當文歷餅店 by Dominique Ansel (已結業)

依家夏日炎炎，出街一定要食返啲凍野降降溫❄️！當文歷餅店自從登陸香港後，一直成為打卡熱點，因為佢地既甜品造型精緻，味道特別，好似檸檬🍋茶、菠蘿包蛋糕🍰！我留意到原來最近佢地又有新產品💥，就係呢款菠蘿菠蘿蜜雪葩！呢款雪糕係用左菠蘿果蓉製成既冰涼雪葩，入口時會隱約食到沙冰，感覺即時清涼！而佢口感意外地順滑，比某韓國雪糕更滑，更有質地，冇咁快就溶哂😋！味道方面，雪葩甜度適中，而入面係自然菠蘿味，食落唔假/怪。同時大家可以拎上面果三塊白朱古力葉點綴下口感！最後相信呢個雪葩最特別，一定係下面一大塊燒菠蘿🍍！當你食完雪糕再食舊燒菠蘿時，菠蘿特別鮮甜多汁，真係菠蘿味level up！岩哂夏日行完街，食返舊消消暑！$68我覺得雪糕份量可以多一點😂，但佢造型、味道真好特別，快D約埋朋友去📸打卡啦！

由名廚Dominique Ansel 將香港文化帶入甜品創作中，有創意之餘又美味。✔️紙包檸檬茶 (HK$62)檸檬茶的外皮由白朱古力形成，而内涵主要由early grey mousse同佛手柑奶酪造成的蛋糕，餅底由餅乾脆脆及杏仁碎形成，整體都非常有心及精緻，層次多，口感豐富。 ✔️Blossoming Hot Chocolate （HK$68)當文歷經典之作，白色及黃色既棉花糖交疊，放在熱朱古力上溶化開花，超美的一杯熱朱古力，少女心爆棚，打卡一流。但這杯朱古力都頗為甜，有點兒膩口。✔️吉烈滑蛋三文治餐+選一杯飲料 (HK$118)麵包塗上了牛油同蛋黃醬，滑蛋的外皮用麵包糠炸至金黃色，而裏面就像玉子豆腐般的滑蛋，趁熱食，超滑超鬆軟。✔️Cappuccino 泡沫過多，咖啡味不太濃厚，只能說配上甜品，中和了甜品的味道，可以說是能解膩😂

之前經過凍櫃及看過餐牌後，已十分欣賞主廚運用香港文化作靈感的創意甜品，故這店一直是我的must try list。今次首先試檸檬茶蛋糕，因外表實在太酷似香港人常喝的本地紙包裝檸檬茶品牌，覺得最有心思的是連飲管也做了出來。用叉切開這甜品，主要見到伯爵茶忌亷及海棉蛋糕，加上白朱古力的外殼，混合一起吃也不過甜，不過由於外表實在太似檸檬茶，主觀上，實在希望這甜品能真的有相同或相似的味道，建議加入一層檸檬啫喱，那麼在口感及味道上，應該更豐富及清新。第二樣甜品叫菠蘿。菠蘿蜜，實在是菠蘿雪葩，放在烤過的鮮菠蘿座上，這樣的配搭，怎可能不好吃？當然，若能選用菲律賓黄金菠蘿，顏色更鮮黃。這是一個充滿夏日氣息的甜點，亦有點冰火的概念，吃着吃着，竟能召喚我在沖繩菠蘿園品嚐菠蘿甜點的美好回憶！再喝口冷萃奶茶，出奇地，走的不是港式奶茶風，是日式皇室奶茶的口味，入口醇香，不過甜或濃，也是我喜歡的類型，有令人透心涼的效果，確實消減了一點近來的鬱悶。希望下次能再來試菠蘿油或像魚蛋串的甜品吧！

早前呢間餅店開幕，被佢像真度極高兼極具創意嘅「菠蘿包」、「火腿通」、「紙包檸檬茶」蛋糕或慕絲洗哂版🧃⋯⋯.但其實佢地超厚嘅 🥪「吉列滑蛋三文治」(HK$88) 一樣吸睛同出色🤤🧡。唔好甜品嘅話可以試下。外層日式吉列炸粉唔會太厚太油，入面蒸蛋🥚仍然保持到嫩滑✨；配埋🌶微辣XO蛋黃醬，好夾好有新意😋。.相比之下，火腿芝士牛角包(HK$45)真係唔係好掂⋯ 芝士味濃但食落偏漏，重點係🧈太油。😰

小編一直好都想去呢間餐廳朝聖 奈何假日真係太多人排隊🤦🏻‍♀️ 令我失去想食佢的意慾😢 呢日小編閒日到訪 唔需要排除 非常舒服 餐廳以香港本地特色美食做主題 甜品都整得非常相似 而且味道都好有驚喜😍😍😍⁣⁣1. 魚蛋🍡 ($68)⁣賣相同真正的咖喱魚蛋好似 其實係炸紅豆雪糕糯米糍🍡 以火槍🔥燒到焦糖化 咬下去外熱內冷 有D似食炸雪糕的感覺 口感外脆內軟 成個甜品冰火🧊🔥交融 正呀 忍唔住一啖接一啖食 呢款甜品完成大開小編的眼界 非常驚喜 有別於平時一般的餅店 十分推介👍🏻👍🏻👍🏻👍🏻👍🏻👍🏻⁣⁣2. 港式奶茶曲奇杯🍪☕️ ($48)⁣主廚Dominique有個招牌曲奇🍪特飲，香港就用港式奶茶製作左個新版本 將曲奇杯整成好似益力多樽的外形 另外附上一小杯香濃幼滑的港式奶茶🍶 可以倒入樽品嚐 益力多蓋就用左白朱古力🍫製成 又有得玩又有得食 曲奇杯好鬆脆 好好食 不過少少偏甜 但小編仍然表示大滿足😋😋😋😋😋⁣

當文歷餅店是以香港特式小食設計一系列糕點，是一間非常有趣創新的餅店，每款都超呃like😂門口有個打卡位幾好拍📸，很想坐低食呢但jo唔敢太怕了，唯有買外賣買了四款糕點，每款都超呃like😂好有創意又富有香港特色紙包檸檬茶$62外層朱古力，中間係伯爵茶慕絲，但茶味唔夠濃香，真係買來影相🤣味道偏甜無大大驚喜好食指數：😋😋😋.皮蛋 $58這個好好食忘記影相😭 好濃朱古力和榛子味 道，中間係朱古力慕絲，有粒粒芝麻和曲奇幾有咬口，雖然也偏甜但飲住茶食ok，不錯👍🏻好食指數：😋😋😋😋菠蘿包 $65上層仿麵包蛋糕的口感幾好，好軟熟，入面係熱情果椰子口味，好creamy，食到有椰絲好有咬口，下層係脆脆，整體不錯幾得意好食指數：😋😋😋😋吉列滑蛋三文治 🥪 $88食第一啖真係嘩一聲，超級好食！jo第一次食吉列蛋，外層脆口中間厚蛋，勁juicy！超驚喜一定會encore好食指數：😋😋😋😋😋.整體賣相真係無得頂好有創意，味道不錯啦會再去食三文治🤣好想試益力多、魚蛋和菠蘿雪糕但一定要堂食，希望疫情快啲過整體評價：👍🏻👍🏻👍🏻👍🏻

首先要食依間當文歷餅店，我哋足足排咗一粒半鐘囉，而且喺排隊期間佢仲要不斷賣哂佢出名嘅甜品，真係勁驚入到去一款蛋糕都冇。其實排到入去嘅時候確實係真係乜都冇晒嘅，好彩個個服務生話仲有剩返一款，跟住我就即刻話落咗單先啦。咁今次就試咗好多嘢啦，其中我覺得比較好食嘅係真係三文治囉因為啲蛋真係超香同超滑，另外我亦都試咗個杯朱古力嘅咁呢就其實打卡係非常之好啦，因為嗰個棉花糖係會係你面前開花嘅，但係我就覺得有少少苦嘅但係都真係濃既所以呢朱古力熱愛者應該會幾鍾意嘅。反而你話佢一啲比較特色嘅嘢呢我就覺得唔係話真係咁值錢嘅，譬如個蛋糕其實我覺得不過不失啦，但當然啦因為其實我去完法國返嚟我覺得法國嘅甜品實在太好味，所以香港來講我其實唔係話真係覺得一間特別好食嘅。至於魚蛋我覺得都幾特別嘅因為其實佢炸得比較好味然後入邊又有雪糕咁我覺得依個反而值得一試同埋唔係太貴囉。

我係菠蘿控🍍見到有關菠蘿既甜品都會嘗試 但好少整得好味🤣依間好出名既甜品鋪都唔例外🙂菠蘿雪糕好fresh 但偏酸🤨個菠蘿肉更加唔洗講 又酸又老 咬落成口都係根😫完全物無所值 唸住如果雪糕唔好味都可以有果肉咬下 點知個果肉...比錢去丟垃圾🤭同埋等拿個雪糕都等勁耐樓面就勁多人企係度又無野做 而廚房整甜品既 就得一個人企 係咁做🤔跟住部單機就水蛇春咁長 都無人入去幫佢 眼見係咁la🤷🏻‍♀️可能運作模式係咁外觀打卡ok 味道真係唔ok👋

自從當文歷去年開業後一直想試適逢今次有期間限定水果撻有藉口去試吓.🥭台灣愛文芒果撻+椰汁糯米飯 $66🍈日本靜岡蜜瓜撻+茉莉花忌廉 $72🍑日本白桃撻+白桃果醬$72❤️無花果撻+黑芝麻醬 $72🍪港式奶茶曲奇杯 $48.四款果撻的水果夠多汁又新鮮芒果撻比較普通就係你預計到嘅芒果味蜜瓜配茉莉花的組合幾好蜜瓜夠juicy又滲出清幽花香土耳奇無花果加芝麻醬呢個配搭幾有驚喜估唔到無花果同芝麻味都幾夾白桃撻中大伏入面白桃果醬甜到食唔到飲水都唔掂.難得一遇當文歷再嗌左特色甜品港式奶茶曲奇杯益力多造型曲奇杯建議食法係倒入奶茶後一啖奶茶再咬一口曲奇純粹搞gimmick既產品奶茶同曲奇完全唔夾奶茶死甜曲奇杯係又甜又膩又厚吃到1/4就放棄左同場見到勁多人都食唔晒另一個大伏.有指當文歷餅店係由愛國人士代理加上食物質素一般而且定價過高仲要加一一件果撻要$62-72應該唔會再翻兜就算再有新產品都係親自飛去美國好啲

Polaf其實係第二次食哩間野，一次堂食一次外賣。(堂食篇) 1️⃣ Milk Tin Panna Cotta 黑白奶罐 $66 (5.5/10)最鍾意食甜野嘅Polaf都覺得呢個太甜🤢外面係白朱古力做，裏面嘅蛋糕亦都係用冧酒整，加埋海鹽焦糖奶凍，真係甜到冇得再甜嘅組合🤣冧酒味同焦糖味都非常突出但唔夾，用冧酒整嘅蛋糕過濕，水水地咁，影響口感🥺2️⃣ Macaroni 火腿通 $58 (5/10)Polaf都好期待哩個，賣相真係好滿足，但食落好失望😭通粉本身係帶有檸檬香味嘅芝士蛋糕，但食落無乜檸檬味，個質感完全好似齋食cream cheese咁，一啖已經好飽好飽🤢大食嘅Polaf結果都頂唔順，食淨1/3😶3️⃣ DKA (Dominique’s Kouigon Amann)$38 (7.5/10)好彩臨尾加咗哩個，出奇地好食，果然係全球熱賣嘅🥳裡面好酥化，牛油味好香，但食落唔油膩🥰好欣賞佢外層焦糖化咗，食落好似蝴蝶結同牛角包嘅合體💕(外賣篇)1️⃣ ⭐️Fish Ball 魚蛋⭐️$68 (8/10)即口即做嘅魚蛋，其實係紅豆雪糕糯米糍😍出面仲現場即燒到焦糖，相當脆口💕Pola

當文歷餅店😍夏日果撻祭7.10～7.19精心搭配不同味道的忌廉、果醬，入口後的風味、層次感令人驚喜連連😎🤩😋和歌山白桃非常清甜、加州士多啤梨酸甜又清新⋯無花果配黑芝麻忌廉👍🏻最有驚喜😋芒果配椰汁糯米飯味道港人最熟悉😎My favourites排位1-6👇🏻👇🏻👇🏻（🗝未試🤣🤣）4️⃣🍈 日本愛知縣蜜瓜 🥄茉莉花白朱古力醬、1️⃣🍑 和歌山白桃 🥄杏仁忌廉6️⃣🥭 台灣芒果🥄椰汁糯米飯🗝🌴 夏威夷木瓜🥄熱情果乳酪🗝🍊 南非粉紅西柚🥄芒果西米忌廉2️⃣🍓 加州士多啤梨🥄 Vanilla Mascarpone cream 🗝🍒 加州車厘子🥄羅勒忌廉🗝🥝 紐西蘭金奇異果🥄檸檬乳酪3️⃣🇹🇷 土耳其無花果🥄黑芝麻忌廉5️⃣🌺 泰國紅毛丹🥄vanilla cremeux

同朋友喺尖沙咀海運大廈食完lunch兩個女朋飯後緊係要食甜品黎左呢間諗住買件特色甜品點知甘啱比我地撞正當文歷一連十日既「夏日果撻祭」（至7月19日）好多生果撻都好想買晒黎食但最後都揀左日本和歌山白桃杏仁忌廉撻白桃甜而不酸 又香 又juicy番到office即刻沖番杯水蜜桃🍑果茶呼應番😛

名廚Dominique Ansel榮獲The World’s 50 Best Restaurants awards中的「全球最佳甜點主廚」當文歷餅店 將香港飲食文化融入甜點創作每次經過都見到排曬隊 食唔到機會終於黎喇 門口冇人排隊係門口等左around 10mins 就有位喇最近出左個期間限定 「菠蘿菠蘿蜜雪葩」緊係要試試佢啦用新鮮菠蘿同果蓉製作，菠蘿雪糕送係燒過既菠蘿上面，好似架船仔載住咁聞落好香 食落好清新 下面舊菠蘿燒過 暖暖地咁 咬落好多汁其他包都唔多介紹喇真係值得排隊試既

10日限定 • 必吃日本蜜瓜撻🍑🍈🍓🍒🥭🍊🥝🍑🍈🍓🍒🥭🍊夏天是吃水果的季節，話題多多的當文歷餅店選用世界各地矜貴水果，製作出一系列水果撻。每件fruit tart售價$62-$72，size有女仔手掌咁長，而每件都鋪滿新鮮貴價水果，撻皮做得鬆脆，每款生果都沒有浸過糖水，配襯不同味道的忌廉以及果醬，製作非常認真。🍈 日本愛知縣蜜瓜 + 茉莉花白朱古力 *🍑 和歌山白桃 + 杏仁忌廉 *🍓 加州士多啤梨+芝士忌廉🍒 加州車厘子+羅勒忌廉🥭 台灣芒果+椰汁糯米飯 *🌴 夏威夷木瓜+熱情果乳酪🍊 南非粉紅西柚+芒果西米忌廉 *🥝 紐西蘭金奇異果+檸檬乳酪🇹🇷 土耳其無花果+黑芝麻忌廉 *🌺 泰國紅毛丹+ 菠蘿雲呢拿忌廉*推介口味一次過試晒10款，個人最喜歡日本蜜瓜，整件水果撻的甜度輕手，完全突出到蜜瓜的清甜。最有驚喜的是無花果配黑芝麻忌廉；偏酸的粉紅西柚同芒果西米忌廉味道超匹配；芒果糯米飯也是穩陣的好吃。和歌山白桃非常清甜，美中不足是桃jam味道有點兒太搶；加州車厘子已去核，切得好靚，配味道大膽濃郁的羅勒忌廉，啱晒喜歡香草味嘅朋友。期間限定的生果撻只限售10日(7月10-19日)

第一次光臨熱門港女打卡勝地，試左佢依家最新推出既「菠蘿菠蘿蜜」。材料包括，一舊烤過既菠蘿、一pat菠蘿味雪葩及三塊白朱古力。雪葩係好食既 但又未好食到我會回頭再吃，朱古力無特別，菠蘿就真係麻麻地，食落有渣既😫！注意，要小心啲拎，隻菠蘿船係有翻側既危機，搖下搖下有少少失望既，因為間店平時好多人排隊...可能係我傻仔，走去出名賣餅既店舖食雪葩同埋烤菠蘿。。。😟 喂咁但係話晒都甜品店丫嘛😂😂 奉勸大家，如果排左好耐隊先入到去既 食其他野啦😉最後仲有一樣，舊菠蘿其實食起黎都幾輪盡，要飛擒大咬，食到流晒汁。如果想打卡另類啲，不妨影低個食相🤪