癡膠雞 (軒尼詩道)

营业中

休息中

🍲藥膳黃酒花膠雞米線 $68藥膳黎講，佢唔會太重藥材味，反而係淡淡調起個味。如果怕酒人士唔洗擔心，因為黃酒味唔重，加上加咗落個湯度會因為熱力而有一定程度嘅揮發。不過要讚既係，佢個雞好滑加埋有兩三舊花膠，炆得好軟身！哩個價錢係灣仔食到，絕對性價比高明太子釀雞翼 $20一隻咬開雞翼係滿滿既明太子，好足料喎衰鬼！重口味人士可以㨂，佢係偏濃味，但唔會太油，配埋沙律醬仲可以中和返個味💖金磚豆腐 $32上菜時熱辣辣，明顯係即叫即整 啱啱炸起香口之餘，係超級脆！唔會太重油膩感，細細粒容易入口 份量都好多，小食必叫之選👍🏼👍🏼🍋薏米檸檬水 $18夏日炎炎好想降溫，但又想㨂啲相對健康飲品。聽聞薏米檸檬水可排毒、清熱祛濕、健脾胃，啱哂！甜度適中，又開胃👍🏼整體黎講，抵食！哩間餐廳仲有好多款式既雞選擇，今次試唔到佢個口水雞、椰子雞，因為實在太飽啦！建議午餐試試佢或者外賣拎返公司食，你知啦灣仔食飯都唔平架嘛😏

朋友係灣仔番工食過話好味所以就帶我去啦！我地叫左半隻癡膠雞，雲耳豬肚絲，口水雞撈薯粉，黃金豆腐磚同清酒煮蜆講下癡膠雞先，一聽個名就知係花膠黐住啲雞，上菜時有埋個細火爐要點著煲一煲個癡膠雞湯，我哋一開頭飲左d雞湯再邊食花膠同雞，個雞湯真係好正好足料，d雞真係超級滑，滑到係雞胸都滑！啲花膠真係勁多片！好似啖啖花膠淡淡雞咁！都係$108！勁抵食雲耳豬肚絲 ，原來係涼拌黎，一定要攪勻佢先至夠入味，少少辣岩岩好！口水雞撈薯粉，個薯粉撈左口水雞汁真係超正！我同朋友爭住食！口水雞個辣到都係啱啱好！怕辣嘅朋友食都唔驚黃金豆腐磚，外香脆內滑既豆腐磚，脆卜卜 好好味清酒煮蜆，個蜆好新鮮，個湯有啲酒味配埋白蘿蔔一齊食真係一流！

「癡膠雞」係間主打花膠雞湯米線嘅餐廳，之前睇過唔少媒體報導，可惜一直未有時間幫襯，今日有事要出嚟灣仔辦，終於可以一試。餐廳裝潢簡潔，燈光充足，加上店面簇新，地方乾淨企理，座位又唔迫狹，感覺都幾舒服。叫得「癡膠雞」，主食當然全部都係雞，除了招牌花膠雞外，仲有椰子雞、藥膳黃酒雞、胡椒豬肚雞、海南雞、口水雞、沙薑雞、蔥油雞、人參雞等等。有人話收咗消費券，要食豪啲，點咗花膠雞煲翅，另外再加咗碟蔥油雞飯同三款小食。花膠雞煲翅 ($148/半隻)  用鑊仔盛載，並以小火爐烘著上桌，讓湯底保持溫度，做法窩心。雞湯呈奶白色，以雞肉、豬骨同鯊魚軟骨等熬煮而成，真材實料，入口熱辣辣，濃味鮮甜。鍋內嘅鮮雞、花膠同翅亦非常足料，雞件皮脆骨軟，肉質嫩滑有彈性，雞味濃郁。鱈魚膠質感爽滑，吃下去滑嘟嘟，每一口都滿載骨膠原。翅群粗壯彈牙，肉膜薄，入口香滑。另外呢客蔥油雞飯 ($46)，味道亦唔錯，雞件分量不少，肉質嫩滑又夠 Juicy，鹹度和油份亦拿揑得十分恰當，加埋面頭的蔥花，好鬼惹味。小食點咗金磚豆腐 ($32)、蟹肉忌廉薯餅 ($32) 同 雲耳豬肚絲 ($32)。豆腐粒外層金黃香酥，內裡柔軟滑嫩，加上以黑椒提

每次我一去親灣仔放假定因工出外都有機會經過呢度，見到都真係好想試，但次次都已經食飽飯先諗起。放假，難得搵到又得閒又有興趣既朋友一齊黎呢度醫肚，我地緊係要一齊開心share 花膠雞同口水雞撈薯粉再加個菜健康少少- 花膠雞湯 ($68) 真係可遇不可求，所以我同朋友都一齊分甘同味得好滋味飲晒個湯。薯粉-我好鐘意食口水雞同埋都比較鐘意食撈麵，第一次見到口水雞同撈薯粉呢個combination，而且真係不錯，同埋薯粉都整得好幼細，而且食到個粉啖啖醬，唔洗問店員攞多d, 完全覺得weekend 黎食好感到滿足。

一直都唔知呢個位有間餐廳，見有好多好食評就去試吓，星期六下午所有卡位都坐滿得中間啲枱，但我哋等咗一陣就有人走就轉坐卡位，但卡位原來都有少少迫，同埋啲冷氣有啲凍。第一次食當然叫個招牌花膠雞湯米線加個金鑄豆腐。米線上枱仲熱，都好多餸足料，有脾亦有頸，湯又好味，但佢無用火熱住，可能又大冷氣又用鐵鍋上，食到最尾係開始凍。btw朋友叫咗米粉超多米粉，佢都食唔晒。個豆腐又好好食，上枱係新鮮即炸，入口外脆內軟，入面好熱。贊!下次可以再試其他雞。

位於灣仔 性價比高的花膠雞米線一開頭真係比佢嘅店名吸引到而去試🤣除左主打嘅米線之外 小食款式都好多🤘🏿〰️招牌花膠雞米線 $68作為招牌嘅花膠雞 當然要一試🤣用上鐵鍋呈上 有需要仲有小爐比你一直煮住成個presentation幾有誠意幾有gimmick🤣花膠嘅份量都唔少 大大嚿入口軟淋幾欣賞佢哋嘅雞件好嫩滑 而且調味剛好而佢哋嘅湯底就比較走清淡風 ~🤘🏿〰️口水雞擔擔麵口水雞同擔擔麵係分開呈上口水雞嘅雞件同樣嫩滑 食落調味有啲似鹽焗雞🤣另外擔擔麵湯底好濃郁好惹味而且麵質都煮到岩岩好 唯一係食到最後會重味左少少〰️金磚豆腐 $32估唔到呢間米線小店都有金磚豆腐好彩有叫因為意外地高質🤣🤘🏿食落外脆內軟 炸得剛好 亦唔會油膩🤘🏿〰️椒鹽粟米 $32平時喺大排檔就見得多 今次都係第一次試粟米切成條狀 炸至香口粟米本身嘅香甜加埋椒鹽嘅鹹香真係好夾好惹味 會想encore嘅一款😛🤘🏿小店態度同服務都好好有機會經過附近真係可以一試 支持一下🤘🏿

本身係一個湯麵FAN, 之前都食過好多雞湯米線, 不過呢到係小鍋, 跟埋爐上~好正呀熱住食!🤤🤤佢地都有好多小食推薦, 食左幾樣都好出色~~ 最特別既係… 作為一間深藏不露, 望落唔算好新式既小店, 佢地竟然LOOP緊MIRROR!!  😱唔係CANTO-POP! 係MIRROR!一聚老婆可以帶埋前夫去  睇下佢地反白眼啦😂😂招牌花膠雞米線 ($68)❤️❤️❤️❤️❤️68蚊, 有幾塊花膠, 有成排雞, 成煲上, 仲有咩可以投訴XD雞件好嫩㗎, 完全唔係味精湯, 可以飲晒!藥膳黃酒花膠雞米線 ($68)❤️❤️❤️❤️❤️非常濃既藥膳湯, 鍾意呢種味道既人必試!!  已經想像到冬天暖住食, 仲要成煲上就流口水呢款米線既雞件係湯裡面個D, 都好多舊, 亦都有花膠, 所有食材都好入味~小食部份~呢到小食超抵食, 又大份!!金磚豆腐 ($32)❤️❤️❤️❤️❤️名乎其實既外脆內軟, 好香口又唔油膩!日式豬軟骨 ($34)❤️❤️❤️❤️鍾意濃味既人可以試下呀, 炆得好淋, 好鍾意豬軟骨個D骨連住少少肥同根既口感~~椒鹽粟米 ($32)❤️❤️❤️❤️❤️今日HIGHLIGHT~~ 超好食呀, 我係第一次食, 雖然呢到唔係主打小菜, 不

今日去了書展，之後順便落去灣仔食飯，在油站旁的癡膠雞，大部份食物都以雞為主，還有多款小食及小菜。雞湯有幾款，我就要了花膠雞煲翅，半隻雞的份量十足，全部啖啖肉，雞皮皮下脂肪不多，所以雞湯不會油淋淋。雞件肉質嫩滑，裏面有很多花膠翅裙煮得很腍，而且大大件，入口膠質豐富，而且吸收了雞湯鮮甜味。另外，加配了竹笙，索湯一流。而米線與雞湯超夾。金磚豆腐炸至金黃，外脆肉嫩。明太子釀雞翼皮脆肉嫩，中間充滿了咸鮮味的明太子。跟餐加$18就有杯咸柑桔梳打。

聽朋友講過呢間花膠雞米線好好食！今日經開灣仔，見好近地鐵站，交通方便，決定試吓！去到見到個名痴膠雞，好搞笑，幾得意😂，店面都幾乾淨。打開餐牌，發現另一個我更有興趣嘅菜式，黃酒雞煲😋。即刻點左黃酒雞煲雞半隻，配多個米線！上網見到人哋話金磚豆腐好食，叫多個呢個小食。黃酒雞煲上菜，用個爐開火熱住，湯底好濃郁，帶陣陣酒香味，雞份量都幾多，成個菜感覺好養生😂，湯底係藥膳湯，雞肉又嫩滑，好正。啱曬女仔食利補下。金磚豆腐皮脆卜卜，帶椒鹽味，好香口！黃酒雞煲：$98另加米線：$15金磚豆腐：$32呢間味道吾錯，可以encore哦。

椰子雞米線(轉木瓜蕃茄湯底)切雞有好多件，食落似海南雞一樣咁滑嫩。木耳好大塊，米線口感亦唔錯，唔會硬。湯底免費轉木瓜蕃茄湯，食到幾舊木瓜，唔算鮮甜，可能系啲味煲左落湯底裡面，而蕃茄粒就覺得鹹左啲。朋友系招牌花膠雞米線，睇落都系幾好食既👍侍應喺入座後先放低兩杯熱茶，茶系甜既，雖然唔知系咩黎茶黎，但好飲。由於裝喺保溫杯內，食完碗米線飲溫度岩岩好，唔會凍曬👍

約咗朋友去演藝學院睇戲劇，睇之前就一於去食個夜晚😆行過見到呢一間餐廳見到都幾多人，仲有價錢亦都相當便宜，一於就去試吓啦！我哋叫咗好多嘢，包括有🥢招牌癡膠雞半隻癡膠雞即係半隻雞加花膠放落濃濃嘅雞湯入邊首先先飲個湯～極新鮮嘅雞湯 超級好飲 我飲咗好多碗 雞肉爽滑好吃❤️再加上大大嚿花膠真係男女補身之選🥢豚肉濃雞湯米線🍜燒得啱啱好嘅豚肉放上雞湯 米線爽滑超級正🥰🥢鰻魚炒飯朋友鍾意食炒飯～炒飯炒得乾身啱啱好配上相當多嘅鰻魚粒同配料一啖一口好滋味再叫咗啲小食🥢椒鹽粟米🌽，非常特別😚將粟米炸左，充滿了椒鹽 又幾好食喎！🥢黑椒薯仔牛仔粒以30幾蚊嘅價錢來講性價比極高，非常多牛仔粒，作為配菜送米線送飯都好😛再叫咗啲飲品，老實講一個人都唔使$150嘅價錢真係好抵！值得下次再嚟～😍

行完書展出返黎軒尼詩道一帶搵食！唔想食得太貴，平平地搵到依間米線店。😎齋聽店名帶點風趣，大概估到係食花膠雞。🐔估唔到有驚喜得黎，又幾滿意！👍🏻👍🏻✨＊－。－。－。－。－。－。－。－。－。－＊🔘招牌花膠雞米線 $68*可選木瓜蕃茄湯底第一次幫襯必點招牌米線‼️有別於一碗普通米線，依到用一隻鑊仔上菜。🍲店員細心問需唔需要上爐熱住黎食。係打卡角度，咁梗係要爐啦！😂😂😂雖然食一碗米線時間唔會好耐，唔會咁快凍，但有爐既「儀式感」頓時增強左好多，覺得自己食緊「一人一鍋」咁！😍如果真係想打邊爐，可額外追加配料，價錢由$15-$30/份。😋整碗米線食材份量剛好，單係花膠都至少有4舊，配搭埋嫩滑雞肉，足夠餸哂整碗米線。湯底味道夠味，不會過鹹，食完整碗米線唔會口渴。由於有爐保溫，全程都可以熱辣辣咁食🔥🔥🔥絕對係加分位！❤️‍🔥＊－。－。－。－。－。－。－。－。－。－＊🔘桂花烏龍冷泡茶 $10 (跟餐價)🔘蜜桃烏龍冷泡茶 $10 (跟餐價)冷泡茶連茶包上，味道較為清香，桂花/蜜桃味算不上突出。用外帶杯上，份量大杯，跟餐價錢合理。

主打火爐一齊上既雞湯米線6點左右嚟到已經半坐滿枱枱都幾乎必叫火爐米線米線一上枱已經覺得湯好飲又夠味火爐一直煲緊而米線又好吸汁去到後尾變晒濃湯仲熱辣辣超好飲 清晒！爐上方式夏天有冷氣都ok 冬天食更加冇得頂$68 招牌花膠雞米線 （爐上白切雞及花膠既份量好足仲只賣呢個價係幾抵米線彈牙爽口 吸收左大量湯汁更好食花膠湯超清甜 越煲越濃膠質出晒嚟更野味$68 藥膳黃酒花膠雞米線 （爐上除左湯底本身已好香濃藥材及黃酒味面頭仲舖滿可食用既紅棗木耳及蟲草花大量淮山北茋煲到最後 令湯底超濃藥材味鍾意藥膳雞湯嘅女仔一定要試另外都叫多咗個小食 $48 #燒豚肉配生菜五花腩位半肥瘦仲煎得好香口配埋個醬都幾好食後話：一坐底即上凍羅漢果水勁解渴姐姐態度好上菜都算快晚餐嚟計係灣仔都算幾平

在軒尼詩道有間癡膠雞，店名夠卓頭funny,menu幾多款式，而且唔貴！叫了招牌半隻癡膠雞，熱辣辣一個鍋咁上台，望見d雞就知夠嫩滑，湯底黃黃的濃香雞湯味，多塊花膠好足料，質感幾厚，非常足料，花膠質量夠好，綿綿又滑！好滋潤感。雞肉如我所見，食起黎好嫩。啖啖肉！半隻個份量都幾多。胡椒豬肚雞米線，估唔到又係成鍋上，下面有火加熱，整體儀式感夠正！胡椒豬肚夠香惹味，米線吸哂湯既味！60幾蚊食到呢個質數，雞又嫩豬肚又入味，非常抵食！手拍青瓜，汁醬酸汁底，食起黎份外開胃，手瓜爽口清甜，清新新鮮感。

餐廳：癡膠雞 (灣仔)地址：灣仔軒尼詩道254號地舖去完坪洲淨灘🏖，緊係要食返餐好嘅慰勞吓自己🤡，而今次我就去咗呢間灣仔嘅黃店食「痴膠線」😂，無錯，喺平到痴線嘅花膠雞米線🤩取其名癡膠雞，聽個名都知花膠雞喺餐廳嘅招牌菜，一入到餐廳就播緊Mirror嘅《Warrior》😈，莫非老闆喺鏡粉🤣癡膠雞(半隻) $108呢個$108嘅癡膠雞除咗有半隻雞之外🐓，仲有十舊左右嘅花膠，湯底濃郁清甜，雞香十足，飲多幾碗滋補一吓就最啱，雞肉有少少老🤏，不過份量好多，2-3個人share都得，另外加咗$15有多碗上海麵，亦有其他配料可以追加，例如牛腩、豬肚、芝士竹輪等沙薑雞濃湯米線 $45沙薑雞醃得均勻，大概有十舊，每啖都食到沙薑粉嘅香味😋，仲有芝麻同香蔥調味，雞肉肉質比癡膠雞嘅嫩滑，不過就比較多骨位，呢個價錢嘅米線都算抵食金磚豆腐 $32接近20粒豆腐磚粒粒，每邊都炸得金黃香脆，外脆內軟嘅感覺真喺好正🤤，一夾起就feel到裡面軟腍腍，食完一粒就會忍唔住食第二...第三...第四舊...仲用咗唔少香料調味，好好食😍燒豚肉配生菜 $48半肥半瘦嘅豚肉未食都聞到燒肉香🤩，見到輕輕燒燶嘅脂肪層真喺十級邪惡😈，拎塊生