癡膠雞 (軒尼詩道)

营业中

休息中

🍴羅漢果茶一坐低店員即送上羅漢果，等我地茶潤下個肺咁話，羅漢果甜味好濃，清甜滋潤。🍴招牌花膠雞米線 HK$68、甜酸菜 HK$10湯底用肥美三黃雞、豬骨、鯊魚軟骨熬製，無落味精，雞味十足，濃而不膩，米線好爽滑，食完米線後連湯都飲晒。我份雞肉係雞胸，無預期咁滑，但都唔會鞋，花膠算軟滑。🍴口水雞濃湯上海麵 HK$42湯底香甜，但缺少花膠雞湯嘅鮮香，上海麵比米線更掛湯。口水雞係雞髀位，幾嫩滑，口水汁香而不辣。🍴金磚豆腐 HK$32外脆內嫩，滑過豆腐花，好鬼好食。🍴椒鹽粟米 HK$32香口，如果去埋條粟米芯會食得更爽。🍴燒豚肉配生菜（韓國辣椒醬） HK$48半肥瘦豬腩肉燒出焦香，口感軟熟亦夠濕潤，辣椒醬亦好惹味。🍴黑椒薯仔牛柳粒 HK$38呢款小食份量拍得住出面價錢貴一倍嘅小菜，雖然落左大量黑椒汁而唔係我鍾意嘅乾身版，但黑椒汁唔會過鹹過油，牛柳夠腍，薯仔香軟。🍴鹹檸梳打（跟餐） HK$18鹹檸只有半粒，唔太夠味。🍴蜜桃烏龍冷泡茶（跟餐） HK$10茶味較淡，帶微微蜜桃香氣。📍癡膠雞灣仔軒尼詩道254號地舖

食花膠夠晒滋補養顏，不過都覺得個價錢會比較貴，見呢到主打花膠雞系列米線，仲要個價錢唔算貴，吸引到我過黎食下😆今次落ORDER叫左 招牌花膠雞米線($68)、沙薑雞酸辣粉($48)、明太子釀雞翼($20/每隻)*2、金磚豆腐($32)、羅白牛腩($42)、椒鹽粟米($32)、柚子梳打(跟餐+$18)、蜜桃烏龍冷泡茶(跟餐+$10)裡面仲有D人手繪製卡通插圖，又畫得唔錯😉沙薑雞酸辣粉：呢個沙薑雞又整得幾好味，雞肉夠滑，沙薑味道濃淡度啱啱好，食落好惹味😋有D餐廳個沙薑醬太鹹，搞到要係咁飲水先得😰至於個辣酸粉愈食愈惹味，有花生、酸菜、雲耳、莞茜等配料，我朋友勁中意食😋招牌花膠雞米線：為左食花膠而來，當然必叫招牌花膠雞米線食下😍佢係好似火鍋咁樣上碗花膠雞米線，下面位置點著火，咁就保持到成碗夠熱。先飲一飲啖湯，幾滋潤鮮甜，清雞湯味帶點花膠甜味，到後期D再飲，會覺得味道更加濃郁🥰雞件數量都唔少，而且都好嫩滑唔會鞋口，花膠食落有口感🤤金磚豆腐：呢碟小食超好食，份量比想像中多，一口一粒夠晒方便，外脆內軟，而且食落唔會太油膩🥰椒鹽粟米：將粟米條切好左一片片咁放上碟，本身粟米嘅香甜配以椒鹽調味，味道又幾特別

環境好污糟：1. 雞湯的火爐邊竟有上手客人吐出的雞骨渣！嚇死！2. Staff 點極都難點著火，幫其他客都係咁。3. 食完請佢熄火，點知熄火霧出白色濃煙，好臭！4. 食完，女staff 來執走碗碟，但佢堅持在我地眼前撥弄食剩的雞骨/牙簽垃圾，弄了成2 分鐘才疊起離開，感覺好核突！5. 座椅設計唔舒服，差過茶餐廳。食物份量足，但味道不行：6. 招牌雞湯米線：好大鍋，點火爐上！花膠和湯ok 的，但雞肉好難食！7. 牛肉蝦湯米線：蝦湯完全没湯味，牛肉超級鞋口亦没味！只有腐皮百葉ok.8. 蟹肉薯餅3 件：微脆，但没味，難食。9. 青擰soda: 只不過係杯內有一粒青擰，另有1 支玻璃樽 soda 水自己倒入杯內。唯一好的：10. 全店，只有門口收銀哥哥是正常友善態度，好的。

以下食評為本人親身體驗，絕不收錢做打手。呢間餐廳我已經食左兩次, 兩次都係午餐, 第一次招牌花膠雞米線(HKD 68), 佢會用細火，好似打邊爐咁上菜，可以KEEP住熱食，而雞分量好足，有7-8件，雞肉好滑，花膠得兩塊到，無咩特別。湯底係雞湯底，食左兩次都無口渴，相信唔係味精湯，味道係相當唔錯，所以我有去食第二次! 第二次就令我相當失望，唔係米線水準下降，而係店員的態度和食物圖文不符。第二次我食左胡椒豬肚雞米線，味道都唔錯，湯底有胡椒，有豬肚同雞，分量都好足。‼️‼️‼️我們一人三行諗住叫個小食SHARE，餐牌有明太子雞翼(HKD36)，旁邊有張圖係3隻雞翼，咁我地諗住可以一人一隻SHARE所以叫左一份。到上菜時，發現得兩隻雞翼，於是我問左一句，唔係有3隻架咩? 店員就回一句 : 餐牌寫明圖片只供參考架!! 寫明架啦! 語氣態度帶點不耐煩。‼️‼️‼️果刻我地既感覺係相當無奈，我都好想問句, 咁張圖片有咩參考價值呢? 點解你唔放張得兩隻雞翼既圖呢? 唔通你張圖有五隻，黎到得一隻都無問題?? 咁樣我寧願你一係唔好放圖片係旁邊，一係餐牌寫明 ‘’明太子雞翼(兩隻) ‘’ ，咁樣就唔會令顧客有咩期望或者

首先原諒我呢個手機鏡頭啲色水有啲假, 個米線啲真實顏色無咁鮮艷。見到有page介紹, 滿心歡喜約同事去食, 可惜都幾失望。一上枱已經好失望，就係圖片咁樣，啲雞全部都係胸，加隻翼，擺到亂糟糟咁，好似俾人食左一半再俾我咁。一咬件雞，又鞋又無味，大佬你真係白烚架喎。唔緊要，湯底應該拎番分，一飲，失望，可能我本身期望太高，以為會好似鮮入ＸＸ個花膠雞湯咁，點知完全唔係嗰回事，又唔濃郁，又有啲味精感覺（我唔肯定有無）。花膠就正常幾好味，夠腍身，但份量好少。最搞笑係個鐵兜，個兜口鬼死咁大，個米線擺一陣就凍哂。其實你又唔係用個鐵兜煮住個米線，用鐵兜托咩？又係噱頭嘢。其實如果個米線５０蚊我會收貨，但６８蚊？無下次嚕～啲阿姐可能新，嘈嘈閉，又係咁撞到我同事，又倒瀉嘢，成個lunch 都覺得唔知點咁。

#癡膠雞咧個名講衰d就會變咗粗口但係正正因為佢咧個奇怪嘅名令到我同一班同事都決定試下佢🤨即使係外賣都唔介意-招牌花膠雞米線- $82外賣分為2️⃣層上層係米線🔸下層就係主菜花膠雞🐔基本上一打開外賣盒就已經聞有濃濃嘅雞湯味同埋見有勁多雞件花膠就有4塊點解咁清楚？因為我轉專登夾哂d餸出嚟先再倒個米線🍜落去然後再張D雞件整番整齊再影相📸影完相就梗係試食啦第一樣嘢就係試咗個湯先不得了🤩個湯超級濃味飲得出係用咗勁多隻雞去熬製而成仲有碗湯有一層薄薄嘅雞油但係千祈唔好整走佢因為嗰一層先係精粹😳只要張佢撈混就會無咗咖啦至於D雞件就好嫩滑即使係雞胸肉都係件件都啖啖肉花膠煮得都好淋身然後一邊飲湯再一邊食米線D米線完全吸哂雞湯🐔嘅味道超級match不過米線嘅份量好似少咗dd多番少少會比較好到最後我係張所有湯飲哂一滴都不留🤤提外話就係你可以揀配上海麵🔸薯粉🔸飯唔一定要揀米線只係我個人中意食米線姐價錢方面我覺得少貴嘅但係如果82蚊食到咁嘅質素我又覺得好抵食同埋食完之後成個身都暖笠笠🥰超級推介佢地嘅招牌菜-花膠雞-

個名好特別，吸引咗我哋入去食。入到去都坐得幾舒服，然後餐牌都好多選擇，我同朋友叫咗個花膠雞米線同椰子雞米線。佢特別嘅位係會有個火燒住個鍋，等你將啲雞同米線倒落啲湯度，然後好似打邊爐咁樣一路滾住一路食！呢樣嘢真係好有心思，仲可以keep住個熱度，又有feel！個湯底真係一流，花膠同椰子都好正，但我哋都偏向椰子個個，因為味道更加濃郁。啲雞都好啱食，米線都好味，食完唔會覺得好重口味，唯一一個不足之處就係米線唔夠多，食完都有啲肚餓，建議可以加底！但呢間絕對推薦大家可以試吓！

之前見到 社交平台介紹，今天放工便去試下，我地兩個人7點幾去到，第一次黎所以唔知食咩好，樓面姐姐好好，忙碌中都向我地介紹餐牌，而且態度很友善。我地 order 左一個半隻雞既藥膳花膠米線，另加一份上海麵及泰國梳打。雞湯一送來就已經聞到香濃既藥膳味，再看看雞湯見到煲雞湯才有既雞油，唔會太肥膩，感覺剛剛好。因為湯同麵是分開上，所以要我地“畢”d湯落碗度食，樓面姐姐見我地唔夠湯就主動幫我地加湯，加完湯味道沒有淡依然好香濃。開始食野啦，先飲啖湯好香濃既藥膳味雞味唔咸，雞唔“鞋”好味道，雖然感覺係唔足半隻雞，但分量唔少既，米線及上海麵唔會煮到好“淋”食落有頭。

星期六同男朋友去赤柱行左轉夜晚唔知食咩好 都係決定出返灣仔個邊再決左去到灣仔 男朋友醒起灣仔最近好似新開左間食花膠雞米線既店鋪 一於去試試佢！去到鋪頭大約19:30由於肚餓，我地快快手就決定左叫「招牌花膠雞米線」$68「口水雞酸辣粉」$48「金磚豆腐」$32第一個黎到既係「口水雞酸辣粉」口水雞嫩滑 份量正常而酸辣粉比較酸 唔係太辣 而當中既粉唔係平時食到既紅薯粉 比較似粗身粉絲主角「招牌花膠雞米線」終於到唔同口水雞酸辣粉 招牌米線係有個爐仔滾住上即刻試下佢個湯底 一個字「掂」！夠味又唔會太油膩唔係個d成兜都係油既米線「金磚豆腐」都好有驚喜炸得好香口好味誠意推薦「招牌花膠雞米線」同「金磚豆腐」