during the weekend or public holiday. The queue here was not too long; we were given a table quickly and therefore gave it a try. The table no. we were given was already occupied/given to another person. It was embarrassing that the receptionist would have to re-arrange again. The dim sum menu was not so special - we just ordered the normal stuff including fried fat noodle, chicken congee, hai gao-shirmp duplings,

今次係第一次入megabox飲茶,果度有好多食店揀,最後來咗呢度。佢果D食物都唔錯,不過服務麻麻!叉燒腸粉:粉夠薄,餡幾正!但係賣相差!生煎包:鬆軟,味道不錯!燒賣:味道不錯,但係賣相差D!蘿蔔糕:火候夠,煎得好香!炸雲吞蝦幾新鮮!整體食物不過不失,不過其中一名侍應生及一名經理的態度欠佳, 侍應生更粗聲粗氣,希望佢能夠檢討啦!

星期一約了朋友在megabox聚餐，因為有免費泊車。我們在13樓走了一圈，最後選了14樓的百樂門。當晚有半場是被人擉公司聚餐，有時會較嘈。我們3個人，他們會送一條蒸石班，我們就想點2-3個菜就ok了。部長過來後，我們想食燒鵝，但沽清，那時才8點多一些，最後選了她介紹的龍蝦球煲伊面底，我們再點了一個青瓜海節及魚香玉掌煲。我們說夠了，但她的態度就好像我們點得不夠多一樣，要我們再點青菜，我們說不用了，但她還再三追問，令人不快，好像我們來是貪小便宜找飯吃的。龍蝦煲的龍蝦是雪冰鮮的吧，彈牙但沒有龍蝦味，伊面不夠香。青瓜海節ok。魚香玉掌煲太咸。條蒸石班不大，但ok。我們再叫了2個白飯成為270蚊。我不覺得是吃了人家便宜吧﹗不會再去。

最近開始懶了，累積了一大堆食評也不想打幸好這天公司要忙的都忙完了~這個時間又可以給我用來打打食評!參加了一年一度的萬程珠寶供金活動最後來個聚會食餐飯，選擇了在百樂門宴會廳 進行，其實好像上年也是在此，在場面興奮氣氛下，很多媽媽級既女人都在跳舞~等等等，差不多9點才上菜!~還請了方伊琪做嘉賓唱歌，當然我沒有什麼的驚訝~又不是我的偶像出場。打起頭盤的是鴻運乳豬全體，整體上都可以，不過炸起的皮有點肥。接著的是上湯焗龍蝦球(伊麵底) 是不是龍蝦球就不知道但食得出是新鮮的蝦~伊麵入味，一路聽著歌，接著就是金沙海皇卷，這個我就最喜歡，炸得很香口點一點沙律，裡面有幾粒蝦肉!好味~醫皇碧綠蝦仁(由於沒有照相，不記得了)紅燒竹笙蟹翅，比出面的碗仔翅好一點點吧~鮑汁花茹扣玉掌，可惜只是有鮑汁沒有鮑魚玉掌的是鵝掌~只吃了少許生菜!當然不少得有清蒸大海斑，魚的肉質比較~不夠鮮甜!百樂脆皮雞，真的夠脆~皇府御膳炒飯沒有吃~選擇了吃高湯生麵，只可以說真的很大吃到個喉好唔舒服!!!最後的糖水是鮮百合蓮子紅豆沙&果盤~這個聚會又到尾聲了。可惜的是沒有抽中的獎品

琴晚 bk 台黎食晚飯, 比預期多人。原來宜家只要叫小菜一碟, 就會有魚送, 仲要係石斑~我們3 個人叫左3 個菜。d小菜比預期大碟。1) 龍蝦粉絲煲($98), 龍蝦估計係冰鮮既, 但好爽,粉絲好入味!2)啫啫通菜煲($48), 好香,好濃味, 好多蝦米, 正!3) 唔記得個菜名, 是個蟹肉豆腐, 用一個籠上, 個樣已經吸引, 用黎送飯最正。4) 蒸石斑, 送既, 但唔細條嫁, 應該有一斤多, 肉質好滑。最後仲叫埋特價甜品, 椰皇燉蛋白($18), 好香既椰香味, 蛋白好滑, $18 的確好抵。呢到$10 茶錢, $10白飯, +1最後埋單$339~~

星期日落左3號波, 我地一家人就bk位去飲茶!好彩有bk 定位, 12點半到, 好多人等緊位! 比預期中多人!星期日全單8折, 難怪咁多人飲既! 同埋我好鍾意個到d 裝修, 嚮個到擺酒就正啦!呢到d 點心都好多選擇, 我地5個人點左好多點心, (素翅餃, 皇帝餃, 腸粉, x燒飽, 雞飽仔, 煎蝦餅, 鮑汁鮮竹卷, 煎蘿白糕, x燒飯, 椰汁芒果糕,..)其實全部點心都幾好食, 感覺應該係即叫即蒸, 全部上台都熱騰騰既, 比起我樓下個間酒樓新鮮得多。我最鍾意食係碟腸粉, 好滑, 好足料, 雞飽仔我至愛一樣咁好食! 但個皇帝餃睇圖個陣就幾特別, 但上到台好似一舊未熟既粉團, 個樣好唔吸引, 但食落又ok哦, 入面好多菜, 感覺好健康, 一d 都唔油。最差係個蘿白糕, 煎得唔夠香口, 又無料, 阿媽整既仲好食!雖然話係8折, 但埋單都三百幾蚊, 好似貴左d !!不過阿爸揸車去, 勝在交通方便。