百味閣餐廳

营业中

休息中

喺浸會醫院探完初生bb， 最就近嘅地方就係建新中心， 入面多數喺補習社，有幾間餐廳， 當中百味閣最有懷舊feel, 喜歡哪彩色玻璃及在天花板掛着氣球。一進來就發現食客同侍應好融洽，似是認識多年的老顧客。 餐簿好大本有中式有西式， 令人眼花繚亂， 侍應另外會介紹的即日鮮。老公單叫了烤美國肉眼扒配意粉， 我就叫咗羅宋湯，再加忌廉蘑菇汁烤魚柳配薯菜，魚係即日鮮， 侍應 介紹餐簿上沒有。蒜蓉包羅宋湯先上， 包薄脆可口，湯帶點酸， 很合我口味。烤美國肉眼扒配意粉， 由於係單點，價錢相對比較貴， 但牛扒份量大，夠飽肚。烤魚柳配薯菜魚， 魚係完條起骨上，雖然烤焗過，但仲好有魚味，薯蓉有香濃牛油味。待應收碟時有問需唔需要加甜品，但由於本身諗住去太子食芋圓， 所以就冇加到。在這用餐，感受到濃濃的人情味，好relax.

再黎到百味閣食飯，係因為嗰種時代感，當然食物既質素都好重要。本menu 真係厚到呢，選擇困難症嘅人絕對揀唔到野，最後得到好人既待應叔叔幫助，所以成功食到飯。芝士焗蟹肉盅 $105超好食，芝士味唔太濃，但剛剛好將白醬同蟹肉粘住，蟹肉份量足，唔會散哂，性價比高，配多士食，超級吸引。蒜容扒大蝦 $90大蝦新鮮，開邊處理，蝦肉彈牙。芒菓醬椰絲焗嫩雞 $85叔叔推介話雞肉會好嫩，芒菓醬令雞肉又酸又甜，味道特別，雞肉一啲都唔乾，好易撕開。

百味閣位處浸會大學旁的建新中心內，午膳時段有不少大學生前來品嚐美食。甫進入餐廳已被店內的懷舊佈置所吸引，感覺真的有如父母年代的西餐廳。百味閣食物的水準高，我最愛的一定是餐廳的洋蔥雞扒飯午餐。洋蔥汁香濃惹味，洋蔥香甜軟稔，雞扒煎得香脆，充滿肉汁，配上白飯，味道剛剛好。

年近歲晚,好多公司都趕過年前出哂d單,我公司都唔例外,今晚我黎"百味閣餐廳",依度d裝修好懷舊,好有花樣年華feel,令我好似置身係七,八十年代咁。我地叫左個雞翼薯皇,雞翼炸得外脆內嫩,咬落去非常juicy,薯皇熱辣辣,唔似其他餐廳咁凍冰冰。之後叫左個蒜溶炒日本椰菜,我諗住係d西式餐廳叫d咁中式煮法既菜就一定中伏啦,點之出奇地好好食,蒜味濃郁,又夠鑊氣,真係估佢唔到。我地仲叫左2個main course,一個係芝士焗海鮮飯,上菜時已經聞到濃濃既芝士味,食起上黎仲有拉絲架,海鮮料尚算豐富,有蝦,青口,魷魚,的確唔錯。另一個係白酒汁焗三文魚,個汁又香又惹味,好食到停唔到口,配上三文魚既鮮味簡值一絕,值得encore既一度菜。

難得去九龍塘，咁就搵左一間唔錯既餐廳試下，位置浸會醫院旁邊，又有得泊車，非常方便！門口裝飾得好懷舊，好有味道，好似好少見到宜家既餐廳會保留尼種風格！正直聖誕過去，門口仲擺設緊聖誕既裝飾，好有氣氛！餐廳牆內掛著不同的舊照片，可以一飽過去既風貌！餐廳水吧好光猛，擺設用心，仲特別擺放左三款推薦既蔬菜比大家選擇，好細心！餐廳內用左七彩玻璃，令整個氣氛更有格調！蒜蓉包好香，味道唔會太濃，岩岩好，蒜蓉味恰當👍特別推薦-八爪魚刺身，唔係常設菜式，咁岩果日有得食，仲頁係意大利既八爪魚😍😍😍😍😍睇下，幾咁大塊，而且好新鮮，咬落好有質感❤️蟹肉多士，好鮮味既蟹肉，配上比較清淡既多士，味道中和到岩岩好👍最後食左一個肉眼扒，好大好大塊，而且肉質一流，五成熟食到牛既味道！

同個friend去浸會醫院探望剛生BB的閨蜜, 她初為人母的喜悅都感染了我們, 大家都非常開心, 有傾唔完的話題, 探視之後我們在醫院附近一間好懷舊的餐廳, 諗住座低嘆個休閒的下午茶.間餐廳好有七, 八十年代的西餐廳的感覺, 座低見到復古的裝飾及燈飾, 仿佛回到過去, 令人非常舒適, 好快我便叫了個帶子粒鮮蠔同打湯的下午茶餐, 這個餐在外面的茶餐廳已非常少見了, 我見到有便即刻叫來食,跟餐仲有多士, 雞蛋及雞扒, 很豐富. 數分鐘之後, 我個帶子粒鮮蠔同打湯來到我面前, 白白地色, 眼見就有好多粒蠔仔在湯裡面, 用個匙舀來飲一啖, 哇, 好鮮甜, 湯裡面仲有好多的帶子粒, 薯仔粒及粟米粒, 材料非常豐富, 蠔仔非常的鮮甜, 食落無沙, 哇! 個湯超級好味, 與多士簡直係絕配, 一啖多士一啖湯, 好味到無得頂! 雞扒也煎得非常香脆, 外皮煎到焦黃, 但雞扒肉依然是非常嫩滑, 唔錯!入到這間餐廳時, 我見到門口有個專摆西餅的凍櫃, 侍應話裡面的蛋糕西餅全部都是餐廳自己出品, 自已做的, 我當時已看中其中一款栗子蛋糕, 見到超多的栗子蓉非常吸引, 雖然食了個帶子粒鮮蠔同打湯的下午茶餐都已是很

在＂又一城＂購物過後，正好來到了晚餐時間，不想光顧連鎖餐廳，想起了＂浸信會醫院＂附近的一間特式懷舊西餐廳，＂食肉動物＂馬上出發…走進餐廳，餐廳的裝潢佈置充滿了特色情懷。坐下來不久，餐廳職員便主動上前介紹菜式，原來每日也有一些不同的食材，還把那新鮮的推介給我，研究一下餐牌的菜式，揀選了她們的招牌菜。芝士焗蟹肉盅＄105，面層鋪滿了芝士，這份量十足的蟹肉伴著脆包一起來吃，先品嚐到的是淡淡的海水味及蟹肉的鮮味，味道鹹香惹味，蟹肉盅還加入了菇菌粒，層次更豐富。我還點選了一份精選套餐，包括有餐湯丶巴黎汁焗肉眼牛扒丶焦糖咖啡燉蛋及餐飲。在等待主菜到來的期間，看到餐廳職員與食客聊天的情景，詢問喜好，提供意見，感覺就像朋友一般。巴黎汁焗肉眼牛扒套餐＄168，牛扒送到桌上，職員叫我先切開一點牛扒，吃一口，再把秘製的巴黎漿汁均勻的塗上牛扒，然後替我加上一點海鹽，再次叫我品嚐一口，原來這樣就能清楚吃到牛扒的原味，跟巴黎汁帶來的不同味道，吃到牛扒肉味香濃，巴黎汁很有特色又減卻油膩感。餐湯揀選了羅宋湯，蔬菜及蕃茄味足。套餐包括的凍檸茶，茶味適中。焦糖咖啡燉蛋，淡淡的咖啡香味，燉蛋香滑，為晚餐甜美的作結。除了欣賞

今日去左醫院探個朋友，lunch探病時間過去，探完之後好肚餓，去左附近有間西餐廳食個lunch。餐廳門口夠哂懷舊傳統，內裡空間感大，寬敞舒適，lunch價錢唔貴而且選擇又大。我叫左羅宋湯配蒜蓉包，菜湯香濃香甜，蔬菜好足料，湯汁夠濃郁。蒜蓉包蒜味重又香，烘得香脆香口。Main course叫左石斑飯，魚柳香嫩香滑，外層脆脆地，醬汁濃郁送飯岩岩好！甜品叫左栗子蛋糕，蛋糕清甜栗香重，輕盈唔會太飽濟，lunch水準都好高啊！

由九龍塘站出發大約行15分鐘， 就在浸會大學附近一個細型商場入面，一入門口就見到。 餐廳有啲懷舊feel，有教堂通花玻璃窗， 牆上掛上好多懷舊相片，仲有一個拱形橫樑同設計別緻的水吧。 燈光暗暗哋都幾適合情侶幫襯。終於叫嘢食了，我哋叫咗dinner set 有齊曬餐湯主菜嘢飲同甜品都係百零至二百蚊一個人。先來個羅宋湯， 感覺到佢好有心機烹調， 好有誠意又足料，非一般的好好味跟住主菜，牛扒配意大利飯同香煎龍脷柳都係份量十足，好有誠意同心機，好味仲有個甜品係好懷舊嘅雪糕加啫喱， 有兒時情懷。我哋仲叫多咗一個心太軟甜品，都係非常好味

平日比較少到九龍塘，今天要陪朋友到該區報名朋友話有間餐廳唔錯，大家一起去試下，休息下餐廳裝潢懷舊，侍應大部分年紀都比較大，但是佢地主動地介紹今天菜色，十分親切蘑菇牛油果忌廉湯蘑菇、牛油果分量多，好足料蒜蓉多士，脆卜卜，加埋蒜蓉香，食到停唔到蒜蓉胡椒扒大蝦大蝦果然大隻，旁邊有芒果沙律，賣相吸引蝦肉雪白，新鮮，爽囗彈牙，有口感，重有小小胡椒香，更為惹味沙律清新，正好凊一淸味蕾芝士焗蟹肉盅芝士味道唔太濃，正正帶出蟹肉鮮味，令人回味香草薄荷醬焗羊仔扒羊仔扒一尐都唔騒，叫左7 成熟，入口腍身、依然幼嫰，蘸埋薄荷醬，更滋味扭紋薯條，香脆又厚身，薯味香濃，忍不住食哂

咁岩係醫院探完朋友，就順便係附近食飯啦！講真，附近嘅餐廳唔多，睇落呢間真係幾吸引餐廳門口已經特顯到佢嘅經典，有種好高貴的感覺。餐廳嘅環境係傳統扒房的裝潢，而且店員嘅服務態度都好好，會推介當日菜式，而且係餐牌搵唔到嘅，主要係睇時令而入貨的。其中一款特色嘅前菜就係呢個冷盤了，意式八爪魚沙律，八爪魚超級新鮮，而且好爽口，配埋個汁簡直一流！第一款小食就係蟹肉多士，以為蟹膏蟹肉應該會係無乜野食咁，都係得個醬，但呢款係真係食到蟹肉有芝士焗係面，再配搭埋蟹肉溶，真係好濃味好正。而多士烤得好薄好脆，配搭得好好。主菜來了，是羊架呀！而且性價比超高，一份餐有三舊羊架，每舊都超大，而且膏與肉的比例都好恰當，侍應推介羊架5成熟是最好的，所以不會太難咀嚼，或是太熟太羶。切開後見到是有少少的血紅色，但不會太腥味的。來一份甜品，係焦糖燉蛋，上面鋪了水果在上，而焦糖配燉蛋非常正，夠曬甜。呢間餐廳真係好岩兩個人嘅浪漫，服務好而且環境氣氛都好好，值得一試

友人添丁，在浸會醫院探訪賀喜後，到了附近的餐室用膳。這間「百味閣餐廳 」是一間甚富懷舊風味的西餐廳，從裝潢傢俱，以至餐牌店員，全部予人一份「成熟」的韻味。翻看餐牌，菜式表面平平無奇，真至店員到枱介紹才發現有驚喜。原來餐廳每天也會購入新鮮食材如鮮魚及清蔬等作是日推介。這安排較少在西餐廳出現，亦令餐單更富「活力」！ 先試傳統餐單，「羅宋湯」及「蒜蓉多士」沒有帶來驚喜。「蒜蓉多士」雖然惹味，但口感同時很乾。建議追加多一點香蒜牛油焗製。 「巴黎汁焗肉眼牛扒」擺盤賣相傳統，肉眼約五至六成熟，和事前要求的差不多。肉質則比預期靭，肉香一般。伴碟的炸薯圈呈扭紋型態，脆而不膩製作出色。 「醬燒鯨龍魚鮫」則是隱藏推介，以鯨龍魚鮫入饌，魚肉豐盛無骨，結實中見軟嫩。醬汁調味佳，配合其他醃煮雜菜，整體評價正面。 跟餐甜品是「焦糖燉蛋」，表層焦脆達標，燉蛋水準平平，以一般西餐廳來説味道可以接受。席間中的「醬燒鯨龍魚鮫」是散點主食不跟甜品，餐廳大方多送一杯，為服務細項添分。 整體而言，「百味閣餐廳 」的傳統西菜水準合格。而每晚的隱藏推介能為食客帶來驚喜，味道亦更佳，值得試試。

住咗喺附近好多年， 真係想介紹下屋企附近有間隱世餐廳， 無論堂食及外賣質素都保持水準 ，呢度裝修懷舊， 坐得舒服 ，餐廳有人情味， 服務態度好， 食物一直保持水準。 今日叫咗我最鍾意食嘅 黑椒牛肉炒意粉 配凍檸茶， 份量啱啱好夠一個人食 ， 黑椒味調教得剛剛恰到好處 。老公就點咗鮮茄牛肉燴意粉配咖啡， 個鮮茄汁煮得非常好味 ， 好易入口 ，大人小朋友都啱食。 阿仔就點咗肉醬意粉， 佢食到舐舐脷。 另外 餐廳每日提供多種蔬菜 選擇，例如:蒜蓉炒菜或上湯菜， 係我嘅健康首選。 另外，餐廳下午茶時間是由兩點半開始， 平時我就鍾意一個人靜靜地hea下。

好久沒來這一帶，咁啱去浸會探朋友，跟住去附近食埋晚飯，朋友帶我去對面商場，選了外表老氣的百味館。百零蚊一個晚餐，價格算係便宜嚕，內裡有點昏暗可以話有昔日情懷。侍應推介今天有新鮮東星魚柳，就要呢個，原來唔係餐。朋友揀羊架套餐大家分享。講、講、講到無影相，大家一致東星魚柳做得比較鯹，反而羊扒OK好唔錯喎，當食氣氛懷舊吓都唔錯，朋友聚聚傾傾講講搭夠。老式西餐廳係講究啲，無論係枱布式樣，定係個雪糕甜品，都一絲不苟，珍惜呢一份味道。

聖誕節約左一班朋友們聚一聚，本來諗住去酒店食lunch buffet，一年一次貴都冇所謂啦，不過12月頭打去都已經full booking😱咁就真係冇計了。好彩有朋友諗起呢間在聯合道的餐廳仔，佢話平時坐車經過覺得呢間野好old school🏫就一直都想黎試下。先講地點，真係幾隔攝，除左有一兩架巴士🚌直接到之外，如果要由地鐵站行過來其實都好離下。而家凍凍地都OK，熱天就真係攪唔掂啦。🤣餐廳位於商場的2樓，其實就係一行入去就係。呢間走深木色舊色餐廳都算幾企理，有D似外國既傳統餐廳，仲要係在雪山上面個隻，哈。Menu設計都幾多款色，最重要係價錢真係唔貴! 😍都係既，地點唔夠方便，價錢自然可以/要做得親民D。最重要都係睇下佢好唔好食。我同男友都係點左聖誕的lunch set，我要火雞配豬肉，佢就點左西冷扒🥩配薯菜。先來個餐湯，個羅宋湯🥘好香濃同足料，仲每人配夠兩塊蒜蓉多士。我的主菜先來 - 可惜火雞🦃偏鞋同硬，雖然個汁好食，配菜都唔錯，薯蓉幾滑同creamy，但我一心諗住聖誕食下turket去應節，但到頭來唔驚喜。反而男友的西冷🐮好唔錯，5成熟黎得剛剛好。我覺得個黑椒汁有D濃，但佢就好滿意。配