百味閣餐廳

营业中

休息中

去開又一城,朋友以前附近返工食過唔錯就過左黎試下,餐廳細細地,燈光偏暗,幾有氣氛,都接近滿座首先一定要讚員工,在場4個侍應都非常有禮貌!有3個同我地介紹今日既特別菜單,係餐牌上無既,侍應話餐廳每日都會自己入少少海鮮,望下有咩靚野,所以只有佢地介紹先知我地叫左一條推介既魚,可揀煎或者西式焗,另外叫一客牛扒牛扒跟餐有蒜蓉包餐湯,蒜蓉味好香湯可以見到好足料,煎魚唔係餐但佢都比左2湯2蒜蓉包我地,超nice! 話將一碗幫我地分開一半巴黎汁焗肉眼牛扒,好大件厚身,5成食落唔會好硬,牛味重,不過唔太食得出巴黎汁係咩味,好特別配菜份量多,薯圈超級脆唔油膩到煎魚,侍應又好nice跟左個飯比我地!皮脆肉嫩,好滑真係好耐無試過係街食到咁滑既魚,因為大家都怕唔熟情願整到過晒火,另外一大條魚春一齊上,真係好正,外面煎到脆卜卜最後係牛扒餐附送既甜品,脆糖咖啡燉蛋,淡淡咖啡味好食,焦糖脆面九龍塘行過黎大概10分鐘,呢間絕對係encore之選,好滿足

好友M今年聖誕同新年要去韓國倒數，所以我地提早食飯慶祝聖誕。想去下之前未試過既餐廳，又想去又一城買野，又想可以靜靜地傾下計唔使趕頭趕命，搵下搵下就決定book呢度。7點到達，當時未係好多人，可以欣賞下餐廳既悉心佈置。侍應都戴上聖誕帽，加埋本身獨特既天花裝飾，最重要係餐廳位於九龍塘安靜既一角，我覺得幾有歐洲小鎮風情啊。侍應先送上餐牌，有晚餐，亦有林林種種小食、沙律、湯類、海鮮、肉類、意粉、飯、甜品等等既選擇，個餐牌都有十幾頁架，然後佢再好詳盡咁介紹是日海鮮同埋煮法，包括焗蠔、扇貝、蝦、星班等等，相信餐廳應該俾員工試食過，佢先可以講得咁傳神，不過朋友M唔好海鮮，所以我留返下次黎先食。香橙蘋果焗美國豬柳扒 $108一上檯我以為一圈圈既係菠蘿，朋友即刻提醒我「人地餐牌好似寫住係香橙同蘋果喎」，哈哈。豬扒份量幾大，每人一半我覺得夠哂，豬扒煮得夠淋，醃得入味，加埋煮過既蘋果同香橙酸酸甜甜咁，幾夾喎，我亦都好鐘意佢配菜夠多款，畢竟節日經常出街食飯，好缺菜。另外加左薯條$30，初時以為會係有幾條同豬扒放埋一齊，點知竟然係另上一碟，大滿足呀！我係第一次見呢種形狀既薯條，類似薯角，但扁身既，所以脆脆既部分

今日去完探病，上OpenRice 睇下九龍塘除咗又一城之外有咩好食，搵到呢間百味閣餐廳，見幾多好評，即管睇吓有咩好食睇門口餐牌，有十款晚餐，連湯，甜品飲品，見價錢Ok，餐廳又幾懷舊，決定試下懷舊餐廳有個好處，就係有人情味，坐低睇緊餐牌之際，經理哥哥介紹咗一份餐牌上無嘅煎封原條黃花魚比我地，問我地啱唔啱口味，本身鍾意魚，即管試下。霸王花湯好足料，啖啖霸王花，好滋潤，肉味濃而無味精蒜蓉包香濃蒜味，夠熱夠脆口煎封原條黃花魚（$148）原條煎封，煎完魚肉質感一樣嫩滑，用咗小小黑椒調味，所以魚肉食落一D都唔腥，配上白酒忌廉汁，個汁味道唔太濃，無掩蓋魚味，好夾。中式煎魚，西式食法。廚師仲好有心思，將魚春煎香再放返入魚肚，創新食法脆炸帶子雞球（$128）炸漿唔會太厚，帶子炸完仲有汁，雞肉亦都嫩滑，配上鮮芒果汁，酸酸甜甜好開胃，一點肥膩感都沒有焦糖咖啡燉蛋上檯時夠熱騰騰，中間係燉蛋，入口滑溜，底層係濃郁咖啡味呢間懷舊餐廳已經做好聖誕節佈置，仲播住聖誕歌，提早感受到聖誕氣氛埋單兩個人300蚊左右，以西餐廳而言，食到原條煎魚，算係超值

在九龍塘下班，想念>>>百味閣餐廳<<<的味道，也就這樣決定了晚餐的地點。 晚餐套餐挺抵食，百多元就有一個套餐。餐牌中英對照，資料也算詳盡，除了主打的賣點，配料資訊也有提供，方便參考。 裝修帶點古舊情懷，侍應也有點年紀，但態度親切，服務也很迅速，經驗老到方是致勝之道。 晚市套餐的餐湯二揀一，分別有羅宋湯或匈牙利牛肉湯，選擇了後者，當中帶少許辛香但不帶辣，牛肉口感也不錯呢。 餐包是蒜蓉包，沾點牛肉湯，味道更香。 這個是煙三文魚伴薯仔暖沙律伴茄片、烚蛋錢及灑上脆煙肉(HKD148)。煙三文魚份量夠多，上邊擺著洋蔥圈，侍應建議是洋蔥圈配煙三文魚一同進食，效果果然驚喜；淨食洋蔥圈未免未免太刺激，煙三文魚包著洋蔥圈，味道頓時變得清新。烚雞蛋片令營養更加豐富。 天氣開始轉涼，但又想吃沙律；如果是個普通的沙律，感覺未免太過清涼，然而這款暖沙律正正解決了在秋冬季節想食得輕盈，但不想食冰冷沙律的矛盾。暖沙律是把微溫的薯仔放在沙律菜上，不用擔心溫度太高。在微暖薯仔的加持下，令到整個菜式不再冰冷。 灑一些煙肉粒在沙律上邊，口感更加鬆脆。 甜品是脆糖咖啡燉蛋

未識百味閣之前，每日返學既午餐都係學校解決，但學校canteen出名難食，品質十分差，款式又唔吸引。直到有一次有位同學叫我陪佢食百味閣，自此之後我幾乎每個星期都會食，因為實在平、靚、正，岩晒我呢d學生哥😗。食過6、7個外賣飯盒，全部都勁足料，次次都食晤晒，d餸仲多過飯，而且每盒飯都會有菜，或者瓜，感覺上健康好多！餸方面煮得一啲都唔馬虛，雖然只係三、四十蚊既飯盒，但都食得出廚師既用心。⭐️蠔油鮮魷茄子炆豆腐飯 $43 豆腐有5大舊，而鮮魷份量都唔少，亦好新鮮爽脆，不過略嫌醬汁有d多，所以食落有d咸。⭐️粟米火腿雞粒炒滑蛋飯 $36 呢個飯雖然睇落頹頹地，但係佢係我最愛既飯之一，因為足料，又好味，蛋好滑好香，份量又勁多，雞肉粒有肉汁又嫩，所以好正好抵食😋⭐️雞扒煎蛋米線 $23呢個餐真係平到爆，不過雞扒就有雪藏味，但煎得好香，入味，整過都OK

今晚咁啱同好友要到浸會醫院探望好友，於是就在附近揾個地方食飯..我地喺旁邊的商場見到一間頗為old school嘅餐廳,對望了一下，然後入左去揾食了...咁old school嘅餐廳而家真係好罕有~~一坐低睇下menu我真揀好了我最愛的肉眼扒，朋友就選擇了麵包布甸伴煙三文魚..朋友仲想吃鵝肝，於是我哋order了鵝肝沙律首先嚟嘅有餐湯和蒜蓉包，我喜歡餐枱嘅味道大少少辣味，蒜蓉包香脆軟熟,我很喜歡~~首先上菜的是鵝肝沙律，水準之作，配合清新的沙律，令鵝肝吃下去不太膩麵包布甸睇落好健康,係由幾款蔬菜焗出來的，配合中間的三文魚，清新得嚟唔會太單調重點就係我的肉眼扒，待應很貼心的講解醬汁的配搭，牛扒熟的程度不過不失, 待應介意得無錯，跟住他的方法果然令牛扒更帶鮮味~~甜品是啫喱配雪糕，食飽飽之後就去探望朋友了，已經訂好枱下次再去食聖誕餐

自己本身都屬於old school 既人，所以對香港舊餐廳有說不出既喜感，但喜中帶憂。因為舊時代既餐廳執一間就冇一間。由今年四月一直都想同男朋友去，終於到今日抽到時間去食。地點都有少少吊腳，因為自己本身住南區，而餐廳位於浸會醫院後面。搵既時候要好小心，一不小心會錯失呢間咁有特色餐廳，百味閣建新中心位於二樓。地下會有色彩鮮艷既霓虹燈！去到後已經見到一位面帶笑容，穿著整齊既制服年過六旬侍應熱情招待。坐底後先環顧四周，暗黃燈光，純木餐桌，餐桌上有一條純白檯布。遠處仲有擺滿各種酒品既吧檯，傳統既裝潢好似回到七八十年代！由於第一次黎所以點餐就試下侍應既專業推介。蒜蓉煙肉焗扇貝　扇貝肉好大粒，配以蒜蓉煙肉焗，肉質鮮嫩多汁！個人幾喜歡呢種煮法，大堆蒜蓉煙肉放面焗，煙肉好脆口，唔太鹹！有呢兩種材料包住扇貝肉，唔會焗到乾哂身，仲將煙肉既肉汁滲透去扇貝肉～所以唔洗特別既調味已經好好味！一人兩隻，食完都好回味！黃花魚配飯　黃花魚以焗既方式烹飪，以錫箔紙包住，上菜既時候見到一個好漲卜卜既錫箔紙，之後切開。見到一條好多汁既黃花魚。原來有少少似中式蒸，不過佢係以檸檬同埋香草焗。食既時候大家可以放心魚骨已經去左中骨

拍拖既好去處, 就係黎到有既情調調百味閣餐廳。menu 有好多選擇，dinner 仲有set 湯，有中湯或者西湯，我地揀左羅宋湯，飲落好香濃, 仲有蔬菜，加埋蒜茸包味道一流。美國豬柳扒帶子, 伴洋蔥飯, 蔬菜，青黑椒汁豬柳唔會話太un, 加埋帶子食配搭都唔錯，洋蔥飯食落唔似香飯咁清。鐵板澳洲肉眼牛扒，伴安格斯薯仔，蔬菜，牛肉汁。medium 牛扒十分juicy,份量足夠。 薯仔用左牛油炒，個汁十銷特別，同牛扒好夾。甜品係雪糕雜果jelly, 味道唔錯。

今日途經這間小店，行累了想找地方坐一坐吃晚飯，發現裏面的擺設很懷舊，所以和朋友進内一試它的食物。它有一本厚厚的Menu，有很多選擇。係我哋仲考慮緊的時候，店員很友善的推介了一些Menu看不到的食物，尤其是焗紙包魚，有好幾款從不同地方運來的新鮮魚，明碼實價，而且好大條好大條不過我地得兩個人，雖然紙包魚好吸引，但這麼大的一條魚，點了它我們2人應該都吃不下其他東西了。最后我們選了其中兩個套餐，包餐湯主菜甜品飲品。首先上枱的餐湯，應該是真材實料煲了足夠的時間，湯底很濃，而且每個微辣的羅宋湯湯里都充滿了很多很好吃的渣，再配上濃厚蒜蓉味又脆卜卜的蒜蓉包，已感受到這個晚餐的其他食物應該也會很不錯。這個牛肋粒鮮蘑菇意大利飯，牛肋粒的份量不單止多，而且很鮮嫩很入味。飯底水份適中，蘑菇的味道也充分深透到飯粒里面，是有水準的一道主菜。這個煎魚柳及中蝦，魚柳的質感很不錯，中蝦也頗彈牙，配上那個味道適中的薯蓉給一些味道較濃的配菜，很滿意！他的套餐甜品，菠蘿啫喱伴雪糕，作為套餐的甜品，我覺得他的性價比很高。上面的那塊餅實在很脆，搭配着軟滑的雪糕，及不同味道的鮮果與啫喱，我相信他的其他甜品應該也會很吸引，所以我們決

今日去浸會大學參加妹妹的畢業典禮，好開心，開心到唔記得未食野，好肚餓。但學校飯堂人頭湧湧，所以妹妹就帶左我去學校附近的百味閣餐廳。百味閣餐廳是一間舊派西餐廳，原來已經2:30pm, 有下午茶食，非常好。我地揀左E餐香蕉熱鬆餅同F餐蔬菜龍脷魚柳，依個下午茶份量一D都唔少。先黎蔬菜龍脷魚柳，龍脷魚柳好大塊，雖然低調味，但都已經好香口。連同西蘭花、粟米、蛋、多士，飽肚得黎又健康。之後係香蕉熱鬆餅，熱鬆餅比一般食開既厚，都夠鬆軟，原隻香蕉配上濃郁的朱古力醬，用料充足，簡單得黎又健康美味。飲埋個熱奶茶，剛剛好。

今日係浸會大學畢業禮，我特意去找好朋友，賀佢畢業。今日餐廳好多人，但等了一陣就安排入座。星期六都有set lunch, 真係好。我來到大學對面的一間歷史非常悠久、耳熟能詳的西餐廳-百味閣。餐廳的門面、枱布、燈光都很懷舊。我揀左Set Lunch- 香橙繪豬膝伴牛油扁意粉及烚椰菜條。首先黎了一碗熱辣辣的羅宋湯，非常足料，微辣更能帶出香味，配上兩片薄脆蒜蓉包，好傳統懷舊的食法。主菜來了，係香橙繪豬膝伴牛油扁意粉！ 因為太肚餓的關係，一見到急不及待就起筷，都唔記得拍照打咭。豬膝份量都算多，件件都好大件，配上肥而不膩的豬皮，太耐無食，真是人生一大樂事。 食飽飽就回浸大和朋友影相了。

系浸會醫院探完人 有d肚餓 側邊有幾間餐廳 是但揀左間入去好懷舊咁 有手寫menu 暗紅色枱布 天花燈最特別 七彩繽紛睇返個Menu set dinner好抵 有前菜甜品飲品同朋友都揀咗飲紅湯配上脆卜卜蒜蓉多士選左扒帶子配美國豬柳 有兩粒帶子豬枊煎得啱啱好 肉質鮮嫩 同青胡椒汁味道好夾個洋蔥飯都好好味朋友叫咗澳洲肉眼牛扒 七成熟 牛朳質素都幾高 薯仔系切到一片片 有新鮮感最後有菠蘿啫喱配雲呢拿雪糕美中不足系個雪糕好快溶 無得慢慢嘆整體來講呢間西餐廳都系性價比 staff服務一流

在九龍塘一所醫院探望朋友及她剛出世的BB， 離開時在醫院附近遇見兒時朋友，為了聚舊便一起晚餐喇！他提議到附近一間餐廳。餐廳佈置懷舊， 燈光柔和，部分天花板鋪上彩色玻璃片， 環境好有氣氛，真配合我們懷缅過去點滴。牆上的照片，係18xx年嘅香港景色，好有歷史價值喔！侍應招呼非常周到， 熱誠招待 ，用心介紹當日美食供參考，真抵讚！我們各自點了一個套餐。羅宋湯，周打魚湯及4片蒜蓉包羅宋湯有小小辣，味濃。周打魚湯餡料豐富，蒜蓉包香口鬆脆， 最愛浸湯食。煎沙鯭魚柳及中蝦($I38)魚的外皮煎得甘香，肉質保存嫩滑，中蝦非常彈牙， 兩樣都醃非常入味，配菜以薯蓉，西蘭花，茄子，粟米仔，紅蘿蔔，切碎青椒及蘑菇，厨師精心配搭，可以食到不同款蔬菜。鐵扒澳洲肉眼扒($168)愛吃牛的友人話鬆軟多汁， 配上醬汁更能味道提升，配菜由切片薯仔 換了薯蓉，其他的都跟我一樣。啫喱鮮菓配雪糕做甜品， 賣相已經相當吸引，真不捨得食，食落又停唔到口！ 我們一邊享受一邊細訴當年， 樂也融融！'

以前在九龍塘讀書經常經過這間餐廳，復古裝修感覺像回到八十年代，長大後特地回來試試。餐廳以木系為主，十分懷舊，侍應由帶位到落單都非常有禮親切。我跟朋友點了set dinner，頭盤有湯和蒜蓉包，南瓜湯湯料非常充足，有豆和魚肉。朋友點了西冷牛排，五成熟煎得剛好，配一個微酸的蛋黃汁，很開胃。牛排有咬勁，牛肉味香，而且多汁。我點了帶子豬柳配洋蔥飯，帶子是珍寶size好大隻，豬柳夠嫰，易切易咬又多肉汁。洋蔥飯有驚喜，洋蔥味香而且爽口，飯得質地偏硬身一點，加上洋蔥一起吃口感豐富。餐後甜品非常精緻，用心製作，我們都很喜歡。

聽說九龍塘有間懷舊餐廳食西餐，於是便約老友食下晚餐講下心事，天氣有點涼唔想冷親老友，於是出地鐵便坐的士了，原來真的好近便到，哈哈！以為好遠原來那麼近便到不用跳表，佈置也很懷舊間單，坐位舒適，如果情侶來都算有情調，燈不算太光孟，侍應生有禮貌介紹今晚的晚餐，我們點了兩個晚餐加一個鮮蝦香芒沙律杯蠔仔週打魚湯蠔仔好肥美 湯料很濃郁竟然薯蓉 配菜很好味蝦配煎魚味道一般魚煎得很香$128 牛仔粒蘑菇意大利飯$138牛仔粒有點減 不過配意大利飯又好夾喎鮮蝦香芒沙律杯$55睇見都想食呀！大大隻蝦配芒果和其他生果 又有半隻蛋甜品是跟餐 大大杯臨走幫襯本餐廳自製曲奇餅$32好香牛油味仲有合桃添