百味閣餐廳

营业中

休息中

黎過食好多次都仲係咁喜歡，lunch set除左紐西蘭西冷扒餐、另外3款就日日轉新既，set包餐湯、蒜蓉包同餐野，真係次次食都覺得勁飽。今日無咁餓就叫返散叫飯麵，基本上呢個細牌就唔轉既。諗唔到食咩時都係最鐘意芝士焗龍利魚柳飯。因為焗飯既關係，多數都會等得比較耐，朋友d lunch set食到一半我個飯先黎（唔記得影佢地d餐所以就唔多講了）。芝士係未夠最脆，但龍利魚柳真係最正！！！係有d脆添咖，同埋份量又係超級夠

知道百味閣係一間開左幾長時間既餐廳，但今次係第一次黎試。見到餐牌上既牛排餐都幾貴，就選擇左比較抵食既煎雞脾扒飯。雞扒飯份量比想像中大，望落賣相好好，未食都已經聞到雞扒既香味。雞扒件數都幾多，雞皮煎到少少脆，雞肉幾嫩而且中間有少少脂肪食落就更滑。雖然本新想配燒汁，但佢只可以揀黑椒、洋蔥、咖哩、粟米汁，咁就揀左黑椒汁。佢既黑椒汁做得幾香，加左少少洋蔥同香草令味道更豐富，同雞扒好夾。佢既凍檸茶都唔錯，茶底夠濃又唔會有苦澀既味道，唯一係覺得唔夠甜，就算加多左糖漿個甜味都唔出。整體黎講食物質素幾高，價錢適中。

今日嚟到浸信會醫院探病，因為朋友要做手術，見時間許可又到午飯時間，所以就喺附近搵食，見到這間百味閣是西餐，就入嚟試試。餐食要另外加錢才有餐湯和飲品，但因為見到隔離枱的羅宋湯，所以我都忍不住要叫嚟試試。超多料，超濃的羅宋湯，甜得嚟不太辣，好好味。蒜蓉包又熱又脆又入味，好好食燴魚柳飯，可能因為近醫院，所以素菜比較多，感覺非常健康，味道亦很好，不會太淡或太濃。健康之選，凍檸茶走甜，好有茶味。西餐嚟講算幾好，服務也不錯。

今次已經是第二次光顧這間餐廳，這次是和朋友們慶祝男友生日。男友很喜歡這間餐廳，因為有些經典懷舊菜，例如有三色香蕉船，而且份量大價錢實惠。我則喜歡他們懷舊的裝修，馬賽克拼貼玻璃窗，實木家具，紅白格仔枱布。另外，由於比較近兩所大學，食客也比較有書卷味，位置比較寧靜，坐得舒服，即使週末來不沒有壓迫感。男友的朋友其實也認識老闆，所以已經預先安排好菜式，最喜歡不用點菜便有人送餐的服務。三文魚沙律蒜蓉煙肉焗扇貝$82/ 2 pcs我最喜歡這個扇貝，蒜蓉加煙肉超香再加上扇貝。菠菜蓉蘑菇湯 $35菠菜配上蘑菇味道清新巴黎汁焗肉眼牛扒$168牛扒配上巴黎汁則原汁原味薄荷醬焗羊仔排$160羊肉完全沒有羊騷味之餘且嫩滑香橙蘋果焗美國豬柳$168豬柳好有口感，再加上有鮮橙和蘋果香，很開胃！錫紙焗原條青班$178石班很新鮮彈牙，配底下的檸檬汁好好味

好耐冇同朋友黎開九龍塘呢頭，睇完戲就想食西餐，於是黎到百味閣。前菜有餐湯，可以揀白或者紅湯，揀左羅宋湯，都十分入味!仲有蒜蓉包Tim 扒帶子及美國豬柳，伴洋蔥飯，青菜同胡椒汁$118豬柳口感唔錯，調味夠晒入味。加埋飯同配菜十分滿足。鐵板肉眼牛扒伴安格薯仔，青菜加牛肉汁$168牛扒揀左7成熟，食落好juicy, 唔會太Un, 加埋牛肉汁都幾夾，份量足夠。跟set甜品有波羅jelly 加鮮果，雲呢拿雪糕。仲有餐飲，叫左熱檸水refresh 一下。

放工同同事來光顧這間西餐廳既晚餐。第一次飲呢個湯：芝士忌廉洋蔥湯，本人很喜歡洋蔥，口感好creamy 好滑，加埋好多洋蔥，好好味。我相信平時不喜歡飲忌廉湯既朋友都會覺到好味，值得推介！我們叫了店員推介既特別期間限定小食焗帆立貝兩隻！大大隻既帆立貝，充滿蒜蓉香同酒味，質地最鮮甜美味，食完好滿足！主餐來了，我們叫了兩個set dinner: 美國豬柳配洋蔥飯 & 澳洲肉眼牛扒！ 豬柳很柔嫩，而且肉中無筋，肉質很鬆軟，配上洋蔥飯很match! 澳洲肉眼牛扒，我們要7成熟，牛肉很有嫩度，咬下去時，其口感覺得牛扒很鬆化，有種很綿軟感覺，吃來香口！最後，餐包了菠蘿鮮果啫喱配雲呢拿雪糕，很多新鮮生果，很滿足啊！

百味閣可算是我家的晚飯食堂和節日聚餐的地方，這家給我的感覺是flexibility 很大，如想食得簡單點，有外賣數十元的飯盒；想食得豐富點，有full set 晚餐；如想再食得豪些，那兒風趣親切的店員會向你介紹那晚的時令/特色海產。而味道方面，大廚並不是重囗味的人，很多菜式也有菜肉balance，我特別喜歡點「椰子芒果汁焗雞配蘋果沙律」食完好refresh 飽足！這兒環境有點復古英倫色彩，很有情調，我老公有時也會”單拖”去食海南雞菜飯，那總極有豐富口感和香氣撲鼻的菜肉飯，簡直是男人的浪漫～

百味閣餐廳有日行開九龍塘 突然間想食西餐 就同朋友決定去試吓呢間百味閣餐廳呢間餐廳都有好多年歷史㗎啦 入到去覺得環境都唔錯 啲裝修都幾靚有種懷舊西餐廳嘅感覺！一開始我哋叫咗個餐湯先 嗰日有兩個餐湯可以揀 一個羅宋湯 一個鴨肉湯 兩個湯都好足料啊！ 味道都好唔錯😋😋然之後佢仲有餐包上添 係烘咗嘅蒜蓉包呀😍 超脆超香 好好味呀😛我哋首先叫咗個牛扒🐂 一上已經覺得好香呀 食落都好新鮮肉汁豐富 不過如果食到生嘅朋友建議叫唔好太熟 五成熟左右就啱啱好啦 咁樣先可以保持到啲肉質鮮嫩牛扒伴碟有少少菜同埋薯菜 啲薯仔係焗嘅唔係炸薯條 都好好味呀 雖然食落就唔係好重口味 不過淡淡地都幾香薯味 哈哈 成個牛扒加埋啲薯菜感覺唔會太漏 好開胃呀😆😆之後我哋仲叫咗個魚扒🐟 係當日餐廳侍應推介嘅 佢哋話係新鮮送到㗎個魚扒呢就有汁配嘅 好似有黑椒汁蒜蓉汁同埋蘑菇汁 咁我哋就揀咗蘑菇汁個蘑菇汁都幾好味幾香 不過我就覺得個魚扒就咁食仲好味 所以個蘑菇汁就送飯啦😂個魚扒呢侍應就同我地講落少少海鹽會仲好味 所以我哋就聽佢建議果然落咗海鹽之後魚嘅鮮味更加突出 真係好鮮好好味！但係飯嘅份量就有啲少 我諗得一碗飯左右咁多啦 大食

來到九龍塘，除了又一城內的餐廳，大學附近有一間經濟實惠的餐廳，價錢划算卻不將貨就價。走到餐廳門前，彷若時光倒流。踏進餐廳門內，看見停留在九十年代的裝潢，如今只能在相片重温的裝潢，真讓人回味當年的時光。蒜蓉包，雖然只有一個人，但有四片。蒜蓉包的蒜蓉味很香，麵包很脆而不覺乾，很適合沾餐湯喝。晚餐怎少得餐湯，在網上看見有人推介鮮蠔蘑菇湯($68)，立即點了一碗。果然足料，看圖就知湯內加了一隻大蠔，蠔肉軟滑鮮甜。濃厚的蘑菇味與鮮蠔味配搭恰當。香蒜煙肉焗帶子(兩隻)($84)，帶子非常大粒厚身，用了大量香蒜泥，香蒜泥內混入煙肉粒，滿滿的覆蓋了兩粒帶子。甫上桌就傳來陣陣蒜泥香。如有一碗白飯，與香蒜泥煙肉粒拌勻吃，定可多添幾碗白飯。三文魚扒($105)是店員推介的，他說餐牌上沒有，是當天剛到的食材，才有這道菜。可配各款醬汁，我選了最喜愛的蘑菇汁。飯、意料與薯菜間、選了薯菜搭配蘑菇汁。蘑菇汁內夾有蘑菇片，與三文魚一起吃，三文魚的厚實與蘑菇片的爽滑成對比，卻又顯融合。三文魚扒很大塊，好像總吃不完。看看身旁的食客所點的各類主菜，份量也非常大，十分划算。鮮果奶昔($35)，十分綿滑，非常喜歡這杯奶昔。原本還

百味閣餐廳餐廳有懷舊既靚境，天花有鮮艷既馬賽克，以木造既大窗，望出去有啲樹影，感覺有啲渡假感覺。香草焗羊排餐：羊架好juicy，邊位有少少燒焦好香，入面就粉紅色一啲都唔羶，連一向唔食羊既朋友試過都讚話好好食!焗原條龍蠆： 錫紙包住用檸檬、香草焗既龍蠆魚(足夠三人食)，侍應哥哥細心幫我地切開啲魚，分開幾件等我地易食啲，一開錫紙就聞到香味，魚肉又好滑，連隔離枱既客人都話聞到好香呢!蘋果批：熱辣辣既蘋果批好足料，用厚切蘋果肉同提子乾，好有口感，但肉桂味就稍為少啲，但都好唔錯!

呢晚放工同朋友一行三人嚟到九龍塘食野，餐廳地點有少少偏遠，地鐵站出要行10分鐘至15分鐘先到。但正因為咁，餐廳唔會好嘈吵，啱哂靜靜地傾計。蒜蓉包好香脆。Set dinner既湯有兩款，羅宋湯酸酸甜甜夠開胃。雞蓉羹比較淡。煙三文魚香芒沙律大大碟好正！煙三文魚軟滑帶油香，配埋香甜多汁既芒果，意想不到既夾！仲有一啲烚蛋同沙律菜，夠哂滿足！大蝦帶子雞粒意大利飯飯粒淋左少少，但味道夠鮮，材料足。蝦膠焗釀青衣魚柳好特別，系一道功夫菜。蝦膠好彈牙，魚肉略嚡，旁邊既薯蓉軟滑富奶香，不容錯過。芝士焗磨菇餡黑豬扒芝士味頗濃，但豬扒鬆軟，但略欠juicy, 配上菜飯，感覺健康不少。Set dinner既甜品既一杯暖焗布甸，有玉桂香味，但內裏偏濕。粟子蛋糕大大件，粟子忌廉味偏重，粟子香淡左少少，但幾軟滑。法式芝士蛋糕芝士味淡，唔夠軟滑。心太軟未到已流心，食落朱古力味一般。總括而言，甜品略失色，但計及環境服務與食物既特色，還是值得一試。

嘻嘻一心一意吃好西點解因為一直保持水準的表現值得推薦今天午餐一點半左右好多人等位但係剛剛有三位枱超正一座低唔使諗叫左個肉眼扒配薯條（肉眼扒我要七成ok既不過薄了點，薯條有點乾）石班虎蝦配薯蓉（不用多說太好味）芝士忌廉焗石班（汁調味好好份量夠石班魚好香⋯值得推薦）首先嚟個餐湯⋯冬瓜羹⋯好好味呀又多料法包又香脆餐茶（凍檸茶香茶味、熱咖啡不可以了我相信不是即磨咖啡喔）真系好希望有待改善喇不過服務員一直都保持好友善的態度環境一直保持乾淨俐落我們會繼續支持的

聽個餐廳名看似食中菜，但其實係間西餐廳，西菜既選擇都唔少，環境都唔錯。叫左兩個set餐湯味道唔錯煙三文魚香芒沙律smoked salmon and mango salad $90有煙三文魚既前菜幾吸引，香芒甜甜地好開胃。芝士焗蘑菇餡極黑豬扒伴菠菜飯、青菜及燒汁 cheese gratin pork escalope with mushroomstuffing served with spinach pilaff, vegetable and demi-glaze $118菠菜飯幾健康，菠菜飯肉質軟腍，充滿芝士香。蝦膠餡焗釀青衣魚柳伴菠菜飯及菜欖salmon and tomato served with spinach pilafand vegetable olives $128賣相幾特別，蝦膠同魚柳都相當match，蝦膠口感彈牙，味道唔錯。扒大蝦帶子雞粒意大利飯 scallop and chicken risotto with prawn $118risotto粒粒分明，吸汁力強，帶子雞粒意口感豐富，大蝦煎香，新鮮彈牙跟set甜品係焗南瓜柿肉布甸伴淡忌廉baked pumpkin pu

百味閣餐廳好有懷舊風味，食西餐的格調一流。叫左兩個Dinner set。前菜有湯加蒜蓉包，牛油蒜香多士味道唔錯，湯有羅宋湯同薏米雞湯，十分清新。芝士焗蘑菇餡極黑豬扒伴菠菜飯，青菜及燒汁$118豬扒口感好好，本身已釀過，加左芝士同蘑菇配搭唔錯。蔬菜蓉茄肉燴三文魚柳伴菠菜飯及菜欖$128三文魚柳浸係蕃茄蓉，夠晒濃郁，仲有唔少蔬菜。特別菠菜飯配搭十分新鮮，冇白飯冇濟，而且健康得多。煙三文魚香芒沙律$90份量好多，有蘋果沙律，雜果，加埋三文魚。餐飲同甜品都不錯。

在橫風橫雨下趕去九龍浸會大學辦點事，做完就準備去巴士站搭車回家，因太大雨就走進附近建新中心避下雨，剛好旁邊就是百味閣餐廳，心想不如食埋晚餐先回家，又可等停雨先走。立即走進餐廳裏，侍應立刻招呼入座。送上餐牌並介紹一下食物。餐廳裝潢設計優雅，餐具擺設整潔。首先上的是蒜茸包，蒜香包脆。鮮蝦香芒沙律杯（4隻），賣相精美，精心設計令食慾大增，鮮蝦爽香芒甜，還有蛋和生果，美味的沙律！值得一試！海鮮周打湯：海鮮十分足料，周打湯濃郁鮮甜。香橙蘋果焗美國豬柳扒，美國豬柳扒厚度中等，肉質鮮嫩，配上香橙、蘋果和蔬菜，加上特別調製的醬汁，是一款美味又健康的食物。喜力啤酒,有優美環境，又有美食，當然要飲返杯啤酒嘆一下！