瘋狂小面 (佳德商業大廈)

营业中

休息中

自從麻辣火鍋喺香港興起後，我對麻辣既熱愛就有增無減。見到朋友上載到IG既串串相非常吸引，當然要搵個機會黎試下。呢間餐廳位於商業大廈一樓，樓下唔見有廣告宣傳，第一次黎真係要搵搵。上到去估唔到全場滿座，好彩有一枱人剛剛食完，我地就可以舒舒服服坐卡位！《瘋狂二人餐 $238》二人餐包括30串素菜及30串肉類，可以選擇熱或是冷湯，我就選了麻辣熱湯，感覺和吃火鍋一樣！店員提醒我們要等5分鐘才開始吃，應該是讓麻辣湯滲透到食材裡吧！差不多每款食物都有2串，那就可以和朋友一人一串！肉類方面有肝、腎、雞翼尖、牛肚等等，而素菜類就有海帶、蓮藕、豆腐、菇菌類，本來覺得不夠多，但吃起來的時候發現越吃越有驚喜。《ABCD餐 $93》豌雜麵對我來說很有新鮮感，原來是重慶的地道特色食物，加入了豌豆會肉碎的干面，可以自行選擇辣度，我點了BB辣所以完全不辣，而面身質感軟滑，我還另外加了大排，就是把肉煮得很軟綿的排骨。棒棒雞 +$28成都老冰粉

SPICY GIRLS ARE HERE🙋🏻‍♀️🌶❤️冬天漸漸來臨❄️正正代表要食辣野暖身 聽講呢間店係過江龍四川菜 一於去潮聖先💓。🍢瘋狂缽缽雞(二人餐) $238葷30串🥩·素30串🥦 總共係60串啊‼️一啖一串 完全滿足到咩都想試嘅你🤤仲有分四人和六人餐 啱晒一班朋友開心share👭👬湯底方面—可選麻辣 或 藤椒😗唔想食太辣 所以揀左後者但原來辣度都唔惹小😳越食越麻 超級過癮 推介推介👍🏻。🍜瘋狂豌雜面 (撈麵)⚠️重口味人士請注意 呢個你一定會鍾意👅豌豆配上雜醬 再加上越食越辣🌶🌶🌶嘅感覺真係好刺激啊💥。🍜瘋狂大排面 (湯麵)肉排煮得好淋身 配上川味香料 兩個字：香辣‼️。🍘小食：涼拌木耳丶泡椒鳳爪唔好睇碟鳳爪好似唔辣 但其實殺傷力超強🔪🔥超辣😂。甜品🍮：成都老冰粉食食下個口好麻好辣，點算❓食碗冰粉真係可以解辣😍冰粉類似涼粉口感 topping有酒釀丶提子乾 增加口感而且淡淡酒香味🍻有驚喜😍。飲品🥂：烏梅汁酸酸甜甜 開胃又解辣😎

喺中環遇到間幾地道嘅四川小面/串串專門店，雖然喺商廈一樓唔係咁顯眼，但店裏依然有唔少人客。小面分為三種套餐，最豐富嗰款有齊麵、小食、飲品同甜品。湯底可以揀紅油麻辣湯或者胡椒白湯，想幾辣/加減啲咩全部有得話事。去過幾次四川雲南嘅我當然係揀紅油啦。湯底食得出花椒麻香，辣椒油亦好香。一入口可能會覺得唔算太麻太辣，但好戲在後頭，個人愈食愈暖。麵條索晒汁。肥腸夠薄身同入味，清理得乾淨。加錢嘅小食有驚喜。棒棒雞類似口水雞，不過就多咗花椒蓉。花椒喺雲南一帶盛產，當地人連小朋友都餐餐落花椒。嗰種麻麻地酸酸地嘅味道一試難忘。雞肉紮實惹味，黑色嘅蓉就係花椒喇，我放咗呢塊入口之後成條脷麻咗。試過紅油，串串(砵砵雞)就叫藤椒湯。湯底一字總括：麻！2人份量嘅砵砵雞有30串肉+30串菜，香港人基本上係冇可能食得晒。因為串串都係靠吸汁嚟調味，所以串串味道分別唔太大，食太多就會冇咁驚喜，多啲人分會好啲。冰粉解麻解辣一流！四川冰粉有啲似我哋嘅涼粉，不過就多咗花生、提子乾，值得一試。除咗各式飲品，店裏仲有售香港製造嘅門神酒，不過驚胃受唔住，都係唔試喇。

最愛麻辣🌶🌶🌶鍾意食麻辣嘅朋友，呢間就一定啱晒你喇呢度嘅麻辣，麻同埋辣係可以分開嗌㗎，好似我呢啲鍾意食麻，但係又唔食太辣嘅人，就叫左加麻同埋小辣🤤🤤貪心嘅我嗌左A+B+C+D set,即係有齊湯麵，飲品，小食同埋甜品🤭🤭食到勁飽都係百幾蚊，扺食呀佢個成都老冰粉好得意㗎，有花生有飯有芝麻，好九唔搭八，不過有幾解辣架喎😂

呢家愈黎愈多麻辣食物😆呢間位於中環🤓地點方便環境都唔錯😎是日黎食晚餐🥣叫左瘋狂缽缽雞🐣慢慢嘆店員介紹呢道菜可跟麻辣湯或藤椒湯🌶藤椒湯係麻而不辣😝兩款選擇仲可以選擇凍食或熱食😜好得意凍食係四川人風味😉熱食較岩香港人🙌🏻一個二人份有60小串🍢一半葷🥗一半素材料好豐富🤗每款有兩串一串一口好方便最終揀咗麻辣湯😌建議浸5分鐘後食較入味😚令每串夠哂麻又夠哂辣😋配啤酒🍻吹水一流

今日臨時同同事出去食Lunch 見到呢間諗著試下 未夠12點已經開始排緊隊 我地總共8個人 大枱比較少 所以我地只能夠眼望遲過我地黎既都已經入哂 而我地仲排緊等左大半個鐘終於俾左張枱我地 逼逼地坐著先裝修好古色古香我叫左《瘋狂牛肉面》BB辣，對我黎講已經好夠 愈食愈辣而且有少少麻 有層次 唔會得死辣跟著仲叫左D小食有《涼拌木耳》《蒜泥青瓜》《夫妻肺片》《棒棒雞》同堆《成都老冰粉》小食D辣汁都好似係一樣至於《成都老冰粉》個味唔識形容 好似有少少似涼粉撈花生咸咸地甜甜地甘 但唔多岩我口味中意試新野既可以一試

Walking along the street then I saw the sign of this restaurant. Then I searched through OpenRice. It shows that they are selling local Chinese spicy sticks. 😛The decorations were very special and nice. The design was like a chinese changing face opera. There was a set for 2. It comes with 30 meat sticks and 30 veggie sticks in spicy sauce 🌶 we choose either they are cooked in hot or room temperature spicy oil. But what I tried in China was room temperature, so we picked that one. We can also

去開中環，搵下附近有咩食，竟然搵到間正宗川菜本人好辣，就來試下！位於一棟商廈，位置神秘平日8點上到中環商廈，仲坐滿晒人，厲害店內環境算舒適，是晚太多客，店員安排我地坐高枱，椅子下有得放手袋，好貼心～酸辣粉～好多濃香既肉末，配菜足料，但估唔到咁辣呢辣到⋯⋯我成碗野只食到辣味唔通我揀漏左麻度同辣度？！瘋狂肉排麵👌揀左少麻少辣，都係好辣，但都勉強接受到，麵質不錯哦～成都老冰粉，凍冰冰，食完辣野食就岩晒，好食少少貴，一碗麵$73，加埋飲品$83，再加冰粉就$93！喜歡辣的朋友可以來試🌶🌶🌶

朋友推介這間瘋狂小面，在中環的樓上店，裝潢充滿四川特色。用下單紙自己去選擇所需要的口味、食品。選了瘋狂牛肉麵(BB辣)，因為怕太辣食不了。我習慣先喝一口湯底，感受一下它的味道。一喝，眼睛都開了!酸辣適中很惹味，令人一喝再喝。它的麵條很軟，適合我箍牙小妹去食，牛肉也很軟很好吃。另外小食叫了棒棒雞(其實是口水雞)以為很辣，因為整碗都是紅色，但也是很惹味，不會太辣。我覺得下一次我可以叫再辣一點，一級一級上去挑戰。哈哈!

第一次試試正宗四川風味的麵條。裝備很別緻也看得出有花過心思。點了素小面(加了HKD8 的豌豆)，點選了白湯，因此是不辣的。湯底不會過咸，亦配上了很多的蔥花。麵的份量很足，絕不手軟！茄子看下去好像很辣，但正如店舖強調的，重點是＂香＂，因此這碟小菜也真的不太辣，反而是挺有茄子的香味的，有驚喜粉子雖說是甜點，但它的味道也真是頗甜的藍蝶花飲品跟普通的汽水無異，但有些少雪梨粒粒在底。

平均一個人$150左右因為我地又加麵又加餸鍾水餃$28: 好味，有啲紅油抄手棒棒雞$28: 是口水雞呀醪糟粉子：估唔到咁好食，粉子好煙靭成都老冰粉：好似啫喱咁冰冰涼涼咁好食整體來說很好👍🏻回頭率90%

超級濃味之旅~叫咗瘋狂豌杂面，係乾拌麵，其實一啲都唔乾，個人認為係糊狀，除咗辣度可以自行選擇，麻度都有得揀鐘水餃好特別，原來係四川成都傳統地方小食，唔算好辣，個醬有蒜泥、芝麻油等等調味羅漢果冬瓜茶甜甜地，可以幫手解吓辣

呢間餐廳午飯時間好多人，其實都唔係好明點解咁多人，因為以麵黎講，呢度最低消費要$73都幾貴。環觀四周，主要既客人係內地上班一族，係咪可以理解為呢度既麵都幾正宗呢？見到瘋狂燒白面，每日限量15碗，物以罕為貴，試下呢個先，同事個個都叫牛肉麵。辣度同麻度都可以揀，兩樣我都揀左少，試下水溫先嘛。瘋狂燒白麵裡面既肉，其實就係梅菜扣肉個舊肉。好似要印証我講既野，碗麵仲有超多梅菜。肉少肥，有啲un, 個麵就唔錯有咬口，但偏少。個辣都做得唔錯，惹味但又唔會死辣，略嫌蓋過左個麻。同同事交換左一舊牛肉食，牛肉好食好多囉，夠軟淋。餐飲羅漢果冬瓜茶都唔錯，可以化解少少辣又健康。

这里午餐居然需要加一，并不好的环境和服务，如果想要多赚钱至少你要让顾客感到值得，每次没吃完服务生就开始收拾桌子赶人走午餐和两个朋友一起去吃，三个人同时拉肚子了，的确食材非常值得怀疑，肚子痛了一晚上，不会再去，希望老板不要再丢大陆同胞的脸面，赚钱要有个度数，食物已经不算便宜为和不能提供更好的环境，香港有些餐厅有加一的习惯，那是因为服务生的确会帮忙加水，询问菜式满意度，你没有付出就要加收费用和讹诈没有区别，极度差评，再也不会来

瘋狂小面之前係IG都略有所聞~決定同朋友試下，店內裝修有特色，磚牆加仿梨花木窗，一入門口就見到紫色光管招牌「瘋狂小面」叫左個缽缽雞二人set,有30支葷30支素，另外叫左一個一人set,一人set有瘋狂燒白麵，泡椒鳳爪，成都老冰粉同埋烏梅汁，白肉麵唔錯，寫住每日限量15碗，去到時比較早，所以仲有，味道幾好，鳳爪OK不過都有d辣呢個就係成都老冰粉，係咸咸地架，唔係好食得慣，裏面有酒釀，花生冰粉，黑白芝麻，不過幾解辣呢個就係瘋狂缽缽雞，材料好豐富，有蝦，雞肉，豬耳，好多種類，叫時首先可選麻辣湯或藤椒湯兩種，我地簡左藤椒湯，因為唔係度度有得食，比較特別，另外再選湯溫度，可選凍，暖，同埋熱湯，我地簡左凍，因為店員話呢個湯本身係凍食，但黎既時候都有d微暖，同埋店員建議先浸五分鐘，再反轉浸五分鐘，等食物入味才食用較好，雖然食到最尾有d咸，但係越食越麻，好有趣，但完全唔辣，都幾好味，食完數到有超過60支竹籤，好適合一邊傾計，一邊飲酒，所以佢都有賣唔同款既啤酒，~~值得一試