番茄濃湯專門店 (已結業)

同朋友打算去Vcity行一行，的士正好係條冷行落，未食野就行左入去望下，見呢間鋪係專食蕃茄湯麵，門面幾靚就試下。叫左蕃茄雞扒麵、蕃茄鴨胸米粉同一個炸蘑菇。有得加辣，轉蘋果汁都只係加一蚊。個湯底好濃，除左有蕃茄味、仲有洋蔥、香草味，唔係一般中式蕃茄湯，得蕃茄加個荽咁。至於雞扒同鴨胸就不過不失。炸蘑菇配黑松露醬，呢個幾特別，巨菇夾埋個醬好有香味，又無沙，好多時食都有沙。鋪頭好新淨，食物有心思，兩個人都唔使百五蚊，飽左大半日囉。