白熊咖哩 (已結業)

屯門開新野,又黎試試啦....朋友先去等位, 我就遲左去...朋友係咁打黎問我去到邊去到邊,話好大壓力..入面d人係咁問佢叫野食未...佢局住叫左個沙律食住先...第一次食, 入面好細, open kitchen,好彩都唔係太大油煙味...我地一人叫一個咖哩飯再加炸野....我個係咖喱雞肉飯, 個咖哩加左d香料,味道奇怪,都唔似日式咖哩,唔香又怪..好似有d金不換o既味咁,唔討好...加左漢堡扒,乾淨淨的....炸蠔就算大隻, 但入面都有d腥呀...仲有薯餅都ok...入面係南瓜薯蓉軟綿綿....朋友叫咖啡牛肉飯, 好深色, 個味甜d,好濃,但都係唔覺咖哩味...加左雞翼,同吉列豬損, 雞翼就ok, 係釀餃子雞翼黎, 都唔差...但個吉豬就麻麻..豬扒好硬唔爽...個粉又甩...飯呢就加錢就可以有沙律, 湯同野飲...我地就剩係加左沙同野飲...個南瓜湯都還可以, 但杯乳酸呢...就勁多冰,我"筆"走左d冰之後就得返半杯...吾...感覺麻麻, 都唔係想食到o既日式咖哩,好多人..又冇得訂位,趕住走咁....

日式食物在現今香港社會中.不止刺身壽司最熱門.陸續加入呢場飲食界的戰爭有拉麵.今時今日另一場戰爭係咖喱.屯門JUSCO美食廣場裝修後.沒有廉價食物.進步了引入一些索價較貴的食店--其中一間白熊咖哩.環境只可容納50人.有少許吧枱.座位有少許迫我曾經聽過呢間店運作混亂.幸好我去的時候運作正常.只是店員服務一般.我點菜時不知雞肉咖哩不是主菜..點真正的菜要餐牌下選雞扒.豬扒等.沒有指示我..只用眼神望我.我又不知道加錢.可以選飲品,沙律,雪榚.聽到鄰座客人點菜才知.明顯新店.員工培訓不足介紹食物前..首先簡單講呢間店的故事在北海道拉麵店中,除了拉麵.仲有咖哩飯最受歡迎,原本只是員工膳食,後來不斷找配料加入咖哩.每天都不同口味,後來有位熟客見到員工吃咖哩飯也要一試.口碑就是該客人傅出後來店舗在自己製作拉麵的經驗找更好的味道.及後硏發到一款芳醇,又有點辛辣的日式咖哩飯,在2011年,白熊咖哩在日本有首間店.2012年在香港首間店.名叫白熊意思係希望咖哩似北極熊可以受人喜愛.吉列豬扒飯.可樂56元有加一...飯粒細細粒.黏性重.日式咖哩不是辛辣.而是有點甜味.我估計雞絲肉作用是想帶起鮮味.值得一

自從上次街坊聚會,都有一段時間沒有見屯門街坊了,在面書閒聊中街坊問我有沒有興趣試白熊咖喱??看過食評後對其也蠻有興趣,那就一起去試。傍晚六時多到達白熊,當時人客並不多,不需要等位還可即時入座,放完假頭腦清醒的還懂問知客小妹:"有無時間限制???" 答案是沒有的!! 那就太好了!總比早入座又要早離座的旺區餐廳好,小妹可能見我身形龐大,貼牆的二人位不安排,反而安排全店最開揚的座位給我,令我不用瑟縮在店內小小座椅上,這二人位又不用跟另一邊像搭枱般親密,而且食友一到餐廳就見到我,不用從大門入來也可即時就座,方便得沒話可說!侍應先送2杯冰水,冰冰凍的即時為我降溫,而且冰水沒有水喉水的味道,至少我飲了幾口也沒有肚子痛,濾水器暫時仍信得過。等候期間欣賞一下桌上的小熊腳印,肥肥的多像小狗腳印,超趣緻唷!食友的原味乳酸顏色雪白,她評為像益力多的味道;自己的巨峰提子乳酸的漸變淡粉紅很漂亮,味道酸酸甜甜的,有著丁點提子的味道,相信是來自人工化的甜味糖漿吧,加了大量冰塊後一定涼透心,不想齋飲水的可以一試,如果可以再選,我會要杯凍檸檬茶或黑色可樂代替。店方只有兩款沙律那就兩款也要,薯仔沙律以薯茸混入少量粟米而成

屯門吉之島大改革，犧牲了美食廣場，繼而引入數間餐廳，首間在香港營業的白熊咖哩正是其一。由裝修開始，每天我都萬分期待，等了個幾月她終於出世了。點解我咁期盼﹖因為屯門區的食店是連鎖店當道，雖然我不戒意去那些吃飯，不過始終有專門的食店，的確令大家的(搵食)生活加添不少衝擊。今天屯門街坊會就在白熊咖哩聚會，幸得友人先到店子找位，六點鐘可以直入，不過只餘兩﹑三張枱選擇。到我來到的時候，六點半不到，門外已經有十數人在等位了。可想而知在假日食飯時間前來會是多麼的墟陷﹗店子不大，相信只可以容納五十人吧。門口後有一行吧位，不過由始到終見侍應都沒安排客人坐那邊，看見廚房出菜處正在吧枱後，查實不坐那邊都是好事，否則邊吃飯邊被出菜打擾N次都幾難頂的。枱與枱之間都幾迫，出出入入大家都要打側身兼尖起腳而過...坐下後侍應送上凍水，而枱上的調味架放了一樽漬物和一支辣椒油。餐牌很簡單的只有三版，主打四種咖哩飯，分別是牛肉﹑雞肉﹑豚肉和激辛豚肉，然後選飯量，普通約有一個飯碗量，而大盛約有兩個飯碗量。配料是自行選配，有菜有肉﹑有炸有煎，我見很多食客也只是吃咖哩飯，我們當然不會不加料，始終專程過來此吃飯的嘛。咖哩飯另可以再

原打算週日留家休息, 但突然間很想吃辣, 未知是天氣太悶熱, 還是勞碌過後需要刺激一下, 記得看過雜誌介紹, 屯門吉之島那邊新開一間日式咖喱店, 當中地獄咖喱被形容為激辛, 怎會不引我去一試究竟?去到才知道超市那層現在革新了, 變成開放式, 感覺確是高檔一點。 一早預算到經大肆宣傳後, 必定大排長人龍, 所以特意選四點才過來, 應該不用多等吧! 在場所見座位不多, 只可容納五十人左右。一如所料, 這個時段人流少很多, 但依然有近八成入座率, 很厲害呢! 店家以白色作主調, 微燈的燈光映照下, 感覺溫暖親切。 牆身貼有兩幅熊仔畫,可愛非常, 令人不禁會心微笑。食物種類不算多, 主打的咖喱飯共四款, 包括牛肉咖喱、 豚肉咖喱、雞肉咖喱和激辛地獄豚肉咖喱, 分別有大和小份之分, 四五十元已有交易, 另可隨意選擇配料如吉列豬扒、漢堡扒、雜菇、玉子等, 自由度大增, 很有吃車仔麵的感覺。 據知三種咖喱採用同一咖喱膽, 再各自加入牛肉、雞肉和豬肉湯底, 口味絕不單一。 單點另加$15-20可改套餐, 從湯、沙律、飲品和雪糕中選配2及3項, 彈性大, 粟米忌廉湯頗有驚喜, 不只是忌廉湯加入幾粒粟米便

咖哩不太甜，價錢都很合理，可惜每次都等很久，但非常值得等！吃牛的建議首選牛咖哩，不吃牛的可選豚肉豬扒，激辛真的非常辣，如果本身吃少辣的不要試，因為台面有支日本辣油，味道差不多，可自行加少許也可以，總括來說，真的很不錯。南瓜湯一定要試一試！

近排吉之島番新，新食店一間一間接住開，今次是白熊咖哩，咁一定要試下個咖哩，可能新開張關系，我地都等了十分鐘，四方八面都是白熊，連枱都有熊手印，激辛地獄咖哩飯-豚肉，加吉列蠔，我本身不食辣，第一口我已覺得辣，吃多幾口我已頂不住，蠔有三隻，三隻都好猩，外皮好脆，但內裡未炸熟，什菇漢堡扒奄列蛋咖哩豚肉飯，餐牌話人氣之選，漢堡扒肉都算鬆軟，外邊面層好「濃」，煎得耐了，內裡有多筋，可能要令人有咬感，但我不喜歡，咬到我牙軟，南瓜湯，有南瓜色，但無南瓜香和味，奶味好重，牛蒡沙律，芝麻碎、日本酱油混和，再加上牛蒡特有的清香，做開胃前菜都幾好，尼支野勁喇…好似話係鎮店之寶，是自家親自研製，神奇之處是落幾滴就能將咖哩味道升華，變得有層次，咪又係一支普通的辣椒油……尼個一定要食，不吃咖哩都得，但醃菜一定要食，試下用醃菜同飯一起食，就會發覺不落咖哩仲好味，一樽九成滿醃菜，被我們食哂，可想而知幾咁好味。

屯門吉之島商場大型裝修後,舊有超市煥然一新,以前的food court位置來個大改動.人流暫被數間新店吸收.要數人數,首數這間以日式咖哩專門店作招徠的白熊咖哩!!光顧當晚人龍誇張得很,店員派籌要填滿兩張a4紙,我的籌號要重覆叫兩次才到...可怕可怕.中段還一度因為人流太多而停止派籌.苦等接近一小時才可以入座.不比排隊吃拉麵名店輕鬆.店內充滿森林的感覺,以熊為主題,木牆,木架上置上熊仔圖案水杯,木枱上還有兩隻熊腳印!全店約二十個坐位,都能一分為二,靈活安排成為二人或四人枱.店員雖問及是否接受搭枱,但最後卻安排了二人坐,問非所為.千辛萬苦才得一登新店,口頭呼了口大氣.鼻腔中換了一股咖哩香.香氣誘惑,加上折騰了整天,當然要快速吃晚餐補充!這處以四款咖哩汁為主,各式炸物配菜為副,...簡單點來說,就是咖哩飯版本的車仔麵...萬變不離其中,除了炸物外,還可按不同價格加飯底,轉烏冬,改奄列飯.有點可惜的是,小食類和配菜幾乎是一樣的,...同行友嗜牛,二話不說要了我本來想點的咖哩牛肉飯,單配吉烈蠔.無奈下只好來個豚肉咖哩飯好了.每款咖哩因應不同的肉類,味道都有所不同.這款牛肉咖哩肉味較濃,而且較鹹較

星期三, 難得與老婆大人一同放假, 趁爺爺嫲嫲來探仔仔, 一齊出去食飯買嘢吉之島剛剛裝修完畢, food court 無咗, 多咗幾間新餐廳, 白熊咖哩正是其中之一由於閒日下午(3:30pm), 無乜人, 但竟然有兩個採訪同時進行...........半間餐廳都用來影相........不過都未至於好逼兩個人, 叫咗:牛肉咖哩飯+炸蝦 (小弟)激辣地獄咖哩豚肉飯+紫芋甘薯餅 (老婆大人)$20 追加套餐一份 --- 牛蒡沙律+乳酸飲料+雪糕先講小弟那份, 咖哩香口, 微辣, 無一般日式咖哩甜味, 炸蝦新鮮炸起, 不俗但粉漿太厚老婆大人那份的確好辣, 不過並非咖哩那種香辣, 只不過係咖哩淋上日式辣椒油, 小弟與老婆大人都不甚欣賞, 反而甘薯餅好好味牛蒡沙律一般, 雪糕就扣分, 入口就知道牛奶公司三色雪糕(不吃也罷)總結: 一試無妨, 不過最好揀閒日, 星期六日假期要排隊入座, 無謂浪費時間

我將第一次的食評獻給它…我與男朋友及他家人 (共5位) 決定一試新開張的日本咖喱飯店，最初以為19:00時間尚早，就算排隊取票等位，應該不會等太耐…誰不知我們用了1小時10分鐘的時間，才可進場。落單後，頭4碟咖喱飯雖然很快送到枱上，但是其餘4人吃完後，最後1碟咖喱飯才可送到…整體來說，雖然環境不錯，但食物質素，沒有想象中好，與超市咖喱包相同；另安排坐位方面，若人數超過4人，他們安排坐位的速度頗慢，因需要2至4人枱同時結賬，才可安排5至6人進場，這方面需要作出改善。

因中午有要事，店舖十一時開門已在門外排隊入座，坐低仔細看餐牌，幾得意，點了兩個咖喱反跟餐。女侍應生手，要重複講四五次。湯好快，之後等左15分鐘，摧左一次，，15分鐘後再摧，有個冇制服男人解釋話因為我地坐低冇即時叫，第二輪，所以要等，我已經好扯火，咖喱反要等超過半粒鐘？最後我再摧，個男人扮睇我地吾到。終於等左50分鐘，用左10分鐘食完，埋單要排隊，間鋪吾大，收錢慢又冇散紙找，混亂之極，可想而知，到我地比錢，我同佢講等好耐，又係個個男人，今次扮聽吾到，真係服務差到爆！咖喱份量夠，味道偏咸但不錯，南瓜湯入口滑好creamy。不過如此服務態度，令人吾多想再光顧！

好耐都無寫食評, 除非好好或好差.....之前見到裝修緊, 原來開咖哩專門店, 呢類店系HK不多, 今日特登去試, 去到見好多人等緊, 門口個妹妹話要等30~60分鐘, 估吾到差吾多兩點都仲甘多人, 甘照等啦(有d盛八食堂剛剛開時排長龍既感覺) ...入到去地方吾大, 都幾逼下, 餐牌有幾款咖哩, 豬, 雞, 牛都有, 呢度系揀飯底再加小食, 我同太太都選擇左比較少見既特辣豚肉, 再加炸豬排同炸蝦, 但個waiter話炸蝦賣曬, 甘我就要一個咖哩炸豬排飯同凈咖哩飯, 一開始等左10min, 個炸豬排飯來先, 反而個凈咖哩飯等多10分鐘吹幾次先到(比我地遲來既人都快過我既凈咖哩飯, 直至我差吾多發爛渣...), 跟住再追加炸蠔, 味道如下.....特辣豚肉咖哩飯(細) $45 - 一碟多汁少飯, 第二碟來既多飯反而少汁, 咖哩得過辣字, 吾香, 無日本咖哩一般既甜, 得3粒似五香肉丁size既豬肉粒, 賣甘既價錢, 吾值, home既Java咖哩磚味道好得多.....飯系珍珠米, 但吾系靚米, 井井屋既米好過呢度多多聲... 炸豬排 $25 - 炸皮比較厚, 味道無特別, 好在吾硬...

最近，飲食界的日本風氣熾熱，數家拉麵店先後在港九地區開業，差不多每個星期也會趕著去吃拉麵或沾麵。怕店開久了，人氣旺起來，要排隊很久才能入座。在新界區這邊，繼蛋包飯後，這家來自日本北海道的白熊咖哩又來襲屯門。4月25日才正式開業，這夜便約好了朋友來吃晚飯。此店起初在日本原來是間拉麵店，其後店主用了拉麵湯底，加入牛油及蔬菜等來造咖喱，起初這些都是給員工吃的膳食，但後來食客嚐過也大讚好吃，再經過店主反覆研製，最終烹調出獨特口味的咖喱，並以白熊咖哩為名，在日本已經有60間以上的分店。晚上大概七時來到，已經滿座，但等了不久也能入座。店內地方不算很大，但幸好坐在牆的一邊，地方不算很迫狹。台上印有熊的腳印，更襯合餐廳名字。檯上放有醃蘿蔔及辣椒油，可用來跟咖哩吃。看看餐牌，咖喱有四款選擇，牛肉、雞肉、豚肉及激辛地獄豚肉，份量設有普通或大盛版，價錢由$38起，價格不算貴。跟飯的還可額外添加配料，如炸蝦、吉列豬扒、雞翼餃子等，亦可加錢跟上沙律、湯、飲品或雪糕。我們原想每款咖喱也點來試，但其中雞肉口味已經賣清，只剩下另外三款。豚肉咖喱，$39，配上溫泉玉子、炸日式蕃薯、西蘭花、菠菜及什菇，每款$10。豚肉咖

好友自從由港島區搬到屯門後，常投訴朋友都不願意到屯門探她，以前我和鬆弛也會經常到她家打麻雀或者吃火鍋，現在見面的機會確實少了，剛好我在雜誌看到屯門市廣場裡面開了一家新的咖喱，是晚就約了她夫婦二人一起在晚餐。其實由工作的地方坐西鐵到屯門都只不過是約四十五分鐘，其實也不算很遠。餐廳的位置有點隱敝，地址寫著什麼上層地下UG007 號舖，那麼到底是上層還是地下呢? 所以如果不熟悉商場地圖，可能會比較難找，還好我有地膽帶路，只需跟著行就順利到達了。友人回屯門比較快，所以先去拿了號碼牌，不過要等13張檯，幸好我八點到達的時候只等了一會就可以入座。雜誌明明說這裡有一千呎，可坐五十人，算是闊落舒服，可是以我所見確實可以坐五十人，但其實有點擠擁，特別是那些不貼牆的檯，店員在中間走動的時候也要小心奕奕，反而近窗那邊的位置就比較舒服。首先說一下這家白熊咖喱的背景，白熊咖喱在日本北海道有六家分店，創辦人竹麓輔本來是一個拉麵達人，在日本有60多間拉麵分店，一開始他其實只是為了員工膳食而製作咖喱飯，後來有食客吃過之後覺得很好吃，於是他就不斷鑽研咖喱的製法，最後在2011年在日本開設首間白熊咖喱。咖喱飯的種類雖然不