發達叉燒

营业中

休息中

有一日平日去開灣仔，突然想食 #燒味 ，11:45到埗排到頭輪🤗一坐低就揀到，叉燒茅台醬油雞飯，加$5轉做五花腩叉燒叫完無幾耐先上是日例湯，蓮藕湯，湯頭好清，清微甜，無味精，飲落舒服😌主角一上枱，第一眼見到蜜汁五花腩微燶邊，淡淡油香飄上嚟😍 佢哋用上西班牙栗子豬，所以望上去同平時嘅叉燒已經好唔同😋 肉質鬆軟，入口即溶，原味已經好出色🤩 輪到茅台醬油雞，肉質非常之嫩滑，配上貴州嘅茅台王子酒，我平時唔食雞皮，但係酒香令到雞皮更加爽，係真係忍唔住要食咗幾塊雞皮🤫 同時好欣賞雞件起晒骨👍🏻 喺點餐嘅時候我將汁另上，方便食完原味之後，再淋上汁，建議唔好落太多，輕輕上就可以去到另外一個層次，值得嚟食一次😁

琴晚六點九去到呢間燒味店，門口已經有條人龍排隊，好彩算郁得快，七點已可入座。伙記就話燒鵝剩返好少，我哋即刻嗌咗個茅台醬油雞燒鵝飯，同埋蘭王煎蛋叉燒飯。點知落單唔夠五分鐘，就聽到廚房嗌「燒鵝賣晒喇！」，食咗15分鐘左右，連招牌叉燒都賣晒！個叉燒雙蛋飯真係冇得彈，啲叉燒半肥瘦啱啱好，篤穿隻流心蛋撈飯真係正到爆。茅台醬油雞酒香入味，又香又滑每碟飯都會送碗老火湯，幾有家的味道，飲落應該冇落味精鵝汁時蔬用咗上價嘅西蘭花苗，呢啲細節可以睇得出店家對食材嘅追求講真呢間燒味係做得幾出色，不過想食燒鵝同叉燒就要早啲嚟啦～

At the corner of Wan Chai’s Landale Street, this humble barbecue shop radiates old Hong Kong charm. The red-and-white signboard is instantly recognizable, and as you step inside, the rich aroma of honey-glazed char siu (barbecue pork) and Cantonese soup welcomes you warmly. This small eatery is a haven for traditional Hong Kong-style roasted meats, each dish brimming with nostalgia.The **Char Siu Double Egg Rice** is a standout dish. The barbecue pork, caramelized with a golden honey glaze, stri

見好多KOL介紹哩間舖嘅，同時網上都很多人話叉燒質素差。今日平日下午5點幾經過見唔洗排隊就去試下，結果係極之失望！首先講講$88的叉燒雙蘭王蛋飯，蛋同飯正常發揮，但主角叉燒又柴又無叉燒香味，真心唔唔食，大把地方嘅叉燒更平價更好食，淨係灣仔區都好多，唔需要俾咁貴價錢去食。另外店舖環境有待改善，地下濕笠笠，冷氣嚴重不足，一路食一路出汗。店內某些職員態度欠奉，自己碗飲咗兩啖，跟住食飯唸住一陣再飲碗湯，職員直接收咗碗湯無問我仲要唔要。真心好耐無試過咁差嘅飲食體驗，試過一次就算，唔會再去。

呢間新開嘅燒味店主打係叉燒，經常排長龍，好似開咗差唔多半年但係都未有機會試到，今日朋友買外賣，所以終於有機會試到佢嘅燒味。佢啲叉燒主要有三個唔同部位，佢啲叉燒係偏肥同埋偏林，如果鍾意入口即溶唔使點趙嗰種叉燒嘅朋友就真係要試一試佢。三款嚟講我比較鍾意豬頸肉嗰一款，因為我自己鍾意比較有質感嘅叉燒，所以三款之中就只有豬頸肉做嘅叉燒比較接近我鍾意嘅口感，但係其實都係偏林。另外仲叫咗豉油雞，同叉燒一樣都幾好味，雖然唔係話非常出眾，不過我叫做問有所值，咁嘅價錢咁嘅質素絕對收貨。

今日終於試到非常之出名嘅發達叉燒，喺灣仔名店，一到食飯時間即刻排晒隊，今日我哋都等咗15分鐘，好彩非常之值得✅✅老火例湯 每一個飯都有一個老火，例湯每日新鮮熬製、用大量食材慢火煲3-4小時以上，湯底清甜濃郁，無味精、飲落暖身又滋補！叉燒雙蘭王蛋飯 叉燒配兩隻流心蘭王煎蛋，叉燒香甜多汁、肥瘦均勻，蛋汁撈飯超正，性價比高。而且食到豬肉嘅甘香。💪💪茅台醬油雞燒鵝飯 用茅台酒同高質醬油醃製三黃雞，雞肉嫩滑、雞皮爽彈，有淡淡酒香，燒鵝外皮脆口、肉質結實，二選一或雙拼都得，碟頭飯份量足，每客送例湯。🔥🔥鵝汁時蔬 濃郁鵝汁，灒落灼熟時蔬如菜上，蔬菜鮮甜帶獨特鵝油香，簡單但好味又有營養。

由鋒膳嘅燒味大廚主理，聽聞日日都大排長龍，今次小編平日兩點幾去直入😬鋒膳嘅叉燒煎蛋飯係要$185，呢度嘅價錢相對易接受~🐖叉燒雙蘭王蛋飯（$88）叉燒係用西班牙嘅栗子豬燒，有蜜汁叉燒同埋五花腩叉燒（+$5），鍾意肥叉嘅一定要叫五花腩叉燒~ 叉燒油脂感豐富，肉質鬆軟易咬，帶有少少燶邊，口感絕對唔似一般嘅叉燒😝一啖叉燒配蘭王蛋撈飯，真係好滿足🍳🐣茅台醬油雞飯（$68）茅台醬油雞一上枱好香酒味，雞肉食落好嫩滑但有淡淡醬油味，好特別，加咗茅台嘅醬油雞食落油香更加出，再值得一提嘅雞肉係完全冇骨😬例湯飲落都幾香甜，feel到係老火靚湯，不過小編有睇到有客人反應外賣質素可能會差啲😗

見到海量好評，慕名而來 ，滿心期待，真心估唔到可以咁差😱冇諗過食完嬲到要寫食評，所以一張相都冇影！首先，賣相非常一般，完全唔似得其他食評post出嚟嘅相咁吸引！叉燒肉質只能夠話正常，但完全冇味！唔單止係冇肉味，就連叉燒應該有嘅鹹鹹甜甜、炭燒蜜汁味都冇！碗例湯入面塊肉嘅味道仲好過舊叉燒！如果你阿媽成日話：「生嚿叉燒好過生你」，你就帶佢去試吓發達叉燒啦😂茅台雞肉質粗鞋，雞味當然欠奉，茅台味同醬油味都一樣係冇囉！都唔知自己食緊啲乜😒直到食埋鴛鴦腸，先知自己味蕾冇事！食到一半已經嬲到唔想再食落去，嘥晒我啲quota！一間絕對過譽嘅燒味店😡😡😡

【灣仔燒味界新霸主🔥 茅台燒鵝震撼味蕾】 📍 灣仔呢條人龍終於見識到！每日都有兩條長龍，今日試完明白點解街坊咁瘋狂～ 🍖「叉燒雙蘭王蛋飯」 • 黑毛豬叉燒肥瘦相間似大理石紋🥩 蜜糖脆邊帶焦香 😱• 日本蘭王蛋流心程度完美✨ 蛋黃撈飯堪稱邪教級美味 ,大家都知道蘭王蛋是日本蛋之王者• 附送老火湯落足料，苦瓜紅蘿蔔豬骨湯非常適合炎炎夏日清熱解暑🦢「茅台醬油雞燒鵝飯」 • 上桌真係聞到茅台酒香！醬汁滲透每絲雞肉 • 燒鵝皮脆如玻璃✨ 鵝油香由舌尖衝到天靈蓋 • 肉質嫩滑唔柴，連胸位都充滿肉汁 🥬 鵝汁時菜 • 爽脆度似剛摘落來，非常新鮮，連菜莖都清光 💰 $80食到米其林級燒味！#灣仔必排隊 #茅台燒鵝傳奇 #黑毛豬叉燒封神

呢間開業無耐就成為灣仔排隊熱點嘅餐廳，由人氣粵菜私房菜「鋒膳」燒味師傅余燦達主理，雖然門面低調，但口碑相傳之下都真係吸引不少食客特登嚟捧場。作為鋒膳嘅姊妹店，呢度嘅燒味延續高水準，價錢卻親民得多。大部分主食都跟碗餐湯，粉葛湯飲落清甜無味精感，仲有不少瘦肉同粉葛，誠意十足。叉燒雙蘭王蛋飯 $88果然是鎮店之寶！叉燒選用西班牙甘栗豚梅頭肉，全是半肥瘦部位，油脂甘香，蜜汁焦燶邊帶微微炭香，咬落鬆化得嚟肉汁豐盈。最驚喜係配上兩隻燶邊太陽蛋，蛋黃撈埋叉燒汁同飯，令平凡白飯即刻升華成「邪惡料理」，好食到我都食晒成碟飯。茅台醬油雞燒鵝飯 $80醬油雞用茅台王子酒醃製，雞皮爽滑得嚟帶淡淡酒香，肉質嫩滑唔嚡口。燒鵝更加是亮點，以蘋果木明爐燒製的鵝，皮脆肉嫩，鵝油香而不膩，蘸埋自家製酸梅醬，酸甜平衡恰到好處。鵝汁西蘭花苗 $60菜苗嫩無渣，淋上燒鵝滴出嘅原汁，鵝油香滲透每條纖維，簡單卻顯功架。

同朋友去食排隊成粒鐘，點知好普通嘅叉燒飯，加錢食左半肥瘦嘅肉 點知廋肉部分嚡熠熠，味道同普通餐廳嘅叉燒飯差唔多而且有啲貴，如果特登去排隊食真係唔值得！好多大陸人去排隊 應該又係社交平台😂！

呢間嘅叉燒keep住喺社交平台見到朋友打卡話好正，終於過嚟試試。呢間燒味都幾高人氣，嗰日8點左右開始要排隊。首先講叉燒雙蘭王蛋飯，叉燒燒得啱啱好，外層微焦，帶少少蜜味，肉質嫩滑唔鞋口。蘭王蛋更加係亮點，兩隻流心蛋黃香濃滑溜，撈飯一流，食落去真係幸福感爆棚。飯粒分明，唔會太濕或者太乾，吸晒叉燒汁同蛋汁，味道層次好豐富。至於茅台醬油雞燒鵝飯，真係值得一讚。鵝肉皮脆肉嫩，完全唔覺油膩，雞肉都好滑，茅台酒香滲入醬油入面，唔會太濃烈，反而令成個味道更加有深度。配埋鵝汁時蔬，菜爽甜又吸晒鵝汁精華，清新又惹味，啱晒用嚟中和肉類嘅油香。最後唔可以唔提老火例湯，湯底夠火喉，材料足料，飲落去暖笠笠，好有媽媽煲湯嘅感覺。整體嚟講，呢餐飯真係色香味俱全，價錢合理，份量足夠，無論係一個人快餐定三五知己聚餐都好啱。下次一定會再嚟試其他菜式！

真的毫不夸张的美味🤤蛋白底煎得脆脆的流心蛋黄饱满到摇摇欲坠🥢一戳直接融化到米饭里米饭口感会更加软糯！超级厚实大片的叉烧蘸蛋黄吃！绝对的满足⚠️不要放过这个茅台酱油鸡烧鸭饭🍚鸡肉好嫩好juicy 入口有茅台清香再搭配香葱 怒吃两碗大米饭妈妈再也不用担心孩子不爱吃饭了还有配的一碗例汤 非常清甜正宗的🇭🇰港式燉湯！这家基本都是local在吃不想排队的记得避开饭点好吃！

在灣仔蘭杜街的轉角處，發達叉燒的紅底白字招牌閃着老香港的市井光芒。推開玻璃門，撲鼻而來的是蜜糖叉燒的焦香與老火湯的醇厚——這間街坊小店，用最地道的港式燒味，寫着一封給味蕾的情書。 **叉燒雙蛋飯**是舌尖上的交響樂。琥珀色的叉燒肥瘦相間，刀鋒劃下時蜜汁從焦脆的「燶邊」滲出，肉質鬆化得近乎纏綿。兩顆太陽蛋如黃金盾牌鋪在飯面，戳破蛋黃的瞬間，與甜豉油、豬油渣在熱飯上交融出經典的「頹飯」靈魂。更驚喜的是附贈的**老火例湯**，湯色渾濁卻清澈見底，一口下去，陳皮、粉葛的甘甜與豬骨的脂香在喉頭打轉，是阿媽煲足三小時的誠意。 **茅台醬油雞燒鵝飯**則展現了港式燒臘的奢華變奏。燒鵝皮脆如薄紙，皮下脂肪早已化作汁水浸潤肉質，蘸上酸梅醬更顯層次；醬油雞則被茅台酒香點睛，肉質滑嫩中帶着酒香餘韻。最妙是墊底的**鵝汁時蔬**，菜心吸飽了燒鵝滴落的精華，鑊氣十足卻不油膩，是老師傅對火候的精准拿捏。 環境是典型的港式「茶記」格局：摺枱膠凳排得密不透風，牆上貼着「冷熱飲加$2」的泛黃告示，收銀臺後方掛着油光發亮的斬料檔。午市時分，伙計用原子筆潦草寫單的沙沙聲、街坊「加底走青」的吆喝聲、還有廚房傳來的鏗鏘鑊

📍發達叉燒😍灣仔超人氣半肥瘦叉燒👍🏻～晚晚都排晒長龍🤭今晚終於食到啦👍🏻～叉燒雙蘭黃蛋飯😍好耐冇食過咁正嘅叉燒😍真正嘅半肥瘦😘配上鮮黃蘭王蛋汁食真係正到爆👍🏻～茅台醬油雞燒鵝飯 ❤️第一次食茅台醬油雞☺️估唔到係咁正😘加上雞肉嫩滑😍燒鵝仲要係鵝髀😛正呀👍🏻～老火例湯😘第一次喺燒味舖飲到咁高質嘅湯😍完全冇味精👍🏻香濃得黎唔會鹹😘～食物質素高🥳店員服務態度好👍下次一定再嚟食😎📍發達叉燒 (灣仔)灣仔蘭杜街2號地下2號舖