癡膠雞 (軒尼詩道)

营业中

休息中

一間平民價就可以食到花膠雞既餐廳，以前係屋企成日飲到屋企整既花膠雞湯，好掛住個種味道🥺今日係灣仔見到呢間專門食花膠雞湯既麵店，見到menu已經被吸引住🤤🤤-口水雞濃湯薯粉🍜🐔 雞湯濃郁，雞肉配上口水雞辣醬，相當開胃，有少許辣，辣中帶香，雞肉好嫩滑，而且仲可以免費將米線轉飯/米粉/上海麵或者薯粉👍🏻-花膠濃湯米線🍜 雞湯夠香濃之餘都好重雞味😋，食落仲有少少黏口，花膠都有3-4件，又爽又滑，一啖麵一啖湯，好快就食晒🥰🥰-桂花烏龍冷泡茶 烏龍茶入面帶桂花香，感覺幾清香☺️，冷泡茶用外賣杯上，好方便😎

平時放工都會係銅鑼灣附近搵野食最近天氣凍左特別想打邊爐於是諗起銅鑼灣-灣仔中間有間《癡膠雞》如果淨係想食麵，價錢都好平大部份飯麵平均只售$60左右但係真材實料，而且湯底幾好飲今次同男朋友一齊叫左一鍋齊齊食《癡膠雞 - $108/半隻》好多雞件同大大塊既花膠，好足料有雞髀、雞翼同雞胸等成個熱鍋份量剛好適合2人前熱鍋一直煲住，所以全程都可以飲住熱辣辣嘅老火雞湯🔥當中我地飲左好多老火雞湯先開始打邊爐lol特別一讚，姐姐見到湯底就快無會好主動無限增加！加分加分另外我地追加了幾款配料：米線($15)已經煮好的米線，另外送上可以直接加熱辣辣嘅老火雞湯食米線麵質唔淋有彈性份量亦都多，男朋友當然要食個麵感覺飽肚啲~美國牛頸脊($38)份量俾我地預期的多出面鋪可能只有4-6塊呢到大約有10塊而且係有牛味，加配呢款ok竹笙($28)感覺份量相對少左啲因為得4條，但size都長身打邊爐就岩曬，吸曬湯底精粹生菜($15)正常size，合理價錢，屬於新鮮爽口~明太子釀雞翼($20/隻)雞翼漲卜卜，多肉又多汁，好juicy餡料飽滿，一咬開啲汁有少少bit左出黎而且食得出多明味道雞肉又滑又煎得香口👍🏻2個人都係座卡

之前已經試過荔枝角分店，今次就再試埋灣仔分店啦！🔖椰子雞米線💰60湯頭充滿椰子味，味道清甜🥥雞件方面都有六至七舊，份量十足🐣配料就有椰子片、蟲草花、紅棗同雲耳😋最鍾意就係佢個紅棗同雲耳😆前者夠香甜，後者質感爽脆😌💫推薦指數: 9/10🔖明太子釀雞翼濃湯米線💰50雞翼外脆內嫩，第一啖咬落去已經有滿滿嘅明太子，仲少少微辣添🤓個米線講明係濃湯米線就自然有佢嘅特色啦😙個湯底係充滿花膠嘅香味㗎😍一路食米線，一路飲湯，好正啊🥳💫推薦指數: 8/10🔖雲耳豬肚絲💰32每次食米線都一定會嗌一款小食，咁先夠滿足㗎嘛😚今次就試咗呢款雲耳豬肚絲🐽除咗雲耳同豬肚之外，另外都有花生🥜同青瓜🥒味道麻麻辣辣，夠惹味！💫推薦指數: 7.5/10

天氣凍凍地，食返啲滋補嘅食物補補身，放工見到呢間有花膠雞咁補，梗係要試下。😊前菜食呢個黃金炸豆腐。皮脆肉嫩😻😻😻，外皮入口即溶，七味粉調味剛剛好，係一個好開胃嘅餐前小食！😌嚟到主菜花膠雞鍋喇！雞肉算嫩滑，皮也好爽，滲入淡淡的酒香。半隻雞有大啖肉，最啱食肉獸嘅我。花膠嘅份量都唔少，而且夠冧。至於個湯底亦唔算太濃，雞味好岀又香甜，而且有少少奶香味。建議先喝雞湯，入口醇而不膩，鮮湯入口，香濃鮮美。😄配菜嘅份量好足。湯頭單看奶白嘅顏色也知配菇菜類最夾味道。建議食晒啲雞之後，才煮菇菜類，咁樣啲菜就會吸晒雞湯嘅精華。然後再煮粉類，最後先煮紅肉，因為紅肉會令到個湯頭變色同埋變味。😌總括而言，呢個價錢食到啲咁滋補嘅花膠雞，係物超所值！

招牌花膠雞米線 $68叫得癡膠雞，咁就緊係要整返個花膠雞米線試一試，落完Order店員好貼心問我要唔要用爐上，估唔到依個價錢都有得爐上👍🏻碗麵上枱既賣相都唔唔錯，加上雞湯既香味，既刻流哂口水，二話不説先飲一啖雞湯，湯底既味道好濃郁雞味好夠，但係又唔會太咸，味道啱啱好😋米線亦唔會太腍，當然如果想食腍身既可以自己再煮下先😆雞肉唔會嘩口，都算嫩滑，用既雞唔會太肥或者太瘦剛剛好😀至於花膠唔係hea你得一舊半舊，爽口得黎好入味👍🏻👍🏻👍🏻食完哂碗麵因為爐上關係啲湯都唔會凍哂，近排天氣凍凍地，最啱飲多兩啖湯暖下身😁

今日突然想食雞湯米線，附近有一間叫做痴膠雞嘅米線鋪成日都經過，但就從來無試過走入去食，於是今日就去試下了。唔試由字可，一試不得了！一打開餐牌已經被個價錢吸引左，因為佢大部份午餐都係40-50蚊，有少部份更加係$3x一份米線，喺深水埗都未必食得到呢個價，更何況灣仔軒尼詩道？除左價錢之外，佢嘅食物種類亦多如繁星，有主打嘅雞肉，亦有豬肉牛肉等等，同時又有飯、米粉同酸辣粉等等可供選擇，完全滿足哂唔同需要嘅客人。筆者最後嗌左一碗口水雞米線($42)，轉麻辣湯底(小辣)，加$4配一杯熱奶茶，總計$46；味道方面，辣度對我嚟講啱啱好，口水雞醬料味道十分之濃郁惹味；份量方面十分正常，午餐嚟講啱啱好！所以食物質素同性價比嚟講，真係無得輸！如果硬係要指出佢嘅缺點的話，就係鋪面太細，雖然筆者同友人幸運地獲安排坐最入嘅一張圓枱，而且全程都無人嚟搭枱，但係圓枱上面並無餐具同糖，要行去隔離卡位嘅櫃檯度拎，你當然可以叫侍應幫你攞，但當人地太忙嘅時候，都係自己行兩步拎會快啲。所以呢一點算係惟一嘅缺點了......整體嚟講，呢間鋪算係我喺灣仔食過性價比最高的雞湯米線，喺附近返工嘅米線同好都可以嚟試下！

放工啱啱經過，想試好耐，又見到Openrice 好多好評，就入去試吓，點左個花膠雞上海麵，職員問我要唔要爐上，我話唔洗，黎到覺得碗麵好大，食落原來係個碗大，d 麵得好小，d 湯好似濃湯寶溝水，d 雞都算滑，但個人覺得有小小生，d 麵好似末煮熟咁，好硬，雖然$68唔算好貴，不過係好失望，有小小唔明點點解評咁高

係灣仔行過見到呢間店就入黎試吓當日食飯時間都唔算多人所以唔洗等位睇完餐牌就叫左兩樣野佢地上枱係會有個火係底一直滾住個鍋胡椒豬肚雞配飯$60-第一口梗係飲湯先啦，一飲落去，嘩！好胡椒嘅辣本人覺得太多胡椒，而同行嘅朋友飲左不得啖已經即刻唔想再飲出面都有好多呢啲鋪，但呢間實係唔好飲跟住食件雞，都好滑，好食嘅椰子雞米線$60-試完一個唔好食嘅湯底，再試呢個，嘩！真心好飲好多，佢嘅椰子味好重，真心好好飲必叫！雞都係一樣好食嘅！

呢間餐廳食米線係會有爐保溫，食到最尾都仲係熱辣辣，唔驚好快凍曬，食完仲可以追加配料打邊爐～🔸招牌花膠雞米線雞件同花膠既份量好足，雞肉嫩滑，花膠大大塊煮到好淋身，米線爽口彈牙，雞湯越煲越濃郁，食完唔會口渴🔸椰子雞米線湯頭清甜，加左牛奶好滑，雞件就算唔係雞髀位都算幾滑，有滿滿既椰子片同木耳，性價比高🔸金磚豆腐外皮炸到金黃酥脆，豆腐嫩滑。不過擺得耐左層皮會變焾，記住要趁熱食呀

自從有次同呀媽食完花膠雞煲之後，佢就愛上咗，於是我就搵咗幾間同佢逐一拜訪。今日我哋去咗位於灣仔嘅「癡膠雞」，其實我之前已經食過太子店，係覺得唔錯先敢帶佢嚟😝。灣仔店座位比太子店多，但如果坐滿人，就會有少許迫。店內掛上唔少粉筆畫，上面畫咗漫畫角色，幾得意😎。印象中太子店都有類同嘅畫，絕對係餐廳嘅一大特色。小店主打雞類菜式🐓，而灣仔店提供嘅食物種類更多，包括各式飯同小食等。餐廳定價相宜，大部份飯麵平均只售$5X，實屬經濟之選。花膠雞煲翅($148/半隻)，雖然食翅唔環保🙈，但間唔中食一次就算啦，難得呀媽開聲話想食。花膠雞煲連埋熱鍋上，全程可以飲住熱辣辣嘅雞湯🔥，超正，如果係冬天食就更加不得了。雞湯味道濃郁，唔會過鹹，而且並無味精，飲完都唔會口乾。餸料方面，兩個字形容哂：足料！🐔半隻雞份量多，有齊雞髀、雞翼同雞胸等，大大啖肉啱哂我，肉質長期滾住都無變嚡；而呀媽就好滋味咁噒骨，仲話噒到口都攰埋，哈哈。另外，花膠同魚翅同樣係爆多，出手闊綽👍。魚翅大大塊，明顯見到一疏疏，而花膠更估計有成十片，好滋補呢。米線($15)，呢個係跟雞煲追加嘅配料，除咗麵之外，佢仲有牛肉、竹輪同菜等選擇。🍜粉麵底可揀上海

有灣仔區番工既朋友介紹呢間，話好抵食，所以得閒我又去試下。食過幾次都唔洗排隊，啲野都上得快，坐得舒服👍🏻，係行得遠左少少。①口水雞濃雞湯米線 ($45)啲汁好正，雞都唔會鞋口痴牙，有少少花生芫茜同蔥好香。不過覺得油左少少同埋可以再辣多少少😎。米線既雞湯濃得黎唔會太鹹同膩，同埋好大碗，女仔未必食得晒😝。②吉列豬扒濃雞湯米線 ($38)豬扒食過2次都比較燶，同埋食完即刻覺得好熱氣，但覺得炸得好脆好香，又唔會太厚咬到痴晒牙。$40有找真係抵食到爆！會繼續encore 🤣！💬每人都有杯羅漢果茶，覺得可以清番下喉嚨無咁熱氣，好抵讚！加埋超級抵食既米線，cp值高，灣仔飯堂😂！

XXG比店名吸引咗 睇埋個價錢牌👀 即刻狗衝🏃🏼‍♀️🏃🏼 最平$42嘆足料花膠米線‼️🍜▪️8/10▫️<< 痴膠雞 半 >> $108 超足料‼️ 雞件大大舊 肉質爽滑 略嫌雞骨較大🐔 花膠份量多 索晒雞湯精華🤤 奶黃色雞湯由雞同豬骨熬成 雞香濃郁 飲落鮮甜有膠質👅 +$15 超幼薯粉一流😋▪️8/10▫️<< 口水雞 半 >> $88 上枱大碟到嚇親🤣 雞件肉較多 味道類似鹽焗雞 再淋上超惹味自家製口水雞醬 油同醬比例1:1 唔太辣但好香‼️▪️8.5/10▫️<< 日本芝士年糕 >> $32 必點🤩 年糕外皮焦脆得來十分煙韌 咬一小口大量軟心芝士已經爆出來😍 再沾上煉奶 完美昇華 超邪惡😈▪️8/10▫️<< 黑松露薯條 >> $25 幼身薯條🍟炸到脆卜卜 油味好香口 配特調黑松露沙律醬 松露味夠出👍🏻🌿店舖不大 有港式茶餐廳感覺😳 燈光光猛 座位寬躺👍🏻 注意繁忙時間較多人⚠️🐽總括嚟講 呢個價錢食花膠雞真心超貼地😆‼️ 最後飲到一滴湯都冇剩💪🏻 小食、米線等全部唔過$50 質

第二次食，第一次食咗招牌同炸豆腐，好好味，今次試新嘢藥膳花膠雞湯米線同椒鹽粟米。上枱都係熱辣辣，好濃味，但太多中藥料，啲雞多數係頭頭尾尾骨多過肉，上次招牌就啖啖肉，所以下次都係叫招牌開心啲。粟米好乾，唔知係咪返熱唔似即炸，唔太差但比豆腐失色好多。

今日黎到灣仔食米線，地鐵站行過黎都唔算遠，行幾分鐘就到，行到去鋪仔細細，但種類都好多，有飯、米線，仲有酸辣粉等小食。 我地叫左招牌花膠雞米線配柚子梳打。食物上枱會連埋爐仔燒住，但係建議大家燒一陣就熄，因為雞會出油同埋食到身水身汗😂😂。花膠雞米線湯底好濃，有花膠同雞湯味，米線一上枱就食得，唔洗燒住個爐，柚子梳打正正常常。 另外一個係椰子雞上海麵配凍奶茶，湯底都係好重椰子味👍🏻好濃，奶白色的，上海麵唔會煮得太淋，凍奶茶都夠滑，比例ok。 小食叫左燒豚肉配生菜、蜜糖雞翼。燒豚肉沾上汁醬加上生菜一齊食就很不錯👍🏻但如果就咁食就會好滯，蜜糖雞翼大大隻，皮脆肉嫩。

行完美食展成個人都散晒，行經灣仔呢間食花膠雞平平地又幾有人氣就幫襯下，叫左半隻「癡膠雞$108」另加左蘿蔔、生菜、竹笙，當打邊爐咁食🤣 哇 上碟黎到真心唔講笑地勁吸引😨😨😍 半隻雞好足料，花膠仲有成10零舊👍🏻 個湯底無味精又夠濃味，本來想後加米線後來都食唔晒隻雞就無加，另外好欣賞佢搵個火爐一直燒著，keep著個雞湯熱度好緊要👍🏻👍🏻.另外叫左個「胡椒豬肚雞米線$60 」，呢個都抵食，又有爐跟，如果叫米線嘅話，雞就有雞髀成隻，份量都ok既，胡椒豬肚個湯底好正，胡椒味夠重辣辣地😜比較惹味。.小食就叫「金磚豆腐$32」同「蜜糖雞翼$32 」，越係冇期望就越係覺得驚喜😅😅🤣 真心正wor, 雞翼炸到脆卜卜加蜜糖甜甜地好夾，金磚豆腐又係炸到岩岩好，夠香口。.野飲+$10有桂花烏龍冷泡茶，就算加可樂都係$5，😉😉 補充一句，餐廳有個姐姐好好Service 😊 落單又介紹我地食咩，又會主動執野咁，好有❤️既小店。