發達叉燒

营业中

休息中

次次行過灣仔都見呢間餐廳出面有一條長龍，非常好奇究竟係咪咁好🤔為咗唔想等咁耐，決定開舖之前已經去到，不過原來都係要排隊，好彩可以坐到第一輪枱。原來佢嘅燒味飯都有好多選項，結果叫咗叉燒燒鵝飯，叉燒改五花腩叉燒，飯轉豬油撈飯，加多隻蘭王太陽疍，送多碗老火例湯。先講碗例湯，冇乜特別味道偏淡。坐我對面嘅太太飲咗一啖就皺晒眉頭，成碗俾咗佢老公飲😂五花腩叉燒好肥美好嫩，調味適中，又有燶邊，的確唔錯。不過因為我今次係試五花腩，好難同一般叉燒比較。我食嘅燒鵝就比較少肉多骨，我只可以講係一般啦。至於豬油撈飯，我就覺得可以再香啲。不過值得一提，因為餐廳比較細全程搭枱，而出面又有好多人排隊，所以整體餐廳氣氛都比較緊張，我都唔敢慢慢享受，快手食完就即刻閃。

openrice 睇下有咩食，咁岩見到間野賣哂廣告，好似幾吸引咁，但見到個餐牌價錢又有啲卻步。人一世物一世！就試下你。oh.....又係可一不可再系列🙅‍♂️🙅‍♂️晚上8點入座，先唔講好唔好食，地下跣到好似溜冰咁🎿我坐右邊卡位望住廚房第二張台，好好好窄，自問唔係肥，中等身型。叫左叉燒雙蘭王蛋飯同茅台醬油雞燒鵝飯。叉燒雙蘭王蛋飯轉左五花腩叉燒。唔係講笑比呢個價我食棋哥都好撚過佢，只能說佢一般貨色。

係蘭杜街中間但離遠就見到排隊人龍店內裝修明亮新式茶餐廳格局晚飯時間排緊有8人但十分鐘左右就有位全靠簡潔既菜單及出菜速度快價格雖略為中上但出品高質值回票價!味道地道正宗仲幾有功架特別係厚切叉燒出色 半肥瘦好滿足難怪最近期人氣爆升仲日日排長龍叉燒雙蘭黃蛋飯 $88濃邊叉燒切得厚實 邊緣焦香帶脆仲帶點肥肉質嫩滑不柴 蜜汁滲進肉裡 甜鹹交織爆晒汁蘭黃蛋既蛋香一流 撈埋白飯充滿豐盈口感飯粒仲吸收晒叉燒油脂 每一啖都係享受即使價錢稍為中上 但呢個質素難能可貴!茅台醬油雞燒鵝飯 $80一上枱就散發滿滿既鵝油香氣鵝皮金脆油亮 肉質軟嫩多汁只有最新鮮燒出嚟先有呢個級數份量正常始終本身都係較高價之物相比油雞表現正常亦不過不失雞肉滑嫩而有陣酒味既餘韻鵝汁西蘭花苗 $66選用最鮮嫩甜脆既西蘭花苗是西蘭花與芥蘭的混合體清脆爽口帶點咬勁合乎香港人對芥蘭既偏愛又有西蘭花既超高營養價值淋上濃郁鵝汁卻不搶味雖然價位較高但值得一試老火例湯每個飯都附送一大碗老火例湯雖然用料一般但味道清甜湯色清澈帶點金黃 溫潤順喉回甘不膩正宗煲左超過三小時以上既無味精湯飯前飯後飲都咁岩 係燒味飯既良伴

燒味可以話係我由細食到大嘅食物，有質素好食或較低質嘅燒味都真是吃過不少。知道人氣私房菜《鋒膳》最近喺灣仔開咗間小店主攻食燒味嘅叫《發達叉燒》，好有興趣想去試吓。當然最想試嘅係佢哋嘅叉燒， 燒鵝。叫了一個叉燒燒鵝雙拼飯， 再加一個燒鵝配手工麵。 飯未到先喝一口送嘅例湯，喝後我已經對呢間店嘅出品有㸃信心。 吃罷後， 仍有點意猶未盡， 買了半斤叉燒跟半隻茅台醬油雞外賣帶回家給家人加料。叉燒肥瘦適中，外層帶點燶邊，咬落有肉汁，腍滑鬆化，調味味道適中。至於我喜愛吃嘅燒鵝同樣有水準， 放到面前嘅燒鵝微暖，皮薄肉嫰， 鵝肉本身唔會太肥，咬落滿口肉汁， 散發出鵝肉香味。茅台醬油雞，師傅斬雞時預先去骨拆肉，食起來啖啖肉，特別滿足，值得加分。用來浸雞用嘅醬油特別香，浸過醬油嘅雞皮，雞肉非常入味，雞肉軟滑，食得滋味。不過始終雞肉比較腍，欠缺彈性。 試過幾款唔同燒味都覺有中上水準， 以食物水準及店內環境來講， 個人認為食物價錢定價非常合理。

一去到門口已經大排長龍，最後當然要搭枱其實用差嘅形容。叫咗叉鵝飯加煎蛋。想改鵝比，但係已經冇晒。亦都冇得俾你改多肉嘅部位例湯上到嚟其實幾好，湯渣幾多同埋幾新鮮叉燒亦都加咗$5 用五花腩。感覺中上味道。燒鵝徹底令人失望，個皮算係夠脆之外，只有一層脂肪同埋骨。根本就係食唔到肉。侍應啲態度多嘢係差。女朋友問佢可唔可以俾啲瘦嘅叉燒？佢話全部都瘦。當然唔係啦。總結嚟講，呢個價錢食呢啲質素好唔符合預期仲要等咗好耐先有位冇下次

🐷今翅真係發達啦最近行開灣仔，發現一間裝修低調嘅燒味餐廳，睇真啲原來來頭唔細，係由新派粵菜米芝蓮店「鋒膳」燒味大廚余燦達師傅主理。當中以招牌叉燒、茅台醬油雞及明爐燒鵝最為出色。一場嚟到，我哋梗係以最相宜嘅價錢試哂啲精選啦，所以就揀咗雙拼飯💁🏻‍♀️叉燒茅台醬油雞飯 80食叉燒梗係要食半肥瘦嘅叉燒，餐廳採用西班牙梅頭肉，經過慢火烤製後，我哋嗰日就食得出叉燒外層蜜汁焦香，內裡就肉汁豐盈🤤醬油雞都冇俾個叉燒掩蓋佢嘅味道，一聞就聞出茅台味，雞肉絕對嫩滑，就連雞皮都「索」滿酒香同甜甜的醬油，兩者各有千秋。叉燒燒鵝飯 80燒鵝都唔馬虎，做到皮脆肉嫩，好食到傻。總結/ 成碗飯無論係豉油比例，唔同嘅燒味，甚至乎喺飯粒嘅軟熟度都無可挑剔，睇得出主理人係用心去經營，100%encore 😌

話說其實我都幾鍾意食燒味，但好食嘅叉燒喺香港都不是咁容易搵到，今次嚟到灣仔呢間發達叉燒，聽個名就知佢幾勁啦🤣🤣 晚餐時間嚟到門口已經見到排緊隊啦！點餐後先送來兩碗清補涼湯，邊等主菜嚟時邊可以飲～～🔸蜜汁叉燒 例牌 $120▪️佢嘅叉燒真係色香味俱全，每一件都肥瘦適中，外表烤到有少少微焦咁樣，咬落去嘅時候肉質鮮嫩多汁，真係超好味呀！！😋😋佢嘅醬汁亦係一絕，好味道，我忍唔住攞啲菜點嚟食🤣🤣🤣🔸茅台醬油雞燒鵝飯 $80▪️醬油雞色澤金黃，醬汁香濃，非常嫩滑👍🏻👍🏻👍🏻燒鵝皮脆肉嫩😋🔸鵝汁時蔬 $60▪️呢份菜真係好好食，用咗平時比較少食嘅西蘭花苗嚟做油菜，再加埋少少鵝汁墊底，好好味呀❤️

作為「鋒膳叉燒」嘅姊妹店，食物質素都有返咁上下水平，餐廳超受歡迎，下午茶時段去都座無虛席！餐廳專做幾款燒味：茅台醬油雞、叉燒同明爐燒鵝，燒味喺舖頭度密密燒，每日中午同下午時段新鮮推出，唔怪得咁受歡迎！-——————————————🐖◖叉燒雙蛋飯◗ $80鍾意佢叉燒肥瘦適中，醃得夠入味先拎去燒，燒到有微微嘅焦香，加上燶邊蘭王蛋，啲蛋漿撈埋飯同叉燒一齊食，蛋香濃郁，口感更加順滑！🪿◖燒鵝麵◗ $70+$10燒鵝皮薄脆，鵝肉夠香，本身係配飯加咗$10轉風乾手工麵，麵條口感爽彈，湯底清清地但好夠味好香！🐓◖茅台醬油雞（半隻）◗ $120佢哋另類嘅豉油雞做法幾特別，先用茅台酒醃咗啲雞，鎖鮮再將少少酒香迫入去，整出嚟肉質超嫩滑彈牙！雞皮好入味，味道鹹甜，超好送飯
🌟Encore指數：8.9/10

我見到呢間發達叉燒，門口寫住"生舊叉燒好過生你"，就入去睇吓舊叉燒有幾好。相信間鋪頭係新開，所有嘢都好新淨企理。鋪位唔算大但食嘅人絡繹不絕，其中不乏中外遊客。一入門口見到收銀後面擺住鋒膳嘅臘腸，一問之下先知原來係鋒膳嘅姐妹店，難怪咁多人。第一次幫趁都係食返啲大路嘢，貪心想食晒所有燒味所以叫咗兩個雙併飯。🌟叉燒雙蛋飯 🍳🍳 首先上場係招牌叉燒雙蛋飯，主角係六大舊厚切叉燒，每塊叉燒都厚切，肥瘦適中。叉燒大舊得嚟夠晒淋，味道香甜，最緊要係有燶邊!仲要唔只單係一舊有燶邊，而係每一舊都可以食到邊位有微微焦脆。伴隨住叉燒係兩大隻煎蛋，一見到蛋黃顏色就知係蘭王蛋，估唔到係煎蛋都同樣做到燶邊。輕輕一篤將蛋黃流落白飯，口感味道俱備，食晒無得再食真係會黯然銷魂。🌟茅台醬油雞拼原隻鵝髀飯 🍗🦆 未放上枱已經聞到陣陣酒香，茅台醬油雞帶充滿層次，雞肉嫩滑多汁，就咁食可以突出酒香；點上難得乾身嘅蔥油又有另一番風味。原隻鵝髀大大隻皮脆肉嫩，咬落去油脂豐富油，香流到白飯將白飯昇華。🌟鵝汁時蔬 🥬 $60 西蘭花苗浸入鵝汁後味道香甜，但又不失爽脆口感，兩者互相配合相得益彰。🌟例湯 (青紅蘿蔔豬展) 🥣 老火例湯用青紅蘿

今天是星期日，中午到灣仔的發達叉燒，店內已經差不多坐滿客人。好在仍不用搭枱，今天叫了兩個雙拼飯，燒鵝拼叉燒和燒鵝髀拼叉燒。燒鵝髀全隻沒有斬開，用碟另外上，看得出沒有偷走部分鵝肉，燒鵝髀加$30,我就覺得超值。兩個雙拼飯，飯量都不多，女士們仍可能足夠，男士應該覺得餸比飯多，不夠飽。不知道是否因為是雙拼飯，燒鵝的味道還可以，而且亦算多鵝肉，但是燒鵝就不夠香味，亦不夠熱。叉燒只有一兩舊味道比較好和肥美，其他的都是瘦和乾爭爭，不是美食。見到其他人有叫叉燒蛋飯，看到一盒盒蘭王蛋，餐廳標明是用日本蘭王蛋，成本都貴啲，味道都好啲。不論是雙拼飯或者叉燒蛋飯，看到叉燒都不是全部肥美，可能要特別加錢要求轉肥叉才肥美。若果不想等位就要早啲到。若果想叉燒好食，就要轉肥叉。若果想燒鵝好食，就要加錢要鵝髀全隻上。整體來說，發達叉燒比灣仔同區三角街的那間燒味餐廳好食好多，最重要是：不會偷換走客人的燒鵝髀肉。發達叉燒的性價比算很高，比其哥或棋子，甘牌和鏞記燒鵝更值。但論燒鵝香味，覺得仍是元朗天鴻的燒鵝甘香抵食。

.灣仔· 鋒膳又一出色之作·發達叉燒.發達叉燒📍灣仔蘭杜街2號地下2號舖.➰相信在灣仔區內不少上班族及老餮定必聽過「鋒膳」的大名，出名的爵士湯·焗豬扒飯及叉燒飯在午市更是一位難求，最近他們推出了副線「發達叉燒」，同樣選址灣仔區內，出色燒味主旨「高質不高價」，用燒味飯拼出一條新血路。.餐廳沒有甚麼精緻裝潢，今日與好友晚上6點多到訪，已經全場8-9成滿，開始需要等位，，店內格局玲瓏，幸好五臟俱全，甫入餐廳已可以見到中央的燒味檔頭，師傅們埋頭苦幹不停新鮮出爐的明爐燒味，火喉十足。. ❀ 蜜汁叉燒 💲120/例牌  ❀ 五花腩叉燒 💲145/例牌 ⭐️4.4/5⭐️店名「發達叉燒」，主打當然是出色的叉燒，餐牌上亦有不少其他出色的招牌美食，有機會下次再品嚐，與朋友在較瘦的蜜汁叉燒與半肥瘦五花腩叉燒中猶疑了一會，最後決定選擇了後者，豈料這已是今日的最後一碟，後來的食客想叫已大呼可惜。.叉燒上枱令人眼前一亮，色澤油光亮麗，而且是超厚切的五花腩叉，恰如其分的燶邊當然是必需的，入口啖啖肉之餘因為半肥瘦的關係不會嚡口，調味亦相當惹味，比不少星級酒店的叉燒水準有過之而無不及，論記憶點與味道來說以今年食過數一數二

太古廣場旁燒味@灣仔..My families and I went to a restaurant called ‘’Fat J Char Siu‘’（發達叉燒） located in Shop 2, G/F, 2 Landale Street, Wan Chai灣仔蘭杜街2號地下2號舖..This restaurant specializes in Chinese BBQ protein in Guangdong Style..Roasted Goose明爐燒鵝Upper part(1/4 bird)上莊 （1／4 隻）HKD$160..the goose is so juicy.with luscious grease rendering out.golden brown crispy skin .served in sweet and sour plum sauce..Chicken Giblets and Duck Meat Pot 發達雞鴨一品煲(Dine in)HKD$ 280(堂食)280(外賣) 350 (Take away)HKD$ 350..likeeeeee

近期超人氣位於灣仔最新燒味飯店「發達叉燒」由粵菜館「鋒膳」燒味大廚余師傅主理，炮製極致級叉燒、茅台醬油雞以及明爐燒鵝。質素一定有保證，開業以來每天人龍由開口排到關門，而且好多時候大熱美食夜晚八點之前已經賣晒，想食就要趁早👍▪️叉燒雙蘭王蛋飯 $88師傅透露招牌叉燒，是用上自西班牙的向日葵甘栗豚製作，豬肉帶有堅果香氣和柔和的甜味，油脂分布極佳，塗上蜂蜜後放入太空燒烤爐烤製1.5小時，叉燒外層蜜汁焦香肉質鬆軟又Juicy，真係黐線咁好食，配上燶邊蘭王煎雙蛋加埋白飯，簡直係人間美味▪️燒鵝飯 $ 70燒鵝賣相一流，而且香氣十足，以自家製醬料醃製，再用蘋果木燒製，鵝皮燒得好靚而且夠晒香脆，肉質鮮嫩又多汁 ，白米飯吸收晒燒鵝汁超正▪️茅台醬油雞（半隻）$ 120上枱茅台酒的香氣滿瀉，選用三黃雞，以頤和園御品醬油及王子茅台酒醃製40分鐘以上，超級入味，重點係已經去骨拆肉，每件雞肉滑嫩入味，充滿茅台和甜醬油的味道，一樣係必食推介▪️鵝汁時蔬 $ 60用上特別幼嫩的西蘭花苗做時菜，味道清新口感鮮嫩，吸收咗鵝汁嘅味道，更有風味▪️老火例湯是日例湯係青紅蘿蔔煲豬展，味道清甜落足料全無味精，配合燒味飯真係一流

叉燒一向係我本人最愛，尤其是啲半肥瘦叉燒今次黎左呢間出名食叉燒嘅餐廳夜晚高峰期黎食飯的確要排隊，各位朋友想食嘅話要早啲黎啦！老火例湯絕對足料嘅煮家湯，仲有好多湯料～飲落去唔會有任何味精，絕對有家的感覺！叉燒雙蘭王蛋飯蘭王蛋呈深黃色狀態，仲有少少濃邊記得要拌飯一起吃！絕對係滿滿的幸福感！而叉燒亦都非常大舊，肉質鮮嫩，有少量脂肪，口感挺嫩的！茅台醬油雞飯一上菜有濃郁的茅台味，平時少吃雞皮的我，都不禁雞皮都食埋，因為真係好香滑，更加食唔出有脂肪！連雞胸肉都好嫩滑，餐廳選材絕對有要求！

🫶🏻叉燒雙日本蘭花王雞蛋煎蛋飯!一上枱就俾佢個賣相吸引住！兩隻日本蘭花王雞蛋煎到金黃色，蛋黃仲係流心嘅，撈埋啲叉燒汁同飯一齊食，真係無得彈！叉燒係用西班牙黑毛豬梅頭肉整成，肥瘦適中，外皮香脆，肉質嫩滑，仲帶住淡淡嘅蜜糖香，真係食到停唔到口！ 餐廳嘅叉燒真係冇得輸，分享嚟講亦都比好多，我覺得配得上呢一個價錢，喺灣仔嚟講呢一個價錢絕對唔算太貴，而且佢嘅味道同埋份量，我覺得都係非常好的！🫶🏻茅台醬油雞飯!呢個係餐廳嘅招牌菜之一，用咗茅台酒醃製過嘅走地雞，肉質特別嫩滑，仲帶住淡淡嘅酒香，但係又唔會蓋過雞肉本身嘅鮮味。醬油係師傅秘製嘅，鹹甜適中，撈飯一流！ 加$20可以轉雞髀，我覺得佢本身都已經非常好食，拆咗骨，方便進食！啱晒我！🫶🏻燒鵝汁配西蘭花苗!平時食燒鵝就食得多，用燒鵝汁配西蘭花苗就真係第一次試！西蘭花苗好嫩，完全冇渣，蘸埋啲燒鵝汁一齊食，鹹香得嚟又帶住啲蔬菜嘅清甜，好有驚喜！ 🫶🏻老火靚湯!每日限量供應，我嗰日飲到嘅係紅蘿蔔煲豬𦟌湯，湯水好清甜，飲得出係用足料同時間煲出嚟，飲完覺得成個人都暖笠笠，好舒服！