瘋狂小面 (佳德商業大廈)

营业中

休息中

呢間餐廳午飯時間好多人，其實都唔係好明點解咁多人，因為以麵黎講，呢度最低消費要$73都幾貴。環觀四周，主要既客人係內地上班一族，係咪可以理解為呢度既麵都幾正宗呢？見到瘋狂燒白面，每日限量15碗，物以罕為貴，試下呢個先，同事個個都叫牛肉麵。辣度同麻度都可以揀，兩樣我都揀左少，試下水溫先嘛。瘋狂燒白麵裡面既肉，其實就係梅菜扣肉個舊肉。好似要印証我講既野，碗麵仲有超多梅菜。肉少肥，有啲un, 個麵就唔錯有咬口，但偏少。個辣都做得唔錯，惹味但又唔會死辣，略嫌蓋過左個麻。同同事交換左一舊牛肉食，牛肉好食好多囉，夠軟淋。餐飲羅漢果冬瓜茶都唔錯，可以化解少少辣又健康。