瘋狂小面 (佳德商業大廈)

营业中

休息中

這晚剛好與老公🍋在中環完成一天的工作💼，決定在附近覓食一下😋。記得之前聽說過一家打正旗號賣正宗四川風味的小店🤔，就來找一下吧😎~小店是位於1樓🏢，一進去就能看到了充滿中國味的裝潢🤩，木製的摺枱🌲配起金屬椅子，聽起來是風馬牛不相及的事🤔，但又出奇的沒有違和感😌。再加上了木製的屏風🌴、有著磚紋的牆身、有著面譜圖案👺的櫃子及霓虹燈招牌🌈，絕對不失品位和時代感💖。餐單📜很簡單，有著不同的麵食🍜及小食🍗等，老冰粉🍧當然也是不能少的。比較特別的則是缽缽雞🍢，他們有坊間少有的藤椒湯底😲。另外亦有提供手工啤酒🍺喔~泡椒鳳爪🐔：起源至重慶的民間小食😋，口感香辣爽脆，作為開胃前菜非常適合👍🏻。麻辣牛肉面🍜：湯底呈深紅色❤️，上面放了滿滿的蔥段，香氣撲鼻🤤。麵條掛湯力很強💪🏻，而意外地，湯底香而不辣😲，相反更有著點點的甜😋。一問之下，原來這個湯是由雞骨🐣及豬骨🐷熬成，並加入了不同的香料🌶，難怪如此香濃😍。牛肉🐮煮得很軟腍入味，帶上了一點點的筋，口感更好👍🏻。不要給上面那層厚厚的油給嚇倒😱，吃起來不單止太辣🌶，更不會有太大的膩滯感😊。瘋狂藤椒湯缽缽雞🍲：缽缽雞本是四川一味地道小食📍，而因為當地天氣較熱🌞，夏天時

星期六中午，人不多，座位闊落，環境舒適，店長非常有禮貌地介紹此店的菜式，在無禮貌下錯單計錯數催催促促是常識的香港飲食業有這樣的服務態度是很難得的。本人和妹妹不吃太辣，叫了一碗BB辣和BB麻的擔擔麵，BB麻的白湯大排麵。擔擔麵醬汁的香濃加上青瓜絲的清新，很合口味。另外大排麵的白湯濃而不膩，加上小小的麻，很適合不太吃辣的朋友。餐後的小食老冰粉是一個驚喜，平時在外吃不到。這間店適合吃辣和不吃辣的朋友，口味可自由選擇，就算叫不辣的，也香濃，是在中環吃東西的超值之選。

這晚很過癮! 朋友請食川菜, 兩個女孩唔大胃口, 但望見個menu, 總想咩都試試。貪心的我們做了個唔貪心的決定, 就是叫串串, 咁就好多串好開心lu! 我們點了個砵砵雞二人餐, 當中包括30 串葷同30串素, 湯底選了蕂椒湯。它是涼菜來, 但店員會很細心問使唔使加熱。湯來了, 有陣清辣香, 滿滿芝麻鋪面, 當中最好吃的有不少, 例如爽口薯仔片, 蓮藕片, 馬蹄, 青瓜等, 蝦都很爽又大隻! 肉類質感都很軟身, 全都很惹味! 我們也要滋補一番, 於是點了個藥膳雪豆蹄花湯, 當中的豬骨很軟身, 軟骨位很爽滑, 淮山直頭煲得好好味, 整壺湯都很有水準! 值得一試!

喜歡吃麻辣的我時常都會留意一下有什麼麻辣餐廳好吃，看見報導一間不錯的瘋狂小面是成都小面十強當然要走去試試。餐廳裝潢以灰白磚頭的牆壁配上木做的屏風感覺好有古色古香味道，地方坐位寬敞，環境舒適。瘋狂二人餐$238/份缽缽雞有冷湯或熱湯選擇，我們選了熱湯的麻辣口味，各有30串素，30串葷共有60串，喜歡辣的我配多一碟香辣乾碟。上菜後店員溫馨提示浸多5分鐘再番轉食會入味更多，辣度好啱我口味感覺麻而辣，一口一串，好易食，素串有萵筍、菜芯、腐皮、靑瓜、秀珍菇、蓮藕、栗米仔。。。。。。葷的配搭也有豬肚、雞腳、牛肚、蝦、魷魚、雞翼尖。。。。。。點上埋香辣乾粉麻辣味道慢慢滲透入味蕾真係越食越惹味，越食越辣味出，食完的竹籤可以放在上上竹籤筒裡好細心。店員很好還介紹我們點多一個自家製秘方淨麵再來浸一浸麻辣湯拿上來食，淨麵夠爽口彈牙，浸完的麵條好有四川味道 ，值得一試。瘋狂套餐麵組合$93瘋狂小吃 - 木耳第一淡食落去木耳已經感受到麻辣味道好有層次感，酸酸辣辣口味加上花椒粒同辣椒碎，木耳好入味而且爽口。瘋狂小面 - 酸辣粉蕃粉咬一口煙韌滑溜，湯底有肉碎、花生、芫萎香料湯底好濃郁。瘋狂甜品成都老冰粉黑白芝麻，花

【推荐菜式】疯狂钵钵鸡值得一提的是，这个钵钵鸡每天都限量供应，数量有限，想确保当天不会扑空的可以先预定，之前就看到隔壁桌专门来吃钵钵鸡的两个女生吃不到制作过程有一点长，好像是一串串串起来的，食物很干净，分量没有特别大，但我们三个人吃了图上两个面一个钵钵鸡一个棒棒鸡，然后端着肚子出来的至于口味，我觉得这个钵钵鸡主要是重麻，不在辣。但我感觉有一点甜甜的，反正适合我的口味 哈哈噢，我是一个浙江妹子来着，所以平时其实不太吃辣，一般都是小小辣，所以一看到这个我有点吓到，哈哈，我的两个朋友一个重庆人一个广西的，都巨能吃辣，他们觉得还行，但对他们来说不够辣棒棒鸡 这个我喜欢哦! 我觉得这个不麻，是辣的，但是这个辣，虽然对我来说很辣，但就是辣完了你又会忍不住吃那种可能因为这个是凉的，所以我觉得OK，也不是很油腻，之前不吃鸡皮的我也都一股路全吃下去了，下面这两款面的辣对本人来说是辣了疯狂豌杂面这个辣 后劲很足... 但是还不错，对于吃惯辣的朋友还是可能一般辣 哈哈【总结】店面藏的比较隐蔽，哈哈，在街边一个独栋大厦里面，可第一次去的小伙伴可能需要找一番，店里面环境还行，比较中国风偶尔去吃个一次还可以，因为

一入到去瘋狂小面，精緻裝修同埋陣陣香味就覺得去左大陸啲四川食店咁！未食都感覺到應該好正宗！我地分吃叫左套餐A+B+C+D全餐！只係$93再加啲小食！因為好抵呀我個碗係瘋狂肥腸面 紅湯 加左牛舌！湯底好濃，又有辣味又有麻既感覺，仲有足夠既咸味，真係一流！啲送既份量都好多下！媽媽個碗係白湯牛肉面，加左牛舌同埋豬肝！大碗到！白湯係上湯味，好好味！小食方面，夫妻肺片係小小酸，小小辣，有曬牛肚、牛舌！棒棒雞係紅油浸，比夫妻肺片辣小小，雞肉好食！鐘水餃，點個陣唔知係咩黎就試下，食落係甜甜地，小小似抄手既感覺同味道，好特別！雲耳酸酸辣辣好開胃！飲品我叫左紫貝天葵，因為我覺得可以下火、解辣、幫助消化！味道唔錯又大杯，加錢都值！甜品叫四川冰粉同埋己子雪耳紅棗糖水（熱），冰粉係第二次食，已愛上！佢可以任你喜歡如何切割，再撈埋啲糖水同提子乾，好好食！雪耳紅棗好潤好補，岩曬媽媽！好正呢間野！會再黎食！

好耐之前食過一次好正宗四川風味既瘋狂小麵，今次同一個朋友嚟，帶佢見識一下香港原來都有咁北方口味既川菜！嚟呢度食辣野，重點係呢個缽缽雞，相信香港其他地方都食唔到！除左缽缽雞之外，其實餐廳都有其他唔錯既選擇，由小食到主菜，再到甜品都有得揀！我朋友就叫左一個我上次飲過既藍碟花雪梨，賣相吸引，甜甜地，雪梨味香！飲落都解渴！小食我哋叫左個夫妻肺片，牛肚做得軟稔，辣味適中，呢度d辣係香，唔會死辣！另外一個唔食都唔知咁出色既鐘水餃，皮滑餡靚，一啖一口，個辣汁辣得嚟帶點咸同甜，用嚟伴餃係一絕！麵食我哋叫左個瘋狂牛肉麵share , 湯底惹味唔嗆口，小小辣多多fun, 食得辣不妨叫多d辣，牛肉炆得軟稔，牛味十足，份量足夠二人分享，麵條煙韌有加，索埋d湯汁嚟食更惹味！食完麵之後，缽缽雞終於出場，記得要在麻辣汁度等5 分鐘以上先好食！咁樣d麻辣汁先會更入味！我哋叫左個細窩，總共60 串，30串肉，30 串素，素菜大部份都鮮甜，加上麻辣汁就更香，都係嗰句，食得辣就可以叫辣d, 更過癮！ 而各類肉以内臟配上麻辣汁最出色，帶出内臟既鮮味之餘，同麻辣汁相映成趣！想食得再辣d?可以叫個香辣乾粉，好似食shake

久遺的川菜今日同朋友收工去試新野我們都超食得川味喺中環鬧市商業大廈上面有一間叫瘋狂小面專門係食川菜嘅我哋兩個人叫咗一個$238的缽缽雞有成60串小食 沈住充滿香嘅自家製辣汁真心好香 店員仲好細心同我地講要浸5分鐘之後先好食。味道會更出着我哋叫咗個＄93 ABCD套餐 叫咗個紅湯牛肉湯麵 加呢個泡椒鳳爪 蒸蛋 成都老冰粉真係好滋味呀 湯底勁出色 濃郁香辣個泡椒鳳爪夠冰涼又入味成都老冰粉 記得攪勻先食 好特別我都係第一次是口感好豐富 加左啲藥材芝麻 口感新鮮

有朋友介紹左一間係中環內街嘅川菜餐廳，話就話隱蔽，其實係地鐵站行過去都好快好易搵。餐廳有張點餐紙寫上套餐形式，A麵食+B飲品+C小食+D甜品，一次過嗌晒4款都係$93，非常之抵食。店員服務態度非常好。瘋狂既我地嗌左瘋狂牛肉麵，缽缽雞，夫妻肺片，鐘水餃同埋成都老冰粉。聽落好似嗌左好多咁，結果我地全部食晒，滿足牛肉麵份量都幾多，牛肉質感偏淋身，好有肉味。個湯底好好飲，有好香嘅麻椒味，愛辣既人要快啲去試下。朋友話缽缽雞有分凍食同熱食，由於凍食我未試過，所以直接嗌左個正常辣正常麻既凍食，後尾先知原來四川傳統係凍食，串類都有好多選擇，30串素加30串葷，有牛舌、雞肉、雞爪、魷魚、蝦、冬瓜、木耳、筍、青瓜，薯仔同菇類。今次我地最鐘意既係鐘水餃同埋成都老冰粉，呢2樣大家去到一定要試下，鐘水餃個醬汁非常特別，店員話呢個係正宗四川既做法，完全無介紹錯，食落非常開胃。至於成都老冰粉，冰涼酸甜，入面有芝麻，花生，山楂，提子乾等等，食完辣野食個冰粉做結尾絕對係爽吖!

🍴瘋狂小面 酸菜豬肚加肥腸麵😍🍴連埋小食 飲品 甜品 都係$93！呢間專食四川 成都地道麻辣麵同缽缽雞🍜🍡係正中環蘇豪區下面 係四川有分店 開到黎香港😉除左抵食 重做到一樣野 就係麻而不辣！🔥尤其是個小食夫妻肺片🙆🏻‍♀️大家可以放心叫紅湯 之後重有得揀bb-少-加 麻/辣😂實無死.肥腸好彈牙 腸皮比街邊食既厚 唔係淨得豬膏🙈+$13有三件 我覺得都值🤔酸菜豬肚就一般無咩特別 可能因為無胡椒😂食慣左重口味🤷🏻‍♀️食厭譚仔又經開中環可以一試 餐廳環境大 坐得幾舒服😌 .甜品質素都幾高！ 一定要試🍴成都老冰粉🍴食完碗辣野再嘆杯涼口甜冰粉 晶瑩剔透😋 冰粉上面有花生 酒釀米 青葡萄乾 等等 幾重味道又好有口感 推介🤩聽講係成都街邊既傳統甜品！.🍴酒糟粉子（溫☕️）🍴呢個就比較似平時食嘅酒釀丸子只不過丸子係不規則形狀😂 湯底唔會太甜 溫度岩岩好入口暖暖的☺️雖然我都係鍾意食圓形小丸子😜 但係佢都煮得好淋好煙韌😆👌🏻.🍴藥膳雪豆蹄花湯🍴$188一直都好鐘意藥膳湯既藥材味 但唔係度度有 又唔係間間好飲🤔所以一有中菜餐廳有我就會嗌🤩呢間足料就唔係特別足 都係一般有既唯山 黨參 菜材味唔算好濃 係易入口果隻

今日同朋友去左中環一帶行街，不知不覺已經7點幾了，聽人講soho區最近開左一間樓上麵館，叫瘋狂小麵，近近地，於是上左去試下啦。呢到空間都算大，坐落都相當舒服，走廊相當闊落，同平時地下鋪擠迫嘅環境有天淵之別。而裝修亦相當有中國特別， 有古時嘅瓦礫同磚，有種客棧嘅感覺。細心一睇，招牌嘅四隻大字都係用簡體字嘅，經了解後，原來呢間瘋狂小麵係內地連鎖鋪，主打四川嘅地道麵，今次發展到黎香港，相信係內地一定好受歡迎。睇睇個餐牌先，呢到最低消費73蚊，有一碗麵再加飲品。再加多十蚊可配多個前菜或甜品。我地叫左兩個套餐，分別係酸辣粉同豬肝麵，配埋柑桔檸檬同凍檸茶解解辣。此外，我地前菜仲叫左泡椒鳳爪同一款甜品，就係成都老冰粉。最後，我地兩個都超級鍾意藥膳，見到海報介紹緊一款，叫雪豆蹄花湯，於是就叫埋試試啦。講下豬肝麵先，首先氣味都相當吸引，有種統一牛肉面嘅香味，食落相當過癮，豬肝嘅數量亦相當多，十分滿足。而酸辣粉則酸度適中，唔會搶左原有嘅香味。順帶一提，呢到嘅辣度亦係唔係講笑，連前菜嘅鳳爪都頗辣。平時食開辣嘅我食BB辣都有啲吃力，大家一定要量力而為！終於到左我地嘅期待已久嘅雪豆蹄花湯，首先用料已經落左好重手

唔知食辣係咪真係會上癮 呢排越黎越鍾意食辣 連lunch都唔放過大家 一定要辣到口腫面腫咁返office！同事介紹話食呢個麻辣小麵 一出lift口已經聞到陣辣味 真係好上癮 因為個辣你完全見到又食到 好合理 好興奮 由踏入間舖開始 個人就好興奮啦 麵既選擇其實唔少 亦都可以嗌唔辣 我嗌左個白肉麵 類似係咁既名 舊白肉有啲啲似拉麵啲肉 但係其實我唔係好食肉 所以啲肉都俾曬人地 大家都話好味 個麵好香口 見到亦都食到落左好多配料調味 食完會有啲口渴 應該係因為落左味精或者好多調味料 (?) 仲嗌左個小食 青瓜好香蒜味 放入口好正 木耳辣辣地 都好好食 而且兩款都好清爽 算係唔錯既選擇 不過叫得小食 就真係好小呀 不過係好食既 嘢飲都有好多有趣既選擇 我嗌左個酸梅湯 唔錯可以解解辣 唔好好凍 無冰 但又有少少清涼 同辣嘢一齊食 都幾好㗎 嘢飲基本上都可以隨心try try無咩伏嘢 nice～

平時返工行開呢頭，一直都知有呢間叫瘋狂小面，但係本身小弟不是太食得辣所以唔係咁夠薑入黎挑戰，無錯，小弟正是比佢個大名嚇到，以為D面係瘋狂的辣。而今次因為差個愛食辣既同事一餐飯，就想睇佢應唔應付到同埋有咩Comment環境一個個京劇粵劇嘅面具圖案喺店嘅牆壁上面， 別有一番風格，令人覺得好似去左老中國餐廳咁。 餐廳燈光嘅佈置亦都經過巧妙設計， 燈光主要寫喺枱正上面，方便人影食物嘅時候有足夠嘅光線， 而枱之外嘅範圍就比較暗，營造出一個好舒服又帶點浪漫嘅感覺，係個好適合同人傾計既環境。餐牌呢度有3種瘋狂套餐揀，主要係睇大家除左面之外仲會加飲品，小食定甜品，抑或加晒但係除左張餐牌既野食，仲有其他既晚市食物，其中有個缽缽雞好像幾得意，但我今次同同事兩條友見好似食5落所以無嗌到食物我地嗌左兩個套餐，分別係擔擔麵同埋牛肉面。兩個都係跟小菜同飲品既套餐牛肉面有分紅湯同白湯，紅湯係辣既，白湯就唔辣咁解。我雖然5係好食辣，但微微地都食的，我揀左小辣小麻所以應該都無咩事既返完工咁辛苦緊係點多幾個配料慰勞下自己啦鹵蛋，牛肚，肥腸，大排，酸菜湯底無想像中咁辣，好欣賞廚師煮到麻而不辣既味道，非常易入口既麻辣面。而面

好耐冇update openrice呢排比較忙 食左都冇時間上黎呢次同朋友去左食辣野 佢係四川地道ga係香港站一出 行5分鐘就到啦店內裝修好中國風 好似真係番左大陸咁枱與枱之間都好闊落👍🏻好快店員安排左坐位俾我地枱面用竹筒裝筆同落單紙同成個店鋪ge裝修好搭 好襯我好鍾意呢種木ge小家具 餐牌選擇精而簡一時之間真係諗唔到食乜好 店員好熱心介紹野食佢特別推係香港其他地方食唔到ge四川地道美食 砵砵雞所以我地叫左一個面餐 砵砵雞🙂大排面餐+木耳+餐飲（$83）係中環食晚餐呢個價錢算係好平大排煮到好淋 而且肉質好嫩 面質彈牙 湯底麻辣辣 唔會得個辣字仲會帶有少少鮮甜 好好食木耳 辣辣的 好爽口 好正今餐重點 砵砵雞！🙂二人份量（$238）30串肉加30串菜好澎湃 傳統ge砵砵雞係凍食ge 但為左迎合香港人口味呢度係可以加熱 有麻辣味（較辣）同藤椒味（較麻）我地簡左加熱同麻辣味店員好細心叫我地浸5分鐘先食因爲係即整！真係好好食 會一串都少少地 好岩我地乜都想食少少ge心態 一定要試食完飲杯檸水同冰糖雪梨茶 爽總結鍾意食辣ge朋友千祈唔好錯過 店員好nice 好健談 照顧每個客人ge需要 砵砵雞必

今日去完中環整頭髮，男朋友過嚟接我一齊食飯，突然今晚想食粉麵嘅我話食南記食到有啲悶，於是佢提出去佢同事介紹嘅瘋狂小面，話係好正宗四川麻辣嚟，好辣嘅我有新嘢試就變得好期待~餐廳係位於一座大廈嘅一樓，入到去去覺得好寬敞，裝修都花咗心思，整到好似古色古香咁都幾特別！令我有種真係返咗內地嘅感覺！麵食嘅種類都幾多，而且可以追加小食加喺麵入面，有分開四個套餐A, B, C，A餐係基本嘅麵+飲品，B餐麵+飲品+小食/甜品，C餐麵+飲品+小食+甜品店員向我哋推介呢個藥膳雪豆蹄花湯，裡面係有黨參、當歸等等藥材再加咗去皮豬手燉八小時以上嘅湯，一聽個名已經流晒口水~ 豬手真係一啲都唔肥，完全無令到個湯有肥膩嘅感覺，加上濃濃嘅當歸味道，飲落好暖胃，如果冬天飲一定好正！瘋狂豬腸面加豬潤，湯底揀白湯少辣！湯底望落好清，但其實好入味超好飲，果然係廚師推介！豬腸洗得好乾淨，同豬潤一樣入口好爽！另加個小食捧捧雞，凍凍的唔太辣又無骨，啱晒鍾意啖啖肉嘅我們！我就叫左個瘋狂擔擔面加酸菜同牛肉少辣，麵質彈牙撈埋個擔擔麵汁係絕配，牛肉係用牛𦟌部分好淋好入味！另加左個蒸蛋好滑、好有蛋味！最後甜品時間叫左兩碗成都老冰粉，上面有山揸餅