癡膠雞 (軒尼詩道)

营业中

休息中

邪惡指數: 🐽🐽🐽好食指數: 🙆🏻‍♀️🙆🏻‍♀️🙆🏻‍♀️⭕️招牌花膠雞米線 - 佢係成個砂鍋連埋小火爐上所以可以滾住咁樣食。奶白湯底幾甜，材料嘅話以呢個價錢都好唔錯嘅，唯一我會覺得佢嘅米線冇咬口，所以最尾我淨係食晒所有嘅料同埋飲晒所有嘅湯。⭕️金磚豆腐好食喎！外面炸到脆脆地，入面嘅豆腐非常之滑身，不斷一粒接住一粒咁樣食。呢個我會再叫😆⭕️椒鹽粟米都惹味嘅，略嫌少少油不過其實都預咗。⭕️明太子釀雞翼（冇錯我只係嗌左一隻試試佢🤣）都幾好食，感覺唔係好油，入面啲釀餡幾香。

行過諗唔到食咩，見有人排下隊再睇睇餐牌見算係平民價，就入左去試下。我叫左個 G05.人蔘雞米線 60免加一。價錢同百佳買即煮人蔘雞湯差不多。叫完等左10分鐘到，可能多人耐左小小。 嚟到，碗米都幾大，一個一人火鍋咁大。有4,5舊雞，兩條大人蔘，小小雲耳加啲紅棗。試下個湯有淡淡人蔘味，伴佢自家嘅雞湯？花膠湯？真係幾好味，啱香港人嘅味蕾。米線普普通通冇咩嘢。整體，我真係幾中意，一個人食飲埋啲湯好鬼飽。下次試埋追加配菜會再好食。

最近太想食米線所以周圍搵食米線既鋪頭由於原先想食嗰間冇開所以就試呢間男朋友叫咗個花膠雞米線而我自己就叫咗個藥膳黃酒花膠雞米線上菜速度都好快，大約5分鐘就到黎既時候仲會有埋個爐一直煲住男朋友嘅先到首先一定係試個湯先一入口覺得好濃，好清好好味雞就應該係白切雞黎無乜特別而我既藥膳黃酒花膠雞米線我覺得比起花膠雞更出色湯頭更濃郁，或者始終有藥材關係但藥材味唔會搶奪晒所有而雞方面應該係有酒醃製過個人認為味道上比起花膠雞更好而且比較滑身最後我地兩個都飲哂所以湯但唔會覺得口渴對我依d湯怪黎講依兩款米線真係就算飲湯都抵價錢又唔貴熱辣辣會再去試其他米線的

「癡膠雞」這個名稱很特別，當看到這裏的食評，便開始留意這間以雞為主打的食肆。藥膳黃酒雞半隻$98，黃酒雞內有紅棗、木耳，藥材味道濃郁，雞肉吸收了藥材和酒的香味，簡直就是一絕，想不到這裏的藥膳黃酒雞，味道是如此美味可口，真的有點後悔為何只點半隻，下次必定會點一隻來吃，絕對值得推薦。👍👍👍👍👍追加竹笙$15，竹笙放在藥膳鍋內，吸收了湯底的濃郁味道，爽口嫩滑，簡直是絕配。胡椒豬肚雞米線$60，胡椒味道香濃，湯底味道甜美，如果雞湯的味道再濃一點更佳。招牌花膠雞米線$68，既然是招牌，味道當然不會差，雞湯味道鮮甜味味，配合花膠和米線，這碗米線很快便被消滅了。手拍青瓜$28，蒜片和香醋的味道，令到青瓜非常開胃。

叫了藥膳黃洒花膠雞米線。湯ok。其他不ok。 啲雞全部都係雞頭雞尾，全部都是骨，沒有什麼肉。沒有什麼服務。賣68元。我不會再食。我朋友也叫了花膠雞米線再加美國牛肉。牛肉沒有牛味，還要30元，不如唔好加入menu。

🍀～熱情港味小店～🍀蘿蔔牛腩米線～牛腩同蘿蔔都炆得夠淋夠入味，以芫荽點綴，令牛腩食落唔會有酥味，湯底有香噴噴嘅白胡椒味，加上有爐火熱住，食完個人好溫暖。蜜香薯仔牛柳粒～有蜜糖香味嘅醬汁好惹味，炸過嘅薯仔特別吸味，好上汁，同牛肉好夾👍另外仲order咗炸芝士年糕和蜜糖雞翼，前者香軟煙韌，沾上煉奶香甜又滑，後者外脆內嫩，而且醃得夠入味。呢度嘅炸物的確唔錯，即叫即炸，上枱熱辣辣，夠晒新鮮好正！價錢大眾化，性價比非常高👍👍👍

為何小朋友總是餓？😆星期六上完才藝班，只係下午四點鐘，兩個小朋友已經餓到不得了，我就記起灣仔呢間新店，之前晚飯時間見到場內爆滿，又排晒隊買外賣，趁而家時間尚早，去食下先😄✨椒鹽粟米～呢款唔係咁多地方食到，粟米粒粒飽滿，雖然油炸過，但出奇地乾身，唔會滴油👍，上面有啲炸蒜增加香味，個人認為係必食嘅一款🥳✨椒鹽豆腐～食得出係用上百福豆腐，所以特別滑溜，細細粒一口一個，椒鹽味香得來唔會辣，好香口，小朋友都鍾意食。重量級黎喇😍✨花膠濃湯雞煲翅～半隻雞一煲，如果叫全雞就會有兩煲。我哋叫半隻，另加$15就有一份米線、$10一份生菜，另外仲有其他配料㗎不過我哋夠食了。湯頭鮮甜，雞味濃郁，而且冇味精，飲完啲湯唔會口渴，翅群份量都唔少，我哋每人都食到好幾塊，啖啖膠原，滿滿嘅幸福感🥰

今日好想食雞，喺銅鑼灣行吓行吓去到灣仔，見到依間新開食雞嘅舖頭，就入去試吓。睇咗Menu發現佢有好多唔同嘅雞可以選擇，好彩佢可以叫半隻，唔一定要全隻，咁就可以試到唔同嘅味道。癡膠雞，黎嘅時候仲要俾埋個爐我熱住啲雞，真係好窩心，啲雞好嫩口，花膠又好多，食落去覺得好補，好好味，仲要好鮮好甜。跟住個湯好濃好重雞味，真係用雞煲咗好耐。口水雞，好彩佢唔係太辣，對於唔係好食得辣嘅我來講，係唔錯。佢又唔係太油，食落去唔太鹹，啲雞又係好鮮嫩，真係一絕。金磚豆腐，一嚟到香噴噴熱辣辣，一睇就知係即叫即炸，開頭仲好驚會好油，但係一拎起，隻碟冇乜油不特止，咬落舊豆腐度都唔會好多油bip出嚟，所以真係好正。鰻魚炒飯，分量都好多，兩個人叫一碟真係夠晒，食落去都幾重鰻魚味，同埋佢都有唔少鰻魚係入邊，所以真係幾值得叫。凍柚子梳打，咁熱嘅天氣食咗咁多雞，飲番杯凍野，甜甜地，又多柚子，真係好正。

今日同阿媽去灣仔搵食佢話想食d濃味又健康既野但我心諗邊有咁好既野？但係我地眼前就出現左呢間餐廳招牌係花膠雞湯完全符合左阿媽要求！二話不說就入左去除左招牌花膠雞湯，仲有好多選擇連正常茶餐廳既下午茶都有痴膠雞 (半隻)好濃郁既湯底！呈奶白色非常之香濃，飲落口勁順滑d雞都好軟淋入味食唔停口吉列豬扒濃湯米線淨係飲湯邊到夠喉再叫多碗米線吉列豬扒同樣出色炸到外脆內軟廚師深厚功力表露無遺明太子釀雞翼一直都覺得釀雞翼好爽無骨可以啖啖肉呢到做得好出色好足料，明太子同雞翼好夾

好耐之前已經試過癡膠雞嘅太子店，印象中食物質素都唔錯，最近發現原來佢喺灣仔都有分店，今日就一於拉埋個最識得滋陰養生嘅朋友一齊嚟試吓呢間癡膠雞。招牌菜就當然唔少得花膠雞湯米線，而呢度仲有好多小食可供選擇。我就比較簡單，一於試佢嘅招牌花膠雞米線，花膠雞湯呈奶白色，湯底非常鮮甜，仲有好多花膠同雞件喺面，呢個價錢真係非常超值。朋友就最鍾意滋補，佢話要有咁補得咁補，所以揀咗藥膳黃酒花膠雞米線，呢個加入咗藥膳黃酒，所以帶點微微嘅酒香，仲有蟲草花同黑木耳，絕對係養生自選。我鍾意佢呢度有好多唔同嘅小食選擇，所以都叫咗幾款小食開心share。首先揀咗黑椒薯仔牛柳粒，佢嘅調味相當之出色，有黑椒味之餘仲帶點甜甜嘅蜜糖味，而且份量都唔少，如果唔係已經叫咗米線的話，我真係會舉手要多碗白飯。金磚豆腐係其中一道我成日都會叫嘅菜式，而呢度嘅金磚豆腐製作都唔錯，外皮薄而脆，入面嘅豆腐非常滑而有豆香，調味亦恰到好處，絕對值得推介！而呢個明太子釀雞翼就啖啖肉，不過我都係鍾意佢哋其他小食多啲。食咗咁多肉，當然要叫返個蔬菜類，手拍青瓜夠清爽，可以中和炸物嘅油膩感。飲品有跟餐㗎，鹹檸梳打同柚子蜜都只係$18，飲完梳打真係透心涼。

雖然夏天好熱，但係🈶️時都要滋補下😌食返碗花膠雞就夠曬補啦😆估唔到呢間茶餐廳feel嘅快餐店都可以食到，而且價錢仲好抵添🤩一隻癡膠雞，即係花膠雞都只係$208😱如果加埋魚翅都只係貴多$60‼️半隻雞一鑊，我地叫咗一隻雞，就分開2⃣️鑊，一人一鑊唔使爭🤣奶白色嘅雞湯味道非常濃郁，雞味非常重。由於有火爐一齊跟住上枱，一邊食仲可以見到煲出金黃色嘅雞油🐥越食越濃郁😋花膠同雞肉嘅份量都好足，食落淡淡骨膠原😙另外點左兩個小食。金磚豆腐外面灑上椒鹽好香口，而豆腐滑脫脫👍🏼 椒鹽粟米🌽好特別，切開咗食好方便，加上椒鹽同炸蒜🧄原來味道好夾喎😋食到暖笠笠，飲返杯青檸檬泰國梳打水，即刻清爽曬😎Menu

見到餐廳個名咁特別，就停低睇吓係食咩😆原來係食花膠雞🐥架～即刻入去試一試，滋補下先😌雖然係茶餐廳形式，不過店家都好用心，就算係米線都係以鑊仔跟火爐上枱，咁就唔驚好快凍曬，而且啲湯仲會越煮越濃味😋招牌花膠雞米線有大大篇嘅花膠，鍾意食林嘅可以煲多陣先食～雞肉嘅份量都唔少，肉質唔鞋。重點係個雞湯，雞味非常濃郁而且飲完唔會口渴，相信應該冇落味精。連小朋友都飲左一碗半🤣胡椒豬肚雞麵湯底亦都係非常香濃，有好重嘅胡椒同埋鹹菜味，上海麵吸曬啲湯，好正😍仲要越煮越濃縮，冬天食嘅話非常暖身🔥金磚豆腐外皮香脆而豆腐非常嫩滑。椒鹽粟米🌽灑上椒鹽同炸蒜，非常香口~

同女友係灣仔行緊街諗緊食咩之際 見到有間野叫痴膠雞 心諗個名咁搞笑 行埋去睇下個餐牌 又真係幾多野食同幾平喎 咁就俾個機會試試佢入到去 一坐低已經有個超熱情既姐姐斟左兩杯羅漢果茶我地飲 飲落去都幾甘甜 重點係唔洗錢的 姐姐見我地唔知食咩好 就推薦左我地幾樣野黎食胡椒豬肚雞米線: 呢個我個人好鍾意下 本身個湯底好重胡椒味 d米線仲要索哂d湯 真係超正 d豬肚同雞又爽又滑 重要佢真係好有heart 佢係一個爐仔咁㷫住咁上檯 真係keep住熱辣辣咁食 好正蜜糖雞翼: 呢個真係無得輸 咬落去外脆內軟 d皮係脆到咬落去會'sok'一聲 加埋面頭果浸蜜糖 真係perfect match黑松露薯條: 新鮮熱辣就梗架啦 但我覺得個重點係係個醬到 佢較得好香濃 食入口真係成陣黑松露味撲過黎咁 好欣賞呢間小店 食物質素真係幾高 最緊要係價錢十分親民 咁平既價有咁高既食物質素 真係cp值爆燈

同朋友係港島收工唔知道港島有咩抵食行行下見到呢間名夠特別我地就走入去試下啦，靚姐好熱情，詳細介紹菜式香港地想有個美好服務既餐廳真係少見了試下小食先！金磚豆腐豆腐切成一塊塊方磚形狀，十分可愛好啦，味道如何呢！一上離係唔好即擺入口，真係熱辣辣，等2分鐘，慢慢放入口！呢個豆腐外脆里嫩，风味独特，調味夠，炸得適合，最緊要價錢都好平！32蚊有一大份！呢個黑松露薯條一樣都係熱辣辣，配上特色黑松露醬，每條薯條都充滿香濃黑松露味道花膠雞一上離已經聞到濃濃雞湯味道，而且裡面有大片花膠同埋大量雞，等滾熱之後就可以食啦！雞夠滑而且唔會太肥，感覺好養生可以加上配菜，要埋竹笙搭配，吸收湯的味道，夠養生夠健康！鰻魚炒飯絕對係驚喜製作，鰻魚有不少，同埋炒得超級香又入味，講真估唔到鰻魚飯都會禁正最讓人沉迷係蜜糖雞翼，脆炸的外皮加上滑滑的雞肉，簡直係最愛又邪惡，配上芝麻同蜜糖，十分回味店鋪乾淨明亮，而且價錢好抵食，之後會再離!

今日嚟咗灣仔，見到呢間米線店—癡膠雞，望落個名幾有趣，於是決定入去食dinner😚招牌花膠雞米線 ($68)- 花膠雞果然係招牌，一上檯就好有visual上嘅衝擊，大大嚿軟淋嘅花膠、黃油雞件，仲有奶白嘅湯底，最重點係有明火嘅小爐煮住，熱辣辣超惹味😎椰子雞米線 ($60)- 椰子雞都係冇得彈，湯頭清甜，有滿滿嘅椰子片同木耳，爽身脆口，米線份量都好足，滑脫脫😚蜜糖雞翼 ($34)- 雞翼揸得超級有驚喜，外脆內嫩，金黃脆身嘅雞皮下完美鎖住肉汁，每啖咬落去都格外juicy 味道仲係香甜嘅蜜糖，滋味爆登😍黑椒薯仔牛柳粒 ($38)- 牛柳粒都吵得幾有鑊氣，香甜嘅表皮少少微焦，肉質保持到其鮮嫩， 幾有咬口，薯仔都煮得唔錯，軟硬適中😆金磚豆腐 ($32)- 金磚豆腐都好高質，金磚豆腐外脆內軟，係椒鹽嘅加持下更加係風味倍增☺️手拍青瓜 ($28)- 手拍青瓜好有驚喜，調味好惹味，酸辣可口，而且青瓜好正，咬落清脆爽口，作為小食一流😋飲品方面叫蜜桃烏龍冷泡茶 (+$10)，茶底甘香，適合一啲唔鍾意甜飲嘅人；泰國梳打 (+$10)解暑一流，有汽嘅飲品果然喺炎炎夏日冇得輸😊整體食得幾開心，飽到捧住肚仔走😄