發達叉燒

营业中

休息中

😍最近係灣仔返工嘅朋友仔介紹我😋話呢間啲燒味好出色😍趁住過開黎買野😜我哋就去排隊趁下熱鬧先❤️今晚去到都晏嚕😜排隊都排左20分鐘⏰到我地有位嘅時候好彩仲叫到一份燒鵝🦆隔離枱想叫都已經賣晒喇😅建議大家可以嘅話就盡量早啲去食🥰選擇就多啲呀☺️🐔明爐燒鵝：我鍾意食燒鵝髀，所以我叫咗1/4隻下庄🐣燒鵝髀勁肥美😍而且仲係啖啖肉添✅肉質夠滑💯好快賣晒呀😋隔籬枱想嗌都冇晒嚕😅我地好有食神呢🥳🍛叉燒雙蘭王蛋飯：叉燒好厚又夠軟嫰🐷而且份量都唔少✅加埋上面兩隻窿邊嘅煎蘭王蛋🥚超級夾💯正到暈🤩🍵老火例湯：過例湯好大碗呀🔥而且一啲油都冇😍真材實料💯所以味道好清甜呢🥳🥦鵝汁時蔬：呢個BB芥蘭用咗鵝汁炒🔥所以特別香口😋芥蘭苗咬落口仲係仲脆卜卜✅好新鮮添🥳🍚豬油撈飯：豉油同豬油啱啱好😍呢個唔錯呀👍

今次要推介係最近超高人氣嘅燒味店，啱啱新開咗冇幾耐已經出晒名好食🤗 次次經過都一定見到坐滿晒人同埋好多人排隊😌 決定今次自己過嚟試吓先！真係超高質 💯 燒味全部都好好食，佢既豬油係自家煉製既，而調製醬料就用左頤和園御品醬油👍 如果叫單拼或雙拼飯嘅話仲會送老火例湯添 🥣 叉燒雙蘭王蛋飯 🥚 呢個係佢嘅招牌之一，一定要試 🏆 叉燒半肥瘦，蜜汁好惹味，最吸引係有雙蘭王蛋添 🥰 茅台醬油雞燒鵝飯 🐥 想試吓另一啲燒味嘅會推介呢個醬油雞燒鵝飯，醬汁整得超入味，雞肉都好香滑，真係一流🤗鵝汁時蔬 🥦另外叫左西蘭花苗，好新鮮 🥦 用咗鵝汁做調味所以更加惹味👍

灣仔發達叉燒是一家以其獨特的叉燒而聞名的餐廳，位於繁忙的灣仔區，座落於食街蘭牡街，地方夠方便，吸引了眾多食客前來品嚐。這裡的叉燒以其色澤誘人、口感鮮嫩而受到廣泛讚譽。例湯一點也不馬虎，每款也有湯料附上！叉燒色澤紅潤，表面油光發亮，讓人一見就想品嚐。肉質非常柔軟，肥瘦的肉層好清晰！經過醃製和烤製，外層微焦、內裡卻十分多汁。每一口都能感受到豬肉的鮮美和醬汁的香甜，讓人回味無窮。叉燒蘭王蛋飯粒吸收了叉燒的醬汁，還用上上盛日本蘭王蛋，讓這個黯然銷魂飯的每一口都充滿了味道。燒鵝油雞飯都超好食！燒鵝皮烤得香脆，肥瘦的平衡恰到好處，能食到啖啖肉又有油香！配上酸梅醬這個化學作用從來都是無得輸。餐廳的環境整潔舒適，雖然空間不大，但裝潢簡單，服務員友善！發達叉燒未夠七點食飯已經有長長的人龍。暫時仲未比遊客攻佔，本地人應該趁早來此一試，體驗正宗的港式叉燒。

🇭🇰發達叉燒·叉燒雙蘭王蛋飯$88 l 茅台醬油雞飯$68 l 明爐燒鵝1/4隻(上莊)$160之前睇米紙見鋒膳既燒味師傅新開左呢間燒味舖 所以就嚟咗試啦😜😜我覺得佢嘅叉燒都唔錯 佢係超級厚切 肉質都幾好🐷配埋兩隻煎得勁靚既蘭王蛋 篤爆個蛋汁撈飯幾正🍳不過我自己覺得更有驚喜係佢個茅台醬油雞飯😍😍佢個雞係真係超級嫩 而且好香 好入味🤤🤤雞皮仲要好彈牙 完全唔肥膩🐥另外佢燒鵝個色澤都好好 不過我自己就覺得都係叉燒同醬油雞出色啲·#rbyeat#rby港式#rby灣仔 #rby金鐘·📍灣仔蘭杜街2號地下2號舖

最近人氣店灣仔新開嘅「發達叉燒」係鋒膳私房菜老闆開的一間長期排隊嘅燒味專門店，價錢親民但係米芝蓮質素💯店內可以見到開放式廚房嘅玻璃掛住好靚燒味，見到已經知道質素唔錯👍🏻叉燒雙蘭王蛋飯 $88賣相好靚，叉燒份量都幾多，仲要係厚切，店員介紹叉燒用料係用西班牙栗子豬，肥瘦均勻，肉質鬆軟夠腍，肉味濃，蜜糖剛剛好，唔會過多唔會太甜，叉燒燒到有少少燶邊😋 ；配埋燶邊日本蘭王蛋顏色又靚又蛋味濃👍🏻燒味飯仲配送埋老火例湯，今次係我至愛嘅霸王花老火湯，完全冇味精，又多料，湯超甜，店員話佢哋都係用西班牙豬肉嚟煲湯，唔怪之得湯入面啲肉都係咁腍咁好味😋明爐燒鵝下莊 $190賣相一流，鵝髀超大隻，燒得顏色好靚，皮少少脆，鵝肉夠嫩，又唔多肥膏，調味夠入味，超高質💯價錢比一般燒味店高少少，但質素唔錯，都抵食，下次一定要再嚟試埋茅台醬油雞，好期待推薦💯

最近係公司食過一次呢間既叉燒同雞外賣，個雞真係好滑而且個酒香勁濃，為咗要食多次新鮮熱辣辣既就走咗去舖頭（又食翻同一樣既野）首先講招牌既叉燒先第一次食既時候叉燒帶花香味 幾獨特既香味最正係叉燒都分咗部位選擇 有普通叉燒或五花腩上網搵咗佢地係用太空燒烤爐烤製1.5小時方法烹調食咗兩次都覺得個茅台醬油雞好出色首先如果你鍾意酒香味 將會加分位!雞肉真係好嫩滑 肉質好似慢煮咁既質地蜜汁叉燒 例牌 120茅台醬油雞 半隻 120我見其他人滑蛋叉燒飯/煎雙蛋飯都好吸引🤩

人均港幣60起｜灣仔｜神級叉燒｜發達叉燒叉燒雙蛋飯厚切梅頭叉燒自帶焦糖琉璃邊，半肥瘦間流淌琥珀色蜜汁 太陽蛋黃岩漿混搭豉油撈飯，鑊氣直沖天靈蓋 滑蛋叉燒飯 打滑蛋如絲綢裹住叉燒粒，蛋香×焦香玩分子料理 鑊鏟45度角快炒成就的蓬鬆感，米其林都偷師的平民藝術醬油雞雞皮閃著黑檀木光澤，秘製頭抽滲透每絲纖維 骨頭都入味到想吮碎，附贈的薑蔥蓉是點睛の核彈——————為食分界線——————📍 發達叉燒灣仔蘭杜街 2 號地下 2 號舖人均消費： 港幣60#mariofatfat #foodie #hkfoodie #hkrestaurant #topcitybiteshk #topcitybites #hongkongfood #hk #hongkong #hkfood #hkfoodie #hkblogger #hkfoodblogger #hongkonger #香港 #香港美食 #週末好去處 #香港好去處 #食好西 #美食 #探店 #香港探店

白飯唔好食，真係會毀壞晒成碟叉燒飯…一食就知啲飯係揮定好耐，且冇米香、似食緊冇叮熱嘅隔食飯咁…完全做唔到一啖飯一啖肉嘅滿足感… 唉…對一間要排隊嘅叉燒飯嚟講，真係唔合格叉燒ok嘅… 有經開可以試試，但會建議買淨叉返屋企算補充：當時係首批客～ 排隊等開鋪入去；坐底即刻手機落單，飲住例湯等；期間發現現場食客嘅表情，睇落都唔似係滿足覺好食嘅…可能都係特登過嚟排隊食，但食到嘅只有失望

灣仔新開餐廳主打燒味！鋒膳本來的叉燒都相當出名，作為副線招牌菜都一定不會失色！燶邊叉燒配埋脆邊煎蛋，蜜汁調配得啱啱好，表層充滿光澤，絕對係最佳配搭！-茅台醬油雞都係人氣之選，雞肉滲透著濃郁酒香，而且肉質嫩滑，鍾意食豉油雞嘅一定要嗌！-而晚市仲有一個數量限定嘅雞鴨一品鍋，有滿滿嘅鴨肉同其他雞鴨內臟配料，醬汁相當香濃，勁有煲仔風味！-🍽️: 發達叉燒 📍: 灣仔蘭杜街 2 號地下 2 號舖

今次晚市來到灣仔新開燒味店 系著名粵菜館「鋒膳」既姊妹店🔥店舖位置不算多要排長龍人氣好高啊 主打每日新鮮出爐燒味 價錢合理👍🏻仲送足料熬製無味精既老火湯 今次系菜乾豬肉湯🥣✨明爐燒鵝明爐燒鵝每日新鮮出爐🍗鵝髀位皮脆肉嫩 咬落鵝油爆出來好豐富💦秘製滷水香而不膩 配酸梅醬仲開胃😋✨發達雞鴨一品煲一品煲要等15分鐘左右 半隻雞+半隻鴨大大煲適合分享🤤仲有鴨腸鴨腎鴨肝🐔🦆豬紅入味好出色 豆卜吸盡湯汁精華 味道濃郁送飯一流🍚📍發達叉燒 (灣仔)灣仔蘭杜街2號地下2號舖

向來燒味食肆林立嘅灣仔，最近人氣粵菜館「鋒膳」燒味大廚主理嘅發達叉燒正式進駐灣仔蘭杜街🚩店內主打三款招牌燒味：蜜汁叉燒、茅台醬油雞和明爐燒鵝招牌蜜汁叉燒（HK$120/例牌）選用西班牙甘栗豚梅頭肉，經慢火烤製 1.5 小時，外層蜜汁焦香誘人，內裡肉汁豐盈，令人一試難忘😍😍好多食客讚揚叉燒肉質鮮嫩，外焦內嫩，醬汁入味，甜中帶鹹，口感豐富🫶🏻另一款必試的茅台醬油雞（HK$120/半隻；HK$240/一隻），選用三黃雞，以頤和園御品醬油及茅台王子酒醃製 40 分鐘以上，令雞肉充分吸收醬汁的精華明爐燒鵝（HK$190/下莊；HK$160/上莊）同樣店內人氣之選。以自家製醬料醃製，再以蘋果木明爐燒製，鵝皮金黃酥脆，入口油香四溢；當晚比較晏所以得返上莊，下次要早啲先得晚市限定的雞鴨一品煲，材料包括雞腎、雞潤、鴨血、豆卜等，搭配自家熬製的台山醬油滷水，亦都太晏試唔到，餸飯一流🍚價錢相對親民，性價比高，當晚亦唔少人嚟叫外賣，建議有興趣嘅朋友提前訂購，當晚正嘅部位係會賣哂㗎如果你對叉燒情有獨鍾，發達叉燒絕對值得一試👍🏻下次必須試埋五花腩叉燒（HK$145/例牌）‼️

灣仔蘭杜街最近開左間人氣爆登燒味店「發達叉燒」，由人氣粵菜私房菜「鋒膳」燒味師傅余燦達主理既小店，主打蜜汁叉燒、茅台醬油雞 & 明爐燒鵝，今日lunch time即刻衝去排隊試下叉燒雙蘭王蛋飯先來一碗老火例湯，兩隻燶邊蘭王蛋煎得香脆，主角叉燒用上西班牙甘栗豚梅頭肉，用太空燒烤爐慢火烤製一個半小時，半肥瘦既叉燒加上蜜汁，又腍又好味茅台醬油雞燒鵝飯茅台醬油雞好香酒味，雞胸都唔榎，唔會話太咸，味道岩岩好叉燒燒鵝飯燒鵝好瘦同好淡，唔點酸梅醬基本上更加無味，好柴口，失望燒味絕對係香港人最愛食物之一，茅台醬油雞我覺得比叉燒更好食🤭，叉燒絕對高質，仲要有6大舊，其實食完兩隻蘭王煎蛋已經飽左半😛，最終都勉強食晒，已經叫左少飯都飽到不行了

宜家香港食店好多時都好早收工，8點已經開始清潔，呢日去灣仔拎返隻啱啱整好嘅表，經過呢間鋪頭，以為隻表又壞咗，8點幾仲有咁多人？門口仲有條人龍？似乎真係好正，即刻排隊入去試吓。如果人龍有機會係曇花一現，咁備貨就係真正可以體驗到鋪頭嘅每日銷售情況。呢個鐘數個架上仲有咁多貨，即係代表佢對佢嘅生意真係好有信心。 🍖我哋一口氣點咗雞鴨鵝，雞鴨其實係同一個煲，兩者都係小小臘鴨感覺，但又唔係完全臘乾晒嘅個種，所以保持柔軟口感之外，又有臘味嘅風味。佢除咗肉之外，煲入邊仲有好多內臟，心肝腎腸，共冶一爐。上面又有豆腐卜，莞茜，兩樣唔止係點綴效果，豆腐卜索曬啲湯汁，芫茜加強整個煲嘅香味同顏色。個湯底系甜甜，好啱女仔，但係佢又好有心咁上埋新鮮辣椒同埋辣醬，令到如果想食辣嘅朋友，可以自己添加，增強風味。 🍖跟住就係食傳統燒鵝，上到台真係流曬口水，隻鵝髀好大隻，d皮充滿油光，燒得好靚，啲肉唔會太多肥膏，又唔會硬掘掘，充實得嚟又嫩滑。配合個白飯，真係天下無敵，啲鵝油滲入個飯度，熱辣辣香噴噴嘅飯，真係將兩者互相輝映。 🍖最後，不得不提嘅係食飯之前個湯，真係超足料，又豬肉又薏米又淮山，飲完真係，好想叫多個。 咁好嘅質素

呢間餐廳之前book mark咗想食好耐，今日終於得閒可以試到，餐廳係由好出名嘅鋒膳開嘅店，而舖頭最出色係佢嘅燒味。叉燒雙蛋飯叉燒份量好多，仲要係半肥瘦好正，肉質鬆軟燒到外表焦香，仲有濃濃蜜汁味好好食配白飯無得輸，而且叉燒用咗西班牙栗子豬嚟整，保持到叉燒嘅水準，太陽蛋撈一定要撈埋叉燒同飯一齊食，呢個組合絕配。茅台醬油雞（半隻）醬油雞係用咗頤和園御品醬油同王子矛台酒嚟醃製，啲到雞肉好香濃，肉質好嫩滑，連雞胸位置都好好食一啲都唔韌，師傅好好幫隻雞起埋骨，每食一啖雞肉都好滿足，值得一試！加瘦臘腸豬油撈飯臘腸好香咬幾啖會有啲香甜味，豬油撈飯令到白飯吸晒啲豬油嘅精華，每食一啖都充滿豬油嘅香氣好濃郁。

小編終於近排有時間去做依一間神級嘅燒味店，店舖最出名就係叉燒同埋茅台醬油雞，其他燒味都唔錯嘅，當日小編呢約2:30左右到，好彩唔使等位，之前經過次次都要等位今次就叫咗佢哋每個人都會必叫嘅叉燒雙蘭王蛋飯+茅台醬油雞半隻+明爐燒鵝飯，叫飯呢都會有奉送例湯嘅，例湯就好足料啦，而且每日新鮮熬製，完全冇味精，好快就已經飲晒碗湯叉燒雙蘭王蛋飯：叉燒採用西班牙甘栗豚梅頭肉，採用秘製嘅醬汁，經燒烤爐慢火烤製 1.5 小時，外層蜜汁焦香，油脂分布平均，入口甘香鬆軟，再配上兩隻藍黃蛋撈埋一齊食，簡簡單單嘅叉燒蛋撈飯就已經好好味茅台醬油雞半隻：店鋪採用三黃雞，以頤和園御品醬油+茅台王子酒醃製 40 分鐘以上，令雞肉充分吸收醬汁的精華，而且將雞肉去骨拆肉，啖啖肉，肉質好嫩滑，酒香與醬香完美融合，每一口都充滿驚喜明爐燒鵝飯：採用清遠黑棕鵝，以自家製醬料醃製，燒鵝皮酥脆，鵝肉鮮嫩多汁，充滿油脂香，配上燒鵝醬，正🙂