發哥粥底海鮮火鍋 (已結業)

今日九龍灣OT，同幾個同事覓食先，見到有人派傳單，睇下先，新開粥底火鍋店，仲可以憑卷位位 減$20，今晚一於食呢間-粥底火鍋新張優惠送三文魚-質素唔錯，少許肥美今晚我地試下 $198 set海鮮拼盤-蝦、鮑魚、貴妃蚌、沙白仲有條魚海鮮幾新鮮，鮮甜，海蝦上枱時仲識郁美國肥牛-淥十幾秒食得，香濃牛肉味日本黑豚肉-肥廋均勻，嫩滑手工貢丸-爽口、彈牙岀前一丁-唔洗多講，香港人至愛岀前一丁蜂巢豆腐-打邊爐必食，今次試下索粥底先炸響鈴-幾脆口，沒有油益味店內位置寬敞，店員殷勤有禮每六位仲送一位 $198

星期六在寧靜的商廈地方...我同幾位朋友去在裡面一間海鮮粥底火鍋店....這間店面面積都非常大....環境都係舒服的！門外有大大張海報係出面...唔會難搵！主食有兩款海鮮選擇..我地選擇了B款！三文魚刺身係免費送的....海鮮盤...有鮑魚、黃金蜆、蟹、貴妃蚌、蝦🦐⋯⋯海鮮是新鮮....味道亦都鮮甜....頂級肥牛...肉質鮮嫩又有香濃牛肉味... 日本黑豚肉....肉質鬆軟...脂肪分佈平均！多寶魚...味道非常鮮美...我地仲叫在貢丸同響鈴，我地已經食到飽飽啦，所以$198..超值...值得嘗試！

因為有朋友喺附近做嘢，收到張$20 Coupon , 話嚟呢到打邊爐，每人可以減$20，見天氣開始凍，又好似幾抵。所以就黎試吓啦餐廳位處係工廈地下，門口有一大個指示牌guide 你入去，地方都唔算難搵！佢一共有兩個package 比你揀，一係$198，另一個就$258！我地揀左個$258海鮮餐，用埋Coupon , 每位計落都係$238海鮮有龍蝦、鮮蝦、鮑魚、貴妃蚌、黃金蜆、多寶魚、蟶子同埋肥牛，款式多之餘，仲要夠晒新鮮另外佢每枱都會有張紙，寫低每款海鮮嘅烹調時間，咁就唔驚啲海鮮煮到老晒啦龍蝦我煮左7分鐘，如佢所言，火侯啱啱好，肉質爽口彈牙，沾少少豉油食已經好正除左上面嘅指定款式外，我地仲可以揀多8款配料！餐廳會根據每枱嘅人數，再按比例調配份量，咁就唔洗驚叫多咗浪費咗打完邊爐之後，佢地再會比個粥底你加落個湯底到！由於啲粥吸收晒之前海鮮嘅精華，所以食落特別鮮甜好味雖然已經好飽，最後都忍唔住食晒成碗另外呢到一點賣點係飲品任飲，除左一般汽水外，估唔到連竹蔗水都係任飲，味道唔太甜，解渴又下火另外已家仲做緊promo, 每枱都有三文魚送，每人二百零蚊就有咁多嘢食嘢飲，性價比高

家住東九，經常在德福一帶出沒，某天逛街收到張附近新開火鍋店傳單，粥底海鮮火鍋挺吸引，秋意漸濃，一於去試試。火鍋店位於德福附近的工廈內，入口有點難找，不過店內夠光猛寬敞。有兩款火鍋套餐，我們選了兩個A餐。店內還有提示每款食材的要在鍋𥚃煮的時間，十分貼心。新開張加送的三文魚刺身。A餐有很多海鮮: 龍蝦，鮑魚，海蝦，貴妃蚌，聖子皇，蜆及多寶魚，還有肥牛。鮑魚及海蝦未煮時還會動，可見其新鮮。貝殼類海鮮都鮮甜彈牙，肥牛味道濃郁。另還有八款配菜可選，特別推介自家製墨丸夠彈牙，牛柏菜爽口，其他蔬菜和雞肉等也不錯。食至後期時，再把南瓜，芋頭，粟米和白飯等倒進鍋內，便成了鮮甜的海鮮粥。食了多款海鮮的火鍋價錢都不太貴，值得一試。

同事們約了放工去食飯順便唱k，一班人最好就係去打邊爐，樣樣都有齊，同事就提議去這間食海鮮的粥底火鍋店，新張期內有coupon每位平$20，圍返都係二百多。我們選了有龍蝦的套餐，共有七款海鮮、肥牛及八款火鍋配料，另外還有任飲汽水及涼茶，雖然話限2.5小時，但夠鐘都無被趕走，全程姐姐都好貼心，主動收碗碟又幫忙refill飲品，服務周到。還送了一份三文魚刺身，雖然肥美度略媒不足，但味道都不錯。竹庶水清甜，打邊爐必飲降火。一開始先送上粥水鍋，因為姐姐話海鮮全部都新鮮，尤其係龍蝦即叫即劏，所以建議我們先吃。龍蝦爽口彈牙，果然係新鮮貨。蜆肉鮮甜無沙。鮑魚彈牙有咬口。多寶魚肉質嫩滑，不過比較易夾散。其他海鮮味道都不錯，新鮮爽甜。肥牛肉質嫩腍，油脂均勻但不油膩。雲吞裏面蝦肉爽口，豬肉餡豐富。自家製墨丸更是彈牙。花膠大大隻，骨膠原豐富。整體食物中上，服務殷勤有禮，而且地方又大所以坐得舒服。

早兩日中午同同事出去食飯，收到一張$20coupon，可以晚市作粥底海鮮火鍋套餐用，所以約了附近工作的朋友一起去試一試。餐廳有兩個套餐，分別是每位$198的蟹餐及$258的龍蝦餐，而且不一定要全部人都揀同一個餐，可以各有各揀，彈性較大。我們全部都揀了龍蝦餐，除了有即叫即劏的龍蝦外，還有蝦、鮑魚、蟶子、蜆、貴妃蚌及多寶魚，共七款海鮮及一碟肥牛，另外還任選八款配料，基本上食完都食唔到個粥，十分豐富。海鮮中龍蝦新鮮，肉質爽彈鮮甜；鮑魚爽口；蟶子比較鞋；蜆肉鮮甜，不過有幾隻帶點沙，其他海鮮都中規中矩。肥牛肉質嫩腍，油脂不會太多。其他配料包括雲吞、墨丸、牛丸、花膠、雞件、牛栢葉及鯪魚滑。用料新鮮，尤其是雞件，有雞味又滑；雲吞裏面有原粒蝦肉；墨丸及牛丸彈牙。還有任飲汽水及竹蔗茅根。整體食物質素不錯，而且又不用加一，加上$20 discount，二百多元都算超值。

每日九龍灣工商廈區都會有人派傳單，吃喝玩樂都有，上星期經過收到張$20優惠卷仲要每位都可以用，見新野就放工黎試試餐廳位置工業中心入面，電梯旁的入口，很神秘吃法是每位先吃海鮮主食再從54款配料中選8款，最後食粥店員會先送上米白色的粥水湯底，飲品竹蔗茅根水任飲，由於是新開張，餐具都非常之新淨，紙巾及其他用具都好齊全未開爐之前，先送上三文魚刺身醫醫肚我們點了$258套餐，主食有八款，龍蝦(切開一半都仲郁緊)，海蝦/ 鮑魚/ 多寶魚/ 貴妃蚌/ 蟶子皇/ 蜆及肥牛，不得不讚的是全部海鮮都清洗得乾乾淨淨，比起我媽更乾淨經過一輪受熱水煮熟後，海鮮新鮮不新鮮，入口就知道龍蝦肉原條拉起，蝦甜到不得了海蝦，比起酒樓的還要鮮甜蜆肉隻隻開口無沙，鮑魚又爽又彈貴妃蚌，同樣清甜爽口54款選八款配料真的很難，最後自家製墨魚丸/ 響鈴/ 連貴價花膠都有食到最後，最好清晒鍋中所有配料，清湯的情況下問職員取南瓜芋頭粒及粥加入鍋中再煮一番，有海鮮鮮甜味既粥底就這樣誕生了

收工同男朋友去開九龍灣，本身諗住過淘大求其食啲野算。點知個傻佬拎左張傳單見到有粥底火鍋又有廿蚊coupon就嗌要去試。間野係工廠區個邊，離德福都唔算太遠。德福個邊落到去就見到有指示，係工廈入面，個位置都幾隱閉，但指示都算清晰，唔太難搵。雖然係工廈，但呢到都好乾淨企理。我地一人叫咗個$198餐，包海鮮、肥牛同埋自選8款配料。海鮮有蟹、貴妃蚌、鮑魚、蝦同蜆。Menu都好細心，寫埋各款食材要煮嘅時間！粥底火鍋最緊要係材料夠新鮮，而佢地全部海鮮都好生猛，蝦同鮑魚都仲識郁。啲蟹爆哂膏，連蜆仲脹卜卜添🤤佢地嘅肥牛都唔惹小，牛味十足，而且厚度適中，絕對唔係出面切到薄一薄又冇牛味嘅肥牛。配料我地叫咗烏冬、腸仔個類普通野。估唔到個雲吞都係心機之作，係自家製嘅！呢到嘅竹蔗水仲好好飲，唔太甜，又有蔗嘅香甜味。

今日喺九龍灣附近工作，見到附近開左間主打粥底海鮮火鍋既餐廳，就同同事過黎試下先。呢度共有兩個套餐可以選擇。如果兩個人黎，大家可以自己選擇想嗌邊款餐，即可以一個人嗌$198，另一個嗌$258。不過我同同事今日都想食龍蝦，就嗌左$258個一set🤤三文魚刺身，不過不失。店員首先會奉上海鮮盤。龍蝦肥美厚肉，肉質彈牙，仲有蝦膏食落更香口。鮑魚幾新鮮。貴妃蚌一樣係肥美，不過又唔算特別鮮甜。魚比較多骨，肉質滑嫩，蘸上醬油更好食。套餐包括肥牛，以及八款配料，肯定食得飽。當中我最欣賞手打墨魚丸，彈牙之餘，味道亦相當唔錯。 最後可以開始煮粥啦！粥底比想像中更鮮甜，不過我建議要早少少落煮粥既配料，否則啲配料會太硬，不夠軟稔。整體黎講，食物份量十足，海鮮都新鮮，配料選擇豐富，但冇乜驚喜，路過可以一試。