瘋狂小面 (佳德商業大廈)

营业中

休息中

星期五去左中環睇醫生，之後諗住周圍去行下，去到近蘇豪區，見到有間樓上店。小店位於中環地段及樓上舖，裝潢帶有中國風。星期日 15:00時段人流很少，比較清靜。🔸我地點左個2人瘋狂缽缽雞 $238入面包括30串素菜及30串肉類，更可以選擇辣度、常溫 / 熱。我平常都吾係好食到辣，譚仔都只係食10小辣，一上菜我都諗住我食吾到幾多串。店員介紹可以先浸5 - 8分鐘，會更入味。但我們一直吃下去，辣度依舊不足。如果喜歡吃辣的朋友可能要叫加辣🌶🔸瘋狂套餐 $93包括一款自選麵，小吃，甜品及飲品瘋狂燒白肉 - 麵質超級彈牙，同埋索晒湯底的味道，腩肉超級入味

嗰日同朋友講開佢哋話食川菜一定要試下食砵砵雞，所以就搵到一間鋪頭啦我哋兩個人叫咗個套餐再加個酸辣粉，飽到上心口！先講係我係呢間餐廳食到覺得最好食嘅嘢先，就係佢個小食棒棒雞啦！唔好睇佢細細兜份量都唔少，冇骨的。麻辣適中，勁惹味呢個我哋揀咗正宗室溫嘅食法，叫左中辣。我覺得麻香辣嘅味道係正嘅，麻同香配合得好好。但可能叫咗室溫嘅關係中辣就唔係好辣，但我試左夾起一粒騰椒黎食，係辣到我傻既。所以食室溫可以試下食最辣，熱食就可能中辣都ok。因為睇過其他介紹話面係偏淋，而我唔鍾意食淋嘅面，所以叫咗個酸辣粉，而個酸辣粉又係超正！又係所有味道都做得好平衡！而且特別香辣。呢間已經列入左我其中一間最愛辣店！飲品OK，清甜解辣。

一入到間店， 就感覺自己已回到偉大的祖國。 招牌係殘體字；店內有祖國麻辣的氣味；招牌有著祖國的霓虹燈；不用坐高鐵已與偉大祖國接近。 坐下來看餐牌， 分紅湯及白湯，有濕有乾， 有辣有吾辣。 岩岩嬲嬲地，個人應為吾可再食辣， 就叫左個白湯麵。 碗麵到左後就覺得好蠢， 食落去，婉麵同阿媽煮既麵完全冇分別，不過係多左種大陸味。 講真白湯真係吾好食， 普通一碗麵，價錢算係好貴，又吾飽。祖國咁既貨色最多20元一大婉， 完全沒有特色可言。 白湯吾會再試。

難得星期五與老公齊齊早放工, 約左佢食四川餐館。位置中環大廈既1樓, 入去好有四川風味, 聞到麻香味就知冇揀錯。 坐落好舒服, 餐具乾淨, 唔駛多諗我們點左兩碗麵同share食缽缽雞套餐。缽缽雞二人套餐 $238餐廳堅持用正宗四川口味泡製, 用了雞, 辣椒, 芝麻等烹調。 即點即串, 浸上5分鐘以上已經好入味了。 材料上乘豐富, 有30串素和30串葷類。 一邊食一邊傾計好享受, 我最愛有: 淮山, 土豆, 豆腐干, 豬肚, 魷魚, 我老公最愛有: 牛舌, 蛋, 雞軟骨。 我們共同唔食既就係鴨舌。 我們平時食開小小辣既, 覺得呢個缽缽雞唔算辣, 主要有辣椒的香味，而且用菜籽油煉製，感覺不太膩。蕃茄煎蛋麵 $73睇落鮮紅色既湯底其實完全唔辣。 煎蛋煎到香脆全熟, 配左菇和青菜。 麵條係已經過左冷河, 彈性強, 蛋味濃。 飲品: 烏梅湯, 係室溫唔凍唔熱岩哂我。 烏梅味濃, 又酸又甜好清爽。紅油牛肉麵 $73牛肉粒加上青菜。 紅湯就係辣既就可以揀辣度和麻度。 呢個辣度比缽缽雞更勁。 羅漢果茶微熱保身。

最近都愛到港島區搵食 貪其美食夠多而且多元化 什麼樣式都有 加上最近天氣開始有點涼意 最岩吃辣 於是又是時候相約飯友一起出動尋辣之旅 之前search openrice時見到呢間名叫瘋狂小面已經好有興趣 好評不少加上有辣有唔辣仲有麻 實在值得去試一下 翻開餐單 美食唔算特別多 不過樣樣都好有特色 點了兩個套餐再多叫個招牌瘋狂缽缽雞 滿心期待 先飲杯熱羅漢果冬瓜茶暖一暖身 羅漢果茶不是第一次飲不過加埋冬瓜茶還是頭一次 飲落只有羅漢果味 不過勝在甜味不重 好岩食辣野襯住飲=P 這次選了瘋狂豌豆干面 廚師推介果真無錯 味道香濃麻味重 的確唔辣不過很麻 豌豆跟肉醬意外地很夾 食落口感豐富 除左干麵 點少得湯麵 呢碗白湯瘋狂牛肉麵雖然只係點左BB麻 不過麻味夠突出 麻得滋味 白湯湯底味道似胡椒湯 雖然跟牛肉麵不太相配 可是意外地味道很配 襯上香蔥芫茜香味迫人 牛肉鮮嫩唔鞋口 味道討好 瘋狂缽缽雞二人餐 選了熱食藤椒味 一上枱就已經有著濃烈既香料香氣 用上大量香脆白芝麻 整體味覺就更提升喇 缽缽雞一共有60串 素及葷各有30 雖然小小的 不過內容就好豐富 基本上飯友

辣得起勁@瘋狂小面中環士丹利街66-72號佳德商業大廈1樓一到秋到好想瘋狂食辣，暖身出汗加速代謝。辣得起勁，會否食到汗如雨下，請看以下分解。四川缽缽雞 $238 一共有60小串， 肉素各30串，每串細細的一小口，沉在香辣的油同湯中，食完一桌都是竹纖，很壯觀，藤椒湯非常惹味濃郁，小辣就唔會得個辣字而食不到食材味啦上湯素菜$32，食完一輪重口味，沒有平淡的來平均會受不了，還是乖乖要份素菜。另點麵餐$ 瘋狂燒白面，佢是五花腩肉，湯養是濃郁哦。成都老冰粉可以解辣，白色涼粉口感qq似愛玉，加上湯水，涼快灌入喉通體降溫解辣。

今日約了朋友飯聚，又係在中環搵食，凍凍到要食麻辣暖身，今次友人選了瘋狂小面，之前在openrice見到食評已經好想食，上到樓見到這個證書，都知佢係過江龍！應該不會中伏！但對於我這個平時只食10小麻辣的人，係一個挑戰我地就選了二個套餐$83/$93，再加這裡招牌菜瘋狂缽缽雞藤椒湯味熱食二人餐。今次的乾麵及湯麵選了BB麻。天氣涼涼地，先來兩杯熱飲羅漢果冬瓜茶，第一次飲這配搭，飲落只有羅漢果味，但甜度適中，真的好適合配麻辣的食物。第一次來食，當然要選廚師推介安全啦！我們選擇了瘋狂豌雜面（BB麻），食落真係好惹味，唔辣但麻，豆是淋淋地的跟肉醬很夾，BB麻也已經對我來說已經是小刺激緊接上枱的是這個招牌菜，瘋狂缽缽雞，我們要了藤椒味及選了熱食，有30串素+30串葷，一放下就聞到好香的香料味道，而且有好多好多我喜歡的芝麻芝麻是脆脆的，未食已經吸引。侍應教我們上枱等5分鐘，便翻竹簽過來再浸另一面5分鐘，感覺是流著口水的等待，忍耐住不要偷食這60串的內容都好豐富，雖然小小的，但食材吸了湯的味道係一絕。個人很愛薯仔及蓮藕，爽脆好食，見到我喜歡的鵪鶉蛋馬上要留影，這缽裡真的有好多不同食材，而且二人餐，每一樣

店舖舒適企理, 喜歡坐其bar枱, 不吊腳也不辛苦。套餐極具彈性, 可自由選擇自己的喜好。我選了瘋狂套餐 A + B + D $83 + 10%A : 瘋狂大排麵 (紅湯, BB辣, 走麻辣和芫荽)喝一口湯, 話雖是BB辣及走麻辣, 但都頗辣, 味道濃郁, 惹味暖身。幼麵質感偏軟腍, ribs軟腍入味, 當中夾雜了牛肉, 肉質乾韌。B : 烏梅汁烏梅汁酸味味之中帶點澀。D : 成都老冰粉 (凍)冰粉質感似啫喱, 加上花生, 芝麻, 生楂及提子乾, 為本身無味的冰粉增添口感和味道, 感覺不錯。題外話: 是次消費為$92 ($83 + 10%), 但店員開單收我$108, 付款時不為意, 回家始發現多付了$16。翌日致電餐廳, 餐廳確認多收費用, 並承諾退款。是次為一教訓, 即使餐廳願意退款, 也浪費了時間去領回多收費用, 下次真的要睇清睇楚。

今晚突然之間想同老婆嚟中環行吓街，其實好耐都冇過嚟中環行街，因為覺得呢度食嘢好貴，又全部都係西餐，但係今晚比我搵到呢一間餐廳，佢係食辣野嘅，而我哋都好鍾意食辣野呢間都算係一間隱世小店，因為佢係你意想唔到嘅地方，原來佢就匿埋左係度，係一個你冇察覺到嘅商業大廈入面，然後想去就會有呢間餐廳呀，我感覺真係好神秘餐廳嘅裝修好特別，好有中國色彩，我哋搵咗一個冇咁多人嘅位坐低，侍應就好好咁埋黎招呼我哋可能我哋個樣都唔似黎過，侍應好好咁同我地解釋個餐牌啦,有推介我哋食嘢啦,最後我哋嗌咗一盤好辣既砵砵雞，起碼睇相覺得好辣，個樣又好似好辣，但係咪真係拿呢就要嚟到先知啦我哋仲叫咗一碗瘋狂牛肉麵，湯底辣辣地，感覺有啲似擔擔麵呢一份叫做棒棒雞，感覺就似口水雞，都好好食呢一份叫做鍾水餃，其實都係普通嘅水餃，不過有啲唔同嘅，層皮厚啲，但係最好味都係佢個汁，酸酸甜甜咁其實呢度最特色嘅都係果份砵砵雞，雖然點解叫呠呠雞我真係唔清楚，但係二百零蚊有幾十串可以夠兩個人食好抵，食呢啲辣野我一定會叫碗白飯黎食嘅，當你食完個砵砵之後再迫左啲汁落去個白飯嗰度，撈埋一齊就會好好食架

我覺得這家的店名完全沒有改錯，因為它的辣真的很瘋狂!!!愛辣的朋友一定會愛上這家!!!和老公兩個人，一入店就見到店內推薦的瘋狂缽缽雞非常吸引!!!!而且點瘋狂缽缽雞更可以有買一送一雪花啤酒優惠。如此吸引，麻辣與啤酒，沒理由不點這個。瘋狂缽缽雞，一個當中有著60枝串串，內容是30素、30葷，不論是愛肉還是愛蔬菜都會滿足到，店內推薦的是瘋狂缽缽雞配藤椒湯，不過吃慣了麻辣，所以還是點了麻辣。這裡的麻辣湯有熱和凍的可選，不過因為比較難想像凍湯，所以還是選了熱湯~~但如果下次再來點這個，我會想選藤椒湯，因為應該會更甜更辣更好味。瘋狂缽缽雞內容真的很豐富，其實60串不是真的有60款食物，因為有些是會重複的，大概當作有15-20款食物吧。每串一口，好滋味，這個的辣是入口不錯，不會過辣，可以吃到香、麻、辣，幾重滋味!!當中有著杏鮑菇、雞翼尖、豬耳、菜心、木耳、鵪鶉蛋、雞肉、雞軟骨、冬菇、蝦子、魷魚、鴨舌、西蘭花、秀珍菇、藕片、豆乾、枝竹、雞腳...等等!!超豐富!!!另外，為了滿足澱粉質的追求XD我們點了一份瘋狂小面，原本好想試瘋狂燒白麵，可惜已經賣完Q_Q。唯有改點其他，最段選了瘋狂牛肉麵加肥腸~~

特別欣賞四川菜麻香辣，可以說是一個重口味的人，雖然這間” 瘋狂小面”不是地舖，但為了四處追尋四川美食，所以地點不是問題。 ” 瘋狂小面”位於中環商業大廈1樓，步出電梯已感受到四川香氣，門外寫了成都小麵十強的牌面，店內裝修甚有中國風，以面譜作點綴，置身四川川菜館的感覺。餐牌滿滿色彩繽紛的圖片，令人垂涎三尺，但奇怪的是只有圖，沒有標明價錢，原來這裡點餐是用點餐紙以套餐出售，瘋狂套餐分別分A，B，C，D (A是瘋狂小麵;B是瘋狂飲品;C是瘋狂小吃;D是瘋狂甜品) 價格由來已$73至$93，當中另有一些特別項目需要另加錢。點了兩個A+B+C+D全餐，每樣都想試，亦加了多項的瘋狂加料，瘋狂大滿足。湯底很濃，不是太辣，較多香料味，麵底幼細，做到掛汁效果，大家看看每樣料的大特寫吧，其中較欣賞牛肉及牛舌。小吃- 鐘水餃 + $28， 內餡只有豬肉， 醬油的調味不錯， 帶甜味的，油餃子皮很有彈性，細細粒，一口一件。小吃- 棒棒雞 + $28， 無骨的雞件，啖啖肉， 帶有濃郁的麻香味。飲品 –  羅漢果冬瓜茶 (熱)， 不會太甜，很清潤。飲品 – 金桔檸檬 +$5， 酸酸的很醒胃。甜品 - 成都老冰粉，

瘋狂燒白面 - 燒白瘦肉部分食起黎唔會柴，好入味，燒白入口即化，肥而不膩，咸香味濃。蕃茄牛肉面 - 朋友唔食得辣，就叫左個蕃茄牛肉面。個番茄湯底飲得出佢有真番茄而唔係用茄膏開水，真材實料，湯底甜中帶酸，好開胃！牛肉肉質唔錯，夠滑嫩。滷水拼盤 - 滷水併盤有豬脷、牛肚、豬耳、牛脷等，切得薄身而且乾身。滷得夠曬味，唔會過咸，配埋辣粉，夠曬惹味。成都老冰粉 - 一碗透明的啫喱上面撒左花生、山渣、酒糟、芝麻、提子乾等， 食落味道清爽微甜，加上花生芝麻，好香口，咸咸甜甜咁，味道好特別。鐘水餃 - 水餃皮薄嫩有彈性，肉餡好鮮甜而唔油膩。紅棗銀耳湯 - 銀耳好滑溜，湯粘稠香甜。

平日放工嚟到中環呢一間專食麵同辣野嘅餐廳食晚餐呢間餐廳嘅環境非常有特色，餐廳主要係走中國風嘅路線，將中國嘅特色呈現出嚟。餐廳主要係食麵，有各式各樣唔同嘅麵食，而且麵同小菜主要都係以麻辣為主，啱晒鍾意食辣嘅朋友仔。先黎蒜泥青瓜，係涼菜，青瓜鮮甜爽口，帶有蒜香，愈食愈開胃燒椒茄子，茄子切成一片片，好易入味，醬汁係甜同辣，食到花椒同八角既香味鐘水餃，個名都幾特別，係酸辣既味道，帶有芝麻香，水餃皮厚薄適中，肉質鮮嫩，點埋醬汁都幾惹味我就叫左瘋狂碗雜麵，係撈麵黎既，有肉碎、花生、豆蓉同蔥花等等，都幾豐富，辣辣地幾惹味，食到唔同既香料味。另外仲加左煎蛋同大排，煎蛋有少少漏黃，撈落麵度更香，大排肉質都幾滑，肥瘦適中，夠入味朋友仔就叫左肥腸牛肉湯麵，湯頭都幾濃郁，麵條軟硬適中，索哂d湯汁都幾正。肥腸爽口有彈性，牛肉都幾腍，好容易咬開，肉味重，唔錯飲品方面，叫左蝶豆花雪梨汁，顏色藍藍紫紫，好靚，雪梨味道清甜可口，非常解渴成都老冰粉，食辣野就最岩食呢個冰粉啦，可以有效地解辣，都幾多材料，有既花生、黑白芝麻、山楂、提子乾同酒糟，酸酸甜甜，味道都幾夾。

曾經聽朋友講過好食咁琴日放工後就同朋友黎試下啦裝修好有川菜館feel~套餐都好抵食! 最平只係$73起我地叫左$83餐有麵有小食有野飲upgrade左小食做👇🏻✨棒棒雞+$28✨鐘水餃+$28✨上湯素菜+$32麵就要左✨牛肉麵✨豬肚麵🍜棒棒雞同水餃睇落紅當當好辣咁但實際只係少少麻~雞好嫩滑, 而水餃入面有包餡 同平時食開既好唔同加個菜感覺健康少少😂牛肉麵既牛肉好淋唔韌, 白湯清清地帶點甜, 同麵條好夾豬肚麵就豬肚份量意外地多!有少少酸菜好過癮😋連飲品既羅漢果冬瓜茶都好好飲👍🏻當日都幾多普通話人士, 相信食物都幾正宗😆😋 味道：★★★★★💰 價錢：$$🌈 環境：★★★★★

呢間係睇左一個自己喜歡既youtube介紹而黎既，確實水準唔錯，好多謝你既介紹呀Alfred! 同男朋友一人叫咗一個面，仲有一個兩人份量嘅缽缽雞，其實兩個人黎食呠呠雞嘅話，可以叫一個面都夠～瘋狂肥腸面佢嘅麻辣非常有層次，傳統川菜既鹹鮮油香麻辣俱全，油而不膩，十級推薦肥腸洗得好乾淨，亦都煮得好腍好入味男朋友就叫咗一碗擔擔麵，呢一個係重慶既麻辣，除咗頭先講嗰幾種味道之外，佢仲多咗一種甜度，同樣係出色之作不過趁熱食好食好多，因為凍左之後就會變鹹，失去原本嗰種風味～跟餐飲品，柚子有淡淡既澀，雪梨水就清甜，兩款味道都好真缽缽雞，有60串，葷素各30串，印象中重複既食物好似得一兩款，所以每人食到二十幾種唔同食物，每款食材既質素仲要唔錯架，例如蝦好爽口彈牙每款食材一口大小，食起黎好方便藤椒湯麻香十足，麻到成個嘴唇都會痺架但完全唔辣，叫左冷湯，食起黎有種清爽既感覺。雖然湯面有一層油，但相信我，絕對絲毫膩感都無已經成為我最喜歡既餐廳之一，下次希望試到每日限量十五碗既燒白面誠意推薦比每一個鐘意食川菜既你！